ꠔꠃꠞꠣꠔ ৪: ꠡꠥꠝꠣꠞꠤ 6:2 - Siloṭi Asmani Kitab (Nagri lipi)

² “ꠔꠥꠝꠤ ꠛꠘꠤ ꠁꠍꠞꠣꠁꠟꠞꠦ ꠎꠣꠘꠣꠁ ꠖꠦꠅ, ꠇꠥꠘꠥ ꠛꠦꠐꠣ ꠛꠣ ꠛꠦꠐꠤꠄ ꠎꠥꠖꠤ ꠘꠣꠎꠤꠞꠤꠀ ꠄꠔꠦꠇꠣꠚ ꠇꠞꠔꠣ ꠌꠣꠁꠘ, ꠝꠣꠘꠤ ꠈꠣꠟꠤ ꠝꠣꠛꠥꠖꠞ ꠄꠛꠣꠖꠔ-ꠛꠘ꠆ꠖꠦꠉꠤꠞ ꠟꠣꠉꠤ ꠀꠟꠣꠖꠣ ꠞꠅꠀꠞ ꠝꠣꠘ꠆ꠘꠔ ꠇꠞꠤꠟꠣꠄ,

ছিলটি আছমানি কিতাব (বাংলা লিপি)

² “তুমি বনি ইছরাইলরে জানাই দেও, কুনু বেটা বা বেটিয়ে যুদি নাজিরিয়া এতেকাফ করতা চাইন, মানি খালি মাবুদর এবাদত-বন্দেগির লাগি আলাদা রওয়ার মান্নত করিলায়,

Siloṭi Asmani Kitab (Latin lipi)

² “Tumi Boni Israilre zanai deo, kunu beṭa ba beṭie zudi Naziria etekaf ḳorta sain, mani kali Mabudor ebadot-bondegir lagi alada roar mannot ḳorilae,

ꠔꠃꠞꠣꠔ ৪: ꠡꠥꠝꠣꠞꠤ 6:2 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 33:16

ꠔꠥꠝꠤ ꠘꠣ ꠉꠦꠟꠦ ꠝꠣꠘꠡꠦ ꠇꠤꠟꠣ ꠛꠥꠎꠛꠣ, ꠀꠝꠣꠞ ꠃꠙꠞꠦ ꠀꠞ ꠔꠥꠝꠣꠞ ꠁ ꠛꠘ꠆ꠖꠣ ꠅꠇꠟꠞ ꠃꠙꠞꠦ ꠔꠥꠝꠣꠞ ꠞꠢꠝꠔ ꠀꠍꠦ? ꠀꠝꠞꠣꠃ ꠎꠦꠘ ꠖꠥꠘꠤꠀꠞ ꠢꠇꠟ ꠎꠣꠔꠤ ꠕꠣꠇꠤ ꠀꠟꠣꠖꠣ, ꠁꠈꠣꠘ ꠇꠤꠟꠣ ꠛꠥꠎꠛꠣ?”

ꠔꠃꠞꠣꠔ ৩: ꠟꠦꠛꠤꠀꠘ 20:26

ꠀꠝꠤ ꠝꠣꠛꠥꠖ ꠔ ꠙꠣꠇ-ꠙꠛꠤꠔ꠆ꠞ, ꠄꠞꠟꠣꠉꠤ ꠔꠥꠝꠞꠣꠅ ꠙꠛꠤꠔ꠆ꠞ ꠅꠁꠔꠦ ꠅꠁꠛ। ꠀꠝꠣꠞ ꠀꠙꠘ ꠙ꠆ꠞꠎꠣ ꠅꠀꠞ ꠟꠣꠉꠤ ꠀꠝꠤꠃ ꠔꠥꠝꠞꠣꠞꠦ ꠎꠉꠔꠞ ꠢꠇꠟ ꠎꠣꠔꠤ ꠕꠣꠇꠤ ꠛꠣꠍꠤꠀ ꠀꠟꠉ ꠇꠞꠍꠤ।

ꠔꠃꠞꠣꠔ ৩: ꠟꠦꠛꠤꠀꠘ 27:2

“ꠔꠥꠝꠤ ꠔꠣꠝꠣꠝ ꠛꠘꠤ ꠁꠍꠞꠣꠁꠟꠞꠦ ꠎꠣꠘꠣꠁ ꠖꠦꠅ, ꠇꠦꠃ ꠎꠥꠖꠤ ꠇꠥꠘꠥ ꠝꠣꠘꠡꠞꠦ ꠀꠟ꠆ꠟꠣꠞ ꠘꠣꠝꠦ ꠖꠦꠅꠀꠞ ꠝꠣꠘ꠆ꠘꠔ ꠇꠞꠦ, ꠔꠦ ꠅꠃ ꠎꠘꠞ ꠛꠖꠟꠣ ꠅꠟꠣꠈꠣꠘ ꠢꠣꠖꠤꠀ ꠖꠤꠔꠦ ꠅꠁꠛ:

ꠔꠃꠞꠣꠔ ৪: ꠡꠥꠝꠣꠞꠤ 30:3

“ꠇꠥꠘꠥ ꠀꠛꠤꠀꠔꠤ ꠙꠥꠠꠤꠄ ꠎꠥꠖꠤ ꠛꠣꠚꠞ ꠛꠣꠠꠤꠔ ꠕꠣꠇꠣꠞ ꠇꠣꠟꠅ ꠝꠣꠛꠥꠖꠞ ꠘꠣꠝꠦ ꠇꠥꠘ꠆ꠔꠣ ꠝꠣꠘ꠆ꠘꠔ ꠇꠞꠦ ꠛꠣ ꠇꠥꠘꠥꠔꠣ ꠇꠞꠣꠞ ꠅꠀꠖꠣꠄ ꠛꠘ꠆ꠖꠤ ꠅꠄ,

ꠔꠃꠞꠣꠔ ৪: ꠡꠥꠝꠣꠞꠤ 6:1

ꠝꠣꠛꠥꠖꠦ ꠝꠥꠍꠣꠞꠦ ꠇꠁꠟꠣ,

Injil 3: Luk 1:15

ꠄꠁꠘ ꠔ ꠝꠣꠛꠥꠖꠞ ꠘꠎꠞꠅ ꠛꠃꠔ ꠛꠠ ꠁꠎ꠆ꠎꠔꠤ ꠅꠁꠛꠣ। ꠎꠤꠘ꠆ꠖꠦꠉꠤꠄ ꠇꠥꠘꠥꠖꠤꠘꠃ ꠀꠋꠉꠥꠞꠞ ꠡꠞꠣꠛ ꠛꠣ ꠇꠥꠘꠥꠎꠣꠔ ꠘꠤꠡꠣ ꠈꠣꠁꠔꠣ ꠘꠣꠄ। ꠔꠣꠘ ꠝꠣʼꠞ ꠙꠦꠐꠅ ꠕꠣꠇꠔꠦꠃ ꠙꠣꠇ ꠞꠥꠢꠦ ꠇꠣꠝꠤꠟ ꠅꠁꠛꠣ।

Injil 5: Sahabi Nama 18:18

ꠙꠣꠃꠟꠥꠍ ꠀꠞꠅ ꠛꠃꠔ ꠖꠤꠘ ꠇꠞꠤꠘ꠆ꠔꠔ ꠞꠅꠀꠞ ꠛꠣꠖꠦ, ꠝꠥꠝꠤꠘ ꠅꠇꠟꠞ ꠉꠦꠍ ꠕꠣꠇꠤ ꠛꠤꠖꠣꠄ ꠟꠁꠀ ꠡꠤꠞꠤꠀ ꠖꠦꠡꠅ ꠎꠣꠁꠔꠣ ꠇꠞꠤ ꠇꠤꠋꠇ꠆ꠞꠤꠀ ꠘꠣꠝꠞ ꠎꠣꠎ ꠊꠣꠐꠅ ꠀꠁꠟꠣ, ꠀꠇꠤꠟ ꠀꠞ ꠚꠤꠍꠇꠤꠟꠣꠅ ꠔꠣꠘ ꠟꠉꠦ ꠀꠁꠟꠣ। ꠙꠣꠃꠟꠥꠍꠞ ꠄꠇ ꠝꠣꠘ꠆ꠘꠔ ꠀꠍꠤꠟ ꠇꠞꠤ ꠅꠘꠅ ꠀꠁꠀ ꠔꠣꠘ ꠝꠣꠕꠣꠞ ꠌꠥꠟ ꠇꠣꠝꠣꠁꠀ ꠎꠣꠎꠅ ꠃꠑꠟꠣ।

Injil 6: Ruman 1:1

ꠀꠝꠤ ꠙꠣꠃꠟꠥꠍ ꠔ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠉꠥꠟꠣꠝ। ꠞꠥꠝꠣꠘ ꠛꠣꠖꠡꠣꠁꠞ ꠞꠣꠎꠗꠣꠘꠤ ꠞꠥꠝ ꠐꠣꠃꠘꠞ ꠝꠥꠝꠤꠘ ꠅꠇꠟꠞ ꠉꠦꠍꠦ ꠅꠃ ꠍꠢꠤꠚꠣꠈꠣꠘ ꠟꠦꠈꠞꠣꠝ। ꠀꠟ꠆ꠟꠣ ꠙꠣꠇꠦ ꠀꠝꠣꠞꠦ ꠙꠍꠘ꠆ꠖ ꠇꠞꠤꠀ ꠀꠘꠍꠂꠘ ꠀꠟ-ꠝꠍꠤꠞ ꠍꠣꠢꠣꠛꠤ ꠅꠀꠞ ꠟꠣꠉꠤ ꠀꠞ ꠔꠣꠘ ꠛꠣꠔꠣꠁꠟ ꠈꠥꠡ-ꠈꠛꠞꠤ ꠔꠛꠟꠤꠉ ꠇꠞꠣꠞ ꠟꠣꠉꠤ।

Injil 8: 2-Korintia 6:16

ꠎꠣꠘ ꠔ, ꠙꠣꠇ ꠇꠣꠟꠣꠝꠅ ꠀꠟ꠆ꠟꠣꠄ ꠇꠁꠞꠣ, ꠀꠝꠤ ꠔꠣꠞꠣꠞ ꠜꠤꠔꠞꠦ ꠛꠡꠔ ꠇꠞꠝꠥ, ꠔꠣꠞꠣꠞ ꠟꠉꠦꠃ ꠌꠟꠣ-ꠚꠤꠞꠣ ꠇꠞꠝꠥ। ꠀꠝꠤ ꠅꠁꠝꠥ ꠔꠣꠞꠣꠞ ꠀꠟ꠆ꠟꠣ, ꠔꠣꠞꠣ ꠅꠁꠛꠣ ꠀꠝꠣꠞ ꠙ꠆ꠞꠎꠣ। ꠔꠦ ꠀꠝꠞꠣꠃ ꠅꠁꠟꠣꠝ ꠎꠤꠘ꠆ꠖꠣ ꠀꠟ꠆ꠟꠣꠞ ꠛꠡꠔ ꠈꠣꠘꠣ। ꠀꠟ꠆ꠟꠣꠞ ꠇꠣꠛꠣ ꠊꠞꠞ ꠜꠤꠔꠞꠦ ꠝꠥꠞ꠆ꠔꠤꠞ ꠇꠥꠘꠥ ꠎꠣꠉꠣ ꠀꠍꠦ ꠘꠤ?

Injil 9: Galatia 1:15

ꠅꠁꠟꠦ ꠀꠟ꠆ꠟꠣꠄ ꠔ ꠀꠝꠣꠞ ꠝꠣʼꠞ ꠙꠦꠐꠅ ꠕꠣꠇꠔꠦꠃ ꠀꠝꠣꠞꠦ ꠙꠍꠘ꠆ꠖ ꠇꠞꠍꠂꠘ, ꠔꠣꠁꠘꠃ ꠘꠤꠎꠞ ꠞꠢꠝꠔꠦ ꠀꠝꠣꠞꠦ ꠖꠣꠅꠔ ꠖꠤꠍꠂꠘ। ꠔꠣꠘ ꠝꠥꠘꠡꠣ ꠀꠍꠤꠟ,

Injil 19: Ibrani 7:27

ꠛꠣꠇꠤ ꠢꠇ꠆ꠇꠟ ꠙꠞꠗꠣꠘ ꠁꠝꠣꠝꠦ ꠙꠄꠟꠣ ꠔꠣꠘ ꠘꠤꠎꠞ ꠟꠣꠉꠤ, ꠛꠣꠖꠦ ꠔꠣꠘ ꠇꠃꠝꠞ ꠉꠥꠘꠣꠞ ꠟꠣꠉꠤ ꠙꠞꠔꠦꠇ ꠖꠤꠘ ꠇꠥꠞꠛꠣꠘꠤ ꠀꠖꠣꠄ ꠇꠞꠣ ꠟꠣꠉꠔ। ꠅꠁꠟꠦ ꠅꠃ ꠁꠝꠣꠝꠞ ꠟꠣꠉꠤ ꠁꠔꠣꠞ ꠎꠞꠥꠞ ꠀꠍꠤꠟ ꠘꠣ, ꠇꠣꠞꠘ ꠔꠣꠁꠘ ꠔꠣꠘ ꠘꠤꠎꠞꠦ ꠇꠥꠞꠛꠣꠘꠤ ꠖꠤꠀ ꠄꠇꠁ ꠛꠣꠞꠦ ꠁ ꠇꠣꠝ ꠀꠖꠣꠄ ꠇꠞꠤꠟꠤꠍꠂꠘ।