ꠔꠃꠞꠣꠔ ৪: ꠡꠥꠝꠣꠞꠤ 4:16 - Siloṭi Asmani Kitab (Nagri lipi)

¹⁶ “ꠀꠞ ꠁꠝꠣꠝ ꠢꠣꠞꠥꠘꠞ ꠙꠥꠀ ꠀꠟꠤ-ꠀꠎꠞꠞ ꠃꠙꠞꠦ ꠌꠦꠞꠣꠉ ꠖꠣꠘꠤꠞ ꠔꠦꠟ, ꠎꠣꠟꠣꠘꠤꠞ ꠟꠣꠉꠤ ꠀꠉꠞ-ꠈꠥꠡꠛꠄ, ꠙꠞ꠆ꠔꠤꠖꠤꠘꠞ ꠗꠣꠘ-ꠉꠝꠞ ꠍꠖꠉꠣ ꠀꠞ ꠈꠦꠟꠣꠚꠔꠤ ꠡꠝꠎꠤꠛꠣꠞ ꠔꠦꠟꠞ ꠖꠣꠄꠁꠔ꠆ꠔ ꠞꠁꠛ। ꠀꠟ꠆ꠟꠣꠞ ꠊꠞ, ꠊꠞꠞ ꠢꠇꠟ ꠝꠣꠟ-ꠍꠣꠝꠣꠘꠣ, ꠝꠣꠘꠤ ꠄꠛꠣꠖꠔ ꠈꠣꠘꠣ ꠀꠞ ꠔꠣꠞ ꠢꠇꠟ ꠝꠣꠟ-ꠍꠣꠝꠣꠘꠣꠞ ꠔꠖꠣꠞꠇꠤ ꠞꠁꠛ ꠀꠟꠤ-ꠀꠎꠞꠞ ꠃꠙꠞꠦ।”

ছিলটি আছমানি কিতাব (বাংলা লিপি)

¹⁶ “আর ইমাম হারুনর পুয়া আলি-আজরর উপরে চেরাগ দানির তেল, জালানির লাগি আগর-খুশবয়, পর্তিদিনর ধান-গমর ছদগা আর খেলাফতি সমজিবার তেলর দায়িত্ব রইবো। আল্লার ঘর, ঘরর হকল মাল-ছামানা, মানি এবাদত খানা আর তার হকল মাল-ছামানার তদারকি রইবো আলি-আজরর উপরে।”

Siloṭi Asmani Kitab (Latin lipi)

¹⁶ “Ar imam Harunor fua Ali-Azoror ufre serag danir tel, zalanir lagi agor-kushboy, fortidinor dan-gomor sodga ar ḳelafoti shomzibar telor dayitto roibo. Allar gor, goror hoḳol mal-samana, mani ebadot ḳana ar tar hoḳol mal-samanar todarki roibo Ali-Azoror ufre.”

ꠔꠃꠞꠣꠔ ৪: ꠡꠥꠝꠣꠞꠤ 4:16 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 25:6

ꠌꠦꠞꠣꠉ ꠅꠇꠟ ꠎꠣꠟꠣꠘꠤꠞ ꠟꠣꠉꠤ ꠎꠄꠔꠥꠘꠞ ꠔꠦꠟ; ꠈꠦꠟꠣꠚꠔꠤ ꠡꠝꠎꠤꠛꠣꠞ ꠔꠦꠟꠞ ꠝꠡꠟꠣ ꠀꠞ ꠀꠉꠞ-ꠈꠥꠡꠛꠄ ꠛꠣꠘꠣꠘꠤꠞ ꠝꠡꠟꠣ;

ꠔꠃꠞꠣꠔ ২: ꠢꠤꠎꠞꠔ 30:22

ꠝꠣꠛꠥꠖꠦ ꠝꠥꠍꠣꠞꠦ ꠇꠁꠟꠣ,

ꠔꠃꠞꠣꠔ ২: ꠢꠤꠎꠞꠔ 31:11

ꠈꠦꠟꠣꠚꠔꠤꠞ ꠔꠦꠟ, ꠙꠣꠇ ꠎꠣꠉꠣꠞ ꠟꠣꠉꠤ ꠈꠥꠡꠛꠄ ꠀꠟꠣ ꠀꠉꠞ। ꠀꠝꠤ ꠔꠥꠝꠣꠞꠦ ꠎꠦꠟꠣ ꠢꠥꠇꠥꠝ ꠖꠤꠍꠤ, ꠄꠇ꠆ꠇꠦꠞꠦ ꠅꠃ ꠟꠣꠈꠣꠘ ꠔꠣꠞꠣ ꠛꠣꠘꠣꠁꠛꠣ।”

ꠔꠃꠞꠣꠔ ২: ꠢꠤꠎꠞꠔ 37:29

ꠛꠣꠖꠦ ꠈꠥꠡꠛꠄ ꠀꠟꠣ ꠝꠡꠟꠣ ꠛꠣꠘꠣꠘꠤꠞ ꠇꠣꠞꠤꠉꠞꠞ ꠘꠤꠅꠝꠦ ꠈꠦꠟꠣꠚꠔꠤ ꠡꠝꠎꠤꠛꠣꠞ ꠙꠛꠤꠔ꠆ꠞ ꠔꠦꠟ ꠀꠞ ꠈꠥꠡꠛꠄ ꠀꠟꠣ ꠈꠣꠐꠤ ꠀꠉꠞ ꠔꠤꠀꠞ ꠇꠞꠟꠣ।

ꠔꠃꠞꠣꠔ ৩: ꠟꠦꠛꠤꠀꠘ 24:1

ꠛꠣꠖꠦ ꠝꠣꠛꠥꠖꠦ ꠝꠥꠍꠣ ꠘꠛꠤꠞꠦ ꠇꠁꠟꠣ,

ꠔꠃꠞꠣꠔ ৩: ꠟꠦꠛꠤꠀꠘ 24:2

“ꠔꠥꠝꠤ ꠛꠘꠤ ꠁꠍꠞꠣꠁꠟꠞꠦ ꠢꠥꠇꠥꠝ ꠖꠦꠅ, ꠌꠦꠞꠣꠉ ꠖꠣꠘꠤꠞ ꠌꠦꠞꠣꠉ ꠅꠇꠟ ꠢꠣꠝꠦꠡꠣ ꠎꠣꠟꠣꠁꠀ ꠞꠣꠈꠣꠞ ꠘꠤꠅꠔꠦ, ꠔꠣꠞꠣ ꠎꠄꠔꠥꠘ ꠍꠦꠌꠤꠀ ꠈꠣꠐꠤ ꠔꠦꠟ ꠛꠣꠘꠣꠁꠀ ꠔꠥꠝꠣꠞ ꠉꠦꠍꠦ ꠟꠁꠀ ꠀꠁꠔ।

ꠔꠃꠞꠣꠔ ৩: ꠟꠦꠛꠤꠀꠘ 6:20

“ꠢꠣꠞꠥꠘꠦ ꠎꠦꠖꠤꠘ ꠁꠝꠣꠝꠔꠤꠞ ꠈꠦꠟꠣꠚꠔꠤ ꠡꠝꠎꠤꠀ ꠇꠣꠝꠅ ꠛꠅꠀꠁꠟ ꠅꠁꠛꠣ, ꠅꠃ ꠖꠤꠘ ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠦ ꠗꠣꠘ-ꠉꠝꠞ ꠍꠖꠉꠣꠞ ꠘꠤꠅꠝ ꠝꠣꠚꠤꠇ ꠖꠥꠁ ꠡꠦꠞ ꠝꠄꠖꠣ ꠝꠣꠛꠥꠖꠞ ꠖꠞꠛꠣꠞꠅ ꠀꠘꠛꠣ। ꠁꠔꠣꠞ ꠅꠞ꠆ꠗꠦꠇ ꠛꠤꠀꠘꠦ ꠀꠞ ꠅꠞ꠆ꠗꠦꠇ ꠢꠣꠁꠘ꠆ꠎꠣ ꠛꠣꠟꠣ ꠖꠤꠛꠣ।

ꠔꠃꠞꠣꠔ ৪: ꠡꠥꠝꠣꠞꠤ 3:32

ꠟꠦꠛꠤ ꠈꠣꠘ꠆ꠖꠣꠘꠞ ꠘꠣꠘꠣꠘ ꠉꠥꠡ꠆ꠐꠤꠞ ꠝꠥꠞꠛ꠆ꠛꠤ ꠅꠇꠟꠞ ꠙꠞꠗꠣꠘ ꠀꠍꠟꠣ ꠁꠝꠣꠝ ꠢꠣꠞꠥꠘꠞ ꠙꠥꠀ ꠀꠟꠤ-ꠀꠎꠞ। ꠄꠞꠟꠉꠦ ꠙꠛꠤꠔ꠆ꠞ ꠄꠛꠣꠖꠔ ꠈꠣꠘꠣꠞ ꠖꠦꠈꠣ-ꠢꠥꠘꠣꠞ ꠖꠣꠄꠁꠔ꠆ꠔ ꠎꠦꠞꠣꠞꠦ ꠖꠦꠅꠀ ꠅꠁꠍꠤꠟ, ꠄꠞꠣꠞꠦ ꠘꠎꠞꠖꠣꠞꠤ ꠇꠞꠣꠞ ꠟꠣꠉꠤ ꠔꠣꠘꠞꠦ ꠛꠅꠀꠁꠟ ꠇꠞꠣ ꠅꠁꠍꠤꠟ।

ꠔꠃꠞꠣꠔ ৪: ꠡꠥꠝꠣꠞꠤ 4:17

ꠄꠞꠛꠣꠖꠦ ꠝꠣꠛꠥꠖꠦ ꠢꠎꠞꠔ ꠝꠥꠍꠣ ꠀꠞ ꠢꠣꠞꠥꠘꠞꠦ ꠇꠁꠟꠣ,

Injil 3: Luk 4:18

ꠀꠝꠣꠞ ꠖꠤꠟꠅ ꠝꠣꠛꠥꠖꠞ ꠞꠥꠢꠥ ꠛꠡꠔ ꠇꠞꠂꠘ, ꠔꠣꠁꠘꠃ ꠀꠝꠣꠞꠦ ꠈꠦꠟꠣꠚꠔꠤ ꠖꠤꠀ ꠛꠦꠎꠤꠍꠂꠘ, ꠉꠞꠤꠛ ꠅꠇꠟꠞ ꠉꠦꠍꠦ ꠈꠥꠡ-ꠈꠛꠞꠤ ꠎꠣꠘꠣꠘꠤꠞ ꠟꠣꠉꠤ। ꠀꠞ ꠛꠘ꠆ꠖꠤ ꠅꠇꠟꠞ ꠉꠦꠍꠦ ꠀꠎꠣꠖꠤꠞ ꠇꠕꠣ, ꠀꠘ꠆ꠖꠣ ꠅꠇꠟꠞ ꠉꠦꠍꠦ ꠌꠃꠈꠦ ꠖꠦꠈꠣꠞ ꠇꠕꠣ, ꠎꠦꠞꠣꠞ ꠃꠙꠞꠦ ꠎꠥꠟꠥꠝ ꠅꠞ ꠔꠣꠞꠣꠞꠦ ꠛꠣꠌꠣꠘꠤꠞ ꠇꠕꠣ ꠄꠟꠣꠘ ꠇꠞꠣꠞ ꠟꠣꠉꠤ ꠛꠦꠎꠤꠍꠂꠘ।

Injil 5: Sahabi Nama 20:28

ꠀꠙꠘꠣꠞꠣ ꠎꠣꠞꠎꠤꠞ ꠛꠦꠙꠣꠞꠦ ꠢꠥꠡꠤꠀꠞ ꠅꠃꠇ꠆ꠇꠣ। ꠙꠣꠇ ꠞꠥꠢꠦ ꠀꠙꠘꠣꠞꠣꠞꠦ ꠎꠦꠞꠣꠞ ꠌꠣꠟꠇꠖꠣꠞ ꠛꠣꠘꠣꠁꠍꠂꠘ, ꠔꠣꠞꠣꠞ ꠛꠦꠙꠣꠞꠦ ꠢꠥꠡꠤꠀꠞ ꠅꠃꠇ꠆ꠇꠣ। ꠀꠟ꠆ꠟꠣꠄ ꠔꠣꠘ ꠘꠤꠎꠞ ꠎꠘꠞꠦꠖꠤ ꠎꠦꠞꠣꠞꠦ ꠈꠞꠤꠖ ꠇꠞꠍꠂꠘ, ꠢꠤ ꠎꠝꠣꠔꠞꠦ ꠙꠥꠞꠣꠙꠥꠞ ꠖꠦꠈꠣ-ꠢꠥꠘꠣ ꠇꠞꠃꠇ꠆ꠇꠣ, ꠎꠦꠟꠣ ꠞꠣꠈꠣꠟꠦ ꠔꠣꠞ ꠝꠦꠠꠣꠞ ꠙꠣꠟꠞ ꠖꠦꠈꠣ-ꠢꠥꠘꠣ ꠇꠞꠦ, ꠁꠝꠣꠝ ꠅꠁꠀ ꠀꠙꠘꠣꠞꠣꠅ ꠅꠃꠟꠣ ꠇꠞꠃꠇ꠆ꠇꠣ।

Injil 7: 1-Korintia 4:1

ꠀꠝꠞꠣꠞꠦ ꠖꠦꠈꠤꠀ ꠝꠣꠘꠡꠦ ꠛꠥꠎꠃꠇ, ꠀꠝꠞꠣ ꠀꠟ-ꠝꠍꠤꠞ ꠈꠣꠖꠤꠝ, ꠀꠟ꠆ꠟꠣꠁ ꠛꠣꠔꠥꠘꠤ ꠜꠣꠘ꠆ꠒꠣꠞꠞ ꠈꠣꠎꠣꠘ꠆ꠌꠤ।

ꠁꠘ꠆ꠎꠤꠟ ১৫: ১-ꠔꠤꠝꠕꠤ 2:5

ꠁ ꠢꠇꠤꠇꠔꠤ ꠅꠁꠟ, ꠀꠟ꠆ꠟꠣ ꠈꠣꠟꠤ ꠄꠇꠎꠘ, ꠀꠟ꠆ꠟꠣ ꠀꠞ ꠝꠣꠘꠡꠞ ꠝꠣꠎꠦ ꠡꠣꠚꠣꠄꠀꠔꠇꠣꠞꠤ ꠝꠣꠎꠞ ꠝꠣꠘꠥꠡꠅ ꠈꠣꠟꠤ ꠄꠇꠎꠘꠃ ꠀꠍꠂꠘ, ꠄꠘ ꠘꠣꠝ ꠁꠍꠣ ꠀꠟ-ꠝꠍꠤ, ꠄꠁꠘꠅ ꠝꠣꠘꠥꠡ।

Injil 19: Ibrani 3:1

ꠄꠞꠟꠣꠉꠤ ꠅ ꠀꠝꠣꠞ ꠙꠣꠇ-ꠙꠞꠦꠎꠉꠣꠞ ꠜꠣꠁ ꠅꠇꠟ, ꠔꠥꠝꠞꠣ ꠎꠦꠞꠣ ꠛꠦꠢꠦꠡ꠆ꠔꠤ ꠖꠣꠅꠔꠅ ꠡꠞꠤꠇ ꠅꠁꠍ, ꠔꠥꠝꠞꠣ ꠙꠞꠔꠦꠇꠦꠃ ꠁꠍꠣꠞ ꠛꠣꠄ ꠌꠃꠈ ꠞꠣꠈꠅ। ꠀꠟ꠆ꠟꠣ ꠙꠣꠇꠦ ꠔꠣꠘ ꠁ ꠈꠣꠍ ꠈꠟꠤꠚꠣꠞꠦ ꠛꠦꠎꠤꠍꠂꠘ, ꠔꠣꠁꠘꠃ ꠔ ꠢꠃ ꠙꠞꠗꠣꠘ ꠁꠝꠣꠝ, ꠁꠈꠣꠘ ꠀꠝꠞꠣ ꠝꠣꠘꠍꠤ।

Injil 19: Ibrani 3:6

ꠅꠁꠟꠦ ꠀꠟ-ꠝꠍꠤ ꠔ ꠀꠟ꠆ꠟꠣꠞ ꠊꠞ-ꠡꠋꠡꠣꠞꠞ ꠎꠤꠝ꠆ꠝꠣꠖꠣꠞ ꠢꠤꠡꠣꠛꠦ ꠘꠤꠞꠜꠞ ꠇꠞꠣꠞ ꠎꠥꠇꠣ ꠙꠥꠔꠞ ꠟꠣꠈꠣꠘ ꠀꠍꠟꠣ। ꠅꠈꠘ ꠀꠝꠞꠣꠅ ꠎꠥꠖꠤ ꠎꠣꠞꠎꠤꠞ ꠖꠤꠟꠞ ꠀꠡꠣ ꠀꠞ ꠢꠤꠝ꠆ꠝꠔ ꠞꠣꠈꠤꠀ ꠝꠃꠔ ꠙꠞ꠆ꠎꠘ꠆ꠔ ꠇꠣꠁꠝ ꠞꠁ, ꠔꠦ ꠖꠦꠈꠣ ꠎꠣꠁꠛ ꠎꠦꠘ, ꠀꠝꠞꠣꠅ ꠀꠟ꠆ꠟꠣꠞ ꠊꠞ-ꠡꠋꠡꠣꠞꠞ ꠜꠣꠉꠤ ꠅꠁꠍꠤ।

ꠁꠘ꠆ꠎꠤꠟ ২১: ১-ꠙꠤꠔꠞ 2:25

ꠀꠉꠦ ꠔ ꠔꠥꠝꠞꠣ ꠛꠦ-ꠙꠕꠦ ꠎꠣꠅꠀ ꠝꠦꠠꠣꠞ ꠟꠣꠈꠣꠘ ꠀꠍꠟꠣꠄ, ꠅꠁꠟꠦ ꠎꠦ ꠞꠣꠈꠣꠟꠦ ꠔꠥꠝꠞꠣꠞ ꠖꠤꠟꠞ ꠖꠦꠈꠣ-ꠢꠥꠘꠣ ꠇꠞꠂꠘ, ꠅꠈꠘ ꠔꠣꠘ ꠉꠦꠍꠦꠃ ꠚꠤꠞꠤꠀ ꠀꠁꠍ।

ꠁꠘ꠆ꠎꠤꠟ ২১: ১-ꠙꠤꠔꠞ 5:2

ꠀꠟ꠆ꠟꠣꠁ ꠎꠦ ꠝꠦꠠꠣꠞ ꠙꠣꠟ ꠔꠥꠝꠞꠣꠞ ꠀꠅꠔꠣꠄ ꠀꠍꠂꠘ, ꠄꠞꠣꠞ ꠞꠣꠈꠣꠟꠤ ꠇꠞꠅ। ꠔꠣꠞꠣꠞ ꠁꠝꠣꠝꠔꠤ ꠇꠞꠅ, ꠇꠞꠣ ꠟꠣꠉꠛ ꠇꠞꠤ ꠘꠣ ꠇꠞꠤꠀ ꠛꠣ ꠖꠥꠘꠤꠀꠛꠤ ꠟꠣꠜꠞ ꠀꠡꠣꠄ ꠘꠣ ꠇꠞꠤꠀ, ꠈꠥꠡ ꠖꠤꠟꠦ ꠇꠞꠅ। ꠀꠟ꠆ꠟꠣꠄ ꠔ ꠅꠟꠣ ꠁꠝꠣꠝꠔꠤꠃ ꠀꠡꠣ ꠇꠞꠂꠘ।