ꠔꠃꠞꠣꠔ ৪: ꠡꠥꠝꠣꠞꠤ 27:3 - Siloṭi Asmani Kitab (Nagri lipi)

³ “ꠀꠝꠞꠣꠞ ꠛꠣꠛꠣ ꠔ ꠝꠞꠥꠜꠥꠝꠤꠔ ꠝꠣꠞꠣ ꠉꠦꠍꠂꠘ। ꠀꠞ ꠇꠥꠞꠣꠢꠞ ꠖꠟꠞ ꠎꠦꠔꠣ ꠝꠣꠘꠡꠦ ꠝꠣꠛꠥꠖꠞ ꠛꠤꠞꠥꠖ꠆ꠖꠦ ꠘꠣꠚꠞꠝꠣꠘꠤ ꠇꠞꠍꠟꠣ, ꠔꠣꠁꠘ ꠔ ꠁꠔꠣꠞ ꠟꠉꠦ ꠀꠍꠟꠣ ꠘꠣ। ꠔꠣꠁꠘ ꠈꠣꠟꠤ ꠔꠣꠘ ꠘꠤꠎꠞ ꠉꠥꠘꠣꠞ ꠖꠣꠄ ꠝꠣꠞꠣ ꠉꠦꠍꠂꠘ। ꠀꠞ ꠀꠝꠞꠣꠞ ꠇꠥꠘꠥ ꠜꠣꠁ ꠎꠘꠝꠤꠍꠂꠘ ꠘꠣ,

ছিলটি আছমানি কিতাব (বাংলা লিপি)

³ “আমরার বাবা তো মরুভুমিত মারা গেছইন। আর কুরাহর দলর যেতা মানষে মাবুদর বিরুদ্ধে নাফরমানি করছলা, তাইন তো ইতার লগে আছলা না। তাইন খালি তান নিজর গুনার দায় মারা গেছইন। আর আমরার কুনু ভাই জন্মিছইন না,

Siloṭi Asmani Kitab (Latin lipi)

³ “Amrar baba to morubumit mara gesoin. Ar Kurahor dolor zeta manshe Mabudor birudde naformani korsla, tain to itar loge asla na. Tain ḳali tan nizor gunar dae mara gesoin. Ar amrar kunu bai zonmisoin na,

ꠔꠃꠞꠣꠔ ৪: ꠡꠥꠝꠣꠞꠤ 27:3 Iomraidhean Croise

ꠔꠃꠞꠣꠔ ৪: ꠡꠥꠝꠣꠞꠤ 14:35

ꠔꠦ ꠀꠝꠤ ꠝꠣꠛꠥꠖꠦ ꠇꠁꠞꠣꠝ, ꠅꠃ ꠘꠣꠚꠞꠝꠣꠘ ꠎꠣꠔꠤꠞ ꠎꠦꠔꠣ ꠝꠣꠘꠡꠦ ꠀꠝꠣꠞ ꠛꠤꠞꠥꠖ꠆ꠖꠦ ꠖꠟ ꠛꠣꠘ꠆ꠖꠤꠍꠦ, ꠁꠔꠣ ꠢꠇ꠆ꠇꠟꠐꠤ ꠅꠃ ꠝꠞꠥꠜꠥꠝꠤꠔ ꠝꠞꠛꠣ।”

ꠔꠃꠞꠣꠔ ৪: ꠡꠥꠝꠣꠞꠤ 16:19

ꠇꠥꠞꠣꠢꠦ ꠎꠦꠛꠟꠣ ꠡꠝꠣꠎꠞ ꠢꠇꠟ ꠝꠣꠘꠡꠞꠦ ꠃꠡ꠆ꠇꠣꠁꠀ ꠖꠟꠣ ꠇꠞꠟ, ꠇꠞꠤꠀ ꠝꠤꠟꠘ-ꠔꠣꠝ꠆ꠛꠥꠞ ꠖꠥꠀꠞꠞ ꠉꠦꠍꠦ ꠝꠥꠍꠣ ꠀꠞ ꠢꠣꠞꠥꠘꠞ ꠛꠤꠞꠥꠖ꠆ꠖꠦ ꠃꠛꠣꠁꠟ, ꠅꠃ ꠡꠝꠄ ꠔꠣꠞꠣ ꠢꠇ꠆ꠇꠟꠞ ꠍꠣꠝꠘꠦ ꠝꠣꠛꠥꠖꠞ ꠇꠥꠖꠞꠔꠤ ꠘꠥꠞ ꠎꠣꠁꠞ ꠅꠁꠟ।

ꠔꠃꠞꠣꠔ ৪: ꠡꠥꠝꠣꠞꠤ 16:49

ꠇꠥꠞꠣꠢꠞ ꠘꠣꠚꠞꠝꠣꠘꠤꠞ ꠟꠣꠉꠤ ꠎꠦꠔꠣ ꠝꠣꠞꠣ ꠉꠦꠍꠟꠣ, ꠁꠉꠥꠁꠘ ꠛꠣꠖꠦꠅ ꠀꠞꠅ ꠌꠃꠖ꠆ꠖ ꠀꠎꠣꠞ ꠡꠣꠔ-ꠡ ꠝꠣꠘꠥꠡ ꠉꠎꠛꠤ ꠝꠢꠣꠝꠣꠞꠤꠄ ꠝꠞꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 26:33

ꠢꠦꠚꠞꠞ ꠙꠥꠀ ꠎꠟꠣꠙꠈꠣꠖ, ꠔꠣꠞ ꠇꠥꠘꠥ ꠙꠥꠀꠂꠘ ꠀꠍꠟꠣ ꠘꠣ, ꠈꠣꠟꠤ ꠙꠥꠠꠤꠘ ꠀꠍꠟꠣ। ꠙꠥꠠꠤꠘ꠆ꠔꠞ ꠘꠣꠝ ꠅꠁꠟ, ꠝꠢꠟꠣ, ꠘꠥꠀ, ꠢꠉꠟꠣ, ꠝꠤꠟꠇꠣ ꠀꠞ ꠔꠤꠞꠎꠣ।

ꠔꠃꠞꠣꠔ ৪: ꠡꠥꠝꠣꠞꠤ 27:2

ꠅꠃ ꠙꠥꠠꠤꠘ ꠀꠁꠀ ꠝꠤꠟꠘ-ꠔꠣꠝ꠆ꠛꠥꠞ ꠖꠥꠀꠞꠞ ꠍꠣꠝꠘꠦ ꠃꠛꠣꠁꠀ ꠝꠥꠍꠣ ꠘꠛꠤ, ꠁꠝꠣꠝ ꠀꠟꠤ-ꠀꠎꠞ, ꠝꠥꠞꠛ꠆ꠛꠤ ꠘꠦꠔꠣ ꠀꠞ ꠢꠇꠟ ꠛꠘꠤ ꠁꠍꠞꠣꠁꠟꠞꠦ ꠇꠁꠟꠣ,

ꠔꠃꠞꠣꠔ ৪: ꠡꠥꠝꠣꠞꠤ 27:4

ꠔꠦ ꠜꠣꠁ ꠘꠣ ꠕꠣꠇꠣꠄ ꠅꠈꠘ ꠀꠝꠞꠣꠞ ꠛꠣꠚꠞ ꠘꠣꠝ ꠇꠤꠔꠣ ꠁ ꠛꠋꠡ ꠕꠣꠇꠤ ꠝꠤꠐꠤꠎꠤꠔ ꠘꠤ? ꠔꠣꠘ ꠡꠞꠤꠇꠣꠘꠞ ꠟꠉꠦ ꠀꠝꠞꠣꠞꠦꠅ ꠎꠣꠉꠣ-ꠎꠝꠤꠘꠞ ꠛꠣꠐ ꠖꠦꠃꠇ꠆ꠇꠣ।”

Injil 4: Hannan 8:21

ꠢꠎꠞꠔ ꠁꠍꠣꠄ ꠚꠞꠤꠡꠤ ꠅꠇꠟꠞꠦ ꠢꠤꠞꠛꠣꠞ ꠇꠁꠟꠣ, “ꠀꠝꠤ ꠔ ꠎꠣꠁꠀꠞꠉꠤ। ꠉꠤꠀ ꠢꠣꠞꠟꠦ ꠔꠥꠝꠞꠣ ꠀꠝꠣꠞꠦ ꠔꠥꠇꠣꠁꠛꠣꠄ, ꠅꠁꠟꠦ ꠀꠞ ꠙꠣꠁꠔꠣꠄ ꠘꠣꠄ, ꠀꠝꠤ ꠎꠦꠘꠅ ꠎꠣꠁꠞꠣꠝ, ꠔꠥꠝꠞꠣ ꠢꠤꠘꠅ ꠀꠁꠔꠣꠄꠅ ꠙꠣꠞꠔꠣꠄ ꠘꠣꠄ, ꠔꠥꠝꠞꠣ ꠘꠤꠎꠞ ꠉꠥꠘꠣꠞ ꠝꠣꠎꠦꠃ ꠝꠞꠛꠣꠄ।”

Injil 4: Hannan 8:24

ꠄꠞꠟꠣꠉꠤ ꠀꠝꠤ ꠇꠁꠞꠣꠝ, ꠔꠥꠝꠞꠣ ꠘꠤꠎꠞ ꠉꠥꠘꠣꠞ ꠝꠣꠎꠦꠃ ꠝꠞꠛꠣꠄ। ꠔꠥꠝꠞꠣ ꠎꠥꠖꠤ ꠄꠇꠤꠘ ꠘꠣ ꠇꠞ, ꠀꠝꠤꠃ ꠢꠦꠁꠘ, ꠔꠦ ꠉꠥꠘꠣꠉꠣꠞ ꠢꠣꠟꠔꠦꠃ ꠝꠞꠛꠣꠄ।”

Injil 6: Ruman 5:12

ꠄꠇꠎꠘ ꠝꠣꠘꠡꠞ ꠝꠣꠎꠖꠤ ꠖꠥꠘꠤꠀꠁꠔ ꠉꠥꠘꠣ ꠀꠁꠀ ꠢꠣꠝꠣꠁꠍꠤꠟ, ꠀꠞ ꠅꠃ ꠉꠥꠘꠣꠞ ꠝꠣꠎꠖꠤ ꠝꠃꠔꠅ ꠀꠁꠍꠤꠟ। ꠛꠣꠖꠦ ꠢꠇꠟ ꠝꠣꠘꠡꠦꠃ ꠉꠥꠘꠣ ꠇꠞꠍꠦ, ꠄꠞꠟꠣꠉꠤ ꠢꠇꠟꠞ ꠟꠣꠉꠤꠃ ꠝꠃꠔ ꠀꠁꠀ ꠀꠎꠤꠍꠦ।

Injil 6: Ruman 5:21

ꠁ ꠞꠢꠝꠔ ꠛꠣꠠꠤꠟ, ꠎꠣꠔꠦ ꠝꠃꠔꠞ ꠝꠣꠎꠖꠤ ꠀꠉꠦ ꠉꠥꠘꠣꠄ ꠎꠦꠟꠣ ꠛꠦꠐꠣꠉꠤꠞꠤ ꠇꠞꠍꠤꠟ, ꠅꠈꠘ ꠛꠦ-ꠇꠍꠥꠞ ꠈꠣꠟꠣꠍ ꠅꠀꠞ ꠝꠣꠎꠖꠤ ꠀꠟ꠆ꠟꠣꠞ ꠞꠢꠝꠔꠦ ꠅꠃꠟꠣ ꠞꠣꠎꠔ꠆ꠔ ꠇꠞꠦ। ꠀꠞ ꠅꠔꠣꠞ ꠚꠟ ꠢꠤꠡꠣꠛꠦ ꠀꠝꠞꠣꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠞ ꠃꠍꠤꠟ꠆ꠟꠣꠄ ꠀꠈꠦꠞꠤ ꠎꠤꠘ꠆ꠖꠦꠉꠤ ꠙꠣꠁ।

Injil 6: Ruman 6:23

ꠀꠍꠟꠦ ꠉꠥꠘꠣꠞ ꠝꠎꠥꠞꠤ ꠅꠁꠟ ꠝꠃꠔ, ꠅꠁꠟꠦ ꠀꠟ꠆ꠟꠣꠞ ꠞꠢꠝꠔꠞ ꠖꠣꠘ ꠅꠁꠟꠉꠤ ꠀꠝꠞꠣꠞ ꠝꠣꠟꠤꠇ ꠁꠍꠣ ꠀꠟ-ꠝꠍꠤꠞ ꠃꠍꠤꠟ꠆ꠟꠣꠄ ꠀꠈꠦꠞꠤ ꠎꠤꠘ꠆ꠖꠦꠉꠤ।