ꠔꠃꠞꠣꠔ ৪: ꠡꠥꠝꠣꠞꠤ 23:5 - Siloṭi Asmani Kitab (Nagri lipi)

⁵ ꠔꠦꠃ ꠝꠣꠛꠥꠖꠦ ꠛꠣꠟꠣꠝ ꠙꠤꠞꠞꠦ ꠄꠇ ꠛꠥꠟꠤ ꠢꠤꠇꠣꠁ ꠖꠤꠟꠣ, ꠖꠤꠀ ꠇꠁꠟꠣ, “ꠔꠥꠝꠤ ꠉꠤꠀ ꠛꠣꠟꠣꠇ ꠛꠣꠖꠡꠣꠞꠦ ꠅꠔꠣ ꠇꠁꠅ।”

ছিলটি আছমানি কিতাব (বাংলা লিপি)

⁵ তেউ মাবুদে বালাম পীররে এক বুলি হিকাই দিলা, দিয়া কইলা, “তুমি গিয়া বালাক বাদশারে অতা কইও।”

Siloṭi Asmani Kitab (Latin lipi)

⁵ Teu Mabude Balam pirre eḳ buli hikai dila, dia ḳoila, “Tumi gia Balak bashshare ota ḳoio.”

ꠔꠃꠞꠣꠔ ৪: ꠡꠥꠝꠣꠞꠤ 23:5 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 4:15

ꠔꠥꠝꠤ ꠢꠤꠇꠣꠁꠀ ꠖꠤꠅ ꠀꠞ ꠇꠁꠅ ꠢꠦ ꠇꠤꠔꠣ ꠝꠣꠔꠤꠔ। ꠀꠝꠤ ꠔꠥꠝꠞꠣ ꠖꠥꠁꠅꠎꠘꠞ ꠝꠥꠈꠞ ꠎꠛꠣꠘꠞꠦ ꠡꠣꠁꠎ꠆ꠎ ꠇꠞꠝꠥ। ꠀꠞ ꠢꠘꠅ ꠉꠤꠀ ꠇꠤꠔꠣ ꠇꠞꠔꠣꠄ ꠀꠝꠤ ꠢꠤꠇꠣꠁꠀ ꠖꠤꠝꠥ।

ꠔꠃꠞꠣꠔ ৪: ꠡꠥꠝꠣꠞꠤ 22:20

ꠢꠃ ꠞꠣꠁꠔ ꠀꠟ꠆ꠟꠣꠄ ꠎꠣꠁꠞ ꠅꠁꠀ ꠛꠣꠟꠣꠝꠞꠦ ꠇꠁꠟꠣ, “ꠄꠞꠣ ꠎꠦꠛꠟꠣ ꠔꠥꠝꠣꠞꠦ ꠘꠦꠅꠀꠔ ꠀꠁꠍꠦ, ꠔꠦ ꠔꠥꠝꠤ ꠔꠣꠞꠣꠞ ꠟꠉꠦ ꠎꠣꠅ। ꠉꠦꠟꠦ ꠀꠝꠤ ꠔꠥꠝꠣꠞꠦ ꠎꠦꠟꠣ ꠇꠁꠝꠥ, ꠔꠥꠝꠤ ꠈꠣꠟꠤ ꠅꠟꠣꠃ ꠇꠞꠤꠅ।”

ꠔꠃꠞꠣꠔ ৪: ꠡꠥꠝꠣꠞꠤ 22:35

ꠝꠣꠛꠥꠖꠞ ꠚꠤꠞꠤꠡ꠆ꠔꠣꠄ ꠛꠣꠟꠣꠝꠞꠦ ꠇꠁꠟꠣ, “ꠑꠤꠇ ꠀꠍꠦ, ꠔꠥꠝꠤ ꠅꠔꠣ ꠝꠣꠘꠡꠞ ꠟꠉꠦ ꠎꠣꠅ। ꠅꠁꠟꠦ ꠀꠝꠤ ꠔꠥꠝꠣꠞꠦ ꠎꠦꠟꠣ ꠢꠤꠇꠣꠁ ꠖꠤꠝꠥ, ꠔꠥꠝꠤ ꠈꠣꠟꠤ ꠅꠟꠣꠃ ꠇꠁꠛꠣꠄ।” ꠔꠦꠃ ꠛꠣꠖꠡꠣ ꠛꠣꠟꠣꠇꠞ ꠙꠣꠑꠣꠁꠟ ꠘꠦꠔꠣ ꠅꠇꠟꠞ ꠟꠉꠦ ꠛꠣꠟꠣꠝ ꠙꠤꠞ ꠌꠟꠣꠔ ꠞꠁꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 23:16

ꠝꠣꠛꠥꠖꠦ ꠛꠣꠟꠣꠝ ꠙꠤꠞꠞꠦ ꠖꠤꠖꠣꠞ ꠖꠤꠟꠣ, ꠀꠞ ꠔꠣꠞ ꠎꠛꠣꠘꠞ ꠝꠣꠎꠦ ꠇꠤꠍꠥ ꠛꠥꠟꠤ ꠎꠥꠉꠣꠁ ꠖꠤꠀ ꠇꠁꠟꠣ, “ꠔꠥꠝꠤ ꠛꠣꠖꠡꠣ ꠛꠣꠟꠣꠇꠞ ꠉꠦꠍꠦ ꠀꠝꠣꠞ ꠢꠤꠇꠣꠁꠟ ꠅꠃ ꠝꠣꠔ ꠝꠣꠔꠤꠅ।”

ꠔꠃꠞꠣꠔ ৪: ꠡꠥꠝꠣꠞꠤ 23:4

ꠅꠃ ꠡꠝꠄ ꠝꠣꠛꠥꠖꠦ ꠔꠣꠘꠞꠦ ꠖꠞꠡꠘ ꠖꠤꠟꠣ। ꠛꠣꠟꠣꠝ ꠙꠤꠞꠦ ꠝꠣꠛꠥꠖꠞꠦ ꠇꠁꠟꠣ, “ꠅ ꠝꠣꠛꠥꠖ, ꠔꠥꠝꠤ ꠔ ꠖꠦꠈꠞꠣꠄ, ꠀꠝꠤ ꠡꠣꠔꠈꠣꠘ ꠇꠥꠞꠛꠣꠘꠤ ꠈꠣꠘꠣ ꠛꠣꠘꠣꠁꠍꠤ ꠀꠞ ꠙꠞꠔꠦꠇ ꠇꠥꠞꠛꠣꠘꠤ ꠈꠣꠘꠣꠞ ꠃꠙꠞꠦ ꠄꠉꠥ ꠇꠞꠤ ꠛꠤꠍꠣꠟ ꠀꠞ ꠄꠉꠥ ꠇꠞꠤ ꠝꠦꠠꠣ ꠇꠥꠞꠛꠣꠘꠤ ꠖꠤꠍꠤ।”

ꠔꠃꠞꠣꠔ ৪: ꠡꠥꠝꠣꠞꠤ 23:6

ꠔꠦꠃ ꠛꠣꠟꠣꠝ ꠙꠤꠞꠦ ꠝꠥꠀꠛ ꠖꠦꠡꠞ ꠛꠣꠖꠡꠣ ꠛꠣꠟꠣꠇꠞ ꠉꠦꠍꠦ ꠚꠤꠞꠤꠀ ꠀꠁꠀ ꠖꠦꠈꠟꠣ, ꠛꠣꠖꠡꠣ ꠛꠣꠟꠣꠇꠦ ꠝꠥꠀꠛ ꠖꠦꠡꠞ ꠢꠇꠟ ꠝꠥꠞꠛ꠆ꠛꠤ ꠘꠦꠔꠣꠞꠦ ꠟꠁꠀ ꠔꠣꠘ ꠇꠥꠞꠛꠣꠘꠤ ꠇꠞꠣ ꠙꠡꠥꠞ ꠅꠘꠅ ꠃꠛꠣꠁ ꠞꠁꠍꠂꠘ।

Injil 3: Luk 12:12

ꠇꠤꠔꠣ ꠝꠣꠔꠤꠔꠣꠄ ꠁꠔꠣ ꠙꠣꠇ ꠞꠥꠢꠦ ꠔꠥꠝꠞꠣꠞꠦ ꠢꠃ ꠡꠝꠄ ꠛꠣꠔꠣꠁ ꠖꠤꠛꠣ।”

Injil 4: Hannan 11:51

ꠁꠝꠣꠝ ꠇꠣꠄꠀꠚꠣꠄ ꠀꠍꠟꠦ ꠘꠤꠎꠞ ꠝꠘ ꠕꠣꠇꠤ ꠅꠃ ꠇꠕꠣ ꠇꠁꠍꠂꠘ ꠘꠣ, ꠔꠣꠁꠘ ꠅꠃ ꠛꠍꠞꠞ ꠙꠞꠗꠣꠘ ꠁꠝꠣꠝ ꠅꠀꠄ ꠉꠣꠁꠛꠤ ꠛꠥꠟꠤ ꠔꠣꠘ ꠝꠥꠈ ꠕꠣꠇꠤ ꠛꠣꠞ ꠅꠁꠍꠦ ꠎꠦ, ꠁꠢꠥꠖꠤ ꠎꠣꠔꠤꠞꠦ ꠛꠣꠌꠣꠘꠤꠞ ꠟꠣꠉꠤ ꠁꠍꠣꠞ ꠝꠞꠘ ꠅꠁꠛ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 18:18

ꠀꠝꠤ ꠔꠣꠞꠣꠞ ꠟꠣꠉꠤ ꠔꠣꠞꠣꠞ ꠘꠤꠎꠞ ꠜꠣꠁꠀꠁꠘ ꠕꠣꠇꠤ ꠔꠥꠝꠣꠞ ꠟꠣꠈꠣꠘ ꠄꠇꠎꠘ ꠘꠛꠤ ꠙꠣꠑꠣꠁꠝꠥ, ꠄꠘ ꠝꠥꠈꠅ ꠀꠝꠣꠞ ꠇꠣꠟꠣꠝ ꠡꠞꠤꠚ ꠖꠤꠝꠥ, ꠀꠞ ꠀꠝꠤ ꠄꠘꠞꠦ ꠎꠦꠔꠣ ꠎꠦꠔꠣ ꠢꠤꠇꠣꠁ ꠖꠤꠝꠥ, ꠄꠁꠘ ꠔꠥꠝꠞꠣꠞꠦ ꠅꠔꠣ ꠎꠣꠘꠣꠁꠛꠣ।