ꠔꠃꠞꠣꠔ ৪: ꠡꠥꠝꠣꠞꠤ 32:1 - Siloṭi Asmani Kitab (Nagri lipi)

¹ ꠞꠥꠛꠦꠘ ꠀꠞ ꠍꠣꠖꠥ ꠈꠣꠘ꠆ꠖꠣꠘꠞ ꠝꠣꠘꠡꠞ ꠉꠞꠥ-ꠍꠣꠉꠟꠞ ꠛꠠ ꠛꠠ ꠙꠣꠟ ꠀꠍꠤꠟ। ꠔꠣꠞꠣ ꠖꠦꠈꠟꠣ, ꠎꠣꠎꠤꠞꠣ ꠀꠞ ꠉꠤꠟꠤꠅꠖ ꠄꠟꠣꠇꠣ ꠙꠡꠥ ꠙꠣꠟꠤꠛꠣꠞ ꠟꠣꠉꠤ ꠈꠥꠛ ꠜꠣꠟꠣ ꠎꠣꠉꠣ।

ছিলটি আছমানি কিতাব (বাংলা লিপি)

¹ রুবেন আর ছাদু খান্দানর মানষর গরু-ছাগলর বড় বড় পাল আছিল। তারা দেখলা, জাজিরা আর গিলিয়দ এলাকা পশু পালিবার লাগি খুব ভালা জাগা।

Siloṭi Asmani Kitab (Latin lipi)

¹ Ruben ar Sadu ḳandanor manshor goru-sagolor boṛo boṛo fal asil. Tara deḳla, Zazira ar Giliod elaḳa foshu falibar lagi kub bala zaga.

ꠔꠃꠞꠣꠔ ৪: ꠡꠥꠝꠣꠞꠤ 32:1 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 13:2

ꠀꠛ꠆ꠞꠣꠝ ꠈꠥꠛ ꠗꠘꠤ ꠀꠍꠟꠣ, ꠔꠣꠘ ꠛꠃꠔ ꠢꠦꠝꠣꠘ-ꠎꠣꠘꠥꠀꠞ ꠀꠞ ꠡꠥꠘꠣ-ꠞꠥꠙꠣ ꠀꠍꠤꠟ।

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 13:5

ꠀꠛ꠆ꠞꠣꠝꠞ ꠟꠉꠦ ꠝꠥꠍꠣꠚꠤꠞ ꠀꠍꠟꠣ ꠔꠣꠘ ꠜꠣꠔꠤꠎꠣ ꠟꠥꠔ, ꠄꠘꠅ ꠛꠃꠔ ꠉꠞꠥ-ꠍꠣꠉꠟ ꠀꠞ ꠔꠣꠝ꠆ꠛꠥ ꠀꠍꠤꠟ।

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 29:32

ꠀꠞ ꠟꠦꠀꠞ ꠊꠞꠅ ꠄꠇ ꠙꠥꠀ ꠅꠁꠟ। ꠔꠣꠁꠘ ꠙꠥꠀꠞ ꠘꠣꠝ ꠞꠣꠈꠟꠣ ꠞꠥꠛꠦꠘ [ꠝꠣꠘꠤ, ꠙꠥꠀꠞꠦ ꠖꠦꠈꠅ]। ꠔꠣꠁꠘ ꠇꠁꠟꠣ, “ꠝꠣꠛꠥꠖꠦ ꠀꠝꠣꠞ ꠖꠥꠈ ꠖꠦꠈꠍꠂꠘ, ꠅꠈꠘ ꠘꠤꠌ꠆ꠌꠄ ꠀꠝꠣꠞ ꠎꠣꠝꠣꠁꠄ ꠀꠝꠣꠞꠦ ꠝꠣꠄꠀ ꠇꠞꠛꠣ।”

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 47:4

ꠔꠣꠞꠣ ꠢꠤꠞꠛꠣꠞ ꠇꠁꠟꠣ, “ꠀꠝꠞꠣ ꠁ ꠖꠦꠡꠅ ꠝꠥꠍꠣꠚꠤꠞ ꠅꠁꠀ ꠕꠣꠇꠣꠞ ꠟꠣꠉꠤ ꠀꠁꠍꠤ। ꠇꠦꠘꠣꠘ ꠖꠦꠡꠅ ꠅꠈꠘ ꠛꠦꠎꠥꠁꠔꠣ ꠘꠤꠖꠣꠘ ꠌꠟꠦꠞ ꠇꠞꠤ, ꠢꠤꠘꠅ ꠀꠝꠞꠣꠞ ꠙꠡꠥꠞ ꠙꠣꠟꠞ ꠈꠥꠞꠣꠇꠤ ꠘꠣꠄ। ꠄꠞꠟꠣꠉꠤ ꠖꠄꠀ ꠇꠞꠤ ꠀꠙꠘꠣꠞ ꠁ ꠉꠥꠟꠣꠝ ꠅꠇꠟꠞꠦ, ꠉꠥꠡꠘꠅ ꠞꠁꠛꠣꠞ ꠡꠥꠎꠥꠉ ꠖꠦꠃꠇ꠆ꠇꠣ।”

ꠔꠃꠞꠣꠔ ২: ꠢꠤꠎꠞꠔ 12:38

ꠛꠘꠤ ꠁꠍꠞꠣꠁꠟ ꠛꠣꠖꠦꠅ ꠔꠣꠞꠣꠞ ꠟꠉꠦ ꠞꠅꠞꠣ ꠀꠞꠅ ꠛꠃꠔ ꠝꠣꠘꠥꠡ, ꠉꠞꠥ-ꠝꠦꠠꠣꠞ ꠙꠣꠟ ꠢꠇꠟꠔꠣ ꠝꠤꠟꠤꠀ ꠛꠃꠔ ꠛꠠ ꠖꠟ ꠛꠣꠘ꠆ꠖꠤꠀ ꠞꠅꠀꠘꠣ ꠖꠤꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 21:32

ꠢꠎꠞꠔ ꠝꠥꠍꠣꠄ ꠎꠣꠎꠤꠞꠣ ꠐꠣꠃꠘꠅ ꠉꠥꠁꠀ ꠙꠣꠑꠣꠘꠤꠞ ꠛꠣꠖꠦ ꠛꠘꠤ ꠁꠍꠞꠣꠁꠟꠦ ꠅꠃ ꠐꠣꠃꠘꠞ ꠀꠡ-ꠙꠣꠡꠞ ꠉꠣꠃ-ꠉꠦꠞꠣꠝ ꠢꠇꠟꠔꠣ ꠖꠈꠟ ꠇꠞꠟꠣ, ꠀꠞ ꠢꠘꠞ ꠛꠣꠡꠤꠘ꠆ꠖꠣ ꠀꠝꠥꠞꠤ ꠅꠇꠟꠞꠦ ꠈꠦꠖꠣꠁ ꠖꠤꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 32:2

ꠔꠦꠃ ꠔꠣꠞꠣ ꠝꠥꠍꠣ ꠘꠛꠤ, ꠁꠝꠣꠝ ꠀꠟꠤ-ꠀꠎꠞ ꠀꠞ ꠛꠘꠤ ꠁꠍꠞꠣꠁꠟꠞ ꠙꠞꠗꠣꠘ ꠝꠥꠞꠛ꠆ꠛꠤ ꠅꠇꠟꠞꠦ ꠇꠁꠟꠣ,

ꠔꠃꠞꠣꠔ ৪: ꠡꠥꠝꠣꠞꠤ 32:26

ꠀꠝꠞꠣꠞ ꠛꠃ-ꠛꠣꠁꠌ꠆ꠌꠣꠁꠘ ꠀꠞ ꠉꠞꠥ-ꠍꠣꠉꠟꠞ ꠙꠣꠟ ꠅꠘꠞ ꠉꠤꠟꠤꠅꠖ ꠄꠟꠣꠇꠣꠞ ꠐꠣꠃꠘ ꠅꠇꠟꠅ ꠞꠁꠛꠣ।

ꠔꠃꠞꠣꠔ ৪: ꠡꠥꠝꠣꠞꠤ 32:3

“ꠀꠙꠘꠣꠁꠘ꠆ꠔꠞ ꠁ ꠉꠥꠟꠣꠝ ꠅꠇꠟꠦ ꠔ ꠉꠞꠥ-ꠍꠣꠉꠟ ꠙꠣꠟꠤ। ꠀꠞ ꠀꠝꠞꠣꠞ ꠝꠣꠛꠥꠖꠦ ꠅꠐꠣꠞꠥꠔ, ꠖꠤꠛꠣꠘ, ꠎꠣꠎꠤꠞꠣ, ꠘꠤꠝ꠆ꠞꠣ, ꠢꠤꠡꠛꠘ, ꠁꠟꠤꠀꠟꠤ, ꠍꠦꠛꠣꠝ, ꠘꠛꠅ ꠀꠞ ꠛꠤꠃꠘ ꠘꠣꠝꠞ ꠎꠦꠔꠣ ꠎꠣꠉꠣ ꠛꠘꠤ ꠁꠍꠞꠣꠁꠟꠞ ꠖꠈꠟꠅ ꠀꠘꠍꠂꠘ, ꠁꠔꠣ ꠔ ꠙꠡꠥ ꠙꠣꠟꠤꠛꠣꠞ ꠟꠣꠉꠤ ꠈꠥꠛ ꠜꠣꠟꠣ ꠎꠣꠉꠣ।

ꠔꠃꠞꠣꠔ ৪: ꠡꠥꠝꠣꠞꠤ 32:35

ꠀꠐꠞꠥꠔ-ꠡꠥꠚꠣꠘ, ꠎꠣꠎꠤꠞꠣ, ꠎꠉꠛꠤꠀ,

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 33:21

ꠢꠇꠟ ꠕꠣꠇꠤ ꠡꠞꠟ ꠎꠝꠤ ꠘꠤꠎꠞ ꠟꠣꠉꠤ ꠘꠤꠍꠦ, ꠎꠁꠉ꠆ꠉ ꠝꠥꠞꠛ꠆ꠛꠤꠞ ꠀꠡꠘ ꠔꠣꠞ ꠟꠣꠉꠤ ꠕꠅꠀ ꠅꠁꠍꠦ। ꠎꠣꠔꠤꠞ ꠡꠞ꠆ꠖꠣꠞ ꠅꠇꠟ ꠖꠟꠣ ꠅꠀꠞ ꠇꠣꠟꠅ, ꠝꠣꠛꠥꠖꠞ ꠘꠤꠀꠄ ꠛꠤꠌꠣꠞ ꠢꠦ ꠔꠣꠝꠤꠟ ꠇꠞꠤꠟ, ꠛꠘꠤ ꠁꠍꠞꠣꠁꠟꠞꠦ ꠖꠦꠅꠀ ꠢꠥꠇꠥꠝ ꠙꠥꠞꠣ ꠝꠣꠁꠘ꠆ꠘ ꠇꠞꠟ।

Injil 23: 1-Hannan 2:16

ꠎꠣꠘ ꠔ, ꠖꠥꠘꠤꠀꠔ ꠎꠦꠔꠣ ꠝꠤꠟꠦ, ꠁꠔꠣ ꠅꠁꠟ, ꠞꠇ꠆ꠔ-ꠝꠣꠋꠡꠞ ꠈꠣꠁꠡ, ꠌꠃꠈꠞ ꠟꠥꠜ-ꠟꠣꠟꠌ ꠀꠞ ꠡꠋꠡꠣꠞꠞ ꠛꠣꠢꠣꠖꠥꠞꠤ, ꠁꠔꠣ ꠇꠥꠘꠥꠐꠣꠃ ꠛꠦꠢꠦꠡ꠆ꠔꠤ ꠛꠣꠚꠞ ꠉꠦꠍ ꠕꠣꠇꠤ ꠀꠄ ꠘꠣ, ꠈꠣꠟꠤ ꠖꠥꠘꠤꠀ ꠕꠣꠇꠤ ꠀꠄ।