ꠔꠃꠞꠣꠔ ৪: ꠡꠥꠝꠣꠞꠤ 5:9 - Siloṭi Asmani Kitab (Nagri lipi)

⁹ ꠛꠘꠤ ꠁꠍꠞꠣꠁꠟꠦ ꠙꠣꠇ-ꠙꠛꠤꠔ꠆ꠞ ꠎꠔ ꠎꠤꠘꠤꠡ ꠁꠝꠣꠝꠞ ꠉꠦꠍꠦ ꠟꠁꠀ ꠀꠁꠛꠣ, ꠁꠔꠣ ꠢꠇ꠆ꠇꠟꠔꠣꠃ ꠁꠝꠣꠝꠦ ꠙꠣꠁꠛꠣ।

ছিলটি আছমানি কিতাব (বাংলা লিপি)

⁹ বনি ইছরাইলে পাক-পবিত্র যত জিনিস ইমামর গেছে লইয়া আইবা, ইতা হক্কলতাউ ইমামে পাইবা।

Siloṭi Asmani Kitab (Latin lipi)

⁹ Boni Israile fak-fobitro zoto zinish imamor gese loia aiba, ita hokkolta-u imame faiba.

ꠔꠃꠞꠣꠔ ৪: ꠡꠥꠝꠣꠞꠤ 5:9 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 29:28

ꠅꠃ ꠟꠣꠈꠣꠘ ꠛꠘꠤ ꠁꠍꠞꠣꠁꠟꠞ ꠖꠦꠅꠀ ꠅꠃ ꠇꠥꠞꠛꠣꠘꠤꠞ ꠐꠥꠇꠞꠣꠁꠘ ꠢꠞ-ꠢꠣꠝꠦꠡꠣ ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠦ ꠙꠣꠁꠛꠣ। ꠁꠔꠣ ꠅꠁꠛ ꠝꠣꠛꠥꠖꠞ ꠘꠣꠝꠦ ꠛꠘꠤ ꠁꠍꠞꠣꠁꠟꠞ ꠖꠦꠅꠀ ꠍꠣꠟꠣꠝꠔꠤ ꠇꠥꠞꠛꠣꠘꠤꠞ ꠄꠇꠐꠣ ꠅꠋꠡ।

ꠔꠃꠞꠣꠔ ৩: ꠟꠦꠛꠤꠀꠘ 10:13

ꠔꠥꠝꠞꠣ ꠙꠛꠤꠔ꠆ꠞ ꠇꠣꠛꠣ ꠊꠞꠞ ꠡꠤꠝꠣꠘꠣꠞ ꠜꠤꠔꠞꠦ ꠅꠔꠣ ꠈꠣꠁꠅ। ꠝꠣꠛꠥꠖꠞ ꠘꠣꠝꠦ ꠀꠉꠥꠘꠤꠔ ꠖꠦꠅꠀ ꠇꠥꠞꠛꠣꠘꠤꠞ ꠅꠃ ꠅꠋꠡ ꠔ ꠔꠥꠝꠣꠞ ꠀꠞ ꠔꠥꠝꠣꠞ ꠙꠥꠀꠂꠘ꠆ꠔꠞ ꠙꠣꠅꠘꠣ। ꠝꠣꠛꠥꠖꠦ ꠀꠝꠣꠞꠦ ꠅꠟꠣ ꠢꠥꠇꠥꠝ ꠖꠤꠍꠂꠘ।

ꠔꠃꠞꠣꠔ ৩: ꠟꠦꠛꠤꠀꠘ 10:14

ꠅꠁꠟꠦ ꠝꠣꠛꠥꠖꠞ ꠘꠣꠝꠦ ꠖꠥꠟꠘꠣ ꠇꠥꠞꠛꠣꠘꠤꠞ ꠍꠤꠘꠣ ꠀꠞ ꠞꠣꠘꠞ ꠉꠥꠡ꠆ꠔ ꠔꠥꠝꠞꠣ ꠀꠞ ꠔꠥꠝꠞꠣꠞ ꠙꠥꠀ-ꠙꠥꠠꠤꠘ꠆ꠔꠦꠅ ꠈꠣꠁꠔꠣꠄ ꠙꠣꠞꠛꠣꠄ। ꠎꠦꠇꠥꠘꠥ ꠙꠣꠇ-ꠍꠣꠚ ꠎꠣꠉꠣꠔ ꠛꠁꠀ ꠔꠥꠝꠞꠣ ꠁꠔꠣ ꠈꠣꠁꠅ। ꠛꠘꠤ ꠁꠍꠞꠣꠁꠟꠞ ꠢꠇꠟ ꠍꠣꠟꠣꠝꠔꠤ ꠇꠥꠞꠛꠣꠘꠤꠞ ꠉꠥꠡ꠆ꠔꠞ ꠅꠃ ꠅꠋꠡ ꠔꠥꠝꠞꠣꠞꠦ ꠀꠞ ꠔꠥꠝꠞꠣꠞ ꠙꠥꠀ-ꠙꠥꠠꠤꠘ꠆ꠔꠞꠦ ꠖꠦꠅꠀ ꠅꠁꠍꠦ।

ꠔꠃꠞꠣꠔ ৩: ꠟꠦꠛꠤꠀꠘ 10:15

ꠅꠃ ꠇꠥꠞꠛꠣꠘꠤꠞ ꠙꠡꠥꠞ ꠌꠞ꠆ꠛꠤ ꠎꠦꠛꠟꠣ ꠀꠘꠣ ꠅꠁꠛ, ꠅꠃ ꠡꠝꠄ ꠖꠥꠟꠘꠣ ꠇꠥꠞꠛꠣꠘꠤꠞ ꠟꠣꠉꠤ ꠍꠤꠘꠣ ꠀꠞ ꠞꠣꠘꠞ ꠉꠥꠡ꠆ꠔꠅ ꠀꠘꠣ ꠟꠣꠉꠛ। ꠝꠣꠛꠥꠖꠞ ꠢꠥꠇꠥꠝ ꠝꠣꠚꠤꠇ ꠅꠃ ꠞꠣꠘ ꠀꠞ ꠍꠤꠘꠣꠞ ꠉꠥꠡ꠆ꠔ ꠔꠥꠝꠤ ꠀꠞ ꠔꠥꠝꠣꠞ ꠙꠥꠀ-ꠙꠥꠠꠤꠘ꠆ꠔꠞ ꠌꠤꠞꠇꠣꠟꠤꠘ ꠙꠣꠅꠘꠣ।”

ꠔꠃꠞꠣꠔ ৩: ꠟꠦꠛꠤꠀꠘ 6:26

ꠎꠦ ꠁꠝꠣꠝꠦ ꠅꠃ ꠇꠥꠞꠛꠣꠘꠤ ꠀꠖꠣꠄ ꠇꠞꠛꠣ, ꠄꠁꠘ ꠅꠃ ꠉꠥꠡ꠆ꠔ ꠈꠣꠁꠛꠣ। ꠝꠤꠟꠘ-ꠔꠣꠝ꠆ꠛꠥꠞ ꠃꠑꠣꠘꠅ ꠙꠛꠤꠔ꠆ꠞ ꠎꠣꠉꠣꠔ ꠅꠃ ꠉꠥꠡ꠆ꠔ ꠈꠣꠁꠔꠦ ꠅꠁꠛ।

ꠔꠃꠞꠣꠔ ৩: ꠟꠦꠛꠤꠀꠘ 7:32

ꠍꠣꠟꠣꠝꠔꠤ ꠇꠥꠞꠛꠣꠘꠤꠞ ꠙꠡꠥꠞ ꠒꠣꠁꠘꠞ ꠞꠣꠘꠞ ꠉꠥꠡ꠆ꠔ ꠁꠝꠣꠝ ꠍꠣꠛꠞꠦ ꠖꠤꠟꠣꠁꠛꠣꠄ।

ꠔꠃꠞꠣꠔ ৩: ꠟꠦꠛꠤꠀꠘ 7:34

ꠛꠘꠤ ꠁꠍꠞꠣꠁꠟꠞ ꠖꠦꠅꠀ ꠢꠇꠟ ꠍꠣꠟꠣꠝꠔꠤ ꠇꠥꠞꠛꠣꠘꠤꠞ ꠉꠥꠡ꠆ꠔ ꠕꠣꠇꠤ ꠖꠥꠟꠘꠣ ꠇꠥꠞꠛꠣꠘꠤꠞ ꠍꠤꠘꠣ ꠀꠞ ꠒꠣꠁꠘꠞ ꠞꠣꠘꠞ ꠉꠥꠡ꠆ꠔ ꠀꠝꠤ ꠁꠝꠣꠝ ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠞꠦ ꠖꠤꠟꠣꠝ। ꠛꠘꠤ ꠁꠍꠞꠣꠁꠟꠞ ꠖꠦꠅꠀ ꠇꠥꠞꠛꠣꠘꠤꠞ ꠁ ꠅꠋꠡ ꠅꠁꠟ ꠔꠣꠞꠣꠞ ꠢꠣꠝꠦꠡꠣꠇꠥꠞ ꠙꠣꠅꠘꠣ ꠢꠇ।”

ꠔꠃꠞꠣꠔ ৪: ꠡꠥꠝꠣꠞꠤ 18:19

ꠝꠣꠛꠥꠖꠞ ꠘꠣꠝꠦ ꠛꠘꠤ ꠁꠍꠞꠣꠁꠟꠞ ꠇꠥꠞꠛꠣꠘꠤ ꠇꠞꠣ ꠢꠇꠟ ꠙꠛꠤꠔ꠆ꠞ ꠎꠤꠘꠤꠡ ꠔꠥꠝꠣꠞ ꠙꠣꠅꠘꠣ ꠛꠣꠛꠔ ꠀꠝꠤ ꠔꠥꠝꠣꠞꠦ ꠀꠞ ꠔꠥꠝꠣꠞ ꠀꠅꠟꠣꠖ ꠅꠇꠟꠞꠦ ꠌꠤꠞꠇꠣꠟꠞ ꠟꠣꠉꠤ ꠖꠤꠟꠣꠁꠟꠣꠝ। ꠁꠔꠣ ꠅꠁꠟ ꠝꠣꠛꠥꠖꠞ ꠟꠉꠦ ꠔꠥꠝꠤ ꠀꠞ ꠔꠥꠝꠣꠞ ꠅꠀꠞꠤꠡꠞ ꠟꠣꠉꠤ ꠌꠤꠞꠇꠣꠟꠤꠘ ꠌꠥꠇ꠆ꠔꠤ, ꠄꠞ ꠇꠥꠘꠥ ꠞꠖ-ꠛꠖꠟ ꠅꠁꠔ ꠘꠣꠄ।”

ꠔꠃꠞꠣꠔ ৪: ꠡꠥꠝꠣꠞꠤ 31:41

ꠝꠣꠛꠥꠖꠦ ꠝꠥꠍꠣ ꠘꠛꠤꠞꠦ ꠎꠦꠟꠣ ꠢꠥꠇꠥꠝ ꠖꠤꠍꠟꠣ, ꠔꠣꠁꠘ ꠝꠣꠛꠥꠖꠞ ꠙꠣꠅꠘꠣ ꠛꠣꠐ ꠘꠤꠀ ꠁꠝꠣꠝ ꠀꠟꠤ-ꠀꠎꠞꠞ ꠀꠔꠅ ꠅꠟꠣ ꠡꠝꠎꠣꠁ ꠖꠤꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 5:8

ꠈꠦꠔꠤ-ꠙꠥꠞꠘ ꠘꠦꠅꠀꠞ ꠎꠥꠇꠣ ꠝꠣꠘꠥꠡ ꠎꠥꠖꠤ ꠘꠣ ꠞꠂꠘ ꠀꠞ ꠔꠣꠞ ꠇꠥꠘꠥ ꠀꠙꠘ ꠎꠘ ꠘꠣ ꠕꠣꠇꠂꠘ, ꠔꠦ ꠁꠔꠣ ꠝꠣꠛꠥꠖꠞ ꠙꠣꠅꠘꠣ ꠅꠁꠛ। ꠅꠃ ꠈꠦꠔꠤ-ꠙꠥꠞꠘ ꠀꠞ ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠝꠦꠠꠣꠐꠣ ꠁꠝꠣꠝ ꠍꠣꠛꠦ ꠙꠣꠁꠛꠣ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 12:26

“ꠝꠣꠛꠥꠖꠞ ꠙꠍꠘ꠆ꠖ ꠇꠞꠣ ꠎꠣꠉꠣꠔ ꠔꠥꠝꠞꠣꠞ ꠙꠣꠇ-ꠙꠛꠤꠔ꠆ꠞ ꠎꠤꠘꠤꠡ ꠀꠞ ꠝꠣꠘ꠆ꠘꠔꠞ ꠎꠤꠘꠤꠡ ꠟꠁꠀ ꠎꠣꠁꠅ।