ꠔꠃꠞꠣꠔ ৪: ꠡꠥꠝꠣꠞꠤ 5:8 - Siloṭi Asmani Kitab (Nagri lipi)

⁸ ꠈꠦꠔꠤ-ꠙꠥꠞꠘ ꠘꠦꠅꠀꠞ ꠎꠥꠇꠣ ꠝꠣꠘꠥꠡ ꠎꠥꠖꠤ ꠘꠣ ꠞꠂꠘ ꠀꠞ ꠔꠣꠞ ꠇꠥꠘꠥ ꠀꠙꠘ ꠎꠘ ꠘꠣ ꠕꠣꠇꠂꠘ, ꠔꠦ ꠁꠔꠣ ꠝꠣꠛꠥꠖꠞ ꠙꠣꠅꠘꠣ ꠅꠁꠛ। ꠅꠃ ꠈꠦꠔꠤ-ꠙꠥꠞꠘ ꠀꠞ ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠝꠦꠠꠣꠐꠣ ꠁꠝꠣꠝ ꠍꠣꠛꠦ ꠙꠣꠁꠛꠣ।

ছিলটি আছমানি কিতাব (বাংলা লিপি)

⁸ খেতি-পুরন নেওয়ার জুকা মানুষ যুদি না রইন আর তার কুনু আপন জন না থাকইন, তে ইতা মাবুদর পাওনা অইবো। অউ খেতি-পুরন আর গুনার কফরার কুরবানির মেড়াটা ইমাম ছাবে পাইবা।

Siloṭi Asmani Kitab (Latin lipi)

⁸ Ḳeti-furon neoar zuka manush zudi na roin ar tar kunu afon zon na taḳoin, te ita Mabudor faona oibo. Ou ḳeti-furon ar gunar koforar kurbanir meṛaṭa imam sabe faiba.

ꠔꠃꠞꠣꠔ ৪: ꠡꠥꠝꠣꠞꠤ 5:8 Iomraidhean Croise

ꠔꠃꠞꠣꠔ ৩: ꠟꠦꠛꠤꠀꠘ 5:16

ꠀꠞ ꠢꠦ ꠅꠃ ꠙꠣꠇ-ꠙꠛꠤꠔ꠆ꠞ ꠝꠣꠟ-ꠍꠣꠝꠣꠘꠣꠞ ꠛꠦꠙꠣꠞꠦ ꠎꠦ ꠖꠥꠡ-ꠇꠍꠥꠞꠤ ꠇꠞꠍꠦ, ꠁꠔꠣꠞ ꠈꠦꠔꠤ-ꠙꠥꠞꠘꠅ ꠖꠤꠔꠦ ꠅꠁꠛ। ꠢꠦ ꠅꠃ ꠝꠦꠠꠣꠞ ꠖꠣꠝꠞ ꠟꠉꠦ ꠀꠞꠅ ꠙꠣꠌ ꠛꠣꠐꠞ ꠄꠇ ꠛꠣꠐ ꠙꠞꠤꠝꠣꠘ ꠘꠉꠖ ꠐꠦꠇꠣ ꠁꠝꠣꠝ ꠍꠣꠛꠞ ꠀꠔꠅ ꠖꠤꠛ। ꠛꠣꠖꠦ ꠁꠝꠣꠝꠦ ꠔꠣꠞ ꠇꠍꠥꠞꠤ ꠝꠣꠚꠤꠞ ꠘꠤꠅꠔꠦ ꠅꠃ ꠝꠦꠠꠣꠞꠦ ꠘꠤꠀ ꠖꠥꠡ-ꠇꠍꠥꠞꠤꠞ ꠇꠚꠞꠣꠞ ꠇꠥꠞꠛꠣꠘꠤ ꠀꠖꠣꠄ ꠇꠞꠤꠀ ꠢꠣꠞꠟꠦ, ꠢꠦ ꠝꠣꠚꠤ ꠙꠣꠁꠛ।

ꠔꠃꠞꠣꠔ ৩: ꠟꠦꠛꠤꠀꠘ 6:5

ꠛꠣ ꠎꠦꠇꠥꠘꠥ ꠝꠣꠟꠞ ꠛꠦꠙꠣꠞꠦ ꠝꠤꠍꠣ ꠇꠍꠝ ꠈꠣꠁꠍꠦ, ꠁꠔꠣ ꠢꠇꠟꠔꠣ ꠢꠦ ꠚꠤꠞꠔ ꠖꠤꠛ, ꠄꠞꠟꠉꠦ ꠎꠞꠤꠝꠣꠘꠣ ꠢꠤꠡꠣꠛꠦ ꠀꠞꠅ ꠙꠣꠌ ꠛꠣꠐꠞ ꠄꠇ ꠛꠣꠐ ꠛꠦꠡꠤ ꠖꠤꠛ। ꠢꠦ ꠎꠦꠖꠤꠘ ꠔꠣꠞ ꠖꠥꠡ ꠡ꠆ꠛꠤꠇꠣꠞ ꠇꠞꠛ, ꠅꠃ ꠖꠤꠘ ꠝꠣꠟꠞ ꠝꠣꠟꠤꠇꠞꠦ ꠁꠔꠣ ꠚꠤꠞꠣꠁ ꠖꠤꠛ।

ꠔꠃꠞꠣꠔ ৩: ꠟꠦꠛꠤꠀꠘ 7:7

“ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤ ꠀꠞ ꠖꠥꠡ-ꠇꠍꠥꠞꠤꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠘꠤꠅꠝ-ꠇꠣꠘꠥꠘ ꠔ ꠄꠇꠁ ꠘꠝꠥꠘꠣꠞ। ꠎꠦ ꠁꠝꠣꠝ ꠍꠣꠛꠦ ꠅꠃ ꠇꠚꠞꠣꠞ ꠇꠥꠞꠛꠣꠘꠤꠞꠦ ꠀꠖꠣꠄ ꠇꠞꠛꠣ, ꠄꠁꠘ ꠅꠃ ꠉꠥꠡ꠆ꠔ ꠙꠣꠁꠛꠣ।

ꠔꠃꠞꠣꠔ ৪: ꠡꠥꠝꠣꠞꠤ 5:7

ꠢꠦ ꠔꠣꠞ ꠉꠥꠘꠣꠞ ꠡ꠆ꠛꠤꠇꠣꠞꠥꠇ꠆ꠔꠤ ꠖꠤꠔꠦ ꠅꠁꠛ। ꠀꠞ ꠢꠦ ꠎꠦ ꠝꠣꠘꠡꠞ ꠈꠦꠔꠤ ꠇꠞꠍꠦ, ꠔꠣꠞꠦ ꠡꠥꠟ꠆ꠟꠀꠘꠣ ꠈꠦꠔꠤ-ꠙꠥꠞꠘ ꠖꠤꠔꠦ ꠅꠁꠛ। ꠎꠦ ꠎꠤꠘꠤꠡꠞ ꠈꠦꠔꠤ ꠇꠞꠍꠦ, ꠈꠦꠔꠤ-ꠙꠥꠞꠘ ꠢꠤꠡꠣꠛꠦ ꠅꠃ ꠎꠤꠘꠤꠡꠞ ꠝꠥꠟ ꠖꠣꠝꠞ ꠟꠉꠦ ꠀꠞꠅ ꠙꠣꠌ ꠛꠣꠐꠞ ꠄꠇ ꠛꠣꠐ ꠛꠦꠡꠤ ꠖꠤꠔꠦ ꠅꠁꠛ।

ꠔꠃꠞꠣꠔ ৪: ꠡꠥꠝꠣꠞꠤ 5:9

ꠛꠘꠤ ꠁꠍꠞꠣꠁꠟꠦ ꠙꠣꠇ-ꠙꠛꠤꠔ꠆ꠞ ꠎꠔ ꠎꠤꠘꠤꠡ ꠁꠝꠣꠝꠞ ꠉꠦꠍꠦ ꠟꠁꠀ ꠀꠁꠛꠣ, ꠁꠔꠣ ꠢꠇ꠆ꠇꠟꠔꠣꠃ ꠁꠝꠣꠝꠦ ꠙꠣꠁꠛꠣ।