ꠔꠃꠞꠣꠔ ৪: ꠡꠥꠝꠣꠞꠤ 30:8 - Siloṭi Asmani Kitab (Nagri lipi)

⁸ ꠅꠁꠟꠦ ꠁꠔꠣ ꠢꠥꠘꠣꠞ ꠟꠉꠦ ꠟꠉꠦ ꠎꠣꠝꠣꠁꠄ ꠎꠥꠖꠤ ꠘꠤꠡꠦꠗ ꠇꠞꠂꠘ, ꠔꠦ ꠁ ꠝꠣꠘ꠆ꠘꠔ ꠛꠣ ꠅꠀꠖꠣꠞ ꠛꠣꠘ꠆ꠖꠘ ꠕꠣꠇꠤ ꠔꠣꠁ ꠈꠣꠟꠣꠍ ꠙꠣꠁꠛ, ꠝꠣꠛꠥꠖꠦꠅ ꠁꠔꠣ ꠝꠣꠚ ꠇꠞꠤ ꠖꠤꠛꠣ।

ছিলটি আছমানি কিতাব (বাংলা লিপি)

⁸ অইলে ইতা হুনার লগে লগে জামাইয়ে যুদি নিষেধ করইন, তে ই মান্নত বা ওয়াদার বান্দন থাকি তাই খালাছ পাইবো, মাবুদেও ইতা মাফ করি দিবা।

Siloṭi Asmani Kitab (Latin lipi)

⁸ Oile ita hunar loge loge zamaie zudi nished ḳoroin, te i mannot ba oadar bandon taki tai kalas faibo, Mabude-o ita maf ḳori diba.

ꠔꠃꠞꠣꠔ ৪: ꠡꠥꠝꠣꠞꠤ 30:8 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 3:16

ꠀꠞ ꠔꠣꠁꠘ ꠛꠦꠐꠤꠞꠦ ꠇꠁꠟꠣ, “ꠔꠥꠝꠣꠞ ꠢꠥꠞꠥꠔ꠆ꠔꠣ ꠅꠁꠛꠣꠞ ꠡꠝꠄ ꠔꠥꠝꠣꠞ ꠝꠍꠤꠛꠔ ꠈꠥꠛ ꠛꠣꠠꠣꠁ ꠖꠤꠝꠥ, ꠔꠥꠝꠤ ꠈꠥꠛ ꠇꠡ꠆ꠐ ꠇꠞꠤꠀ ꠢꠥꠞꠥꠔ꠆ꠔꠣ ꠙꠄꠖꠣ ꠇꠞꠛꠣꠄ। ꠎꠣꠝꠣꠁꠞ ꠛꠣꠄ ꠔꠥꠝꠣꠞ ꠈꠥꠛ ꠈꠣꠁꠡ ꠕꠣꠇꠛ, ꠀꠞ ꠢꠦ ꠔꠥꠝꠣꠞ ꠃꠙꠞꠦ ꠛꠦꠐꠣꠉꠤꠞꠤ ꠇꠞꠛ।”

Injil 7: 1-Korintia 14:34

ꠀꠟ꠆ꠟꠣꠞ ꠙꠣꠇ ꠛꠘ꠆ꠖꠣ ꠅꠇꠟꠞ ꠢꠇꠟ ꠎꠝꠣꠔꠞ ꠘꠤꠅꠝ-ꠇꠣꠘꠥꠘ ꠅꠁꠟ, ꠎꠝꠣꠔꠞ ꠝꠣꠎꠦ ꠛꠦꠐꠤ ꠝꠣꠘꠥꠡ ꠘꠤꠞꠣꠁ ꠞꠅꠀ ꠃꠌꠤꠔ, ꠉꠚ-ꠡꠚ ꠇꠞꠣ ꠔꠣꠞꠣꠞ ꠟꠣꠉꠤ ꠑꠤꠇ ꠘꠣꠄ। ꠡꠞꠤꠅꠔꠞ ꠘꠤꠅꠝ ꠝꠣꠚꠤꠇ ꠔꠣꠞꠣ ꠅꠗꠤꠘꠔꠣ ꠝꠣꠘꠃꠇ।

Injil 7: 1-Korintia 7:4

ꠛꠃꠞ ꠡꠞꠤꠟ ꠔ ꠔꠣꠁꠞ ꠘꠤꠎꠞ ꠘꠣꠄ, ꠔꠣꠁꠞ ꠎꠣꠝꠣꠁꠞ। ꠅꠟꠣꠈꠣꠘ ꠎꠣꠝꠣꠁꠞ ꠡꠞꠤꠟꠅ ꠔꠣꠞ ꠘꠤꠎꠞ ꠘꠣꠄ, ꠔꠣꠞ ꠛꠃꠞ।

ꠔꠃꠞꠣꠔ ৩: ꠟꠦꠛꠤꠀꠘ 5:4

“ꠀꠈꠟ-ꠛꠤꠛꠦꠇ ꠘꠣ ꠈꠣꠐꠣꠁꠀ ꠀꠈꠔꠣ ꠎꠥꠖꠤ ꠇꠦꠃ ꠇꠥꠘꠥ ꠇꠍꠝ ꠇꠞꠤꠟꠣꠄ, ꠜꠣꠟꠣ ꠛꠣ ꠛꠥꠞꠣ ꠇꠥꠘ꠆ꠔꠣ ꠇꠞꠝꠥ ꠇꠁꠀ ꠝꠘꠞ ꠛꠦ-ꠈꠤꠀꠟꠦ ꠇꠦꠃ ꠇꠥꠘꠥ ꠇꠍꠝ ꠈꠣꠁꠟꠦꠅ, ꠢꠦ ꠎꠦꠛꠟꠣ ꠁꠈꠣꠘ ꠛꠥꠎꠤꠟꠤꠛ ꠅꠃ ꠡꠝꠄ ꠢꠦ ꠖꠥꠡꠤ ꠛꠘꠛ।

ꠔꠃꠞꠣꠔ ৪: ꠡꠥꠝꠣꠞꠤ 30:5

ꠅꠁꠟꠦ ꠁꠈꠣꠘ ꠢꠥꠘꠣꠞ ꠟꠉꠦ ꠟꠉꠦ ꠛꠣꠚꠦ ꠎꠥꠖꠤ ꠙꠥꠠꠤꠞꠦ ꠁꠔꠣ ꠇꠞꠔꠦ ꠘꠤꠡꠦꠗ ꠇꠞꠂꠘ, ꠔꠦ ꠁ ꠝꠣꠘ꠆ꠘꠔ ꠛꠣ ꠅꠀꠖꠣ ꠛꠣꠔꠤꠟ ꠅꠁꠎꠤꠛ। ꠛꠣꠚꠦ ꠘꠤꠡꠦꠗ ꠇꠞꠣꠄ ꠝꠣꠛꠥꠖꠦꠅ ꠁ ꠝꠣꠘ꠆ꠘꠔ ꠛꠣ ꠅꠀꠖꠣ ꠜꠣꠋꠉꠣꠞꠦ ꠝꠣꠚ ꠇꠞꠤ ꠖꠤꠛꠣ।

ꠔꠃꠞꠣꠔ ৪: ꠡꠥꠝꠣꠞꠤ 30:7

ꠛꠤꠀꠞ ꠛꠣꠖꠦ ꠎꠣꠝꠣꠁꠄ ꠁꠈꠣꠘ ꠢꠥꠘꠤꠀ ꠟꠉꠦ ꠟꠉꠦ ꠇꠥꠘ꠆ꠔꠣ ꠘꠣ ꠇꠂꠘ, ꠔꠦ ꠁ ꠝꠣꠘ꠆ꠘꠔ ꠛꠣ ꠅꠀꠖꠣꠞꠦ ꠔꠣꠁ ꠙꠥꠞꠘ ꠇꠞꠣ ꠟꠣꠉꠛ।

ꠔꠃꠞꠣꠔ ৪: ꠡꠥꠝꠣꠞꠤ 30:9

“ꠀꠞ ꠇꠥꠘꠥ ꠠꠣꠠꠤ ꠛꠦꠐꠤ ꠛꠣ ꠔꠣꠟꠣꠇ ꠙꠣꠅꠀ ꠇꠥꠘꠥ ꠛꠦꠐꠤꠄ ꠎꠥꠖꠤ ꠝꠣꠘ꠆ꠘꠔ ꠇꠞꠤꠀ ꠅꠀꠖꠣꠄ ꠛꠘ꠆ꠖꠤ ꠅꠄ, ꠔꠦ ꠁꠔꠣ ꠙꠥꠞꠘ ꠇꠞꠣ ꠟꠣꠉꠛꠃ।