ꠔꠃꠞꠣꠔ ৪: ꠡꠥꠝꠣꠞꠤ 6:12 - Siloṭi Asmani Kitab (Nagri lipi)

¹² ꠀꠞ ꠀꠉꠞ ꠟꠣꠈꠣꠘ ꠢꠤꠞꠛꠣꠞ ꠝꠣꠛꠥꠖꠞ ꠘꠣꠝꠦ ꠀꠟꠣꠖꠣ ꠞꠅꠀꠞ ꠝꠣꠘ꠆ꠘꠔ ꠇꠞꠣ ꠟꠣꠉꠛ। ꠄꠞꠟꠉꠦ ꠖꠥꠡ-ꠇꠍꠥꠞꠤꠞ ꠇꠚꠞꠣꠞ ꠟꠣꠉꠤ ꠄꠇ ꠛꠍꠞ ꠛꠄꠅꠡꠤ ꠄꠉꠥ ꠝꠦꠠꠣ-ꠛꠣꠁꠌ꠆ꠌꠣ ꠇꠥꠞꠛꠣꠘꠤ ꠖꠤꠛ। ꠔꠣ-ꠅ ꠀꠉꠦ ꠎꠔꠖꠤꠘ ꠢꠦ ꠝꠣꠛꠥꠖꠞ ꠘꠣꠝꠦ ꠀꠟꠣꠖꠣ ꠞꠁꠍꠤꠟ, ꠁꠔꠣ ꠛꠣꠔꠤꠟ ꠅꠁꠎꠤꠛ, ꠇꠣꠞꠘ ꠢꠤ ꠡꠝꠄ ꠢꠦ ꠘꠣꠙꠣꠇ ꠅꠁꠉꠦꠍꠤꠟ।

ছিলটি আছমানি কিতাব (বাংলা লিপি)

¹² আর আগর লাখান হিরবার মাবুদর নামে আলাদা রওয়ার মান্নত করা লাগবো। এরলগে দুষ-কছুরির কফরার লাগি এক বছর বয়সি এগু মেড়া-বাইচ্চা কুরবানি দিবো। তা-ও আগে যতদিন হে মাবুদর নামে আলাদা রইছিল, ইতা বাতিল অইযিবো, কারন হি সময় হে নাপাক অইগেছিল।

Siloṭi Asmani Kitab (Latin lipi)

¹² Ar agor laḳan hirbar Mabudor name alada roar mannot ḳora lagbo. Erloge dush-ḳosurir koforar lagi eḳ bosor boyoshi egu meṛa-baichcha kurbani dibo. Ta-o age zotodin he Mabudor name alada roisil, ita batil oizibo, ḳaron hi shomoy he nafak oigesil.

ꠔꠃꠞꠣꠔ ৪: ꠡꠥꠝꠣꠞꠤ 6:12 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 12:5

ꠁ ꠛꠣꠁꠌ꠆ꠌꠣ ꠅꠁꠛ ꠘꠤꠈꠥꠔ, ꠄꠇ ꠛꠞꠍ ꠛꠄꠅꠡꠞ ꠙꠣꠑꠣ ꠛꠣꠁꠌ꠆ꠌꠣ ꠅꠁꠔꠦ ꠅꠁꠛ; ꠔꠥꠝꠞꠣ ꠝꠦꠠꠣ ꠛꠣ ꠍꠣꠉꠟꠞ ꠛꠣꠁꠌ꠆ꠌꠣ ꠘꠤꠔꠣꠄ ꠙꠣꠞꠛꠣꠄ।

ꠔꠃꠞꠣꠔ ৩: ꠟꠦꠛꠤꠀꠘ 14:24

ꠁꠝꠣꠝꠦ ꠖꠥꠡ-ꠇꠍꠥꠞꠤꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠝꠦꠠꠣ ꠀꠞ ꠅꠃ ꠔꠦꠟ ꠘꠤꠀ ꠝꠣꠛꠥꠖꠞ ꠍꠣꠝꠘꠦ ꠖꠥꠟꠘꠣ ꠇꠥꠞꠛꠣꠘꠤ ꠢꠤꠡꠣꠛꠦ ꠖꠥꠟꠣꠁꠛꠣ।

ꠔꠃꠞꠣꠔ ৩: ꠟꠦꠛꠤꠀꠘ 5:6

ꠀꠞ ꠅꠃ ꠉꠥꠘꠣꠞ ꠎꠞꠤꠝꠣꠘꠣ ꠢꠤꠡꠣꠛꠦ ꠢꠦ ꠝꠣꠛꠥꠖꠞ ꠘꠣꠝꠦ, ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠘꠤꠅꠔꠦ ꠄꠇꠐꠣ ꠝꠦꠠꠤ ꠛꠣ ꠍꠣꠉꠤ ꠀꠘꠛ, ꠀꠞ ꠁꠝꠣꠝꠦ ꠔꠣꠞ ꠉꠥꠘꠣꠞ ꠇꠚꠞꠣ ꠀꠖꠣꠄ ꠇꠞꠛꠣ।

ꠔꠃꠞꠣꠔ ৩: ꠟꠦꠛꠤꠀꠘ 5:7

“ꠀꠞ ꠢꠦ ꠎꠥꠖꠤ ꠝꠦꠠꠤ ꠛꠣ ꠍꠣꠉꠤ ꠀꠘꠔꠦ ꠅꠙꠣꠞꠉ ꠅꠄ, ꠔꠦ ꠅꠃ ꠉꠥꠘꠣꠞ ꠎꠞꠤꠝꠣꠘꠣ ꠛꠣꠛꠔ ꠖꠥꠁꠐꠣ ꠒꠥꠙꠤ ꠙꠣꠈꠤ ꠛꠣ ꠙꠣꠞꠅ ꠀꠘꠤꠀ ꠝꠣꠛꠥꠖꠞ ꠘꠣꠝꠦ ꠖꠤꠔꠦ ꠅꠁꠛ। ꠁꠔꠣꠞ ꠝꠣꠎꠞ ꠄꠉꠥ ꠅꠁꠛ ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤ, ꠀꠞ ꠖꠥꠍꠞꠣꠐꠣ ꠎꠣꠟꠣꠁꠟ ꠇꠥꠞꠛꠣꠘꠤ।

ꠔꠃꠞꠣꠔ ৪: ꠡꠥꠝꠣꠞꠤ 6:11

ꠝꠞꠣ ꠟꠣꠡꠞ ꠉꠦꠍꠦ ꠉꠤꠀ ꠢꠦ ꠘꠣꠙꠣꠇ ꠅꠀꠄ, ꠅꠈꠘ ꠔꠣꠞ ꠘꠣꠙꠣꠇꠤꠞ ꠉꠥꠘꠣ ꠝꠣꠚꠤꠞ ꠟꠣꠉꠤ ꠁꠝꠣꠝꠦ ꠄꠇꠐꠣ ꠙꠣꠈꠤ ꠖꠤꠀ ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤ, ꠀꠞ ꠖꠥꠍꠞꠣ ꠙꠣꠈꠤ ꠖꠤꠀ ꠎꠣꠟꠣꠁꠟ ꠇꠥꠞꠛꠣꠘꠤ ꠀꠖꠣꠄ ꠇꠞꠛꠣ। ꠅꠃ ꠖꠤꠘꠃ ꠝꠣꠛꠥꠖꠞ ꠘꠣꠝꠦ ꠔꠣꠞ ꠝꠣꠕꠣꠞꠦ ꠘꠄꠀ ꠇꠞꠤ ꠙꠣꠇ-ꠙꠣꠇꠤꠎꠣ ꠞꠣꠈꠔꠦ ꠅꠁꠛ।

ꠔꠃꠞꠣꠔ ৪: ꠡꠥꠝꠣꠞꠤ 6:13

“ꠎꠦꠇꠥꠘꠥ ꠎꠘꠦ ꠝꠣꠛꠥꠖꠞ ꠘꠣꠝꠦ ꠘꠣꠎꠤꠞꠤꠀ ꠄꠔꠦꠇꠣꠚꠞ ꠝꠤꠀꠖ ꠙꠥꠞꠣ ꠇꠞꠤꠀ ꠢꠣꠞꠟꠦ, ꠙꠛꠤꠔ꠆ꠞ ꠝꠤꠟꠘ-ꠔꠣꠝ꠆ꠛꠥꠞ ꠖꠥꠀꠞꠞ ꠇꠣꠘ꠆ꠖꠣꠔ ꠎꠣꠁꠛ।

ꠁꠘ꠆ꠎꠤꠟ ১: ꠝꠕꠤ 24:13

ꠅꠁꠟꠦ ꠢꠦꠡ ꠙꠞ꠆ꠎꠘ꠆ꠔ ꠎꠦꠞꠣ ꠐꠤꠇꠤꠀ ꠞꠁꠛꠣ, ꠄꠞꠣꠃ ꠞꠦꠢꠣꠁ ꠙꠣꠁꠛꠣ।

ꠁꠘ꠆ꠎꠤꠟ ১: ꠝꠕꠤ 3:15

ꠁꠍꠣꠄ ꠎꠥꠀꠙ ꠖꠤꠟꠣ, “ꠀꠁꠌ꠆ꠍꠣ, ꠅꠈꠘ ꠅꠟꠣꠃ ꠅꠃꠇ, ꠇꠣꠞꠘ ꠀꠝꠞꠣꠞ ꠃꠌꠤꠔ ꠅꠁꠟ ꠀꠟ꠆ꠟꠣꠞ ꠝꠞ꠆ꠎꠤ ꠙꠥꠞꠘ ꠇꠞꠣ।” ꠁꠈꠣꠘ ꠢꠥꠘꠤꠀ ꠄꠢꠤꠀ ꠞꠣꠎꠤ ꠅꠁꠉꠦꠟꠣ।

Injil 20: Iakub 2:10

ꠇꠦꠃ ꠎꠥꠖꠤ ꠡꠞꠤꠅꠔꠞ ꠢꠇ꠆ꠇꠟ ꠢꠥꠇꠥꠝ ꠀꠝꠟ ꠇꠞꠤꠀꠅ ꠈꠣꠟꠤ ꠄꠇ ꠢꠥꠇꠥꠝ ꠜꠣꠋꠉꠦ, ꠔꠦ ꠗꠞꠣ ꠅꠁꠛ ꠢꠦ ꠀꠡ꠆ꠔꠣ ꠡꠞꠤꠅꠔꠃ ꠅꠝꠣꠁꠘ꠆ꠘ ꠇꠞꠍꠦ।

Injil 24: 2-Hannan 1:8

ꠔꠦ ꠔꠥꠝꠞꠣ ꠢꠥꠡꠤꠀꠞ ꠞꠁꠅ, ꠎꠣꠔꠦ ꠔꠥꠝꠞꠣꠞ ꠝꠦꠘꠔꠞ ꠚꠟ ꠘꠣ ꠀꠞꠣꠁꠀ ꠡꠥꠟ꠆ꠟꠀꠘꠣ ꠙꠥꠞꠥꠡ꠆ꠇꠣꠞ ꠇꠣꠝꠣꠁꠔꠣꠄ ꠙꠣꠞ।