ꠔꠃꠞꠣꠔ ৪: ꠡꠥꠝꠣꠞꠤ 26:11 - Siloṭi Asmani Kitab (Nagri lipi)

¹¹ ꠅꠁꠟꠦ ꠇꠥꠞꠣꠢꠞ ꠙꠥꠀꠂꠘ ꠢꠤ ꠡꠝꠄ ꠝꠞꠍꠂꠘ ꠘꠣ, ꠔꠣꠞꠣꠞ ꠛꠋꠡ ꠎꠣꠞꠤ ꠞꠁꠍꠦ।

ছিলটি আছমানি কিতাব (বাংলা লিপি)

¹¹ অইলে কুরাহর পুয়াইন হি সময় মরছইন না, তারার বংশ জারি রইছে।

Siloṭi Asmani Kitab (Latin lipi)

¹¹ Oile Kurahor fuain hi shomoy morsoin na, tarar bongsho zari roise.

ꠔꠃꠞꠣꠔ ৪: ꠡꠥꠝꠣꠞꠤ 26:11 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 6:24

ꠇꠥꠞꠣꠢꠞ ꠙꠥꠀꠂꠘ ꠅꠁꠟꠣ ꠅꠡꠤꠞ, ꠁꠟꠇꠣꠘꠣ, ꠅꠛꠤꠀꠡꠚ। ꠄꠞꠣ ꠇꠥꠞꠣꠢꠤ ꠅꠇꠟꠞ ꠘꠣꠘꠣꠘ ꠉꠥꠡ꠆ꠐꠤꠞ ꠝꠥꠟ ꠝꠥꠞꠛ꠆ꠛꠤ।

ꠔꠃꠞꠣꠔ ৪: ꠡꠥꠝꠣꠞꠤ 16:27

ꠁꠈꠣꠘ ꠢꠥꠘꠤꠀ ꠇꠥꠞꠣꠢ, ꠖꠣꠕꠘ ꠀꠞ ꠀꠛꠤꠞꠣꠝꠞ ꠔꠣꠝ꠆ꠛꠥꠞ ꠉꠦꠍ ꠕꠣꠇꠤ ꠢꠇꠟ ꠝꠣꠘꠥꠡ ꠢꠞꠤ ꠉꠦꠟꠣ। ꠄꠞꠝꠣꠎꠦ ꠖꠣꠕꠘ ꠀꠞ ꠀꠛꠤꠞꠣꠝꠦ ꠔꠣꠞꠣꠞ ꠛꠃ-ꠛꠣꠁꠌ꠆ꠌꠣꠁꠘ ꠀꠞ ꠢꠥꠞꠥ-ꠛꠠ ꠢꠇꠟ ꠢꠥꠞꠥꠔ꠆ꠔꠣꠁꠘ ꠟꠁꠀ ꠀꠁꠀ ꠎꠣꠞꠎꠤꠞ ꠔꠣꠝ꠆ꠛꠥꠞ ꠖꠥꠀꠞꠞ ꠉꠦꠍꠦ ꠃꠛꠣꠔ ꠀꠍꠤꠟ।

ꠔꠃꠞꠣꠔ ৪: ꠡꠥꠝꠣꠞꠤ 16:32

ꠀꠞ ꠝꠣꠐꠤꠄ ꠀ ꠇꠞꠤꠀ ꠇꠥꠞꠣꠢꠞ ꠙꠞꠤꠛꠣꠞꠞ ꠢꠇꠟꠞꠦ ꠔꠣꠞꠣꠞ ꠝꠣꠟ-ꠍꠣꠝꠣꠘꠣ ꠡꠢ ꠉꠤꠟꠤꠟꠤꠟ।

ꠔꠃꠞꠣꠔ ৪: ꠡꠥꠝꠣꠞꠤ 16:33

ꠝꠣꠟ-ꠍꠣꠝꠣꠘꠣ ꠡꠥꠖ꠆ꠖꠣ ꠎꠤꠘ꠆ꠖꠣ ꠢꠣꠟꠔꠦ ꠔꠣꠞꠣ ꠝꠣꠐꠤꠞ ꠔꠟꠦ ꠉꠦꠟꠉꠤ, ꠛꠣꠖꠦ ꠝꠣꠐꠤꠞ ꠚꠣꠐꠣ ꠛꠘ꠆ꠖ ꠅꠁꠉꠦꠟ। ꠅꠃꠟꠣ ꠛꠘꠤ ꠁꠍꠞꠣꠁꠟ ꠕꠣꠇꠤ ꠔꠣꠞꠣ ꠄꠇꠖꠝ ꠘꠤꠙꠣꠔ ꠅꠁꠉꠦꠟ।

ꠔꠃꠞꠣꠔ ৪: ꠡꠥꠝꠣꠞꠤ 16:5

ꠛꠣꠖꠦ ꠔꠣꠁꠘ ꠇꠥꠞꠣꠢ ꠀꠞ ꠔꠣꠞ ꠖꠟꠞ ꠝꠣꠘꠡꠞꠦ ꠇꠁꠟꠣ, “ꠇꠣꠁꠟ ꠛꠤꠀꠘꠦꠃ ꠝꠣꠛꠥꠖꠦ ꠖꠦꠈꠣꠁꠛꠣ, ꠇꠦ ꠔꠣꠘ ꠛꠘ꠆ꠖꠣ, ꠀꠞ ꠇꠦ ꠙꠣꠇ-ꠙꠛꠤꠔ꠆ꠞ। ꠔꠣꠁꠘ ꠎꠣꠞꠦ ꠙꠍꠘ꠆ꠖ ꠇꠞꠂꠘ, ꠈꠣꠟꠤ ꠔꠣꠞꠣꠞꠦꠃ ꠔꠣꠘ ꠇꠣꠍꠣꠔ ꠀꠁꠔꠦ ꠖꠤꠛꠣ।

ꠔꠃꠞꠣꠔ ৪: ꠡꠥꠝꠣꠞꠤ 26:12

ꠁꠀꠇꠥꠛꠞ ꠙꠥꠀ ꠡꠤꠝꠤꠅꠘꠞ ꠛꠋꠡꠗꠞ ꠅꠁꠟꠣ, ꠘꠝꠥꠄꠟ ꠕꠣꠇꠤ ꠘꠝꠥꠄꠟꠤ ꠛꠋꠡ, ꠎꠣꠝꠤꠘ ꠕꠣꠇꠤ ꠎꠣꠝꠤꠘꠤ ꠛꠋꠡ, ꠎꠣꠈꠤꠘ ꠕꠣꠇꠤ ꠎꠣꠈꠤꠘꠤ ꠛꠋꠡ,

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 11:6

ꠔꠣꠁꠘ ꠞꠥꠛꠦꠘ ꠈꠣꠘ꠆ꠖꠣꠘꠞ ꠁꠟꠤꠀꠛꠞ ꠙꠥꠀ ꠖꠣꠕꠘ ꠀꠞ ꠀꠛꠤꠞꠣꠝꠞꠦ ꠎꠦ ꠡꠣꠎꠣ ꠖꠤꠍꠂꠘ ꠝꠣꠘꠤ, ꠖꠥꠘꠤꠀꠞ ꠝꠣꠐꠤ ꠚꠣꠐꠤꠀ ꠀ ꠇꠞꠤꠀ ꠀꠡ꠆ꠔꠣ ꠛꠘꠤ ꠁꠍꠞꠣꠁꠟꠞ ꠝꠣꠎꠈꠣꠘ ꠕꠣꠇꠤ ꠔꠣꠞꠣꠞꠦ ꠉꠤꠟꠤꠟꠤꠟ, ꠔꠣꠞꠣꠞ ꠛꠃ-ꠛꠣꠁꠌ꠆ꠌꠣꠁꠘ ꠡꠥꠖ꠆ꠖꠣ ꠀꠡ꠆ꠔꠣ ꠙꠞꠤꠛꠣꠞ, ꠔꠣꠞꠣꠞ ꠊꠞ-ꠖꠥꠀꠞ, ꠀꠞ ꠢꠦꠝꠣꠘ-ꠎꠣꠘꠥꠀꠞ ꠡꠢ ꠢꠇꠟ ꠝꠣꠟ-ꠍꠣꠝꠣꠘꠣ ꠝꠣꠐꠤꠞ ꠔꠟꠦ ꠢꠣꠝꠣꠁꠉꠦꠟ, ꠁꠔꠣꠅ ꠄꠞꠣ ꠖꠦꠈꠍꠦ ꠘꠣ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 24:16

“ꠙꠥꠀ-ꠙꠥꠠꠤꠞ ꠅꠙꠞꠣꠗꠞ ꠟꠣꠉꠤ ꠔꠣꠞꠣꠞ ꠝꠣ-ꠛꠣꠚꠞꠦ, ꠛꠣ ꠝꠣ-ꠛꠣꠚꠞ ꠅꠙꠞꠣꠗꠦ ꠙꠥꠀ-ꠙꠥꠠꠤꠞꠦ ꠎꠣꠘꠦ ꠝꠣꠞꠣ ꠎꠣꠁꠔ ꠘꠣꠄ। ꠙꠞꠔꠦꠇ ꠎꠘꠦ ꠘꠤꠎꠞ ꠅꠙꠞꠣꠗꠞ ꠡꠣꠎꠣ ꠘꠤꠎꠦ ꠙꠣꠁꠛ।