ꠔꠃꠞꠣꠔ ৪: ꠡꠥꠝꠣꠞꠤ 32:3 - Siloṭi Asmani Kitab (Nagri lipi)

^3-4 “ꠀꠙꠘꠣꠁꠘ꠆ꠔꠞ ꠁ ꠉꠥꠟꠣꠝ ꠅꠇꠟꠦ ꠔ ꠉꠞꠥ-ꠍꠣꠉꠟ ꠙꠣꠟꠤ। ꠀꠞ ꠀꠝꠞꠣꠞ ꠝꠣꠛꠥꠖꠦ ꠅꠐꠣꠞꠥꠔ, ꠖꠤꠛꠣꠘ, ꠎꠣꠎꠤꠞꠣ, ꠘꠤꠝ꠆ꠞꠣ, ꠢꠤꠡꠛꠘ, ꠁꠟꠤꠀꠟꠤ, ꠍꠦꠛꠣꠝ, ꠘꠛꠅ ꠀꠞ ꠛꠤꠃꠘ ꠘꠣꠝꠞ ꠎꠦꠔꠣ ꠎꠣꠉꠣ ꠛꠘꠤ ꠁꠍꠞꠣꠁꠟꠞ ꠖꠈꠟꠅ ꠀꠘꠍꠂꠘ, ꠁꠔꠣ ꠔ ꠙꠡꠥ ꠙꠣꠟꠤꠛꠣꠞ ꠟꠣꠉꠤ ꠈꠥꠛ ꠜꠣꠟꠣ ꠎꠣꠉꠣ।

ছিলটি আছমানি কিতাব (বাংলা লিপি)

^3-4 “আপনাইন্তর ই গুলাম অকলে তো গরু-ছাগল পালি। আর আমরার মাবুদে অটারুত, দীবান, জাজিরা, নিম্রা, হিশবন, ইলিয়ালী, সেবাম, নবো আর বিয়োন নামর যেতা জাগা বনি ইছরাইলর দখলো আনছইন, ইতা তো পশু পালিবার লাগি খুব ভালা জাগা।

Siloṭi Asmani Kitab (Latin lipi)

^3-4 “Afnaintor i gulam oḳole to goru-sagol fali. Ar amrar Mabude Oṭarut, Diban, Zazira, Nimra, Hishbon, Iliali, Sebam, Nobo ar Biun namor zeta zaga Boni Israilor doḳolo anchoin, ita to foshu falibar lagi kub bala zaga.

ꠔꠃꠞꠣꠔ ৪: ꠡꠥꠝꠣꠞꠤ 32:3 Iomraidhean Croise

ꠔꠃꠞꠣꠔ ৪: ꠡꠥꠝꠣꠞꠤ 21:28

ꠍꠤꠢꠥꠘꠞ ꠅꠃ ꠐꠣꠃꠘ ꠕꠣꠇꠤ ꠀꠉꠥꠁꠘ ꠛꠣꠞ ꠅꠁꠀ, ꠝꠥꠀꠛꠞ ꠀꠃꠞ ꠐꠣꠃꠘꠞꠦ ꠍꠣꠞꠈꠣꠞ ꠇꠞꠟ ꠎꠣꠟꠣꠁꠀ, ꠅꠞꠘꠘ ꠈꠣꠟꠞ ꠃꠌꠣ ꠎꠣꠉꠣ ꠛꠤꠘꠣꠡ ꠅꠁꠉꠦꠟ, ꠢꠘꠞ ꠢꠇꠟ ꠑꠣꠇꠥꠞꠞꠦ ꠎꠣꠟꠣꠁꠀ ꠝꠣꠔꠤꠟ꠆ꠟ।

ꠔꠃꠞꠣꠔ ৪: ꠡꠥꠝꠣꠞꠤ 21:30

ꠀꠝꠞꠣꠃ ꠔ ꠔꠣꠞꠣꠞ ꠟꠉꠦ ꠎꠥꠖ꠆ꠖ ꠇꠞꠍꠤ, ꠖꠤꠛꠣꠘ ꠙꠞ꠆ꠎꠘ꠆ꠔ ꠀꠡ꠆ꠔꠣ ꠢꠤꠡꠛꠘ ꠛꠤꠘꠣꠡ ꠇꠞꠍꠤ, ꠔꠣꠞꠣꠞ ꠛꠣꠔ꠆ꠔꠤ ꠀꠝꠞꠣ ꠘꠤꠜꠣꠁꠟꠤꠍꠤ, ꠘꠥꠚꠣ ꠀꠞ ꠝꠤꠖꠦꠛꠣ ꠙꠞ꠆ꠎꠘ꠆ꠔ ꠗꠋꠡ-ꠟꠤꠟꠣ ꠌꠣꠟꠣꠁꠍꠤ।”

ꠔꠃꠞꠣꠔ ৪: ꠡꠥꠝꠣꠞꠤ 21:32

ꠢꠎꠞꠔ ꠝꠥꠍꠣꠄ ꠎꠣꠎꠤꠞꠣ ꠐꠣꠃꠘꠅ ꠉꠥꠁꠀ ꠙꠣꠑꠣꠘꠤꠞ ꠛꠣꠖꠦ ꠛꠘꠤ ꠁꠍꠞꠣꠁꠟꠦ ꠅꠃ ꠐꠣꠃꠘꠞ ꠀꠡ-ꠙꠣꠡꠞ ꠉꠣꠃ-ꠉꠦꠞꠣꠝ ꠢꠇꠟꠔꠣ ꠖꠈꠟ ꠇꠞꠟꠣ, ꠀꠞ ꠢꠘꠞ ꠛꠣꠡꠤꠘ꠆ꠖꠣ ꠀꠝꠥꠞꠤ ꠅꠇꠟꠞꠦ ꠈꠦꠖꠣꠁ ꠖꠤꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 32:1

ꠞꠥꠛꠦꠘ ꠀꠞ ꠍꠣꠖꠥ ꠈꠣꠘ꠆ꠖꠣꠘꠞ ꠝꠣꠘꠡꠞ ꠉꠞꠥ-ꠍꠣꠉꠟꠞ ꠛꠠ ꠛꠠ ꠙꠣꠟ ꠀꠍꠤꠟ। ꠔꠣꠞꠣ ꠖꠦꠈꠟꠣ, ꠎꠣꠎꠤꠞꠣ ꠀꠞ ꠉꠤꠟꠤꠅꠖ ꠄꠟꠣꠇꠣ ꠙꠡꠥ ꠙꠣꠟꠤꠛꠣꠞ ꠟꠣꠉꠤ ꠈꠥꠛ ꠜꠣꠟꠣ ꠎꠣꠉꠣ।

ꠔꠃꠞꠣꠔ ৪: ꠡꠥꠝꠣꠞꠤ 32:2

ꠔꠦꠃ ꠔꠣꠞꠣ ꠝꠥꠍꠣ ꠘꠛꠤ, ꠁꠝꠣꠝ ꠀꠟꠤ-ꠀꠎꠞ ꠀꠞ ꠛꠘꠤ ꠁꠍꠞꠣꠁꠟꠞ ꠙꠞꠗꠣꠘ ꠝꠥꠞꠛ꠆ꠛꠤ ꠅꠇꠟꠞꠦ ꠇꠁꠟꠣ,