ꠔꠃꠞꠣꠔ ৪: ꠡꠥꠝꠣꠞꠤ 33:3 - Siloṭi Asmani Kitab (Nagri lipi)

³ ꠛꠍꠞꠞ ꠙꠄꠟꠣ ꠌꠣꠘ꠆ꠖꠞ ꠙꠘꠞ ꠔꠣꠞꠤꠈ, ꠝꠣꠘꠤ ꠀꠎꠣꠖꠤ ꠁꠖꠞ ꠛꠣꠖꠞ ꠖꠤꠘ, ꠔꠣꠞꠣ ꠝꠤꠡꠞ ꠖꠦꠡꠞ ꠞꠣꠝꠣꠡꠦꠡ ꠄꠟꠣꠇꠣ ꠕꠣꠇꠤ ꠞꠅꠀꠘꠣ ꠅꠁꠟꠣ। ꠝꠤꠡꠞꠞ ꠢꠇꠟ ꠝꠣꠘꠡꠞ ꠌꠈꠥꠞ ꠍꠣꠝꠘꠦꠖꠤ ꠔꠣꠞꠣ ꠛꠥꠇ ꠚꠥꠟꠣꠁꠀ ꠛꠣꠞ ꠅꠁꠀ ꠀꠁꠟꠣ।

ছিলটি আছমানি কিতাব (বাংলা লিপি)

³ বছরর পয়লা চান্দর পনরো তারিখ, মানি আজাদি ইদর বাদর দিন, তারা মিসর দেশর রামাষেষ এলাকা থাকি রওয়ানা অইলা। মিসরর হকল মানষর চখুর ছামনেদি তারা বুক ফুলাইয়া বার অইয়া আইলা।

Siloṭi Asmani Kitab (Latin lipi)

³ bosoror foyla sandor fonro tarik, mani Azadi Idor bador din, tara Mishor deshor Ramashesh elaḳa taki roana oila. Mishoror hoḳol manshor sokur samnedi tara buk fulaia bar oia aila.

ꠔꠃꠞꠣꠔ ৪: ꠡꠥꠝꠣꠞꠤ 33:3 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 47:11

ꠔꠦꠃ ꠁꠃꠍꠥꠚꠦ ꠚꠦꠞꠣꠃꠘꠞ ꠢꠥꠇꠥꠝ ꠝꠔ, ꠔꠣꠘ ꠛꠣꠚ-ꠜꠣꠁꠀꠁꠘꠞꠦ ꠝꠤꠡꠞ ꠖꠦꠡꠞ ꠢꠇꠟ ꠕꠣꠇꠤ ꠜꠣꠟꠣ ꠎꠣꠉꠣ, ꠞꠣꠝꠣꠡꠦꠡ ꠄꠟꠣꠇꠣꠔ ꠞꠁꠔꠣ ꠖꠤꠟꠣ।

ꠔꠃꠞꠣꠔ ২: ꠢꠤꠎꠞꠔ 1:11

ꠔꠦꠃ ꠔꠣꠞꠣ ꠡꠞ꠆ꠖꠣꠞ ꠟꠣꠉꠣꠁꠟꠣ ꠄꠞꠣꠞꠦ ꠝꠣꠞꠤꠀ-ꠗꠞꠤꠀ ꠎꠥꠞ-ꠎꠥꠟꠥꠝ ꠇꠞꠤꠀ ꠇꠣꠝ ꠇꠞꠣꠘꠤꠞ ꠟꠣꠉꠤ। ꠄꠞꠣ ꠚꠦꠞꠣꠃꠘꠞ ꠚꠡꠟ ꠞꠣꠈꠣꠞ ꠟꠣꠉꠤ ꠙꠤꠕꠥꠝ ꠀꠞ ꠞꠣꠝꠣꠡꠦꠡ ꠘꠣꠝꠞ ꠖꠥꠁꠐꠣ ꠐꠣꠃꠘꠅ ꠛꠣꠘꠣꠁꠟꠣ।

ꠔꠃꠞꠣꠔ ২: ꠢꠤꠎꠞꠔ 12:2

“ꠁ ꠌꠣꠘ꠆ꠖꠈꠣꠘ ꠛꠍꠞꠞ ꠙꠄꠟꠣ ꠌꠣꠘ꠆ꠖ ꠅꠁꠛ, ꠔꠥꠝꠞꠣ ꠁ ꠌꠣꠘ꠆ꠖꠞꠦ ꠛꠍꠞꠞ ꠙꠄꠟꠣ ꠌꠣꠘ꠆ꠖ ꠉꠘꠤꠅ।

ꠔꠃꠞꠣꠔ ২: ꠢꠤꠎꠞꠔ 12:37

ꠅꠔꠣ ꠘꠤꠀ ꠛꠘꠤ ꠁꠍꠞꠣꠁꠟ ꠞꠣꠝꠣꠡꠦꠡ ꠄꠟꠣꠇꠣ ꠕꠣꠇꠤ ꠡꠥꠇ꠆ꠇꠔꠞ ꠝꠥꠈꠣ ꠞꠅꠀꠘꠣ ꠅꠁꠟꠣ। ꠔꠣꠞꠣꠞ ꠝꠣꠎꠦ ꠅꠘꠥꠝꠣꠘ ꠍꠄ ꠟꠣꠈ ꠡꠛꠟ ꠛꠦꠐꠣꠁꠘ ꠀꠐꠤꠀ ꠉꠦꠟꠣ। ꠄꠞꠣꠞ ꠟꠉꠦ ꠛꠦꠐꠤꠘ ꠀꠞ ꠢꠥꠞꠥꠔ꠆ꠔꠣꠁꠘꠅ ꠀꠍꠟꠣ।

ꠔꠃꠞꠣꠔ ২: ꠢꠤꠎꠞꠔ 13:4

ꠀꠛꠤꠛ ꠌꠣꠘ꠆ꠖꠞ ꠅꠃ ꠔꠣꠞꠤꠈꠅ ꠔꠥꠝꠞꠣ ꠛꠣꠞ ꠅꠁꠟꠣꠄ।

ꠔꠃꠞꠣꠔ ২: ꠢꠤꠎꠞꠔ 14:8

ꠝꠣꠛꠥꠖꠦ ꠝꠤꠡꠞꠞ ꠛꠣꠖꠡꠣ ꠚꠦꠞꠣꠃꠘꠞ ꠖꠤꠟꠞꠦ ꠙꠣꠡꠣꠘ ꠇꠞꠤꠟ꠆ꠟꠣ, ꠢꠦ ꠛꠘꠤ ꠁꠍꠞꠣꠁꠟꠞ ꠈꠞꠦ ꠈꠞꠦ ꠈꠦꠖꠣꠘꠤꠔ ꠀꠁꠟ। ꠄꠞꠣ ꠎꠦꠛꠟꠣ ꠢꠤꠝ꠆ꠝꠔ ꠇꠞꠤ ꠀꠐꠤꠀ ꠎꠣꠁꠞꠣ, ꠅꠃ ꠡꠝꠄ ꠢꠦ ꠄꠞꠣꠞꠦ ꠗꠞꠣꠔ ꠀꠁꠟ।

ꠔꠃꠞꠣꠔ ৪: ꠡꠥꠝꠣꠞꠤ 33:2

ꠀꠞ ꠝꠣꠛꠥꠖꠞ ꠢꠥꠇꠥꠝꠦ ꠝꠥꠍꠣ ꠘꠛꠤꠄ ꠔꠣꠞꠣꠞ ꠖꠝ ꠟꠅꠀꠞ ꠎꠣꠉꠣꠁꠘ꠆ꠔꠞ ꠘꠣꠝ ꠟꠦꠈꠤꠀ ꠕꠁꠟꠣ। ꠅꠃ ꠎꠣꠉꠣꠁꠘ ꠅꠁꠟ,