ꠔꠃꠞꠣꠔ ৪: ꠡꠥꠝꠣꠞꠤ 23:7 - Siloṭi Asmani Kitab (Nagri lipi)

⁷ ꠅꠃ ꠡꠝꠄ ꠛꠣꠟꠣꠝ ꠙꠤꠞꠦ ꠀꠟ꠆ꠟꠣꠞ ꠢꠤꠇꠣꠁꠀ ꠖꠦꠅꠀ ꠅꠃ ꠛꠥꠟꠤ ꠢꠇꠟ ꠢꠥꠘꠣꠁꠟꠣ, ꠇꠁꠟꠣ, “ꠡꠤꠞꠤꠀ ꠖꠦꠡ ꠕꠣꠇꠤ ꠛꠣꠟꠣꠇꠦ ꠀꠝꠣꠞꠦ ꠀꠘꠣꠁꠍꠂꠘ, ꠙꠥꠛꠞ ꠙꠣꠠ ꠅꠇꠟꠞ ꠗꠣꠞꠅ ꠕꠣꠇꠤ ꠝꠥꠀꠛꠞ ꠛꠣꠖꠡꠣ ꠛꠣꠟꠣꠇꠦꠃ ꠝꠞꠦ ꠎꠥꠉꠣꠁꠍꠂꠘ। ꠎꠥꠉꠣꠁꠀ ꠇꠁꠟꠣ, ꠀꠝꠣꠞ ꠙꠇ꠆ꠇ ꠟꠁꠀ ꠁꠀꠇꠥꠛꠞ ꠀꠅꠟꠣꠖ ꠛꠘꠤ ꠁꠍꠞꠣꠁꠟꠞꠦ ꠟꠣꠘ꠆ꠘꠔ ꠖꠦꠃꠇ꠆ꠇꠣ, ꠅꠔꠣꠞꠦ ꠛꠖ꠆ꠖꠥꠀ ꠖꠦꠃꠇ꠆ꠇꠣ।

ছিলটি আছমানি কিতাব (বাংলা লিপি)

⁷ অউ সময় বালাম পীরে আল্লার হিকাইয়া দেওয়া অউ বুলি হকল হুনাইলা, কইলা, “সিরিয়া দেশ থাকি বালাকে আমারে আনাইছইন, পুবর পাহাড় অকলর ধারো থাকি মোয়াবর বাদশা বালাকেউ মোরে যুগাইছইন। যুগাইয়া কইলা, আমার পক্ষ লইয়া ইয়াকুবর আওলাদ বনি ইছরাইলরে লান্নত দেউক্কা, অতারে বদদোয়া দেউক্কা।

Siloṭi Asmani Kitab (Latin lipi)

⁷ Ou shomoy Balam pire Allar hikaia deoa ou buli hoḳol hunaila, ḳoila, “Siria desh taki Balake amare anaisoin, fubor faṛ oḳlor daro taki Muabor bashsha Balake-u more zugaisoin. Zugaia ḳoila, amar fokko loia Iakubor aolad Boni Israilre lannot deukka, otare boddua deukka.

ꠔꠃꠞꠣꠔ ৪: ꠡꠥꠝꠣꠞꠤ 23:7 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 10:22

ꠡꠣꠝꠞ ꠙꠥꠀꠂꠘ꠆ꠔꠞ ꠘꠣꠝ: ꠁꠟꠣꠝ, ꠀꠡꠥꠞ, ꠀꠞ꠆ꠚꠣꠇꠍꠣꠖ, ꠟꠥꠖ ꠀꠞ ꠅꠞꠣꠝ।

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 28:2

ꠔꠥꠝꠤ ꠙꠖ꠆ꠖꠘ-ꠁꠞꠣꠝ ꠖꠦꠡꠅ ꠔꠥꠝꠣꠞ ꠘꠣꠘꠣ ꠛꠕꠥꠄꠟꠞ ꠛꠣꠠꠤꠔ ꠎꠣꠅꠉꠤ, ꠢꠘꠅ ꠔꠥꠝꠣꠞ ꠝꠣꠝꠥ ꠟꠣꠛꠘꠞ ꠇꠥꠘꠥ ꠙꠥꠠꠤꠞꠦ ꠛꠤꠀ ꠇꠞꠤꠅ।

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 28:7

ꠀꠞ ꠁꠀꠇꠥꠛꠦ ꠔꠣꠘ ꠝꠣ-ꠛꠣꠚꠞ ꠢꠥꠇꠥꠝꠦ ꠙꠖ꠆ꠖꠘ-ꠁꠞꠣꠝꠅ ꠉꠦꠍꠂꠘꠉꠤ,

ꠔꠃꠞꠣꠔ ৪: ꠡꠥꠝꠣꠞꠤ 22:11

ꠇꠁꠍꠂꠘ, ꠝꠤꠡꠞ ꠖꠦꠡ ꠕꠣꠇꠤ ꠄꠇꠖꠟ ꠝꠣꠘꠥꠡ ꠀꠁꠀ ꠀꠡ꠆ꠔꠣ ꠖꠦꠡꠅ ꠉꠤꠍꠉꠤꠍ ꠇꠞꠞꠣ। ꠅꠈꠘ ꠀꠙꠘꠦ ꠀꠁꠀ ꠔꠣꠞꠣꠞꠦ ꠟꠣꠘ꠆ꠘꠔ ꠖꠦꠃꠇ꠆ꠇꠣ। ꠔꠦꠃ ꠀꠝꠤ ꠎꠥꠖ꠆ꠖ ꠇꠞꠤꠀ ꠔꠣꠞꠣꠞꠦ ꠛꠥꠟꠦ ꠈꠦꠖꠣꠁꠔꠣꠝ ꠙꠣꠞꠝꠥ।”

ꠔꠃꠞꠣꠔ ৪: ꠡꠥꠝꠣꠞꠤ 22:17

ꠔꠣꠁꠘ ꠀꠙꠘꠣꠞꠦ ꠛꠃꠔ ꠁꠎ꠆ꠎꠔ-ꠛꠈꠡꠤꠡ ꠖꠤꠛꠣ, ꠀꠞ ꠀꠙꠘꠦ ꠎꠦꠟꠣ ꠇꠁꠛꠣ, ꠔꠣꠁꠘ ꠅꠟꠣꠃ ꠇꠞꠛꠣ। ꠈꠣꠟꠤ ꠀꠙꠘꠦ ꠎꠣꠘꠥ ꠔꠣꠘ ꠙꠇ꠆ꠇ ꠟꠁꠀ ꠅꠔꠣ ꠝꠣꠘꠡꠞꠦ ꠟꠣꠘ꠆ꠘꠔ ꠖꠦꠁꠘ, ꠔꠣꠁꠘ ꠅꠈꠣꠘꠃ ꠌꠣꠁꠞꠣ।”

ꠔꠃꠞꠣꠔ ৪: ꠡꠥꠝꠣꠞꠤ 23:18

ꠛꠣꠟꠣꠝ ꠙꠤꠞꠦ ꠅꠃ ꠡꠝꠄ ꠀꠟ꠆ꠟꠣꠞ ꠢꠤꠇꠣꠁꠟ ꠅꠃ ꠛꠥꠟꠤ ꠇꠁꠟꠣ, “ꠛꠣꠖꠡꠣ ꠛꠣꠟꠣꠇ ꠈꠤꠀꠟ ꠇꠞꠅ, ꠅꠈꠘ ꠢꠥꠘꠅ ꠖꠤꠀ ꠝꠘ, ꠄꠞꠦ ꠡꠤꠙꠣꠞꠞ ꠙꠥꠔ ꠛꠣꠟꠣꠇ, ꠝꠞ ꠇꠕꠣꠔ ꠖꠦꠅ ꠇꠣꠘ।

ꠔꠃꠞꠣꠔ ৪: ꠡꠥꠝꠣꠞꠤ 23:6

ꠔꠦꠃ ꠛꠣꠟꠣꠝ ꠙꠤꠞꠦ ꠝꠥꠀꠛ ꠖꠦꠡꠞ ꠛꠣꠖꠡꠣ ꠛꠣꠟꠣꠇꠞ ꠉꠦꠍꠦ ꠚꠤꠞꠤꠀ ꠀꠁꠀ ꠖꠦꠈꠟꠣ, ꠛꠣꠖꠡꠣ ꠛꠣꠟꠣꠇꠦ ꠝꠥꠀꠛ ꠖꠦꠡꠞ ꠢꠇꠟ ꠝꠥꠞꠛ꠆ꠛꠤ ꠘꠦꠔꠣꠞꠦ ꠟꠁꠀ ꠔꠣꠘ ꠇꠥꠞꠛꠣꠘꠤ ꠇꠞꠣ ꠙꠡꠥꠞ ꠅꠘꠅ ꠃꠛꠣꠁ ꠞꠁꠍꠂꠘ।

ꠔꠃꠞꠣꠔ ৪: ꠡꠥꠝꠣꠞꠤ 24:15

ꠛꠣꠟꠣꠝ ꠙꠤꠞꠦ ꠀꠟ꠆ꠟꠣꠞ ꠖꠦꠅꠀ ꠅꠃ ꠀꠞꠇ ꠅꠢꠤ ꠇꠁꠟꠣ, “ꠛꠣꠃꠞꠞ ꠙꠥꠔ ꠛꠣꠟꠣꠝꠦ ꠇꠁꠞꠣ, ꠌꠃꠈ ꠎꠣꠞ ꠈꠥꠟꠣ ꠀꠍꠦ ꠄꠁꠘ ꠅꠃ ꠛꠥꠟꠤ ꠇꠁꠞꠣ,

ꠔꠃꠞꠣꠔ ৪: ꠡꠥꠝꠣꠞꠤ 24:21

ꠛꠣꠖꠦ ꠔꠣꠁꠘ ꠇꠦꠘꠤ ꠅꠇꠟꠞꠦ ꠖꠦꠈꠟꠣ, ꠖꠦꠈꠤꠀ ꠀꠟ꠆ꠟꠣꠞ ꠅꠃ ꠅꠢꠤ ꠇꠁꠟꠣ, “ꠔꠥꠝꠞꠣꠞ ꠛꠡꠔ ꠈꠣꠘꠣ ꠈꠥꠛ ꠝꠎꠛꠥꠔ, ꠔꠥꠝꠞꠣ ꠔ ꠙꠣꠔ꠆ꠔꠞꠞ ꠙꠣꠠꠅ ꠛꠣꠡꠣ ꠛꠣꠘꠣꠁꠍ,

ꠔꠃꠞꠣꠔ ৪: ꠡꠥꠝꠣꠞꠤ 24:23

ꠛꠣꠖꠦ ꠛꠣꠟꠣꠝ ꠙꠤꠞꠦ ꠀꠟ꠆ꠟꠣꠞ ꠖꠦꠅꠀ ꠅꠃ ꠡꠦꠡ ꠅꠢꠤ ꠇꠁꠟꠣ, “ꠢꠣꠄꠞꠦ ꠢꠣꠄ! ꠀꠟ꠆ꠟꠣꠄ ꠎꠦꠛꠟꠣ ꠅꠔꠣ ꠊꠐꠣꠁꠛꠣ, ꠅꠃ ꠡꠝꠄ ꠇꠦꠃ ꠀꠞ ꠎꠤꠘ꠆ꠖꠣ ꠞꠁꠛ ꠘꠤ?

ꠔꠃꠞꠣꠔ ৪: ꠡꠥꠝꠣꠞꠤ 24:3

ꠔꠣꠁꠘ ꠀꠟ꠆ꠟꠣꠞ ꠖꠦꠅꠀ ꠅꠃ ꠅꠢꠤ ꠇꠁꠟꠣ, “ꠛꠣꠃꠞꠞ ꠙꠥꠔ ꠛꠣꠟꠣꠝꠦ ꠇꠁꠞꠣ, ꠌꠃꠈ ꠎꠣꠞ ꠈꠥꠟꠣ ꠀꠍꠦ ꠄꠁꠘ ꠅꠃ ꠛꠥꠟꠤ ꠇꠁꠞꠣ।

ꠁꠘ꠆ꠎꠤꠟ ১: ꠝꠕꠤ 13:33

ꠄꠞꠛꠣꠖꠦ ꠀꠞꠇ ꠇꠤꠌ꠆ꠍꠣꠞ ꠝꠣꠎꠦ ꠇꠁꠟꠣ, “ꠛꠦꠢꠦꠡ꠆ꠔꠤ ꠛꠣꠖꠡꠣꠁ ꠅꠁꠟ ꠈꠣꠝꠤꠞꠞ ꠟꠣꠈꠣꠘ। ꠄꠇꠎꠘ ꠛꠦꠐꠤ ꠝꠣꠘꠡꠦ ꠔꠤꠘ ꠛꠡ꠆ꠔꠣ ꠝꠄꠖꠣꠞ ꠝꠣꠎꠦ ꠕꠥꠠꠣ ꠈꠣꠝꠤꠞ ꠝꠤꠡꠣꠁꠟ। ꠈꠣꠝꠤꠞꠞ ꠚꠣꠚꠦ ꠢꠇꠟ ꠝꠄꠖꠣ ꠚꠥꠟꠤꠀ ꠃꠑꠟ।”

ꠁꠘ꠆ꠎꠤꠟ ১: ꠝꠕꠤ 13:35

ꠁꠔꠣ ꠢꠇ꠆ꠇꠟꠔꠣ ꠅꠁꠟ, ꠎꠣꠔꠦ ꠘꠛꠤꠞ ꠝꠣꠎꠖꠤ ꠎꠦꠔꠣ ꠛꠣꠔꠣꠁꠟ ꠅꠁꠍꠤꠟ, ꠅꠔꠣ ꠅꠈꠘ ꠙꠥꠞꠣ ꠅꠄ, ꠔꠣꠟꠤꠝꠦ ꠜꠞꠣ ꠇꠤꠌ꠆ꠍꠣ ꠢꠥꠘꠣꠁ ꠢꠥꠘꠣꠁ ꠀꠝꠤ ꠝꠣꠔꠤꠝꠥ, ꠖꠥꠘꠤꠀꠞ ꠙꠄꠟꠣ ꠕꠣꠇꠤ ꠎꠔꠔꠣ ꠛꠣꠔꠥꠘꠤ ꠀꠍꠤꠟ, ꠅꠔꠣ ꠅꠈꠘ ꠈꠥꠟꠝꠥ।

Injil 2: Markus 12:12

ꠁꠔꠣ ꠢꠥꠘꠤꠀ ꠔꠣꠞꠣ ꠁꠍꠣꠞꠦ ꠗꠞꠤꠟꠤꠔ ꠌꠣꠁꠟ। ꠔꠣꠞꠣ ꠛꠥꠎꠤꠟꠤꠟ, ꠔꠣꠁꠘ ꠁ ꠇꠤꠌ꠆ꠍꠣ ꠔꠣꠞꠣꠞ ꠛꠤꠙꠇ꠆ꠇꠦꠃ ꠇꠁꠞꠣ। ꠅꠁꠟꠦ ꠝꠣꠘꠡꠞꠦ ꠒꠞꠣꠁꠀ ꠔꠣꠘꠞꠦ ꠍꠣꠠꠤꠀ ꠉꠦꠟꠉꠤ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 23:4

ꠝꠘꠅ ꠀꠍꠦ ꠘꠤ, ꠔꠥꠝꠞꠣ ꠝꠤꠡꠞ ꠖꠦꠡ ꠕꠣꠇꠤ ꠛꠣꠞ ꠅꠁꠀ ꠀꠁꠛꠣꠞ ꠇꠣꠟꠅ, ꠙꠕꠞ ꠝꠣꠎꠦ ꠔꠣꠞꠣ ꠔꠥꠝꠞꠣꠞ ꠈꠣꠘꠤ-ꠙꠣꠘꠤ ꠟꠁꠀ ꠀꠉꠥꠀꠁ ꠀꠁꠍꠦ ꠘꠣ, ꠛꠞꠋ ꠔꠥꠝꠞꠣꠞꠦ ꠛꠖ꠆ꠖꠥꠀ ꠖꠤꠛꠣꠞ ꠟꠣꠉꠤ ꠛꠣꠟꠣꠝ ꠛꠤꠘ ꠛꠣꠃꠞ ꠘꠣꠝꠞ ꠄꠇ ꠙꠤꠞꠞꠦ ꠔꠣꠞꠣ ꠊꠥꠡ ꠖꠤꠍꠤꠟ, ꠖꠤꠀ ꠅꠞꠣꠝ-ꠘꠢꠞꠄꠁꠝ ꠖꠦꠡꠞ ꠚꠔꠥꠞ ꠐꠣꠃꠘ ꠕꠣꠇꠤ ꠔꠣꠞꠦ ꠜꠣꠠꠣ ꠇꠞꠤ ꠀꠘꠍꠤꠟ।