ꠔꠃꠞꠣꠔ ৪: ꠡꠥꠝꠣꠞꠤ 24:1 - Siloṭi Asmani Kitab (Nagri lipi)

¹ ꠛꠣꠟꠣꠝ ꠙꠤꠞꠦ ꠎꠦꠛꠟꠣ ꠛꠥꠎꠟꠣ, ꠛꠘꠤ ꠁꠍꠞꠣꠁꠟꠞꠦ ꠖꠥꠀ ꠖꠦꠅꠀꠃ ꠅꠁꠟ ꠝꠣꠛꠥꠖꠞ ꠁꠌ꠆ꠍꠣ, ꠛꠥꠎꠤꠀ ꠔꠣꠁꠘ ꠀꠉꠞ ꠟꠣꠈꠣꠘ ꠀꠞ ꠁꠡ꠆ꠔꠦꠈꠣꠞꠣ-ꠀꠎꠤꠞꠣꠔꠞ ꠌꠦꠡ꠆ꠐꠣ ꠇꠞꠟꠣ ꠘꠣ। ꠛꠞꠋ ꠔꠣꠘ ꠘꠤꠎꠞ ꠝꠥꠈ ꠝꠞꠥꠜꠥꠝꠤꠞ ꠛꠣꠄ ꠚꠤꠞꠣꠁꠟ꠆ꠟꠣ।

ছিলটি আছমানি কিতাব (বাংলা লিপি)

¹ বালাম পীরে যেবলা বুজলা, বনি ইছরাইলরে দোয়া দেওয়াউ অইলো মাবুদর ইচ্ছা, বুজিয়া তাইন আগর লাখান আর ইস্তেখারা-আজিরাতর চেষ্টা করলা না। বরং তান নিজর মুখ মরুভুমির বায় ফিরাইল্লা।

Siloṭi Asmani Kitab (Latin lipi)

¹ Balam pire zebla buzla, Boni Israilre dua deoa-u oilo Mabudor ichcha, buzia tain agor laḳan ar isteḳara-azirator sesṭa ḳorla na. Borong tan nizor muk morubumir bae firailla.

ꠔꠃꠞꠣꠔ ৪: ꠡꠥꠝꠣꠞꠤ 24:1 Iomraidhean Croise

ꠔꠃꠞꠣꠔ ৪: ꠡꠥꠝꠣꠞꠤ 22:13

ꠛꠣꠖꠞ ꠖꠤꠘ ꠛꠤꠀꠘꠦ ꠛꠣꠟꠣꠝ ꠊꠥꠝ ꠕꠣꠇꠤ ꠃꠑꠤꠀ ꠛꠣꠟꠣꠇꠞ ꠈꠛꠞꠤꠀ ꠅꠇꠟꠞꠦ ꠇꠁꠟꠣ, “ꠀꠙꠘꠣꠞꠣ ꠎꠣꠞꠎꠤꠞ ꠖꠦꠡꠅ ꠚꠤꠞꠔ ꠎꠣꠃꠇ꠆ꠇꠣꠉꠤ। ꠀꠞ ꠝꠣꠛꠥꠖꠦ ꠀꠝꠣꠞꠦ ꠝꠣꠘꠣ ꠇꠞꠍꠂꠘ, ꠀꠙꠘꠣꠞꠣꠞ ꠟꠉꠦ ꠘꠣ ꠎꠣꠅꠀꠞ ꠟꠣꠉꠤ।”

ꠔꠃꠞꠣꠔ ৪: ꠡꠥꠝꠣꠞꠤ 22:7

ꠔꠦꠃ ꠝꠥꠀꠛ ꠀꠞ ꠝꠣꠖꠤꠀꠘꠞ ꠝꠥꠞꠛ꠆ꠛꠤ ꠘꠦꠔꠣ ꠅꠇꠟꠦ ꠁꠡ꠆ꠔꠦꠈꠣꠞꠣ-ꠀꠎꠤꠞꠣꠔ ꠇꠞꠣꠘꠤꠞ ꠐꠦꠇꠣ ꠟꠁꠀ ꠞꠅꠀꠘꠣ ꠅꠁꠉꠦꠟꠣ। ꠛꠣꠖꠡꠣ ꠛꠣꠟꠣꠇꠦ ꠎꠦꠟꠣ ꠢꠤꠇꠣꠁ ꠖꠤꠍꠟꠣ, ꠔꠣꠞꠣ ꠉꠤꠀ ꠛꠣꠟꠣꠝꠞ ꠉꠦꠍꠦ ꠅꠟꠣ ꠇꠁꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 23:15

ꠛꠣꠖꠦ ꠛꠣꠟꠣꠝ ꠙꠤꠞꠦ ꠛꠣꠖꠡꠣ ꠛꠣꠟꠣꠇꠞꠦ ꠇꠁꠟꠣ, “ꠎꠣꠟꠣꠁꠟ ꠇꠥꠞꠛꠣꠘꠤꠞ ꠘꠤꠅꠔꠦ ꠎꠦꠔꠣ ꠙꠡꠥ ꠇꠥꠞꠛꠣꠘꠤ ꠖꠦꠅꠀ ꠅꠁꠍꠦ, ꠀꠙꠘꠦ ꠅꠔꠣꠞ ꠗꠣꠞꠅ ꠞꠃꠇ꠆ꠇꠣ। ꠀꠝꠤ ꠅꠤꠘ꠆ꠘꠛꠣꠄ ꠎꠣꠁꠞꠣꠝ, ꠝꠣꠛꠥꠖꠞ ꠖꠤꠖꠣꠞ ꠙꠣꠅꠀꠞ ꠀꠡꠣꠄ।”

ꠔꠃꠞꠣꠔ ৪: ꠡꠥꠝꠣꠞꠤ 23:20

ꠘꠦꠇ ꠖꠥꠀ ꠖꠤꠔꠣꠝ ꠇꠞꠤ ꠢꠥꠇꠥꠝ ꠎꠦꠟꠣ ꠙꠣꠁꠍꠤ, ꠇꠤꠟꠣ ꠛꠖꠟꠣꠁꠝꠥ ꠀꠝꠤ ꠝꠥꠘꠤꠛꠞ ꠅꠃ ꠝꠞ꠆ꠎꠤ?

ꠔꠃꠞꠣꠔ ৪: ꠡꠥꠝꠣꠞꠤ 23:23

ꠁꠀꠇꠥꠛꠞ ꠀꠅꠟꠣꠖꠞ ꠃꠙꠞꠦ ꠇꠥꠘꠥ ꠎꠣꠖꠥ-ꠝꠘꠔ꠆ꠞ ꠌꠟꠔ ꠘꠣꠄ, ꠁꠍꠞꠣꠁꠟ ꠎꠣꠔꠤꠞ ꠃꠙꠞꠦ ꠇꠥꠘꠥ ꠔꠣꠛꠤꠎ-ꠇꠛꠎꠦ ꠇꠣꠝ ꠀꠁꠔ ꠘꠣꠄ। ꠔꠣꠞꠣꠞ ꠛꠦꠙꠣꠞꠦ ꠅꠈꠘ ꠅꠃ ꠛꠥꠟꠤ ꠇꠅꠀ ꠎꠣꠄ, ꠀꠟ꠆ꠟꠣꠄ ꠎꠦꠔꠣ ꠇꠞꠍꠂꠘ ꠅꠔꠣ ꠌꠣꠁꠀ ꠖꠦꠈꠅ।

ꠔꠃꠞꠣꠔ ৪: ꠡꠥꠝꠣꠞꠤ 23:28

ꠅꠈꠣꠘ ꠇꠁꠀ ꠛꠣꠖꠡꠣꠄ ꠔꠣꠘꠞꠦ ꠟꠁꠀ ꠙꠤꠃꠞ ꠘꠣꠝꠞ ꠙꠣꠠꠞ ꠃꠙꠞꠦ ꠉꠦꠟꠣ, ꠅꠃ ꠎꠣꠉꠣ ꠕꠣꠇꠤ ꠝꠞꠥꠜꠥꠝꠤ ꠖꠦꠈꠣ ꠎꠣꠄ।

ꠔꠃꠞꠣꠔ ৪: ꠡꠥꠝꠣꠞꠤ 23:3

ꠄꠞꠛꠣꠖꠦ ꠛꠣꠟꠣꠝ ꠙꠤꠞꠦ ꠛꠣꠟꠣꠇꠞꠦ ꠇꠁꠟꠣ, “ꠀꠙꠘꠣꠞ ꠇꠥꠞꠛꠣꠘꠤ ꠖꠦꠅꠀ ꠅꠃ ꠙꠡꠥꠞ ꠇꠣꠍꠣꠔ ꠀꠙꠘꠦ ꠞꠃꠇ꠆ꠇꠣ। ꠀꠝꠤ ꠕꠥꠠꠣ ꠢꠞꠤꠀ ꠎꠣꠁꠞꠣꠝ, ꠅꠁꠔ ꠙꠣꠞꠦ ꠝꠣꠛꠥꠖꠦ ꠀꠝꠣꠞꠦ ꠖꠞꠡꠘ ꠖꠤꠛꠣ। ꠔꠣꠁꠘ ꠀꠝꠣꠞꠦ ꠎꠦꠔꠣ ꠎꠣꠘꠣꠁꠛꠣ, ꠀꠝꠤ ꠀꠁꠀ ꠀꠙꠘꠣꠞꠦ ꠇꠁꠝꠥꠘꠦ।” ꠅꠈꠣꠘ ꠇꠁꠀ ꠛꠣꠟꠣꠝ ꠙꠤꠞ ꠉꠤꠀ ꠙꠣꠠꠞ ꠢꠇꠟ ꠕꠣꠇꠤ ꠃꠌꠣ ꠐꠤꠟ꠆ꠟꠣꠞ ꠃꠙꠞꠦ ꠃꠑꠤꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 23:30

ꠙꠤꠞ ꠍꠣꠛꠞ ꠇꠕꠣꠝꠔ ꠛꠣꠖꠡꠣꠄ ꠅꠟꠣꠃ ꠇꠞꠟꠣ। ꠔꠣꠁꠘ ꠙꠞꠔꠦꠇ ꠇꠥꠞꠛꠣꠘꠤ ꠈꠣꠘꠣꠞ ꠃꠙꠞꠦ ꠄꠉꠥ ꠇꠞꠤ ꠛꠤꠍꠣꠟ ꠀꠞ ꠄꠉꠥ ꠇꠞꠤ ꠝꠦꠠꠣ ꠇꠥꠞꠛꠣꠘꠤ ꠖꠤꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 31:16

ꠝꠘꠅ ꠘꠣꠁ ꠘꠤ, ꠅꠉꠥꠁꠘ꠆ꠔꠦ ꠙꠤꠃꠞ ꠙꠣꠠꠞ ꠃꠙꠞꠦ ꠛꠣꠟꠣꠝ ꠙꠤꠞꠞ ꠙꠞꠣꠝꠤꠡꠦ, ꠛꠘꠤ ꠁꠍꠞꠣꠁꠟꠞꠦ ꠝꠣꠛꠥꠖꠞ ꠉꠦꠍ ꠕꠣꠇꠤ ꠖꠥꠞꠁ ꠢꠞꠣꠁꠍꠤꠟ, ꠄꠞꠟꠣꠉꠤ ꠔ ꠝꠣꠛꠥꠖꠞ ꠛꠘ꠆ꠖꠣ ꠅꠇꠟꠞ ꠃꠙꠞꠦ ꠉꠎꠛꠤ ꠛꠦꠝꠣꠞ ꠘꠣꠎꠤꠟ ꠅꠁꠍꠤꠟ।

Injil 27: Zaira Kalam 2:14

“ꠔꠣ-ꠅ ꠔꠥꠝꠞꠣꠞ ꠛꠤꠞꠥꠖ꠆ꠖꠦ ꠀꠝꠣꠞ ꠇꠤꠍꠥ ꠝꠣꠔ ꠀꠍꠦ। ꠔꠥꠝꠞꠣꠞ ꠅꠘꠅ ꠅꠟꠣ ꠇꠤꠍꠥ ꠝꠣꠘꠥꠡ ꠀꠍꠂꠘ, ꠎꠦꠔꠣꠄ ꠝꠥꠍꠣ ꠘꠛꠤꠞ ꠀꠝꠟꠞ ꠜꠘ꠆ꠒ ꠘꠛꠤ ꠛꠣꠟꠣꠝꠞ ꠔꠣꠟꠤꠝꠦ ꠌꠟꠂꠘ। ꠅꠃ ꠛꠣꠟꠣꠝꠦ ꠛꠣꠖꠡꠣ ꠛꠣꠟꠣꠇꠞꠦ ꠢꠤꠇꠣꠁꠍꠤꠟ, ꠎꠣꠔꠦ ꠢꠦ ꠖꠦꠛꠔꠣꠞ ꠝꠥꠞ꠆ꠔꠤꠞ ꠍꠣꠝꠘꠞ ꠙꠡꠣꠖ ꠈꠣꠅꠀꠁꠀ ꠀꠞ ꠎꠤꠘꠣ ꠇꠞꠣꠁꠀ, ꠛꠘꠤ ꠁꠍꠞꠣꠁꠟꠞꠦ ꠉꠥꠘꠣꠞ ꠙꠕꠦ ꠘꠦꠄ।