ꠔꠃꠞꠣꠔ ৪: ꠡꠥꠝꠣꠞꠤ 4:4 - Siloṭi Asmani Kitab (Nagri lipi)

⁴ “ꠇꠣꠢꠣꠔꠤ ꠅꠇꠟꠞ ꠇꠣꠝ ꠅꠁꠛ, ꠝꠤꠟꠘ-ꠔꠣꠝ꠆ꠛꠥꠞ ꠈꠣꠍ ꠙꠛꠤꠔ꠆ꠞ ꠌꠤꠎ ꠅꠇꠟꠞ ꠖꠦꠈꠣ-ꠢꠥꠘꠣ ꠇꠞꠣ।

ছিলটি আছমানি কিতাব (বাংলা লিপি)

⁴ “কাহাতী অকলর কাম অইবো, মিলন-তাম্বুর খাছ পবিত্র চিজ অকলর দেখা-হুনা করা।

Siloṭi Asmani Kitab (Latin lipi)

⁴ “Kahati oḳlor ḳam oibo, Milon-tambur ḳas fobitro siz oḳlor deḳa-huna ḳora.

ꠔꠃꠞꠣꠔ ৪: ꠡꠥꠝꠣꠞꠤ 4:4 Iomraidhean Croise

ꠔꠃꠞꠣꠔ ৪: ꠡꠥꠝꠣꠞꠤ 10:21

ꠄꠞꠣꠞ ꠛꠣꠖꠦ ꠀꠟ꠆ꠟꠣꠞ ꠊꠞꠞ ꠙꠣꠇ-ꠙꠛꠤꠔ꠆ꠞ ꠝꠣꠟ-ꠍꠣꠝꠣꠘꠣ ꠟꠁꠀ ꠇꠣꠢꠣꠔꠤ ꠅꠇꠟꠦ ꠞꠅꠀꠘꠣ ꠖꠤꠟꠣ। ꠇꠣꠢꠣꠔꠤ ꠅꠇꠟ ꠎꠣꠉꠣꠔ ꠉꠤꠀ ꠙꠃꠍꠣꠞ ꠀꠉꠦꠃ ꠀꠟ꠆ꠟꠣꠞ ꠊꠞ ꠈꠣꠠꠣ ꠇꠞꠣꠞ ꠇꠕꠣ ꠀꠍꠤꠟ।

ꠔꠃꠞꠣꠔ ৪: ꠡꠥꠝꠣꠞꠤ 4:15

ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠦ ꠎꠦꠛꠟꠣ ꠅꠃ ꠙꠣꠇ-ꠙꠛꠤꠔ꠆ꠞ ꠎꠤꠘꠤꠡ ꠅꠇꠟ ꠀꠞ ꠄꠛꠣꠖꠔ ꠈꠣꠘꠣꠞ ꠝꠣꠟ-ꠍꠣꠝꠣꠘꠣ ꠢꠇꠟꠔꠣ ꠉꠥꠞꠤꠟꠤꠛꠣ, ꠔꠣꠞꠣ ꠔꠣꠝ꠆ꠛꠥ ꠔꠥꠟꠤꠀ ꠍꠚꠞꠅ ꠛꠣꠞꠘꠤꠞ ꠟꠣꠉꠤ ꠎꠦꠛꠟꠣ ꠔꠤꠀꠞ ꠅꠁꠎꠤꠛꠣ, ꠅꠃ ꠡꠝꠄ ꠅꠔꠣ ꠛꠁꠀ ꠘꠤꠛꠣꠞ ꠟꠣꠉꠤ ꠇꠣꠢꠣꠔꠤ ꠅꠇꠟ ꠀꠁꠛꠣ। ꠅꠁꠟꠦ ꠔꠣꠞꠣ ꠇꠥꠘꠥ ꠙꠣꠇ-ꠙꠛꠤꠔ꠆ꠞ ꠌꠤꠎꠞꠦ ꠀꠔꠖꠤ ꠍꠁꠔꠣ ꠙꠣꠞꠔꠣ ꠘꠣꠄ, ꠍꠁꠟꠦꠃ ꠝꠞꠛꠣ। ꠝꠤꠟꠘ-ꠔꠣꠝ꠆ꠛꠥꠞ ꠅꠃ ꠢꠇ꠆ꠇꠟ ꠎꠤꠘꠤꠡ ꠔꠣꠞꠣ ꠛꠁꠀ ꠘꠤꠛꠣ।

ꠔꠃꠞꠣꠔ ৪: ꠡꠥꠝꠣꠞꠤ 4:19

ꠔꠣꠞꠣ ꠎꠣꠘꠥ ꠈꠣꠍ ꠙꠛꠤꠔ꠆ꠞ ꠌꠤꠎ ꠅꠇꠟꠞ ꠇꠣꠍꠣꠔ ꠉꠤꠀ ꠘꠣ ꠝꠞꠦ ꠛꠞꠋ ꠛꠣꠌꠤꠀ ꠞꠄ, ꠅꠔꠣꠞ ꠟꠣꠉꠤ ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠦ ꠀꠝꠣꠞ ꠊꠞꠞ ꠜꠤꠔꠞꠦ ꠉꠤꠀ ꠎꠣꠞꠎꠤꠞ ꠇꠣꠝ-ꠇꠣꠎ ꠛꠥꠎꠣꠁ ꠖꠤꠛꠣ। ꠀꠞ ꠇꠦ ꠇꠤꠔꠣ ꠛꠁꠀ ꠘꠤꠔꠣ, ꠅꠔꠣꠅ ꠑꠤꠇ ꠇꠞꠤ ꠖꠤꠛꠣ।

ꠔꠃꠞꠣꠔ ৪: ꠡꠥꠝꠣꠞꠤ 4:24

“ꠝꠤꠟꠘ-ꠔꠣꠝ꠆ꠛꠥꠞ ꠈꠦꠎꠝꠔ ꠇꠞꠣ ꠀꠞ ꠜꠣꠞ ꠛꠅꠀꠞ ꠡꠝꠄ ꠎꠣꠞꠍꠥꠘꠤ ꠅꠇꠟꠞ ꠇꠣꠝ ꠅꠁꠟ,

ꠔꠃꠞꠣꠔ ৪: ꠡꠥꠝꠣꠞꠤ 4:3

ꠔꠤꠡ ꠕꠣꠇꠤ ꠙꠁꠘ꠆ꠌꠣꠡ ꠛꠍꠞ ꠛꠄꠅꠡꠞ ꠎꠦꠔꠣ ꠛꠦꠐꠣꠁꠘ꠆ꠔꠦ ꠝꠤꠟꠘ-ꠔꠣꠝ꠆ꠛꠥꠞ ꠇꠣꠝ-ꠇꠣꠎ ꠇꠞꠣꠔ ꠀꠁꠛꠣ, ꠈꠣꠟꠤ ꠔꠣꠞꠣꠞꠦ ꠉꠘꠤꠅ।

ꠔꠃꠞꠣꠔ ৪: ꠡꠥꠝꠣꠞꠤ 4:30

ꠔꠤꠡ ꠕꠣꠇꠤ ꠙꠁꠘ꠆ꠌꠣꠡ ꠛꠍꠞ ꠛꠄꠅꠡꠞ ꠎꠦꠔꠣ ꠝꠣꠞꠣꠞꠤꠀ ꠛꠦꠐꠣꠁꠘ꠆ꠔꠦ ꠝꠤꠟꠘ-ꠔꠣꠝ꠆ꠛꠥꠞ ꠇꠣꠝ ꠇꠞꠔꠣ ꠙꠣꠞꠛꠣ, ꠔꠥꠝꠞꠣ ꠈꠣꠟꠤ ꠔꠣꠞꠣꠞꠦ ꠉꠘꠤꠅ।

ꠔꠃꠞꠣꠔ ৪: ꠡꠥꠝꠣꠞꠤ 4:5

ꠛꠘꠤ ꠁꠍꠞꠣꠁꠟ ꠍꠚꠞꠅ ꠛꠣꠞꠘꠤꠞ ꠡꠝꠄ, ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠦ ꠀꠝꠣꠞ ꠊꠞꠞ ꠜꠤꠔꠞꠦ ꠢꠣꠝꠣꠁꠀ, ꠢꠦꠞꠦꠝ ꠡꠞꠤꠚꠞ ꠙꠞ꠆ꠖꠣ ꠈꠥꠟꠤꠀ ꠢꠣꠞꠤ, ꠅꠈꠣꠘꠖꠤ ꠡꠣꠢꠣꠖꠔ ꠡꠘ꠆ꠖꠥꠇꠞꠦ ꠉꠥꠞꠤꠀ ꠖꠤꠛꠣ।

ꠔꠃꠞꠣꠔ ৪: ꠡꠥꠝꠣꠞꠤ 7:9

ꠅꠁꠟꠦ ꠟꠦꠛꠤꠞ ꠙꠥꠀ ꠇꠣꠢꠣꠔꠞ ꠉꠥꠡ꠆ꠐꠤꠞꠦ ꠁꠔꠣ ꠇꠥꠘ꠆ꠔꠣ ꠖꠤꠟꠣ ꠘꠣ, ꠇꠣꠞꠘ ꠘꠤꠅꠝ ꠀꠍꠤꠟ ꠔꠣꠞꠣ ꠈꠣꠟꠤ ꠙꠣꠇ-ꠙꠛꠤꠔ꠆ꠞ ꠌꠤꠎ ꠅꠇꠟ ꠖꠦꠈꠣ-ꠢꠥꠘꠣ ꠇꠞꠣ, ꠀꠞ ꠅꠔꠣꠞꠦ ꠇꠣꠘ꠆ꠖꠅ ꠇꠞꠤ ꠛꠁꠀ ꠘꠦꠅꠀ।

Injil 2: Markus 13:34

ꠅꠟꠣ ꠄꠇ ꠝꠣꠘꠡꠞ ꠟꠣꠈꠣꠘ ꠢꠤ ꠖꠤꠘ ꠀꠁꠛ, ꠎꠦꠁꠘ ꠛꠤꠖꠦꠡ ꠎꠣꠅꠀꠞ ꠡꠝꠄ ꠔꠣꠘ ꠉꠥꠟꠣꠝ ꠅꠇꠟꠞ ꠀꠔꠅ ꠢꠇꠟꠔꠣ ꠡꠝꠎꠣꠁ ꠖꠤꠀ ꠎꠣꠞꠎꠤꠞ ꠇꠣꠝ ꠛꠥꠎꠣꠁ ꠖꠤꠟꠣ। ꠀꠞ ꠌꠇꠤꠖꠣꠞꠞꠦ ꠇꠁꠟꠣ ꠢꠎꠣꠉ ꠞꠁꠔ।