ꠔꠃꠞꠣꠔ ৪: ꠡꠥꠝꠣꠞꠤ 28:3 - Siloṭi Asmani Kitab (Nagri lipi)

³ ꠔꠣꠞꠣꠞꠦ ꠄꠅꠈꠣꠘ ꠇꠅ, ꠔꠥꠝꠞꠣ ꠝꠣꠛꠥꠖꠞ ꠘꠣꠝꠦ ꠙꠞꠔꠤꠖꠤꠘꠞ ꠀꠉꠥꠘꠤꠔ ꠖꠦꠅꠀ ꠇꠥꠞꠛꠣꠘꠤ ꠀꠖꠣꠄ ꠇꠞꠣꠞ ꠘꠤꠅꠔꠦ ꠅꠃ ꠙꠡꠥ ꠅꠇꠟ ꠀꠘꠤꠅ, ꠙꠞꠔꠤꠖꠤꠘ ꠄꠇ ꠛꠍꠞ ꠛꠄꠅꠡꠤ ꠖꠥꠉꠥ ꠘꠤꠈꠥꠔ ꠝꠦꠠꠣ-ꠛꠣꠁꠌ꠆ꠌꠣ ꠀꠘꠤꠅ।

ছিলটি আছমানি কিতাব (বাংলা লিপি)

³ তারারে এওখান কও, তুমরা মাবুদর নামে পরতিদিনর আগুনিত দেওয়া কুরবানি আদায় করার নিয়তে অউ পশু অকল আনিও, পরতিদিন এক বছর বয়সি দুগু নিখুত মেড়া-বাইচ্চা আনিও।

Siloṭi Asmani Kitab (Latin lipi)

³ Tarare eoḳan ḳo, tumra Mabudor name fortidinor agunit deoa kurbani adae ḳorar niote ou foshu oḳol anio, fortidin eḳ bosor boyoshi dugu nikut meṛa-baichcha anio.

ꠔꠃꠞꠣꠔ ৪: ꠡꠥꠝꠣꠞꠤ 28:3 Iomraidhean Croise

ꠔꠃꠞꠣꠔ ৩: ꠟꠦꠛꠤꠀꠘ 3:5

ꠛꠣꠖꠦ ꠢꠣꠞꠥꠘꠞ ꠙꠥꠀꠂꠘ꠆ꠔꠦ ꠇꠥꠞꠛꠣꠘꠤ ꠈꠣꠘꠣꠞ ꠃꠙꠞꠦ ꠢꠣꠎꠣꠁꠟ ꠖꠣꠞꠥ ꠀꠞ ꠇꠥꠞꠛꠣꠘꠤꠞ ꠙꠡꠥꠞ ꠃꠙꠞꠦ ꠁꠔꠣ ꠢꠇꠟꠔꠣ ꠞꠣꠈꠤꠀ ꠄꠇꠟꠉꠦ ꠎꠣꠟꠣꠁꠟꠤꠛꠣ। ꠁꠔꠣ ꠔ ꠄꠇ ꠘꠝꠥꠘꠣꠞ ꠀꠉꠥꠘꠤꠔ ꠖꠦꠅꠀ ꠇꠥꠞꠛꠣꠘꠤ, ꠁꠔꠣꠞ ꠗꠥꠝꠣꠞ ꠊꠦꠞꠣꠘꠦ ꠝꠣꠛꠥꠖ ꠈꠥꠡꠤ ꠅꠁꠘ।

ꠔꠃꠞꠣꠔ ৩: ꠟꠦꠛꠤꠀꠘ 6:9

“ꠔꠥꠝꠤ ꠢꠣꠞꠥꠘ ꠀꠞ ꠔꠣꠞ ꠙꠥꠀꠂꠘ꠆ꠔꠞꠦ ꠢꠤꠇꠣꠁ ꠖꠦꠅ, ꠎꠣꠟꠣꠁꠟ ꠇꠥꠞꠛꠣꠘꠤ ꠀꠖꠣꠄ ꠇꠞꠣꠞ ꠝꠥꠍꠟꠣ ꠅꠁꠟ, ꠇꠥꠞꠛꠣꠘꠤꠞ ꠙꠡꠥ ꠚꠎꠞ ꠙꠞ꠆ꠎꠘ꠆ꠔ ꠢꠣꠞꠣ ꠞꠣꠁꠔ ꠇꠥꠞꠛꠣꠘꠤ ꠈꠣꠘꠣꠞ ꠀꠉꠥꠘꠤꠞ ꠃꠙꠞꠦ ꠞꠁꠛ, ꠀꠞ ꠀꠉꠥꠁꠘꠅ ꠎꠣꠟꠣꠁꠟ ꠞꠁꠛ।

ꠔꠃꠞꠣꠔ ৪: ꠡꠥꠝꠣꠞꠤ 28:10

ꠙꠞꠔꠤꠖꠤꠘꠞ ꠎꠣꠟꠣꠁꠟ ꠙꠡꠥ ꠇꠥꠞꠛꠣꠘꠤ ꠀꠞ ꠄꠞ ꠟꠉꠞ ꠡꠞꠛꠔ-ꠙꠣꠘꠤꠞ ꠍꠖꠉꠣ ꠍꠣꠠꠣꠅ ꠙꠞꠔꠦꠇ ꠎꠥꠝ꠆ꠝꠣꠛꠣꠞꠦ ꠅꠃ ꠎꠣꠟꠣꠁꠟ ꠇꠥꠞꠛꠣꠘꠤ ꠀꠖꠣꠄ ꠇꠞꠛꠣꠄ।

ꠔꠃꠞꠣꠔ ৪: ꠡꠥꠝꠣꠞꠤ 28:15

ꠁꠔꠣꠞ ꠟꠉꠦ ꠉꠥꠘꠣꠞ ꠇꠚꠞꠣꠞ ꠘꠤꠅꠔꠦ ꠀꠝꠣꠞ ꠘꠣꠝꠦ ꠄꠉꠥ ꠍꠣꠉꠟ ꠇꠥꠞꠛꠣꠘꠤ ꠖꠤꠅ। ꠔꠣ-ꠅ ꠙꠞꠔꠦꠇ ꠖꠤꠘꠞ ꠎꠣꠟꠣꠁꠟ ꠇꠥꠞꠛꠣꠘꠤ, ꠀꠞ ꠄꠞ ꠟꠉꠞ ꠡꠞꠛꠔ-ꠙꠣꠘꠤꠞ ꠍꠖꠉꠣꠅ ꠀꠖꠣꠄ ꠇꠞꠤꠅ।

ꠔꠃꠞꠣꠔ ৪: ꠡꠥꠝꠣꠞꠤ 28:23

ꠙꠞꠔꠦꠇ ꠖꠤꠘꠞ ꠛꠤꠀꠘꠇꠥꠞ ꠎꠣꠟꠣꠁꠟ ꠇꠥꠞꠛꠣꠘꠤ ꠔ ꠖꠤꠛꠣꠄꠃ, ꠄꠞꠟꠉꠦ ꠅꠃ ꠇꠥꠞꠛꠣꠘꠤꠅ ꠀꠖꠣꠄ ꠇꠞꠛꠣꠄ।

ꠔꠃꠞꠣꠔ ৪: ꠡꠥꠝꠣꠞꠤ 28:24

ꠅꠃ ꠟꠣꠈꠣꠘ ꠙꠥꠞꠣ ꠢꠣꠙ꠆ꠔꠣꠞ ꠡꠣꠔꠅꠖꠤꠘ ꠀꠝꠣꠞꠦ ꠈꠥꠡꠤ ꠇꠞꠣꠞ ꠊꠦꠞꠣꠘ ꠀꠟꠣ ꠈꠣꠘꠤ ꠢꠤꠡꠣꠛꠦ ꠙꠞꠔꠦꠇ ꠖꠤꠘ ꠅꠃ ꠀꠉꠥꠘꠤꠔ ꠖꠦꠅꠀ ꠇꠥꠞꠛꠣꠘꠤ ꠀꠖꠣꠄ ꠇꠞꠛꠣꠄ। ꠙꠞꠔꠤꠖꠤꠘꠞ ꠎꠣꠟꠣꠁꠟ ꠇꠥꠞꠛꠣꠘꠤ ꠀꠞ ꠄꠞ ꠟꠉꠞ ꠡꠞꠛꠔ-ꠙꠣꠘꠤꠞ ꠍꠖꠉꠣꠞ ꠟꠉꠦ ꠅꠃ ꠇꠥꠞꠛꠣꠘꠤꠅ ꠀꠖꠣꠄ ꠇꠞꠛꠣꠄ।

ꠔꠃꠞꠣꠔ ৪: ꠡꠥꠝꠣꠞꠤ 28:31

ꠅꠃ ꠢꠇꠟ ꠇꠥꠞꠛꠣꠘꠤ ꠀꠞ ꠁꠔꠣꠞ ꠟꠉꠞ ꠡꠞꠛꠔ-ꠙꠣꠘꠤꠞ ꠍꠖꠉꠣꠞ ꠟꠉꠦ ꠙꠞꠔꠤꠖꠤꠘꠞ ꠎꠣꠟꠣꠁꠟ ꠇꠥꠞꠛꠣꠘꠤ ꠀꠞ ꠄꠞ ꠟꠉꠞ ꠗꠣꠘ-ꠉꠝꠞ ꠍꠖꠉꠣ ꠀꠖꠣꠄ ꠇꠞꠛꠣꠄ। ꠈꠤꠀꠟ ꠞꠣꠈꠤꠅ, ꠇꠥꠞꠛꠣꠘꠤꠞ ꠢꠇꠟ ꠙꠡꠥ ꠎꠣꠘꠥ ꠙꠥꠞꠣꠙꠥꠞ ꠘꠤꠈꠥꠔ ꠅꠄ।

ꠔꠃꠞꠣꠔ ৪: ꠡꠥꠝꠣꠞꠤ 28:4

ꠀꠘꠤꠀ ꠄꠉꠥ ꠛꠤꠀꠘꠦ ꠀꠞ ꠄꠉꠥ ꠢꠣꠁꠘ꠆ꠎꠣ ꠛꠣꠟꠣ ꠇꠥꠞꠛꠣꠘꠤ ꠖꠤꠛꠣꠄ।

ꠔꠃꠞꠣꠔ ৪: ꠡꠥꠝꠣꠞꠤ 29:11

ꠢꠦꠡꠦ ꠉꠥꠘꠣ ꠝꠣꠚꠤꠞ ꠇꠥꠞꠛꠣꠘꠤꠞ ꠟꠣꠉꠤ ꠄꠉꠥ ꠙꠣꠑꠣ ꠍꠣꠉꠟꠅ ꠖꠤꠛꠣꠄ। ꠁꠖꠞ ꠅꠃ ꠇꠥꠞꠛꠣꠘꠤ ꠅꠇꠟ ꠍꠣꠠꠣꠅ ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤ ꠀꠞ ꠙꠞꠔꠤ ꠖꠤꠘꠞ ꠎꠣꠟꠣꠁꠟ ꠇꠥꠞꠛꠣꠘꠤ, ꠄꠞ ꠟꠉꠞ ꠗꠣꠘ-ꠉꠝꠞ ꠍꠖꠉꠣ ꠀꠞ ꠡꠞꠛꠔ-ꠙꠣꠘꠤꠞ ꠍꠖꠉꠣꠅ ꠖꠤꠅ।

ꠔꠃꠞꠣꠔ ৪: ꠡꠥꠝꠣꠞꠤ 29:16

ꠢꠦꠡꠦ ꠉꠥꠘꠣ ꠝꠣꠚꠤꠞ ꠇꠥꠞꠛꠣꠘꠤꠞ ꠟꠣꠉꠤ ꠄꠉꠥ ꠙꠣꠑꠣ ꠍꠣꠉꠟꠅ ꠖꠤꠛꠣꠄ। ꠖꠤꠀ ꠙꠞꠔꠤ ꠖꠤꠘꠞ ꠎꠣꠟꠣꠁꠟ ꠇꠥꠞꠛꠣꠘꠤ, ꠄꠞ ꠟꠉꠞ ꠗꠣꠘ-ꠉꠝꠞ ꠍꠖꠉꠣ ꠀꠞ ꠡꠞꠛꠔ-ꠙꠣꠘꠤꠞ ꠍꠖꠉꠣꠅ ꠖꠤꠛꠣꠄ।

ꠔꠃꠞꠣꠔ ৪: ꠡꠥꠝꠣꠞꠤ 29:6

ꠙꠞꠔꠦꠇ ꠌꠣꠘ꠆ꠖꠞ ꠀꠞ ꠙꠞꠔꠤ ꠖꠤꠘꠞ ꠎꠣꠟꠣꠁꠟ ꠇꠥꠞꠛꠣꠘꠤ, ꠁꠔꠣꠞ ꠟꠉꠞ ꠗꠣꠘ-ꠉꠝꠞ ꠍꠖꠉꠣ ꠀꠞ ꠡꠞꠛꠔ-ꠙꠣꠘꠤꠞ ꠍꠖꠉꠣ ꠍꠣꠠꠣꠅ ꠅꠃ ꠇꠥꠞꠛꠣꠘꠤ ꠅꠇꠟ ꠀꠖꠣꠄ ꠇꠞꠤꠅ। ꠁꠔꠣ ꠔ ꠀꠝꠣꠞ ꠘꠣꠝꠦ ꠀꠉꠥꠘꠤꠔ ꠖꠦꠅꠀ ꠇꠥꠞꠛꠣꠘꠤ, ꠁꠔꠣꠞ ꠗꠥꠝꠣꠞ ꠊꠦꠞꠣꠘꠦ ꠀꠝꠤ ꠝꠣꠛꠥꠖ ꠈꠥꠡꠤ ꠅꠁ।

Injil 4: Hannan 1:29

ꠛꠣꠖꠞ ꠖꠤꠘ ꠄꠢꠤꠀ ꠘꠛꠤꠄ ꠖꠦꠈꠟꠣ ꠢꠥꠎꠥꠞ ꠁꠍꠣ ꠔꠣꠘ ꠉꠦꠍꠦ ꠀꠁꠞꠣ, ꠖꠦꠈꠤꠀ ꠇꠁꠟꠣ, “ꠅꠃ ꠖꠦꠈꠞꠣꠄ ꠘꠤ ꠀꠟ꠆ꠟꠣꠁ ꠝꠦꠠꠣ-ꠛꠣꠁꠌ꠆ꠌꠣ, ꠎꠦꠘ ꠃꠍꠤꠟ꠆ꠟꠣꠄ ꠢꠇ꠆ꠇꠟ ꠝꠣꠘꠡꠞ ꠉꠥꠘꠣꠞ ꠝꠣꠚꠤ ꠅꠄ।

Injil 19: Ibrani 9:6

ꠁ ꠢꠇ꠆ꠇꠟꠔꠣ ꠎꠥꠁꠔ ꠇꠞꠣꠞ ꠛꠣꠖꠦ ꠁꠝꠣꠝ ꠅꠇꠟꠦ ꠁꠝꠣꠝꠔꠤ ꠇꠣꠝꠞ ꠟꠣꠉꠤ ꠢꠣꠝꠦꠡꠣ ꠙꠄꠟꠣ ꠇꠥꠑꠣꠞ ꠜꠤꠔꠞꠦ ꠢꠣꠝꠣꠁꠔꠣ।

Injil 27: Zaira Kalam 13:8

ꠁꠔꠣ ꠖꠦꠈꠤꠀ ꠖꠥꠘꠤꠀꠛꠤ ꠢꠇꠟ ꠝꠣꠘꠡꠦ ꠔꠣꠞꠦ ꠍꠁꠎꠖꠣ ꠇꠞꠛ। ꠎꠉꠔ ꠙꠄꠖꠣ ꠇꠞꠣꠞ ꠀꠉꠦ ꠎꠦ ꠝꠦꠠꠣ-ꠛꠣꠁꠌ꠆ꠌꠣꠞꠦ ꠎꠛ ꠇꠞꠣꠞ ꠇꠕꠣ ꠡꠣꠁꠛꠡ꠆ꠔ ꠇꠞꠣ ꠅꠁꠍꠦ, ꠢꠃ ꠝꠦꠠꠣ-ꠛꠣꠁꠌ꠆ꠌꠣꠞ ꠎꠤꠘ꠆ꠖꠦꠉꠤ ꠈꠣꠔꠣꠔ ꠎꠦꠞꠣꠞ ꠘꠣꠝ ꠘꠣꠁ, ꠄꠞꠣ ꠙꠞꠔꠦꠇꠦ ꠔꠣꠞꠦ ꠍꠁꠎꠖꠣ ꠇꠞꠛ।