ꠔꠃꠞꠣꠔ ৪: ꠡꠥꠝꠣꠞꠤ 3:1 - Siloṭi Asmani Kitab (Nagri lipi)

¹ ꠔꠥꠞ ꠙꠣꠠꠞ ꠃꠙꠞꠦ ꠝꠣꠛꠥꠖꠦ ꠎꠦꠛꠟꠣ ꠝꠥꠍꠣ ꠘꠛꠤꠞ ꠟꠉꠦ ꠛꠣꠔꠌꠤꠔ ꠇꠞꠍꠟꠣ, ꠢꠃ ꠡꠝꠄ ꠢꠣꠞꠥꠘ ꠀꠞ ꠔꠣꠘ ꠜꠣꠁ ꠝꠥꠍꠣꠞ ꠛꠋꠡ-ꠛꠥꠘꠤꠀꠖ ꠀꠍꠟꠣ ꠅꠃ ꠄꠁꠘꠔꠣꠁꠘ:

ছিলটি আছমানি কিতাব (বাংলা লিপি)

¹ তুর পাহাড়র উপরে মাবুদে যেবলা মুছা নবীর লগে বাতচিত করছলা, হউ সময় হারুন আর তান ভাই মুছার বংশ-বুনিয়াদ আছলা অউ এইনতাইন:

Siloṭi Asmani Kitab (Latin lipi)

¹ Tur faṛor ufre Mabude zebla Musa nobir loge batchit ḳorsla, hou shomoy Harun ar tan bai Musar bongsho-buniad asla ou eintain:

ꠔꠃꠞꠣꠔ ৪: ꠡꠥꠝꠣꠞꠤ 3:1 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 10:1

ꠘꠥꠢꠞ ꠙꠥꠀꠂꠘ ꠡꠣꠝ, ꠢꠣꠝ, ꠀꠞ ꠁꠀꠚꠦꠔꠞ ꠈꠣꠘ꠆ꠖꠣꠘꠞ ꠛꠄꠀꠘ। ꠛꠣꠘꠞ ꠛꠣꠖꠦ ꠔꠣꠞꠣꠞ ꠙꠥꠀ-ꠙꠥꠠꠤ ꠅꠁꠍꠟꠣ।

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 2:4

ꠅꠃ ꠅꠁꠟ ꠀꠍꠝꠣꠘ ꠀꠞ ꠎꠝꠤꠘ ꠙꠄꠖꠣꠞ ꠛꠄꠀꠘ। ꠝꠣꠛꠥꠖ ꠀꠟ꠆ꠟꠣꠄ ꠎꠦꠛꠟꠣ ꠀꠍꠝꠣꠘ ꠀꠞ ꠎꠝꠤꠘ ꠙꠄꠖꠣ ꠇꠞꠍꠤꠟꠣ,

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 5:1

ꠁꠔꠣ ꠅꠁꠟ ꠀꠖꠝꠞ ꠈꠣꠘ꠆ꠖꠣꠘꠞ ꠇꠟꠝꠛꠘ꠆ꠖꠤ ꠛꠄꠀꠘ। ꠝꠣꠘꠥꠡ ꠙꠄꠖꠣ ꠇꠞꠣꠞ ꠡꠝꠄ ꠀꠟ꠆ꠟꠣꠄ ꠔꠣꠘ ꠘꠤꠎꠞ ꠍꠥꠞꠔꠦ ꠙꠄꠖꠣ ꠇꠞꠟꠣ।

ꠔꠃꠞꠣꠔ ২: ꠢꠤꠎꠞꠔ 6:16

ꠈꠣꠘ꠆ꠖꠣꠘ ꠔꠣꠟꠤꠇꠣ ꠢꠤꠡꠣꠛꠦ ꠢꠎꠞꠔ ꠟꠦꠛꠤꠞ ꠙꠥꠀꠂꠘ ꠅꠁꠟꠣ ꠎꠣꠞꠍꠥꠘ, ꠇꠣꠢꠣꠔ ꠀꠞ ꠝꠣꠞꠣꠞꠤ। ꠟꠦꠛꠤ ꠄꠇ-ꠡ ꠡꠣꠠꠔꠤꠡ ꠛꠞꠍ ꠛꠣꠌꠤꠍꠟꠣ।

ꠔꠃꠞꠣꠔ ২: ꠢꠤꠎꠞꠔ 6:20

ꠁꠝꠞꠣꠘꠞ ꠙꠥꠀꠂꠘ ꠅꠁꠟꠣ ꠝꠥꠍꠣ ꠀꠞ ꠢꠣꠞꠥꠘ। ꠁꠝꠞꠣꠘꠦ ꠔꠣꠘ ꠚꠥꠚꠥ ꠁꠃꠈꠣꠛꠦꠎꠞꠦ ꠛꠤꠀ ꠇꠞꠍꠟꠣ, ꠔꠣꠘ ꠙꠦꠐꠅ ꠄꠞꠣꠞ ꠎꠘꠝ ꠅꠁꠍꠤꠟ। ꠁꠝꠞꠣꠘ ꠄꠇ-ꠡ ꠡꠣꠠꠔꠤꠡ ꠛꠞꠍ ꠛꠣꠌꠤꠍꠟꠣ।

ꠔꠃꠞꠣꠔ ২: ꠢꠤꠎꠞꠔ 6:27

ꠝꠥꠍꠣ ꠀꠞ ꠢꠣꠞꠥꠘꠦꠃ ꠛꠘꠤ ꠁꠍꠞꠣꠁꠟꠞꠦ ꠝꠤꠡꠞ ꠕꠣꠇꠤ ꠛꠣꠞ ꠇꠞꠤ ꠀꠘꠣꠞ ꠇꠕꠣ ꠝꠤꠡꠞꠞ ꠛꠣꠖꠡꠣ ꠚꠦꠞꠣꠃꠘꠞ ꠟꠉꠦ ꠝꠣꠔꠤꠍꠟꠣ।

ꠔꠃꠞꠣꠔ ৩: ꠟꠦꠛꠤꠀꠘ 25:1

ꠀꠞ ꠝꠣꠛꠥꠖꠦ ꠔꠥꠞ ꠙꠣꠠꠞ ꠃꠙꠞꠦ ꠝꠥꠍꠣ ꠘꠛꠤꠞꠦ ꠇꠁꠟꠣ,

ꠔꠃꠞꠣꠔ ৩: ꠟꠦꠛꠤꠀꠘ 27:34

ꠝꠣꠛꠥꠖꠦ ꠔꠥꠞ ꠙꠣꠠꠞ ꠃꠙꠞꠦ ꠝꠥꠍꠣ ꠘꠛꠤꠞ ꠉꠦꠍꠦ, ꠛꠘꠤ ꠁꠍꠞꠣꠁꠟꠞ ꠟꠣꠉꠤ ꠅꠃ ꠢꠥꠇꠥꠝ-ꠀꠢꠇꠣꠝ ꠅꠇꠟ ꠖꠣꠘ ꠇꠞꠍꠤꠟꠣ॥

ꠔꠃꠞꠣꠔ ৪: ꠡꠥꠝꠣꠞꠤ 2:34

ꠝꠣꠛꠥꠖꠦ ꠝꠥꠍꠣꠞꠦ ꠎꠦꠟꠣ ꠢꠥꠇꠥꠝ ꠖꠤꠍꠟꠣ, ꠛꠘꠤ ꠁꠍꠞꠣꠁꠟꠦ ꠢꠇꠟ ꠇꠣꠝ-ꠇꠣꠎ ꠇꠞꠔꠣ ꠅꠃ ꠢꠥꠇꠥꠝ ꠝꠣꠚꠤꠇ। ꠔꠣꠞꠣ ꠎꠣꠞꠎꠤꠞ ꠖꠟꠞ ꠎꠣꠉꠣꠔ ꠔꠣꠝ꠆ꠛꠥ ꠐꠣꠘꠣꠁꠔꠣ, ꠀꠞ ꠍꠚꠞꠅ ꠞꠅꠀꠘꠣ ꠅꠁꠔꠣ ꠘꠤꠎꠞ ꠉꠥꠡ꠆ꠐꠤ ꠀꠞ ꠙꠞꠤꠛꠣꠞ ꠝꠣꠚꠤꠇ ꠀꠙꠘ ꠚꠃꠎꠤ ꠖꠟꠞ ꠙꠔꠣꠇꠣꠞ ꠗꠣꠞꠅ ꠞꠁꠀ।

ꠁꠘ꠆ꠎꠤꠟ ১: ꠝꠕꠤ 1:1

ꠢꠎꠞꠔ ꠁꠍꠣ ꠀꠟ-ꠝꠍꠤ ꠅꠁꠟꠣ ꠖꠣꠃꠖ ꠘꠛꠤꠞ ꠛꠋꠡꠗꠞ, ꠀꠞ ꠖꠣꠃꠖ ꠅꠁꠟꠣ ꠢꠎꠞꠔ ꠁꠛ꠆ꠞꠣꠢꠤꠝꠞ ꠛꠋꠡꠗꠞ। ꠁꠍꠣ ꠀꠟ-ꠝꠍꠤꠞ ꠈꠣꠘ꠆ꠖꠣꠘꠞ ꠙꠞꠤꠌꠄ ꠅꠁꠟ,