ꠔꠃꠞꠣꠔ ৪: ꠡꠥꠝꠣꠞꠤ 3:41 - Siloṭi Asmani Kitab (Nagri lipi)

⁴¹ ꠛꠘꠤ ꠁꠍꠞꠣꠁꠟꠞ ꠢꠇꠟ ꠙꠄꠟꠣ ꠙꠥꠀꠂꠘ꠆ꠔꠞ ꠎꠣꠘꠞ ꠛꠖꠟꠣ ꠟꠦꠛꠤ ꠅꠇꠟꠞꠦ ꠀꠝꠣꠞ ꠇꠁꠀ ꠉꠘꠣ ꠅꠁꠛ। ꠀꠞ ꠔꠣꠞꠣꠞ ꠙꠡꠥꠞ ꠙꠄꠟꠣ ꠛꠣꠁꠌ꠆ꠌꠣꠞ ꠛꠖꠟꠣ ꠟꠦꠛꠤ ꠅꠇꠟꠞ ꠙꠡꠥꠞ ꠙꠄꠟꠣ ꠛꠣꠁꠌ꠆ꠌꠣꠞꠦ ꠀꠝꠣꠞ ꠇꠁꠀ ꠉꠘꠣ ꠅꠁꠛ। ꠀꠝꠤꠃ ꠝꠣꠛꠥꠖ।”

ছিলটি আছমানি কিতাব (বাংলা লিপি)

⁴¹ বনি ইছরাইলর হকল পয়লা পুয়াইন্তর জানর বদলা লেবি অকলরে আমার কইয়া গনা অইবো। আর তারার পশুর পয়লা বাইচ্চার বদলা লেবি অকলর পশুর পয়লা বাইচ্চারে আমার কইয়া গনা অইবো। আমিউ মাবুদ।”

Siloṭi Asmani Kitab (Latin lipi)

⁴¹ Boni Israilor hoḳol foyla fuaintor zanor bodla Lebi oḳolre amar ḳoia gona oibo. Ar tarar foshur foyla baichchar bodla Lebi oḳlor foshur foyla baichchare amar ḳoia gona oibo. Ami-u Mabud.”

ꠔꠃꠞꠣꠔ ৪: ꠡꠥꠝꠣꠞꠤ 3:41 Iomraidhean Croise

ꠔꠃꠞꠣꠔ ৪: ꠡꠥꠝꠣꠞꠤ 18:15

ꠝꠣꠛꠥꠖꠞ ꠘꠣꠝꠦ ꠡꠙꠤ ꠖꠦꠅꠀ ꠙꠞꠔꠦꠇ ꠙꠄꠟꠣ ꠛꠣꠁꠌ꠆ꠌꠣ ꠔꠥꠝꠣꠞ ꠅꠁꠛ, ꠁꠔꠣ ꠝꠣꠘꠡꠞ ꠀꠅꠟꠣꠖ ꠅꠃꠇ ꠛꠣ ꠙꠡꠥꠞ ꠛꠣꠁꠌ꠆ꠌꠣ ꠅꠃꠇ। ꠝꠣꠘꠡꠞ ꠙꠄꠟꠣ ꠙꠥꠀꠞꠦ ꠔꠥꠝꠤ ꠘꠤꠌ꠆ꠌꠄ ꠈꠣꠟꠣꠍ ꠇꠞꠤꠀ ꠘꠤꠔꠦ ꠖꠤꠅ, ꠀꠞ ꠘꠣꠙꠣꠇ ꠙꠡꠥꠞ ꠙꠄꠟꠣ ꠝꠦꠖꠣ ꠛꠣꠁꠌ꠆ꠌꠣꠞꠦꠅ ꠅꠟꠣ ꠈꠣꠟꠣꠍ ꠇꠞꠤ ꠘꠤꠔꠦ ꠖꠤꠅ।

ꠔꠃꠞꠣꠔ ৪: ꠡꠥꠝꠣꠞꠤ 3:12

“ꠢꠥꠘꠅ, ꠛꠘꠤ ꠁꠍꠞꠣꠁꠟꠤ ꠛꠦꠐꠤꠘ꠆ꠔꠞ ꠊꠞꠅ ꠎꠘꠝ ꠟꠅꠀ ꠙꠄꠟꠣ ꠙꠥꠀꠞ ꠛꠖꠟꠣ ꠛꠣꠛꠔ, ꠀꠝꠤ ꠟꠦꠛꠤ ꠈꠣꠘ꠆ꠖꠣꠘꠞꠦ ꠙꠍꠘ꠆ꠖ ꠇꠞꠍꠤ। ꠄꠞꠟꠣꠉꠤ ꠟꠦꠛꠤ ꠅꠇꠟ ꠀꠝꠣꠞ।

ꠔꠃꠞꠣꠔ ৪: ꠡꠥꠝꠣꠞꠤ 3:13

ꠀꠍꠟꠦ ꠢꠇ꠆ꠇꠟ ꠙꠄꠟꠣ ꠙꠥꠀꠂꠘꠃ ꠀꠝꠣꠞ। ꠝꠤꠡꠞꠤ ꠅꠇꠟꠞ ꠢꠇꠟ ꠙꠄꠟꠣ ꠙꠥꠀꠂꠘ꠆ꠔꠞꠦ ꠝꠣꠞꠤꠟꠤꠛꠣꠞ ꠖꠤꠘ, ꠛꠘꠤ ꠁꠍꠞꠣꠁꠟꠞ ꠙꠞꠔꠦꠇ ꠙꠄꠟꠣ ꠙꠥꠀꠞꠦ ꠀꠝꠣꠞ ꠟꠣꠉꠤ ꠙꠛꠤꠔ꠆ꠞ ꠇꠞꠤꠀ ꠞꠣꠈꠍꠤ, ꠁꠔꠣ ꠝꠣꠘꠡꠞ ꠙꠥꠔ ꠅꠃꠇ ꠛꠣ ꠙꠡꠥꠞ ꠛꠣꠁꠌ꠆ꠌꠣ ꠅꠃꠇ। ꠔꠣꠞꠣ ꠔ ꠀꠝꠣꠞ, ꠀꠝꠤꠃ ꠝꠣꠛꠥꠖ।”

ꠔꠃꠞꠣꠔ ৪: ꠡꠥꠝꠣꠞꠤ 3:42

ꠝꠣꠛꠥꠖꠞ ꠢꠥꠇꠥꠝ ꠝꠣꠚꠤꠇ ꠝꠥꠍꠣꠄ ꠛꠘꠤ ꠁꠍꠞꠣꠁꠟꠞ ꠢꠇꠟ ꠙꠞꠤꠛꠣꠞꠞ ꠙꠄꠟꠣ ꠙꠥꠀꠂꠘꠞꠦ ꠉꠘꠤꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 3:45

“ꠛꠘꠤ ꠁꠍꠞꠣꠁꠟꠞ ꠢꠇꠟ ꠙꠄꠟꠣ ꠙꠥꠀꠂꠘ꠆ꠔꠞ ꠛꠖꠟꠣ ꠟꠦꠛꠤ ꠅꠇꠟꠞꠦ, ꠀꠞ ꠔꠣꠞꠣꠞ ꠙꠄꠟꠣ ꠙꠡꠥꠞ ꠛꠣꠁꠌ꠆ꠌꠣꠞ ꠛꠖꠟꠣ ꠟꠦꠛꠤ ꠅꠇꠟꠞ ꠙꠄꠟꠣ ꠙꠡꠥꠞ ꠛꠣꠁꠌ꠆ꠌꠣꠞꠦ ꠀꠝꠣꠞ ꠇꠁꠀ ꠗꠞꠣ ꠅꠁꠛ। ꠟꠦꠛꠤ ꠅꠇꠟ ꠔ ꠀꠝꠣꠞ ꠅꠁꠛꠣ। ꠀꠝꠤꠃ ꠝꠣꠛꠥꠖ।

ꠔꠃꠞꠣꠔ ৪: ꠡꠥꠝꠣꠞꠤ 8:16

ꠛꠘꠤ ꠁꠍꠞꠣꠁꠟ ꠕꠣꠇꠤ ꠛꠣꠍꠤꠀ ꠀꠟꠉ ꠇꠞꠣ ꠁ ꠟꠦꠛꠤ ꠈꠣꠘ꠆ꠖꠣꠘ ꠈꠣꠟꠤ ꠀꠝꠣꠞ, ꠀꠞ ꠇꠦꠃꠞꠞ ꠘꠣꠄ। ꠙꠞꠔꠦꠇ ꠁꠍꠞꠣꠁꠟꠤ ꠛꠦꠐꠤꠘ꠆ꠔꠞ ꠙꠄꠟꠣ ꠙꠥꠀꠞ ꠛꠖꠟꠣ ꠀꠝꠤ ꠟꠦꠛꠤ ꠈꠣꠘ꠆ꠖꠣꠘꠞꠦ ꠀꠝꠣꠞ ꠘꠤꠎꠞ ꠛꠣꠘꠣꠁꠍꠤ।

ꠁꠘ꠆ꠎꠤꠟ ১: ꠝꠕꠤ 20:28

ꠝꠘꠅ ꠞꠣꠈꠤꠅ, ꠀꠝꠤ ꠛꠤꠘ-ꠀꠖꠝꠦꠅ ꠈꠦꠎꠝꠔ ꠙꠣꠅꠀꠔ ꠀꠁꠍꠤ ꠘꠣ, ꠀꠁꠍꠤ ꠔ ꠈꠦꠎꠝꠔ ꠇꠞꠣꠔ। ꠀꠞ ꠛꠃꠔ ꠝꠣꠘꠡꠞ ꠎꠣꠘ ꠛꠣꠌꠣꠘꠤꠞ ꠟꠣꠉꠤ, ꠘꠤꠎꠞ ꠎꠣꠘ ꠛꠤꠟꠣꠁ ꠖꠦꠅꠀꠔ ꠀꠁꠍꠤ।”

ꠁꠘ꠆ꠎꠤꠟ ১৫: ১-ꠔꠤꠝꠕꠤ 2:6

ꠖꠥꠘꠤꠀꠞ ꠢꠇꠟ ꠝꠣꠘꠡꠞ ꠎꠣꠘꠞ ꠛꠖꠟꠣ ꠢꠤꠡꠣꠛꠦ, ꠔꠣꠁꠘ ꠘꠤꠎꠞ ꠎꠣꠘ ꠇꠥꠞꠛꠣꠘꠤ ꠖꠤꠍꠂꠘ। ꠅꠃ ꠛꠦꠙꠣꠞꠦ ꠔ ꠀꠟ꠆ꠟꠣꠞ ꠑꠤꠇ ꠇꠞꠣ ꠡꠝꠄꠄ ꠡꠣꠇ꠆ꠇꠤ ꠖꠦꠅꠀ ꠅꠁꠍꠦ।