ꠔꠃꠞꠣꠔ ৪: ꠡꠥꠝꠣꠞꠤ 32:11 - Siloṭi Asmani Kitab (Nagri lipi)

¹¹ ꠀꠝꠤ ꠝꠣꠛꠥꠖꠦ ꠎꠦ ꠖꠦꠡ ꠖꠤꠛꠣꠞ ꠟꠣꠉꠤ ꠁꠛ꠆ꠞꠣꠢꠤꠝ, ꠁꠍꠢꠣꠇ ꠀꠞ ꠁꠀꠇꠥꠛꠞ ꠉꠦꠍꠦ ꠇꠍꠝ ꠈꠣꠁꠍꠟꠣꠝ, ꠝꠤꠡꠞ ꠕꠣꠇꠤ ꠛꠣꠞ ꠅꠁꠀ ꠀꠅꠀ ꠝꠣꠘꠡꠞ ꠝꠣꠎꠦ ꠛꠤꠡ ꠛꠍꠞ ꠛꠣ ꠄꠞ ꠛꠦꠡꠤ ꠛꠄꠅꠡꠤ ꠇꠥꠘꠥ ꠎꠘꠦ ꠁ ꠖꠦꠡ ꠖꠦꠈꠣꠞ ꠡꠥꠎꠥꠉ ꠙꠣꠁꠔꠣ ꠘꠣꠄ, ꠇꠦꠘꠦꠘꠣ ꠔꠣꠞꠣ ꠀꠝꠣꠞ ꠇꠕꠣ ꠙꠥꠞꠣꠙꠥꠞ ꠡꠥꠟ꠆ꠟꠀꠘꠣ ꠝꠣꠘꠍꠦ ꠘꠣ।

ছিলটি আছমানি কিতাব (বাংলা লিপি)

¹¹ আমি মাবুদে যে দেশ দিবার লাগি ইব্রাহিম, ইছহাক আর ইয়াকুবর গেছে কছম খাইছলাম, মিসর থাকি বার অইয়া আওয়া মানষর মাজে বিশ বছর বা এর বেশি বয়সি কুনু জনে ই দেশ দেখার সুযোগ পাইতা নায়, কেনেনা তারা আমার কথা পুরাপুর ষোলআনা মানছে না।

Siloṭi Asmani Kitab (Latin lipi)

¹¹ ami Mabude ze desh dibar lagi Ibrahim, Isʼhak ar Iakubor gese ḳosom ḳaislam, Mishor taki bar oia aoa manshor maze bish bosor ba er beshi boyoshi kunu zone i desh deḳar shuzug faita nae, ḳenena tara amar ḳota furafur shullo-ana manche na.

ꠔꠃꠞꠣꠔ ৪: ꠡꠥꠝꠣꠞꠤ 32:11 Iomraidhean Croise

ꠔꠃꠞꠣꠔ ৪: ꠡꠥꠝꠣꠞꠤ 14:24

ꠅꠁꠟꠦ ꠀꠝꠣꠞ ꠛꠘ꠆ꠖꠣ ꠇꠣꠟꠥꠔꠞ ꠖꠤꠟꠞ ꠜꠣꠛ ꠁꠟꠣ ꠘꠣꠄ, ꠢꠦ ꠀꠝꠣꠞ ꠢꠥꠇꠥꠝ ꠙꠥꠞꠣꠙꠥꠞ ꠝꠣꠘꠦ। ꠄꠞꠟꠣꠉꠤ ꠎꠦ ꠖꠦꠡ ꠖꠦꠈꠣꠔ ꠢꠦ ꠉꠦꠍꠤꠟ, ꠀꠝꠤ ꠔꠣꠞꠦ ꠢꠃ ꠖꠦꠡꠅ ꠘꠤꠝꠥ, ꠔꠣꠞ ꠀꠅꠟꠣꠖ ꠅꠇꠟ ꠢꠤ ꠖꠦꠡꠞ ꠝꠣꠟꠤꠇ ꠅꠁꠛꠣ।

ꠔꠃꠞꠣꠔ ৪: ꠡꠥꠝꠣꠞꠤ 26:2

“ꠛꠘꠤ ꠁꠍꠞꠣꠁꠟꠞ ꠝꠣꠎꠦ ꠎꠦꠞꠣꠞ ꠛꠄꠅꠡ ꠛꠤꠡ ꠛꠍꠞ ꠛꠣ ꠄꠞ ꠛꠦꠡꠤ, ꠝꠣꠘꠤ ꠎꠥꠖ꠆ꠖ ꠇꠞꠣꠞ ꠎꠁꠉ꠆ꠉ ꠎꠦꠞꠣ ꠅꠁꠉꠦꠍꠦ, ꠄꠞꠣꠞꠦ ꠎꠣꠞꠎꠤꠞ ꠉꠥꠡ꠆ꠐꠤ ꠝꠣꠚꠤꠇ ꠉꠘꠅ।”

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 1:35

ꠀꠝꠤ ꠝꠣꠛꠥꠖꠦ ꠔꠥꠝꠞꠣꠞ ꠛꠣꠚ-ꠖꠣꠖꠣꠞ ꠉꠦꠍꠦ ꠇꠍꠝ ꠈꠣꠁꠍꠟꠣꠝ ꠅꠃ ꠖꠦꠡꠈꠣꠘ ꠖꠤꠔꠣꠝ ꠇꠞꠤ, ꠔꠣ-ꠅ ꠅꠈꠘꠇꠥꠞ ꠁꠔꠣ ꠘꠣꠚꠞꠝꠣꠘ ꠅꠇꠟꠦ ꠁ ꠜꠣꠟꠣ ꠎꠣꠉꠣ ꠈꠣꠘ ꠖꠦꠈꠣꠞ ꠘꠍꠤꠛ ꠅꠁꠔ ꠘꠣꠄ,

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 1:8

ꠝꠘꠅ ꠞꠣꠈꠤꠅ, ꠁꠔꠣ ꠢꠇꠟ ꠎꠣꠉꠣ ꠀꠝꠤ ꠔꠥꠝꠞꠣꠞꠦ ꠖꠤꠟꠣꠁꠍꠤ। ꠀꠝꠤ ꠝꠣꠛꠥꠖꠦ ꠔꠥꠝꠞꠣꠞ ꠛꠣꠚ-ꠖꠣꠖꠣꠁꠘ ꠁꠛ꠆ꠞꠣꠢꠤꠝ, ꠁꠍꠢꠣꠇ, ꠁꠀꠇꠥꠛ ꠀꠞ ꠔꠣꠞꠣꠞ ꠈꠣꠘ꠆ꠖꠣꠘꠞꠦ ꠎꠦ ꠖꠦꠡ ꠖꠦꠅꠀꠞ ꠅꠀꠖꠣ ꠇꠞꠍꠟꠣꠝ, ꠔꠥꠝꠞꠣ ꠅꠈꠘ ꠉꠤꠀ ꠁꠔꠣ ꠢꠇꠟ ꠎꠣꠉꠣ ꠖꠈꠟ ꠇꠞꠤꠟꠣꠅ।