ꠔꠃꠞꠣꠔ ৪: ꠡꠥꠝꠣꠞꠤ 4:15 - Siloṭi Asmani Kitab (Nagri lipi)

¹⁵ ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠦ ꠎꠦꠛꠟꠣ ꠅꠃ ꠙꠣꠇ-ꠙꠛꠤꠔ꠆ꠞ ꠎꠤꠘꠤꠡ ꠅꠇꠟ ꠀꠞ ꠄꠛꠣꠖꠔ ꠈꠣꠘꠣꠞ ꠝꠣꠟ-ꠍꠣꠝꠣꠘꠣ ꠢꠇꠟꠔꠣ ꠉꠥꠞꠤꠟꠤꠛꠣ, ꠔꠣꠞꠣ ꠔꠣꠝ꠆ꠛꠥ ꠔꠥꠟꠤꠀ ꠍꠚꠞꠅ ꠛꠣꠞꠘꠤꠞ ꠟꠣꠉꠤ ꠎꠦꠛꠟꠣ ꠔꠤꠀꠞ ꠅꠁꠎꠤꠛꠣ, ꠅꠃ ꠡꠝꠄ ꠅꠔꠣ ꠛꠁꠀ ꠘꠤꠛꠣꠞ ꠟꠣꠉꠤ ꠇꠣꠢꠣꠔꠤ ꠅꠇꠟ ꠀꠁꠛꠣ। ꠅꠁꠟꠦ ꠔꠣꠞꠣ ꠇꠥꠘꠥ ꠙꠣꠇ-ꠙꠛꠤꠔ꠆ꠞ ꠌꠤꠎꠞꠦ ꠀꠔꠖꠤ ꠍꠁꠔꠣ ꠙꠣꠞꠔꠣ ꠘꠣꠄ, ꠍꠁꠟꠦꠃ ꠝꠞꠛꠣ। ꠝꠤꠟꠘ-ꠔꠣꠝ꠆ꠛꠥꠞ ꠅꠃ ꠢꠇ꠆ꠇꠟ ꠎꠤꠘꠤꠡ ꠔꠣꠞꠣ ꠛꠁꠀ ꠘꠤꠛꠣ।

ছিলটি আছমানি কিতাব (বাংলা লিপি)

¹⁵ হারুন আর তার পুয়াইন্তে যেবলা অউ পাক-পবিত্র জিনিস অকল আর এবাদত খানার মাল-ছামানা হকলতা গুরিলিবা, তারা তাম্বু তুলিয়া ছফরো বারনির লাগি যেবলা তিয়ার অইযিবা, অউ সময় অতা বইয়া নিবার লাগি কাহাতী অকল আইবা। অইলে তারা কুনু পাক-পবিত্র চিজরে আতদি ছইতা পারতা নায়, ছইলেউ মরবা। মিলন-তাম্বুর অউ হক্কল জিনিস তারা বইয়া নিবা।

Siloṭi Asmani Kitab (Latin lipi)

¹⁵ Harun ar tar fuainte zebla ou fak-fobitro zinish oḳol ar ebadot ḳanar mal-samana hoḳolta guriliba, tara tambu tulia soforo baronir lagi zebla tiar oiziba, ou shomoy ota boia nibar lagi Kahati oḳol aiba. Oile tara kunu fak-fobitro sizre atdi soita farta nae, soile-u morba. Milon-tambur ou hokkol zinish tara boia niba.

ꠔꠃꠞꠣꠔ ৪: ꠡꠥꠝꠣꠞꠤ 4:15 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 19:12

ꠔꠦ ꠔꠥꠝꠤ ꠙꠣꠠꠞ ꠌꠣꠁꠞꠅꠛꠣꠄ ꠄꠇꠐꠣ ꠡꠤꠝꠣꠘꠣ ꠑꠤꠇ ꠇꠞꠤꠀ ꠖꠤꠟꠣꠅ। ꠖꠤꠀ ꠔꠣꠞꠣꠞꠦ ꠢꠥꠡꠤꠀꠞ ꠇꠞꠤ ꠇꠅ, ꠔꠣꠞꠣ ꠎꠣꠘꠥ ꠁ ꠙꠣꠠꠅ ꠘꠣ ꠃꠑꠦ ꠀꠞ ꠙꠣꠠꠞ ꠡꠤꠝꠣꠘꠣꠔ ꠘꠣ ꠍꠄ। ꠇꠦꠃ ꠎꠥꠖꠤ ꠁ ꠙꠣꠠꠅ ꠍꠄ, ꠔꠦ ꠔꠣꠞ ꠡꠣꠎꠣ ꠅꠁꠟ ꠝꠃꠔ।

ꠔꠃꠞꠣꠔ ২: ꠢꠤꠎꠞꠔ 19:21

ꠉꠤꠀ ꠢꠣꠞꠟꠦ ꠝꠣꠛꠥꠖꠦ ꠔꠣꠘꠞꠦ ꠇꠁꠟꠣ, “ꠔꠥꠝꠤ ꠟꠣꠝꠣꠔ ꠎꠣꠅ, ꠉꠤꠀ ꠝꠣꠘꠡꠞꠦ ꠇꠠꠣ ꠇꠞꠤ ꠇꠁꠀ ꠀꠅ, ꠀꠞꠘꠣꠄ ꠀꠝꠣꠞꠦ ꠖꠦꠈꠣꠞ ꠟꠣꠉꠤ ꠔꠣꠞꠣ ꠡꠤꠝꠣꠘꠣ ꠙꠣꠞ ꠅꠁꠀ ꠃꠙꠞꠦ ꠀꠁꠛ꠆ꠛꠣ। ꠀꠁꠟꠦ ꠛꠃꠔ ꠝꠣꠘꠥꠡ ꠝꠣꠞꠣ ꠎꠣꠁꠛꠣ।

ꠔꠃꠞꠣꠔ ২: ꠢꠤꠎꠞꠔ 27:7

ꠁ ꠛꠦꠘ꠆ꠖꠣꠁꠘ ꠇꠠꠣꠞ ꠜꠤꠔꠞꠦꠖꠤ ꠢꠣꠞꠣꠘꠤ ꠟꠣꠉꠛ। ꠔꠦꠃ ꠇꠥꠞꠛꠣꠘꠤ ꠈꠣꠘꠣ ꠛꠁꠀ ꠘꠦꠅꠀꠞ ꠛꠣꠟꠣ ꠖꠥꠁꠅ ꠛꠦꠘ꠆ꠖꠣꠁꠘ ꠇꠥꠞꠛꠣꠘꠤ ꠈꠣꠘꠣꠞ ꠖꠥꠁ ꠉꠣꠟꠣꠛꠣꠄ ꠕꠣꠇꠛ।

ꠔꠃꠞꠣꠔ ৩: ꠟꠦꠛꠤꠀꠘ 16:13

ꠢꠣꠝꠣꠁꠀ ꠅꠃ ꠀꠋꠞꠣꠞ ꠃꠙꠞꠦ ꠀꠉꠞ-ꠈꠥꠡꠛꠄ ꠖꠤꠀ ꠝꠣꠛꠥꠖꠞ ꠍꠣꠝꠘꠦ ꠎꠣꠟꠣꠁꠛ, ꠔꠦꠃ ꠅꠔꠣꠞ ꠗꠥꠝꠣꠄ ꠡꠣꠢꠣꠖꠔ ꠡꠘ꠆ꠖꠥꠇꠞ ꠓꠣꠇꠘꠣꠞ ꠃꠙꠞꠞ ꠉꠣꠟꠣ ꠀꠘ꠆ꠖꠣꠁꠞꠦ ꠉꠥꠞꠤꠎꠤꠛ, ꠎꠣꠔꠦ ꠢꠦ ꠝꠣꠛꠥꠖꠞ ꠍꠣꠝꠘꠦ ꠘꠣ ꠝꠞꠂꠘ।

ꠔꠃꠞꠣꠔ ৪: ꠡꠥꠝꠣꠞꠤ 1:50

ꠔꠥꠝꠤ ꠔꠣꠞꠣꠞꠦ ꠡꠣꠢꠣꠖꠔ ꠔꠣꠝ꠆ꠛꠥ, ꠝꠣꠘꠤ ꠀꠝꠣꠞ ꠊꠞꠞ ꠡꠣꠎ-ꠡꠞꠘ꠆ꠎꠣꠝ ꠀꠞ ꠢꠇꠟꠔꠣꠞ ꠖꠦꠈꠣ-ꠢꠥꠘꠣꠞ ꠜꠣꠞ ꠖꠤꠛꠣꠄ। ꠔꠣꠞꠣꠞ ꠇꠣꠝ ꠅꠁꠛ, ꠀꠝꠣꠞ ꠊꠞ ꠀꠞ ꠄꠞ ꠢꠇꠟ ꠡꠣꠎ-ꠡꠞꠘ꠆ꠎꠣꠝ ꠛꠁꠀ ꠘꠦꠅꠀ। ꠔꠣꠞꠣ ꠄꠞ ꠌꠣꠁꠞꠅ ꠉꠣꠟꠣꠛꠣꠄ ꠎꠣꠞꠎꠤꠞ ꠔꠣꠝ꠆ꠛꠥ ꠐꠣꠋꠉꠣꠁꠀ ꠞꠁꠛꠣ ꠀꠞ ꠀꠝꠣꠞ ꠊꠞꠞ ꠖꠦꠈꠣ-ꠢꠥꠘꠣ ꠇꠞꠛꠣ।

ꠔꠃꠞꠣꠔ ৪: ꠡꠥꠝꠣꠞꠤ 1:51

ꠀꠝꠣꠞ ꠊꠞꠞꠦ ꠄꠇ ꠎꠣꠉꠣ ꠕꠣꠇꠤ ꠀꠞꠇ ꠎꠣꠉꠣꠔ ꠘꠤꠔꠦ ꠅꠁꠟꠦ, ꠟꠦꠛꠤ ꠈꠣꠘ꠆ꠖꠣꠘꠞ ꠝꠣꠘꠡꠦ ꠁꠈꠣꠘ ꠈꠥꠟꠛꠣ, ꠛꠣꠖꠦ ꠀꠞꠇ ꠎꠣꠉꠣꠔ ꠉꠤꠀ ꠄꠇ ꠄꠇ ꠇꠞꠤ ꠎꠥꠠꠣ ꠟꠣꠉꠣꠁꠀ ꠢꠤꠞꠛꠣꠞ ꠛꠣꠘꠣꠁꠛꠣ। ꠈꠣꠟꠤ ꠟꠦꠛꠤ ꠈꠣꠘ꠆ꠖꠣꠘ ꠍꠣꠠꠣ ꠅꠁꠘ꠆ꠘ ꠇꠦꠃ ꠁꠔꠣꠞ ꠇꠣꠘ꠆ꠖꠣꠔ ꠉꠦꠟꠦ ꠔꠣꠞꠦ ꠎꠣꠘꠦ ꠝꠣꠞꠣ ꠅꠁꠛ।

ꠔꠃꠞꠣꠔ ৪: ꠡꠥꠝꠣꠞꠤ 10:21

ꠄꠞꠣꠞ ꠛꠣꠖꠦ ꠀꠟ꠆ꠟꠣꠞ ꠊꠞꠞ ꠙꠣꠇ-ꠙꠛꠤꠔ꠆ꠞ ꠝꠣꠟ-ꠍꠣꠝꠣꠘꠣ ꠟꠁꠀ ꠇꠣꠢꠣꠔꠤ ꠅꠇꠟꠦ ꠞꠅꠀꠘꠣ ꠖꠤꠟꠣ। ꠇꠣꠢꠣꠔꠤ ꠅꠇꠟ ꠎꠣꠉꠣꠔ ꠉꠤꠀ ꠙꠃꠍꠣꠞ ꠀꠉꠦꠃ ꠀꠟ꠆ꠟꠣꠞ ꠊꠞ ꠈꠣꠠꠣ ꠇꠞꠣꠞ ꠇꠕꠣ ꠀꠍꠤꠟ।

ꠔꠃꠞꠣꠔ ৪: ꠡꠥꠝꠣꠞꠤ 18:3

ꠅꠁꠟꠦ ꠇꠥꠞꠛꠣꠘꠤ ꠈꠣꠘꠣ ꠛꠣ ꠀꠟ꠆ꠟꠣꠞ ꠊꠞꠞ ꠇꠥꠘꠥ ꠙꠛꠤꠔ꠆ꠞ ꠎꠤꠘꠤꠡꠞ ꠗꠣꠞꠅ ꠎꠣꠅꠀ ꠔꠣꠞꠣꠞ ꠟꠣꠉꠤ ꠘꠤꠡꠦꠗ। ꠘꠤꠡꠦꠗ ꠘꠣ ꠝꠣꠘꠟꠦ ꠔꠣꠞꠣ ꠀꠞ ꠔꠥꠝꠞꠣ ꠢꠇꠟꠃ ꠝꠞꠛꠣꠄ।

ꠔꠃꠞꠣꠔ ৪: ꠡꠥꠝꠣꠞꠤ 3:38

ꠝꠤꠟꠘ-ꠔꠣꠝ꠆ꠛꠥꠞ ꠍꠣꠝꠘꠦꠖꠤ ꠝꠣꠘꠤ ꠀꠟ꠆ꠟꠣꠞ ꠊꠞꠞ ꠙꠥꠛꠦꠖꠤ ꠢꠎꠞꠔ ꠝꠥꠍꠣ, ꠢꠣꠞꠥꠘ ꠀꠞ ꠔꠣꠘ ꠙꠥꠀꠂꠘ꠆ꠔꠞ ꠔꠣꠝ꠆ꠛꠥ ꠅꠇꠟ ꠐꠣꠋꠉꠣꠘꠤ ꠅꠁꠔ। ꠄꠞꠣꠞ ꠖꠣꠄꠁꠔ꠆ꠔ ꠀꠍꠤꠟ ꠛꠘꠤ ꠁꠍꠞꠣꠁꠟꠞ ꠔꠞꠚ ꠕꠣꠇꠤ ꠙꠛꠤꠔ꠆ꠞ ꠄꠛꠣꠖꠔ ꠈꠣꠘꠣꠔ ꠢꠇꠟ ꠄꠛꠣꠖꠔꠤ ꠇꠣꠝ ꠀꠖꠣꠄ ꠇꠞꠣ। ꠄꠞꠣ ꠍꠣꠠꠣ ꠀꠞ ꠇꠦꠃ ꠄꠛꠣꠖꠔ ꠈꠣꠘꠣꠞ ꠇꠣꠘ꠆ꠖꠣꠔ ꠉꠦꠟꠦ ꠔꠣꠞꠦ ꠝꠣꠞꠤꠟꠣꠅꠀ ꠅꠁꠔ।

ꠔꠃꠞꠣꠔ ৪: ꠡꠥꠝꠣꠞꠤ 4:14

ꠛꠣꠖꠦ ꠇꠥꠞꠛꠣꠘꠤ ꠈꠣꠘꠣꠞ ꠢꠇꠟ ꠝꠣꠟ-ꠍꠣꠝꠣꠘꠣ ꠅꠇꠟ, ꠅꠞ꠆ꠕꠣꠔ ꠀꠋꠞꠣ ꠕꠅꠀꠞ ꠙꠣꠔꠤꠟ, ꠉꠥꠡ꠆ꠔ ꠔꠥꠟꠣꠞ ꠛꠠ ꠇꠣꠐꠣ-ꠍꠤꠚ, ꠍꠣꠟꠤ ꠔꠥꠟꠣꠞ ꠛꠠ ꠌꠣꠝꠌ, ꠟꠃ ꠕꠅꠀꠞ ꠛꠣꠐꠤ, ꠁꠔꠣ ꠢꠇꠟꠔꠣ ꠇꠥꠞꠛꠣꠘꠤ ꠈꠣꠘꠣꠞ ꠃꠙꠞꠦ ꠕꠁꠛꠣ। ꠕꠁꠀ ꠚꠥʼꠞ ꠌꠣꠝꠠꠣꠖꠤ ꠉꠥꠞꠤꠀ ꠖꠤꠀ, ꠄꠞ ꠛꠦꠘ꠆ꠖꠣ ꠉꠥꠁꠘ ꠑꠤꠇ ꠎꠣꠉꠣꠔ ꠢꠣꠞꠣꠁꠛꠣ।

ꠔꠃꠞꠣꠔ ৪: ꠡꠥꠝꠣꠞꠤ 4:19

ꠔꠣꠞꠣ ꠎꠣꠘꠥ ꠈꠣꠍ ꠙꠛꠤꠔ꠆ꠞ ꠌꠤꠎ ꠅꠇꠟꠞ ꠇꠣꠍꠣꠔ ꠉꠤꠀ ꠘꠣ ꠝꠞꠦ ꠛꠞꠋ ꠛꠣꠌꠤꠀ ꠞꠄ, ꠅꠔꠣꠞ ꠟꠣꠉꠤ ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠦ ꠀꠝꠣꠞ ꠊꠞꠞ ꠜꠤꠔꠞꠦ ꠉꠤꠀ ꠎꠣꠞꠎꠤꠞ ꠇꠣꠝ-ꠇꠣꠎ ꠛꠥꠎꠣꠁ ꠖꠤꠛꠣ। ꠀꠞ ꠇꠦ ꠇꠤꠔꠣ ꠛꠁꠀ ꠘꠤꠔꠣ, ꠅꠔꠣꠅ ꠑꠤꠇ ꠇꠞꠤ ꠖꠤꠛꠣ।

ꠔꠃꠞꠣꠔ ৪: ꠡꠥꠝꠣꠞꠤ 4:20

ꠅꠁꠟꠦ ꠢꠦꠞꠦꠝ ꠡꠞꠤꠚꠞ ꠜꠤꠔꠞꠞ ꠅꠃ ꠙꠣꠇ-ꠙꠛꠤꠔ꠆ꠞ ꠎꠤꠘꠤꠡ ꠄꠇ ꠙꠟꠇꠞ ꠟꠣꠉꠤꠅ ꠖꠦꠈꠣꠞ ꠘꠤꠅꠔꠦ ꠇꠣꠢꠣꠔꠤ ꠅꠇꠟ ꠜꠤꠔꠞꠦ ꠇꠥꠘꠥ ꠟꠣꠈꠣꠘꠃ ꠢꠣꠝꠣꠁꠔꠣ ꠙꠣꠞꠔꠣ ꠘꠣꠄ, ꠅꠃ ꠘꠤꠅꠔꠦ ꠢꠣꠝꠣꠁꠟꠦꠃ ꠝꠞꠤ ꠎꠣꠁꠛꠣ।”

ꠔꠃꠞꠣꠔ ৪: ꠡꠥꠝꠣꠞꠤ 7:9

ꠅꠁꠟꠦ ꠟꠦꠛꠤꠞ ꠙꠥꠀ ꠇꠣꠢꠣꠔꠞ ꠉꠥꠡ꠆ꠐꠤꠞꠦ ꠁꠔꠣ ꠇꠥꠘ꠆ꠔꠣ ꠖꠤꠟꠣ ꠘꠣ, ꠇꠣꠞꠘ ꠘꠤꠅꠝ ꠀꠍꠤꠟ ꠔꠣꠞꠣ ꠈꠣꠟꠤ ꠙꠣꠇ-ꠙꠛꠤꠔ꠆ꠞ ꠌꠤꠎ ꠅꠇꠟ ꠖꠦꠈꠣ-ꠢꠥꠘꠣ ꠇꠞꠣ, ꠀꠞ ꠅꠔꠣꠞꠦ ꠇꠣꠘ꠆ꠖꠅ ꠇꠞꠤ ꠛꠁꠀ ꠘꠦꠅꠀ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 31:9

ꠛꠣꠖꠦ ꠝꠥꠍꠣ ꠘꠛꠤꠄ ꠔꠃꠞꠣꠔꠞ ꠅꠃ ꠢꠥꠇꠥꠝ-ꠀꠢꠇꠣꠝ ꠅꠇꠟ ꠟꠦꠈꠟꠣ, ꠟꠦꠈꠤꠀ ꠟꠦꠛꠤ ꠈꠣꠘ꠆ꠖꠣꠘꠞ ꠢꠃ ꠁꠝꠣꠝ ꠅꠇꠟ, ꠎꠣꠞꠣ ꠝꠣꠛꠥꠖꠞ ꠡꠣꠢꠣꠖꠔ ꠡꠘ꠆ꠖꠥꠇ ꠛꠁꠀ ꠘꠤꠔꠣ, ꠔꠣꠞꠣꠞ ꠀꠔꠅ ꠀꠞ ꠛꠘꠤ ꠁꠍꠞꠣꠁꠟꠞ ꠝꠄ-ꠝꠥꠞꠛ꠆ꠛꠤꠞ ꠀꠔꠅ ꠖꠤꠟꠣ।