ꠔꠃꠞꠣꠔ ৪: ꠡꠥꠝꠣꠞꠤ 32:12 - Siloṭi Asmani Kitab (Nagri lipi)

¹² ꠈꠣꠟꠤ ꠇꠘꠤꠎꠤ ꠎꠤꠚꠥꠘ꠆ꠘꠤꠞ ꠙꠥꠀ ꠇꠣꠟꠥꠔ ꠀꠞ ꠘꠥꠘꠞ ꠙꠥꠔ ꠁꠃꠍꠣꠄ ꠅꠃ ꠖꠦꠡ ꠖꠦꠈꠣꠞ ꠡꠥꠎꠥꠉ ꠙꠣꠁꠛꠣ। ꠔꠣꠞꠣ ꠔ ꠀꠝꠣꠞ ꠇꠕꠣꠞꠦ ꠡꠥꠟ꠆ꠟꠀꠘꠣ ꠝꠣꠘꠍꠦ।

ছিলটি আছমানি কিতাব (বাংলা লিপি)

¹² খালি কনিজী যিফুন্নির পুয়া কালুত আর নূনর পুত ইউছায় অউ দেশ দেখার সুযোগ পাইবা। তারা তো আমার কথারে ষোলআনা মানছে।

Siloṭi Asmani Kitab (Latin lipi)

¹² Ḳali Konizi Zifunnir fua Kalut ar Nunor fut Iusae ou desh deḳar shuzug faiba. Tara to amar ḳotare shullo-ana manche.

ꠔꠃꠞꠣꠔ ৪: ꠡꠥꠝꠣꠞꠤ 32:12 Iomraidhean Croise

ꠔꠃꠞꠣꠔ ৪: ꠡꠥꠝꠣꠞꠤ 14:22

ꠁꠔꠣ ꠄꠇꠎꠘꠦꠅ ꠀꠝꠣꠞ ꠅꠀꠖꠣ ꠇꠞꠣ ꠢꠤ ꠖꠦꠡ ꠖꠦꠈꠣꠞ ꠡꠥꠎꠥꠉ ꠅꠁꠔ ꠘꠣꠄ, ꠎꠦ ꠖꠦꠡ ꠖꠤꠔꠣꠝ ꠇꠞꠤ ꠀꠝꠤ ꠔꠣꠞꠣꠞ ꠛꠣꠚ-ꠖꠣꠖꠣꠞ ꠉꠦꠍꠦ ꠅꠀꠖꠣ ꠇꠞꠍꠟꠣꠝ। ꠇꠣꠞꠘ ꠁꠔꠣꠄ ꠀꠝꠣꠞ ꠘꠥꠞꠞ ꠔꠎꠟ꠆ꠟꠤ ꠖꠦꠈꠍꠂꠘ, ꠔꠣꠞꠣ ꠝꠤꠡꠞꠅ ꠕꠣꠇꠔꠦ ꠀꠞ ꠅꠃ ꠝꠞꠥꠜꠥꠝꠤꠔ ꠀꠁꠀꠅ ꠀꠝꠣꠞ ꠇꠥꠖꠞꠔꠤ ꠟꠤꠟꠣ-ꠈꠦꠟꠣ ꠖꠦꠈꠣꠞ ꠛꠣꠖꠦꠅ ꠁꠔꠣꠄ ꠀꠝꠣꠞꠦ ꠝꠣꠘꠍꠂꠘ ꠘꠣ, ꠛꠞꠋ ꠖꠡ-ꠖꠡꠛꠣꠞ ꠔꠣꠞꠣ ꠀꠝꠣꠞꠦ ꠙꠞꠤꠇ꠆ꠇꠣ ꠇꠞꠍꠂꠘ। ꠔꠦ ꠔꠣꠞꠣ ꠎꠔꠎꠘꠦ ꠀꠝꠣꠞꠦ ꠄꠟꠣꠝꠤ ꠇꠞꠍꠦ, ꠁꠔꠣ ꠄꠇꠎꠘꠦꠅ ꠢꠤ ꠖꠦꠡ ꠖꠦꠈꠣꠞ ꠇꠙꠣꠟ ꠅꠁꠔ ꠘꠣꠄ।

ꠔꠃꠞꠣꠔ ৪: ꠡꠥꠝꠣꠞꠤ 14:24

ꠅꠁꠟꠦ ꠀꠝꠣꠞ ꠛꠘ꠆ꠖꠣ ꠇꠣꠟꠥꠔꠞ ꠖꠤꠟꠞ ꠜꠣꠛ ꠁꠟꠣ ꠘꠣꠄ, ꠢꠦ ꠀꠝꠣꠞ ꠢꠥꠇꠥꠝ ꠙꠥꠞꠣꠙꠥꠞ ꠝꠣꠘꠦ। ꠄꠞꠟꠣꠉꠤ ꠎꠦ ꠖꠦꠡ ꠖꠦꠈꠣꠔ ꠢꠦ ꠉꠦꠍꠤꠟ, ꠀꠝꠤ ꠔꠣꠞꠦ ꠢꠃ ꠖꠦꠡꠅ ꠘꠤꠝꠥ, ꠔꠣꠞ ꠀꠅꠟꠣꠖ ꠅꠇꠟ ꠢꠤ ꠖꠦꠡꠞ ꠝꠣꠟꠤꠇ ꠅꠁꠛꠣ।

ꠔꠃꠞꠣꠔ ৪: ꠡꠥꠝꠣꠞꠤ 14:30

ꠀꠝꠤ ꠔꠥꠝꠞꠣꠞꠦ ꠎꠦ ꠖꠦꠡ ꠖꠤꠔꠣꠝ ꠇꠞꠤ ꠅꠀꠖꠣ ꠇꠞꠍꠟꠣꠝ, ꠈꠣꠟꠤ ꠎꠤꠚꠥꠘ꠆ꠘꠤꠞ ꠙꠥꠀ ꠇꠣꠟꠥꠔ ꠀꠞ ꠘꠥꠘꠞ ꠙꠥꠀ ꠁꠃꠍꠣ ꠍꠣꠠꠣ ꠀꠞ ꠇꠦꠃ ꠉꠤꠀ ꠢꠤ ꠖꠦꠡꠅ ꠢꠣꠝꠣꠘꠤꠞ ꠇꠙꠣꠟ ꠅꠁꠔ ꠘꠣꠄ।

ꠔꠃꠞꠣꠔ ৪: ꠡꠥꠝꠣꠞꠤ 26:65

ꠀꠍꠟꠦ ꠅꠔꠣ ꠛꠘꠤ ꠁꠍꠞꠣꠁꠟꠞ ꠛꠦꠙꠣꠞꠦ ꠝꠣꠛꠥꠖꠦ ꠀꠉꠦꠃ ꠇꠁꠍꠟꠣ, ꠔꠣꠞꠣ ꠘꠤꠌ꠆ꠌꠄ ꠅꠃ ꠝꠞꠥꠜꠥꠝꠤꠔ ꠝꠣꠞꠣ ꠎꠣꠁꠛꠣ। ꠀꠞ ꠢꠣꠍꠣꠃ ꠈꠣꠟꠤ ꠎꠤꠚꠥꠘ꠆ꠘꠤꠞ ꠙꠥꠀ ꠇꠣꠟꠥꠔ ꠀꠞ ꠘꠥꠘꠞ ꠙꠥꠀ ꠁꠃꠍꠣ ꠍꠣꠠꠣ ꠔꠣꠞꠣꠞ ꠝꠣꠎꠞ ꠖꠥꠍꠞꠣ ꠇꠦꠃ ꠎꠤꠘ꠆ꠖꠣ ꠞꠁꠍꠤꠟ ꠘꠣ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 1:36

ꠈꠣꠟꠤ ꠎꠤꠚꠥꠘ꠆ꠘꠤꠞ ꠙꠥꠀ ꠇꠣꠟꠥꠔ ꠍꠣꠠꠣ। ꠁꠈꠣꠘ ꠖꠦꠈꠣꠞ ꠡꠃꠜꠣꠁꠉ꠆ꠉ ꠅꠃ ꠇꠣꠟꠥꠔꠦ ꠙꠣꠁꠛ, ꠢꠦ ꠀꠝꠣꠞ ꠇꠕꠣꠞꠦ ꠙꠥꠞꠣꠙꠥꠞ ꠝꠣꠘꠍꠦ, ꠢꠦ ꠎꠦꠔꠣ ꠎꠣꠉꠣ ꠙꠣꠅꠖꠤ ꠙꠣꠠꠣꠁꠀ ꠀꠁꠍꠦ, ꠁꠔꠣ ꠎꠣꠉꠣ ꠀꠝꠤ ꠔꠣꠞꠦ ꠀꠞ ꠔꠣꠞ ꠀꠅꠟꠣꠖ ꠅꠇꠟꠞꠦ ꠖꠤꠝꠥ।