ꠔꠃꠞꠣꠔ ৪: ꠡꠥꠝꠣꠞꠤ 3:8 - Siloṭi Asmani Kitab (Nagri lipi)

⁸ ꠔꠣꠞꠣꠃ ꠝꠤꠟꠘ-ꠔꠣꠝ꠆ꠛꠥꠞ ꠝꠣꠟ-ꠍꠣꠝꠣꠘꠣ ꠖꠦꠈꠣ-ꠢꠥꠘꠣ ꠀꠞ ꠀꠟ꠆ꠟꠣꠞ ꠊꠞꠞ ꠈꠦꠎꠝꠔ ꠇꠞꠤꠀ ꠛꠘꠤ ꠁꠍꠞꠣꠁꠟꠞ ꠙꠇ꠆ꠇꠦ ꠄꠛꠣꠖꠔ-ꠛꠘ꠆ꠖꠦꠉꠤꠞ ꠖꠣꠄ-ꠖꠣꠄꠁꠔ꠆ꠔ ꠀꠖꠣꠄ ꠇꠞꠛꠣ।

ছিলটি আছমানি কিতাব (বাংলা লিপি)

⁸ তারাউ মিলন-তাম্বুর মাল-ছামানা দেখা-হুনা আর আল্লার ঘরর খেজমত করিয়া বনি ইছরাইলর পক্ষে এবাদত-বন্দেগির দায়-দায়িত্ব আদায় করবা।

Siloṭi Asmani Kitab (Latin lipi)

⁸ Tara-u Milon-tambur mal-samana deḳa-huna ar Allar goror kezmot ḳoria Boni Israilor fokke ebadot-bondegir day-dayitto adae ḳorba.

ꠔꠃꠞꠣꠔ ৪: ꠡꠥꠝꠣꠞꠤ 3:8 Iomraidhean Croise

ꠔꠃꠞꠣꠔ ৪: ꠡꠥꠝꠣꠞꠤ 10:17

ꠛꠣꠖꠦ ꠀꠟ꠆ꠟꠣꠞ ꠊꠞꠞ ꠢꠇꠟꠔꠣ ꠈꠥꠟꠣ ꠅꠁꠟ, ꠔꠦꠃ ꠎꠣꠞꠍꠥꠘꠤ ꠀꠞ ꠝꠣꠞꠣꠞꠤꠀ ꠅꠇꠟꠦ ꠅꠈꠣꠘꠞ ꠢꠇꠟꠔꠣ ꠛꠁꠀ ꠟꠁꠀ ꠞꠅꠀꠘꠣ ꠖꠤꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 10:21

ꠄꠞꠣꠞ ꠛꠣꠖꠦ ꠀꠟ꠆ꠟꠣꠞ ꠊꠞꠞ ꠙꠣꠇ-ꠙꠛꠤꠔ꠆ꠞ ꠝꠣꠟ-ꠍꠣꠝꠣꠘꠣ ꠟꠁꠀ ꠇꠣꠢꠣꠔꠤ ꠅꠇꠟꠦ ꠞꠅꠀꠘꠣ ꠖꠤꠟꠣ। ꠇꠣꠢꠣꠔꠤ ꠅꠇꠟ ꠎꠣꠉꠣꠔ ꠉꠤꠀ ꠙꠃꠍꠣꠞ ꠀꠉꠦꠃ ꠀꠟ꠆ꠟꠣꠞ ꠊꠞ ꠈꠣꠠꠣ ꠇꠞꠣꠞ ꠇꠕꠣ ꠀꠍꠤꠟ।

ꠔꠃꠞꠣꠔ ৪: ꠡꠥꠝꠣꠞꠤ 3:7

ꠔꠣꠞꠣ ꠁꠝꠣꠝ ꠢꠣꠞꠥꠘꠞ ꠎꠤꠝ꠆ꠝꠣꠄ ꠝꠤꠟꠘ-ꠔꠣꠝ꠆ꠛꠥꠞ ꠍꠣꠝꠘꠦ ꠢꠇꠟ ꠛꠘꠤ ꠁꠍꠞꠣꠁꠟꠞ ꠔꠞꠚ ꠕꠣꠇꠤ ꠀꠝꠣꠞ ꠊꠞꠞ ꠈꠣꠖꠤꠝꠖꠣꠞꠤ ꠇꠞꠛꠣ।

ꠔꠃꠞꠣꠔ ৪: ꠡꠥꠝꠣꠞꠤ 3:9

ꠟꠦꠛꠤ ꠈꠣꠘ꠆ꠖꠣꠘꠞ ꠈꠣꠖꠤꠝ ꠅꠇꠟꠞꠦ ꠔꠥꠝꠤ ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠞ ꠀꠔꠅ ꠡꠝꠎꠣꠁ ꠖꠦꠅ। ꠛꠘꠤ ꠁꠍꠞꠣꠁꠟꠞ ꠝꠣꠎ ꠕꠣꠇꠤ ꠄꠞꠣꠞꠦ ꠁꠝꠣꠝ ꠢꠣꠞꠥꠘꠞ ꠀꠔꠅ ꠡꠙꠤ ꠖꠦꠅꠀ ꠅꠁꠟ।

ꠔꠃꠞꠣꠔ ৪: ꠡꠥꠝꠣꠞꠤ 31:30

ꠀꠞ ꠛꠘꠤ ꠁꠍꠞꠣꠁꠟꠞ ꠛꠣꠐꠅ ꠎꠦꠔꠣ ꠝꠣꠘꠥꠡ, ꠉꠞꠥ-ꠍꠣꠉꠟ ꠙꠣꠁꠛꠣ, ꠁꠔꠣꠞ ꠙꠞꠔꠦꠇ ꠙꠁꠘ꠆ꠌꠣꠡꠐꠣ ꠕꠣꠇꠤ ꠄꠇꠐꠣꠞꠦ ꠀꠟꠉ ꠇꠞꠤ ꠕꠁꠅ। ꠕꠁꠀ ꠀꠟ꠆ꠟꠣꠞ ꠛꠡꠔ ꠈꠣꠘꠣ, ꠛꠣꠄꠔꠥꠟ꠆ꠟꠣ ꠔꠣꠝ꠆ꠛꠥꠞ ꠈꠣꠖꠤꠝ ꠟꠦꠛꠤ ꠅꠇꠟꠞ ꠀꠔꠅ ꠁꠔꠣ ꠡꠝꠎꠣꠁꠅ।”

ꠔꠃꠞꠣꠔ ৪: ꠡꠥꠝꠣꠞꠤ 4:15

ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠦ ꠎꠦꠛꠟꠣ ꠅꠃ ꠙꠣꠇ-ꠙꠛꠤꠔ꠆ꠞ ꠎꠤꠘꠤꠡ ꠅꠇꠟ ꠀꠞ ꠄꠛꠣꠖꠔ ꠈꠣꠘꠣꠞ ꠝꠣꠟ-ꠍꠣꠝꠣꠘꠣ ꠢꠇꠟꠔꠣ ꠉꠥꠞꠤꠟꠤꠛꠣ, ꠔꠣꠞꠣ ꠔꠣꠝ꠆ꠛꠥ ꠔꠥꠟꠤꠀ ꠍꠚꠞꠅ ꠛꠣꠞꠘꠤꠞ ꠟꠣꠉꠤ ꠎꠦꠛꠟꠣ ꠔꠤꠀꠞ ꠅꠁꠎꠤꠛꠣ, ꠅꠃ ꠡꠝꠄ ꠅꠔꠣ ꠛꠁꠀ ꠘꠤꠛꠣꠞ ꠟꠣꠉꠤ ꠇꠣꠢꠣꠔꠤ ꠅꠇꠟ ꠀꠁꠛꠣ। ꠅꠁꠟꠦ ꠔꠣꠞꠣ ꠇꠥꠘꠥ ꠙꠣꠇ-ꠙꠛꠤꠔ꠆ꠞ ꠌꠤꠎꠞꠦ ꠀꠔꠖꠤ ꠍꠁꠔꠣ ꠙꠣꠞꠔꠣ ꠘꠣꠄ, ꠍꠁꠟꠦꠃ ꠝꠞꠛꠣ। ꠝꠤꠟꠘ-ꠔꠣꠝ꠆ꠛꠥꠞ ꠅꠃ ꠢꠇ꠆ꠇꠟ ꠎꠤꠘꠤꠡ ꠔꠣꠞꠣ ꠛꠁꠀ ꠘꠤꠛꠣ।

ꠔꠃꠞꠣꠔ ৪: ꠡꠥꠝꠣꠞꠤ 4:28

ꠅꠔꠣꠃ ꠅꠁꠟ ꠝꠤꠟꠘ-ꠔꠣꠝ꠆ꠛꠥꠞ ꠇꠣꠝꠅ ꠎꠣꠞꠍꠥꠘꠤ ꠅꠇꠟꠞ ꠖꠣꠄ-ꠖꠣꠄꠁꠔ꠆ꠔ। ꠔꠣꠞꠣꠞ ꠇꠣꠝ-ꠇꠣꠎꠞ ꠔꠖꠣꠞꠇꠤ ꠇꠞꠛꠣ ꠁꠝꠣꠝ ꠢꠣꠞꠥꠘꠞ ꠙꠥꠀ ꠁꠍꠣꠝꠣꠞꠦ।

ꠔꠃꠞꠣꠔ ৪: ꠡꠥꠝꠣꠞꠤ 4:33

ꠅꠔꠣꠃ ꠅꠁꠟ ꠝꠤꠟꠘ-ꠔꠣꠝ꠆ꠛꠥꠞ ꠝꠣꠎꠦ ꠝꠣꠞꠣꠞꠤꠀ ꠉꠥꠡ꠆ꠐꠤꠞ ꠖꠣꠄ-ꠖꠣꠄꠁꠔ꠆ꠔ। ꠔꠣꠞꠣꠞ ꠇꠣꠝ-ꠇꠣꠎꠞ ꠔꠖꠣꠞꠇꠤ ꠇꠞꠛꠣ ꠁꠝꠣꠝ ꠢꠣꠞꠥꠘꠞ ꠙꠥꠀ ꠁꠍꠣꠝꠣꠞꠦ।”