ꠔꠃꠞꠣꠔ ৪: ꠡꠥꠝꠣꠞꠤ 24:5 - Siloṭi Asmani Kitab (Nagri lipi)

⁵ ꠅ ꠁꠀꠇꠥꠛ ꠛꠋꠡ, ꠔꠥꠝꠣꠞ ꠔꠣꠝ꠆ꠛꠥ ꠅꠇꠟ ꠈꠥꠛ ꠌꠇꠌꠇꠣ! ꠅ ꠛꠘꠤ ꠁꠍꠞꠣꠁꠟ, ꠔꠥꠝꠣꠞ ꠞꠅꠀꠞ ꠎꠣꠉꠣ ꠇꠔ ꠜꠣꠟꠣ!

ছিলটি আছমানি কিতাব (বাংলা লিপি)

⁵ ও ইয়াকুব বংশ, তুমার তাম্বু অকল খুব চকচকা! ও বনি ইছরাইল, তুমার রওয়ার জাগা কত ভালা!

Siloṭi Asmani Kitab (Latin lipi)

⁵ O Iakub bongsho, tumar tambu oḳol kub soḳsoḳa! O Boni Israil, tumar roar zaga ḳoto bala!

ꠔꠃꠞꠣꠔ ৪: ꠡꠥꠝꠣꠞꠤ 24:5 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 38:21

ꠀꠟ꠆ꠟꠣꠞ ꠊꠞ ꠝꠣꠘꠤ ꠅꠃ ꠡꠣꠢꠣꠖꠔ ꠔꠣꠝ꠆ꠛꠥ ꠛꠣꠘꠣꠁꠔꠦ ꠎꠦꠔꠣ ꠝꠣꠟ-ꠍꠣꠝꠣꠘꠣ ꠟꠣꠉꠍꠤꠟ, ꠁꠝꠣꠝ ꠢꠣꠞꠥꠘꠞ ꠙꠥꠀ ꠁꠍꠣꠝꠣꠞꠞ ꠎꠤꠝ꠆ꠝꠣꠄ ꠟꠦꠛꠤ ꠈꠣꠘ꠆ꠖꠣꠘꠞ ꠝꠣꠘꠡꠦ ꠁꠔꠣꠞ ꠢꠤꠡꠣꠛ ꠞꠣꠈꠟꠣ। ꠝꠥꠍꠣ ꠘꠛꠤꠄ ꠅꠃ ꠢꠤꠡꠣꠛ ꠞꠣꠈꠣꠞ ꠢꠥꠇꠥꠝ ꠖꠤꠍꠟꠣ।

ꠔꠃꠞꠣꠔ ৩: ꠟꠦꠛꠤꠀꠘ 23:42

ꠙꠥꠞꠣ ꠡꠣꠔ ꠖꠤꠘ ꠔꠥꠝꠞꠣ ꠢꠇꠟ ꠉꠤꠀ ꠒꠦꠞꠣ-ꠊꠞꠅ ꠞꠁꠅ, ꠛꠘꠤ ꠁꠍꠞꠣꠁꠟꠞ ꠢꠇꠟ ꠝꠣꠘꠥꠡ ꠅꠃ ꠡꠝꠄ ꠒꠦꠞꠣ-ꠊꠞꠅ ꠕꠣꠇꠤꠅ।

ꠔꠃꠞꠣꠔ ৪: ꠡꠥꠝꠣꠞꠤ 2:34

ꠝꠣꠛꠥꠖꠦ ꠝꠥꠍꠣꠞꠦ ꠎꠦꠟꠣ ꠢꠥꠇꠥꠝ ꠖꠤꠍꠟꠣ, ꠛꠘꠤ ꠁꠍꠞꠣꠁꠟꠦ ꠢꠇꠟ ꠇꠣꠝ-ꠇꠣꠎ ꠇꠞꠔꠣ ꠅꠃ ꠢꠥꠇꠥꠝ ꠝꠣꠚꠤꠇ। ꠔꠣꠞꠣ ꠎꠣꠞꠎꠤꠞ ꠖꠟꠞ ꠎꠣꠉꠣꠔ ꠔꠣꠝ꠆ꠛꠥ ꠐꠣꠘꠣꠁꠔꠣ, ꠀꠞ ꠍꠚꠞꠅ ꠞꠅꠀꠘꠣ ꠅꠁꠔꠣ ꠘꠤꠎꠞ ꠉꠥꠡ꠆ꠐꠤ ꠀꠞ ꠙꠞꠤꠛꠣꠞ ꠝꠣꠚꠤꠇ ꠀꠙꠘ ꠚꠃꠎꠤ ꠖꠟꠞ ꠙꠔꠣꠇꠣꠞ ꠗꠣꠞꠅ ꠞꠁꠀ।

ꠔꠃꠞꠣꠔ ৪: ꠡꠥꠝꠣꠞꠤ 24:2

ꠚꠤꠞꠣꠁꠀ ꠖꠦꠈꠟꠣ, ꠛꠘꠤ ꠁꠍꠞꠣꠁꠟꠞ ꠘꠣꠘꠣꠘ ꠈꠣꠘ꠆ꠖꠣꠘꠞ ꠔꠣꠝ꠆ꠛꠥ ꠄꠇ ꠄꠇ ꠇꠞꠤ ꠐꠣꠋꠉꠣꠘꠤ ꠅꠁꠍꠦ। ꠅꠃ ꠡꠝꠄ ꠔꠣꠘ ꠃꠙꠞꠦ ꠀꠟ꠆ꠟꠣꠞ ꠞꠥꠢꠥ ꠟꠣꠝꠤꠀ ꠀꠁꠟꠣ,

ꠔꠃꠞꠣꠔ ৪: ꠡꠥꠝꠣꠞꠤ 24:4

ꠎꠦ ꠎꠘꠦ ꠀꠟ꠆ꠟꠣꠞ ꠇꠣꠟꠣꠝ ꠢꠥꠘꠞꠣ, ꠡꠞ꠆ꠛ-ꠡꠇ꠆ꠔꠤꠝꠣꠘꠞ ꠖꠤꠖꠣꠞ ꠙꠣꠁꠞꠣ, ꠎꠦꠁꠘ ꠍꠁꠎꠖꠣꠔ ꠙꠠꠤꠀ ꠛꠣꠔꠥꠘꠤ ꠈꠛꠞ ꠖꠦꠈꠂꠘ, ꠄꠁꠘ ꠅꠈꠣꠘ ꠇꠁꠞꠣ।

ꠔꠃꠞꠣꠔ ৪: ꠡꠥꠝꠣꠞꠤ 24:6

ꠁꠔꠣ ꠔ ꠖꠦꠈꠣꠞ ꠝꠔ ꠛꠠ ꠈꠦꠎꠥꠞ ꠛꠣꠉꠣꠘꠞ ꠟꠣꠈꠣꠘ, ꠉꠣꠋꠉꠞ ꠙꠣꠞꠞ ꠢꠣꠎꠣꠁꠟ-ꠙꠣꠠꠣꠁꠟ ꠛꠘꠞ ꠟꠣꠈꠣꠘ, ꠝꠣꠛꠥꠖꠞ ꠟꠣꠉꠣꠁꠟ ꠀꠉꠞꠞ ꠉꠣꠍꠞ ꠟꠣꠈꠣꠘ ꠔꠞꠔꠣꠎꠣ, ꠙꠣꠘꠤꠞ ꠗꠣꠞꠞ ꠖꠦꠛꠖꠣꠞꠥ ꠉꠣꠍꠞ ꠟꠣꠈꠣꠘ ꠡꠥꠘ꠆ꠖꠞ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 33:29

ꠅ ꠛꠘꠤ ꠁꠍꠞꠣꠁꠟ, ꠝꠥꠛꠣꠞꠇ ꠀꠅꠟꠣꠖ ꠔꠥꠝꠤ! ꠔꠥꠝꠤ ꠅꠁꠟꠣꠄ ꠝꠣꠛꠥꠖ ꠀꠟ꠆ꠟꠣꠞ ꠀꠎꠣꠖ ꠇꠞꠣ ꠎꠣꠔꠤ। ꠡ꠆ꠛꠄꠅꠋ ꠝꠣꠛꠥꠖ ꠅꠁꠟꠣ ꠔꠥꠝꠣꠞ ꠎꠣꠘ ꠛꠣꠌꠣꠘꠤꠞ ꠓꠣꠟ, ꠔꠣꠁꠘꠃ ꠅꠁꠟꠣ ꠔꠥꠝꠣꠞ ꠎꠄꠅꠞ ꠗꠣꠞꠣꠁꠟ ꠔꠟꠥꠀꠞ। ꠖꠥꠡꠝꠘ ꠔꠥꠝꠣꠞ ꠍꠣꠝꠘꠦ ꠀꠁꠟꠦ ꠕꠞ-ꠕꠞꠣꠁꠀ ꠇꠣꠙꠦ, ꠔꠥꠝꠤ ꠔꠣꠞꠣꠞ ꠛꠥꠇꠥꠞ ꠃꠙꠞꠦ ꠝꠣꠠꠣ ꠖꠤꠛꠣꠄ ꠘꠦ।