ꠔꠃꠞꠣꠔ ৪: ꠡꠥꠝꠣꠞꠤ 5:3 - Siloṭi Asmani Kitab (Nagri lipi)

³ ꠛꠦꠐꠣ ꠛꠣ ꠛꠦꠐꠤ ꠅꠃꠇ, ꠅꠉꠥꠞꠦ ꠇꠦꠝ꠆ꠙ ꠕꠣꠇꠤ ꠛꠣꠞ ꠇꠞꠤ ꠖꠤꠛꠣꠄ। ꠛꠘꠤ ꠁꠍꠞꠣꠁꠟꠞ ꠇꠦꠝ꠆ꠙ ꠎꠣꠔꠦ ꠄꠞꠣ ꠘꠣꠙꠣꠇ ꠘꠣ ꠛꠣꠘꠣꠄ, ꠅꠃ ꠘꠤꠅꠔꠦ ꠅꠔꠣꠞꠦ ꠛꠣꠞ ꠇꠞꠤ ꠖꠤꠛꠣꠄ, ꠎꠣꠘ ꠔ, ꠡ꠆ꠛꠄꠅꠋ ꠀꠝꠤ ꠛꠘꠤ ꠁꠍꠞꠣꠁꠟꠞ ꠝꠣꠎꠦ ꠛꠡꠔ ꠇꠞꠤ।”

ছিলটি আছমানি কিতাব (বাংলা লিপি)

³ বেটা বা বেটি অউক, অগুরে কেম্প থাকি বার করি দিবায়। বনি ইছরাইলর কেম্প যাতে এরা নাপাক না বানায়, অউ নিয়তে অতারে বার করি দিবায়, জানো তো, স্বয়ং আমি বনি ইছরাইলর মাজে বসত করি।”

Siloṭi Asmani Kitab (Latin lipi)

³ Beṭa ba beṭi ouk, ogure kemp taki bar ḳori dibae. Boni Israilor kemp zate era nafak na banae, ou niote otare bar ḳori dibae, zano to, shoyong ami Boni Israilor maze boshot ḳori.”

ꠔꠃꠞꠣꠔ ৪: ꠡꠥꠝꠣꠞꠤ 5:3 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 25:8

“ꠀꠝꠣꠞ ꠞꠅꠀꠞ ꠟꠣꠉꠤ ꠔꠥꠝꠤ ꠛꠘꠤ ꠁꠍꠞꠣꠁꠟ ꠅꠇꠟꠞꠦꠖꠤ ꠙꠣꠇ-ꠙꠛꠤꠔ꠆ꠞ ꠄꠇꠈꠣꠘ ꠎꠣꠉꠣ ꠔꠂꠀꠞ ꠇꠞꠣꠁꠛꠣꠄ। ꠔꠦꠃ ꠀꠝꠤ ꠔꠣꠞꠣꠞ ꠟꠉꠦ ꠛꠡꠔ ꠇꠞꠝꠥ।

ꠔꠃꠞꠣꠔ ২: ꠢꠤꠎꠞꠔ 29:45

ꠀꠝꠤ ꠛꠘꠤ ꠁꠍꠞꠣꠁꠟꠞ ꠝꠣꠛꠥꠖ ꠅꠁꠀ ꠔꠣꠞꠣꠞ ꠝꠣꠎꠦ ꠛꠡꠔ ꠇꠞꠝꠥ।

ꠔꠃꠞꠣꠔ ৩: ꠟꠦꠛꠤꠀꠘ 14:8

ꠀꠞ ꠙꠣꠇ-ꠍꠣꠚ ꠛꠘꠞꠣ ꠅꠃ ꠛꠦꠝꠣꠞꠤꠄ ꠔꠣꠞ ꠇꠣꠙꠠ-ꠌꠥꠙꠠ ꠗꠁꠛ, ꠔꠣꠞ ꠉꠔꠞꠞ ꠀꠞ ꠝꠣꠕꠣꠞ ꠢꠇꠟ ꠌꠥꠟ-ꠞꠥꠝ ꠇꠣꠝꠣꠁꠀ ꠢꠣꠞꠤ ꠙꠣꠘꠤ ꠖꠤꠀ ꠘꠣꠁꠔꠦ ꠅꠁꠛ, ꠔꠦꠃ ꠢꠦ ꠙꠣꠇ-ꠍꠣꠚ ꠛꠘꠛ। ꠄꠞꠛꠣꠖꠦ ꠢꠦ ꠀꠁꠀ ꠛꠘꠤ ꠁꠍꠞꠣꠁꠟꠞ ꠇꠦꠝ꠆ꠙꠞ ꠜꠤꠔꠞꠦ ꠢꠣꠝꠣꠁꠔ ꠙꠣꠞꠛ, ꠅꠁꠟꠦ ꠔꠣꠞ ꠘꠤꠎꠞ ꠔꠣꠝ꠆ꠛꠥꠞ ꠛꠣꠞꠦ ꠡꠣꠔ ꠖꠤꠘ ꠞꠁꠔꠦ ꠅꠁꠛ।

ꠔꠃꠞꠣꠔ ৩: ꠟꠦꠛꠤꠀꠘ 15:31

“ꠅ ꠝꠥꠍꠣ ꠀꠞ ꠢꠣꠞꠥꠘ, ꠅꠃ ꠘꠝꠥꠘꠣꠄ ꠔꠥꠝꠞꠣ ꠛꠘꠤ ꠁꠍꠞꠣꠁꠟ ꠡꠝꠣꠎꠞꠦ ꠢꠇꠟ ꠘꠝꠥꠘꠣꠞ ꠘꠣꠙꠣꠇꠤ ꠕꠣꠇꠤ ꠛꠣꠌꠣꠁꠅ, ꠀꠞꠘꠣꠄ ꠔꠣꠞꠣꠞ ꠝꠣꠎꠦ ꠞꠅꠀ ꠀꠝꠣꠞ ꠙꠛꠤꠔ꠆ꠞ ꠛꠡꠔ ꠈꠣꠘꠣꠞꠦ ꠎꠥꠖꠤ ꠔꠣꠞꠣ ꠘꠣꠙꠣꠇ ꠛꠣꠘꠣꠁꠘ, ꠔꠦ ꠅꠃ ꠘꠣꠙꠣꠇꠤꠞ ꠖꠣꠄ ꠔ ꠔꠣꠞꠣꠞ ꠝꠞꠘ ꠅꠁꠛ।”

ꠔꠃꠞꠣꠔ ৪: ꠡꠥꠝꠣꠞꠤ 16:3

ꠅꠁꠀ ꠔꠣꠞꠣ ꠖꠟ ꠛꠣꠘ꠆ꠖꠤꠀ ꠝꠥꠍꠣ ꠀꠞ ꠢꠣꠞꠥꠘꠞꠦ ꠇꠁꠟꠣ, “ꠔꠥꠝꠞꠣ ꠔ ꠈꠥꠛ ꠛꠦꠡꠤ ꠛꠣꠠꠣꠛꠣꠠꠤ ꠇꠞꠞꠣꠄ। ꠀꠡ꠆ꠔꠣ ꠛꠘꠤ ꠁꠍꠞꠣꠁꠟꠞ ꠙꠞꠔꠦꠇ ꠝꠣꠘꠥꠡꠃ ꠎꠦꠛꠟꠣ ꠙꠣꠇ-ꠙꠛꠤꠔ꠆ꠞ, ꠝꠣꠛꠥꠖꠅ ꠔꠣꠞꠣꠞ ꠟꠉꠦ ꠀꠍꠂꠘ। ꠔꠦ ꠔꠥꠝꠞꠣ ꠝꠣꠛꠥꠖꠞ ꠛꠘ꠆ꠖꠣ ꠅꠇꠟꠞ ꠃꠙꠞꠦ ꠃꠡ꠆ꠔꠣꠖꠤ ꠇꠞꠞꠣꠄ ꠇꠦꠘꠦ?”

ꠔꠃꠞꠣꠔ ৪: ꠡꠥꠝꠣꠞꠤ 19:22

ꠘꠣꠙꠣꠇ ꠢꠣꠟꠔꠦ ꠁ ꠎꠘꠦ ꠎꠔꠔꠣ ꠍꠁꠛ, ꠁꠔꠣ ꠢꠇꠟꠔꠣ ꠘꠣꠙꠣꠇ ꠅꠁꠎꠤꠛ, ꠔꠣꠞ ꠍꠅꠀ ꠇꠥꠘꠥ ꠎꠤꠘꠤꠡ ꠎꠦꠉꠤꠄ ꠍꠁꠛ, ꠢꠦ-ꠅ ꠢꠣꠁꠘ꠆ꠎꠣ ꠙꠞ꠆ꠎꠘ꠆ꠔ ꠘꠣꠙꠣꠇ ꠞꠁꠛ।”

ꠔꠃꠞꠣꠔ ৪: ꠡꠥꠝꠣꠞꠤ 35:34

ꠀꠞ ꠔꠥꠝꠞꠣ ꠎꠦ ꠖꠦꠡꠅ ꠞꠁꠛꠣꠄ ꠀꠝꠤꠅ ꠔ ꠢꠘꠅ ꠞꠁꠝꠥ, ꠄꠞꠟꠣꠉꠤ ꠁ ꠖꠦꠡꠞꠦ ꠘꠣꠙꠣꠇ ꠛꠣꠘꠣꠁꠅ ꠘꠣ। ꠇꠣꠞꠘ ꠀꠝꠤ ꠝꠣꠛꠥꠖ ꠛꠘꠤ ꠁꠍꠞꠣꠁꠟꠞ ꠝꠣꠎꠦ ꠛꠡꠔ ꠇꠞꠤ।”

ꠔꠃꠞꠣꠔ ৪: ꠡꠥꠝꠣꠞꠤ 5:4

ꠔꠦꠃ ꠛꠘꠤ ꠁꠍꠞꠣꠁꠟꠦ ꠅꠟꠣ ꠇꠞꠟꠣ। ꠝꠣꠛꠥꠖꠦ ꠝꠥꠍꠣꠞꠦ ꠎꠦꠟꠣ ꠢꠥꠇꠥꠝ ꠖꠤꠍꠟꠣ, ꠔꠣꠞꠣ ꠑꠤꠇ ꠅꠃꠟꠣꠃ ꠇꠞꠟꠣ। ꠔꠣꠞꠣ ꠘꠣꠙꠣꠇ ꠢꠇꠟ ꠝꠣꠘꠡꠞꠦ ꠇꠦꠝ꠆ꠙ ꠕꠣꠇꠤ ꠛꠣꠞ ꠇꠞꠤ ꠖꠤꠟꠣ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 23:14

ꠈꠤꠀꠟ ꠞꠣꠈꠤꠅ, ꠔꠥꠝꠞꠣꠞꠦ ꠛꠣꠌꠣꠘꠤꠞ ꠟꠣꠉꠤ, ꠀꠞ ꠖꠥꠡꠝꠘꠞꠦ ꠔꠥꠝꠞꠣꠞ ꠀꠔꠅ ꠡꠙꠤꠛꠣꠞ ꠈꠤꠀꠟꠦ ꠔꠥꠝꠞꠣꠞ ꠝꠣꠛꠥꠖ ꠀꠟ꠆ꠟꠣ ꠔꠥꠝꠞꠣꠞ ꠇꠦꠝ꠆ꠙꠞ ꠜꠤꠔꠞꠦ ꠊꠥꠞꠣ-ꠚꠤꠞꠣ ꠇꠞꠂꠘ। ꠄꠞꠟꠣꠉꠤ ꠔꠥꠝꠞꠣꠞ ꠇꠦꠝ꠆ꠙꠞꠦ ꠙꠣꠇ-ꠙꠛꠤꠔ꠆ꠞ ꠞꠣꠈꠤꠅ, ꠀꠞꠘꠣꠄ ꠔꠥꠝꠞꠣꠞ ꠘꠣꠙꠣꠇꠤ ꠖꠦꠈꠤꠀ ꠝꠣꠛꠥꠖꠦ ꠔꠥꠝꠞꠣꠞ ꠃꠙꠞꠦ ꠕꠣꠇꠤ ꠝꠥꠈ ꠚꠤꠞꠣꠁꠟꠤꠛꠣ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 23:15

“ꠇꠥꠘꠥ ꠝꠣꠘꠡꠞ ꠇꠤꠘꠣ ꠉꠥꠟꠣꠝ ꠜꠣꠉꠤꠀ ꠀꠁꠀ ꠎꠥꠖꠤ ꠔꠥꠝꠞꠣꠞ ꠉꠦꠍꠦ ꠀꠡꠞꠄ ꠟꠄ, ꠔꠦ ꠔꠣꠞꠦ ꠔꠣꠞ ꠝꠣꠟꠤꠇꠞ ꠉꠦꠍꠦ ꠚꠤꠞꠣꠁ ꠖꠤꠅ ꠘꠣ।

ইঞ্জিল ১৪: ২-থিষল: 3:6

ꠜꠣꠁ ꠅꠇꠟ, ꠀꠝꠞꠣꠞ ꠢꠎꠞꠔ ꠁꠍꠣ ꠀꠟ-ꠝꠍꠤꠞ ꠘꠣꠝꠦ ꠅꠃ ꠢꠥꠇꠥꠝ ꠖꠤꠞꠣꠝ, ꠔꠥꠝꠞꠣꠞ ꠎꠝꠣꠔꠞ ꠇꠥꠘꠥ ꠁꠝꠣꠘꠖꠣꠞ ꠜꠣꠁꠄ ꠎꠥꠖꠤ ꠇꠥꠠꠤꠀꠝꠤ ꠇꠞꠦ ꠀꠞ ꠀꠝꠞꠣ ꠎꠦꠔꠣ ꠔꠣꠟꠤꠝ ꠖꠤꠍꠤ, ꠁꠔꠣ ꠘꠣ ꠝꠣꠘꠦ, ꠔꠦ ꠔꠣꠞ ꠟꠉꠦ ꠌꠟꠣ-ꠚꠤꠞꠣ ꠛꠣꠖ ꠖꠤꠟꠣꠅ।

Injil 17: Titas 3:10

ꠎꠦ ꠝꠣꠘꠡꠦ ꠖꠟꠣꠖꠟꠤ ꠟꠣꠉꠣꠄ, ꠔꠣꠞꠦ ꠙꠄꠟꠣ ꠄꠇꠛꠣꠞ, ꠛꠣꠖꠦ ꠖꠥꠍꠞꠣꠛꠣꠞꠅ ꠢꠥꠡꠤꠀꠞ ꠇꠞꠤꠅ, ꠁꠔꠣꠄ ꠎꠥꠖꠤ ꠢꠦ ꠘꠣ ꠛꠖꠟꠦ, ꠔꠦ ꠔꠣꠞ ꠟꠉꠦ ꠌꠟꠣ-ꠚꠤꠞꠣ ꠄꠇ꠆ꠇꠦꠞꠦ ꠛꠣꠖ ꠖꠤꠟꠣꠁꠅ।

Injil 27: Zaira Kalam 21:27

ꠘꠣꠙꠣꠇ ꠇꠥꠘꠥ ꠌꠤꠎ, ꠢꠣꠞꠣꠝꠈꠥꠞ ꠛꠣ ꠝꠤꠍꠣ ꠝꠣꠔꠞꠣ ꠇꠥꠘꠥ ꠝꠣꠘꠥꠡ, ꠇꠥꠘꠥꠖꠤꠘꠅ ꠁꠘꠅ ꠢꠣꠝꠣꠁꠔ ꠙꠣꠞꠔ ꠘꠣꠄ। ꠈꠣꠟꠤ ꠝꠦꠠꠣ-ꠛꠣꠁꠌ꠆ꠌꠣꠞ ꠎꠤꠘ꠆ꠖꠦꠉꠤ ꠈꠣꠔꠣꠞ ꠝꠣꠎꠦ ꠎꠦꠞꠣꠞ ꠘꠣꠝ ꠟꠦꠈꠣ ꠀꠍꠦ, ꠔꠣꠞꠣꠃ ꠢꠣꠝꠣꠁꠛꠣ।

Injil 27: Zaira Kalam 21:3

ꠛꠣꠖꠦ ꠀꠝꠤ ꠢꠥꠘꠟꠣꠝ, ꠢꠃ ꠛꠦꠢꠦꠡ꠆ꠔꠞ ꠔꠈ꠆ꠔꠅ ꠕꠣꠇꠤ ꠄꠇꠎꠘꠦ ꠎꠥꠞꠦ ꠎꠥꠞꠦ ꠇꠁꠞꠣ, “ꠅꠈꠘ ꠝꠣꠘꠡꠞ ꠝꠣꠎꠦ ꠞꠅꠀꠞ ꠟꠣꠉꠤ ꠀꠟ꠆ꠟꠣ ꠙꠣꠇꠞ ꠎꠣꠉꠣ ꠅꠁꠍꠦ। ꠔꠣꠁꠘ ꠝꠣꠘꠡꠞ ꠟꠉꠦ ꠛꠡꠔ ꠇꠞꠛꠣ, ꠀꠞ ꠔꠣꠞꠣ ꠅꠁꠛꠣ ꠔꠣꠘ ꠛꠘ꠆ꠖꠣ। ꠔꠣꠁꠘ ꠡ꠆ꠛꠄꠅꠋ ꠔꠣꠞꠣꠞ ꠟꠉꠦ ꠞꠁꠛꠣ, ꠔꠣꠞꠣꠞ ꠀꠟ꠆ꠟꠣ ꠅꠁꠛꠣ।