ꠔꠃꠞꠣꠔ ৪: ꠡꠥꠝꠣꠞꠤ 23:3 - Siloṭi Asmani Kitab (Nagri lipi)

³ ꠄꠞꠛꠣꠖꠦ ꠛꠣꠟꠣꠝ ꠙꠤꠞꠦ ꠛꠣꠟꠣꠇꠞꠦ ꠇꠁꠟꠣ, “ꠀꠙꠘꠣꠞ ꠇꠥꠞꠛꠣꠘꠤ ꠖꠦꠅꠀ ꠅꠃ ꠙꠡꠥꠞ ꠇꠣꠍꠣꠔ ꠀꠙꠘꠦ ꠞꠃꠇ꠆ꠇꠣ। ꠀꠝꠤ ꠕꠥꠠꠣ ꠢꠞꠤꠀ ꠎꠣꠁꠞꠣꠝ, ꠅꠁꠔ ꠙꠣꠞꠦ ꠝꠣꠛꠥꠖꠦ ꠀꠝꠣꠞꠦ ꠖꠞꠡꠘ ꠖꠤꠛꠣ। ꠔꠣꠁꠘ ꠀꠝꠣꠞꠦ ꠎꠦꠔꠣ ꠎꠣꠘꠣꠁꠛꠣ, ꠀꠝꠤ ꠀꠁꠀ ꠀꠙꠘꠣꠞꠦ ꠇꠁꠝꠥꠘꠦ।” ꠅꠈꠣꠘ ꠇꠁꠀ ꠛꠣꠟꠣꠝ ꠙꠤꠞ ꠉꠤꠀ ꠙꠣꠠꠞ ꠢꠇꠟ ꠕꠣꠇꠤ ꠃꠌꠣ ꠐꠤꠟ꠆ꠟꠣꠞ ꠃꠙꠞꠦ ꠃꠑꠤꠟꠣ।

ছিলটি আছমানি কিতাব (বাংলা লিপি)

³ এরবাদে বালাম পীরে বালাকরে কইলা, “আপনার কুরবানি দেওয়া অউ পশুর কাছাত আপনে রউক্কা। আমি থুড়া হরিয়া যাইরাম, অইতো পারে মাবুদে আমারে দরশন দিবা। তাইন আমারে যেতা জানাইবা, আমি আইয়া আপনারে কইমুনে।” অখান কইয়া বালাম পীর গিয়া পাহাড়র হকল থাকি উচা টিল্লার উপরে উঠিলা।

Siloṭi Asmani Kitab (Latin lipi)

³ Erbade Balam pire Balakre ḳoila, “Afnar kurbani deoa ou foshur ḳasat afne roukka. Ami tuṛa horia zairam, oito fare Mabude amare doroshon diba. Tain amare zeta zanaiba, ami aia afnare ḳoimune.” Oḳan ḳoia Balam pir gia faṛor hoḳol taki usa ṭillar ufre uṭila.

ꠔꠃꠞꠣꠔ ৪: ꠡꠥꠝꠣꠞꠤ 23:3 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 22:13

ꠁꠛ꠆ꠞꠣꠢꠤꠝꠦ ꠌꠃꠈ ꠔꠥꠟꠤ ꠌꠣꠁꠀ ꠖꠦꠈꠂꠘ, ꠔꠣꠘ ꠈꠞꠦ ꠄꠇꠐꠣ ꠖꠥꠝ꠆ꠛꠣ ꠀꠞ ꠔꠣꠞ ꠢꠤꠋ ꠎꠋꠉꠟꠞ ꠝꠣꠎꠦ ꠀꠐꠇꠤ ꠞꠁꠍꠦ। ꠅꠃ ꠔꠣꠁꠘ ꠉꠤꠀ ꠖꠥꠝ꠆ꠛꠣꠐꠣ ꠀꠘꠤꠀ, ꠘꠤꠎꠞ ꠙꠥꠀꠞ ꠛꠖꠟꠣ ꠎꠣꠟꠣꠁꠟ ꠇꠥꠞꠛꠣꠘꠤ ꠖꠤꠟꠣ।

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 22:2

ꠝꠣꠛꠥꠖꠦ ꠚꠞꠝꠣꠁꠟꠣ, “ꠔꠥꠝꠣꠞ ꠙꠥꠀꠞꠦ, ꠎꠣꠞꠦ ꠔꠥꠝꠤ ꠅꠔ ꠝꠢꠛ꠆ꠛꠔ ꠇꠞꠅ, ꠢꠃ ꠈꠣꠍ ꠝꠣꠄꠀꠞ ꠙꠥꠔ ꠁꠍꠢꠣꠇꠞꠦ ꠟꠁꠀ ꠔꠥꠝꠤ ꠝꠥꠞꠤꠀ ꠄꠟꠣꠇꠣꠔ ꠎꠣꠅ। ꠢꠈꠣꠘꠅ ꠎꠦ ꠙꠣꠠꠞ ꠇꠕꠣ ꠀꠝꠤ ꠔꠥꠝꠣꠞꠦ ꠇꠁꠝꠥ, ꠄꠞ ꠃꠙꠞꠦ ꠔꠣꠞꠦ ꠘꠤꠀ ꠎꠣꠟꠣꠁꠟ ꠇꠥꠞꠛꠣꠘꠤ ꠖꠦꠅ।”

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 8:20

ꠛꠣꠖꠦ ꠘꠥꠢꠦ ꠝꠣꠛꠥꠖꠞ ꠘꠣꠝꠦ ꠄꠇꠈꠣꠘ ꠇꠥꠞꠛꠣꠘꠤ ꠈꠣꠘꠣ ꠛꠣꠘꠣꠁꠟꠣ, ꠀꠞ ꠙꠞꠔꠦꠇ ꠎꠣꠔꠞ ꠢꠣꠟꠣꠟ ꠙꠡꠥ-ꠙꠣꠈꠤ ꠕꠣꠇꠤ ꠄꠇ ꠄꠇꠐꠣ ꠟꠁꠀ ꠎꠛ ꠇꠞꠤꠀ, ꠎꠣꠟꠣꠁꠀ ꠇꠥꠞꠛꠣꠘꠤ ꠖꠤꠟꠣ।

ꠔꠃꠞꠣꠔ ২: ꠢꠤꠎꠞꠔ 18:12

ꠛꠣꠖꠦ ꠝꠥꠍꠣꠞ ꠢꠃꠞ ꠡꠥꠀꠁꠛꠦ ꠀꠟ꠆ꠟꠣꠞ ꠘꠣꠝꠦ ꠎꠣꠟꠣꠁꠟ ꠇꠥꠞꠛꠣꠘꠤ ꠀꠞ ꠢꠇꠟ ꠎꠣꠔꠞ ꠇꠥꠞꠛꠣꠘꠤ ꠎꠥꠁꠔ ꠇꠞꠤ ꠟꠁꠀ ꠀꠁꠟꠣ। ꠢꠦꠡꠦ ꠢꠣꠞꠥꠘ ꠀꠞ ꠛꠘꠤ ꠁꠍꠞꠣꠁꠟꠞ ꠝꠥꠞꠛ꠆ꠛꠤ ꠅꠇꠟ ꠀꠁꠀ, ꠝꠥꠍꠣꠞ ꠢꠃꠞꠞ ꠟꠉꠦ ꠛꠁꠀ ꠀꠟ꠆ꠟꠣꠞ ꠍꠣꠝꠘꠦ ꠈꠣꠘꠣ-ꠙꠤꠘꠣ ꠈꠣꠁꠟꠣ।

ꠔꠃꠞꠣꠔ ৩: ꠟꠦꠛꠤꠀꠘ 1:1

ꠅꠃ ꠙꠛꠤꠔ꠆ꠞ ꠇꠣꠛꠣ ꠊꠞ ꠝꠣꠘꠤ ꠝꠤꠟꠘ-ꠔꠣꠝ꠆ꠛꠥ ꠛꠣꠘꠣꠘꠤꠞ ꠛꠣꠖꠦ, ꠝꠣꠛꠥꠖꠦ ꠝꠥꠍꠣ ꠘꠛꠤꠞꠦ ꠅꠘꠅ ꠀꠘꠣꠁꠀ ꠇꠁꠟꠣ,

ꠔꠃꠞꠣꠔ ৪: ꠡꠥꠝꠣꠞꠤ 23:12

ꠛꠣꠟꠣꠝ ꠙꠤꠞꠦ ꠎꠥꠀꠙ ꠖꠤꠟꠣ, “ꠝꠣꠛꠥꠖꠦ ꠀꠝꠣꠞ ꠝꠥꠈꠅ ꠎꠦꠔꠣ ꠎꠥꠉꠣꠁ ꠖꠤꠍꠂꠘ, ꠁꠔꠣ ꠀꠝꠤ ꠇꠁꠝꠥ ꠘꠣ ꠇꠤꠟꠣ?”

ꠔꠃꠞꠣꠔ ৪: ꠡꠥꠝꠣꠞꠤ 23:15

ꠛꠣꠖꠦ ꠛꠣꠟꠣꠝ ꠙꠤꠞꠦ ꠛꠣꠖꠡꠣ ꠛꠣꠟꠣꠇꠞꠦ ꠇꠁꠟꠣ, “ꠎꠣꠟꠣꠁꠟ ꠇꠥꠞꠛꠣꠘꠤꠞ ꠘꠤꠅꠔꠦ ꠎꠦꠔꠣ ꠙꠡꠥ ꠇꠥꠞꠛꠣꠘꠤ ꠖꠦꠅꠀ ꠅꠁꠍꠦ, ꠀꠙꠘꠦ ꠅꠔꠣꠞ ꠗꠣꠞꠅ ꠞꠃꠇ꠆ꠇꠣ। ꠀꠝꠤ ꠅꠤꠘ꠆ꠘꠛꠣꠄ ꠎꠣꠁꠞꠣꠝ, ꠝꠣꠛꠥꠖꠞ ꠖꠤꠖꠣꠞ ꠙꠣꠅꠀꠞ ꠀꠡꠣꠄ।”

ꠔꠃꠞꠣꠔ ৪: ꠡꠥꠝꠣꠞꠤ 23:2

ꠛꠣꠟꠣꠝꠞ ꠇꠕꠣꠝꠔꠃ ꠛꠣꠟꠣꠇꠦ ꠅꠟꠣ ꠇꠞꠟꠣ, ꠇꠞꠤꠀ ꠖꠥꠁꠅꠎꠘꠦ ꠝꠤꠟꠤꠀ ꠙꠞꠔꠦꠇ ꠇꠥꠞꠛꠣꠘꠤ ꠈꠣꠘꠣꠞ ꠃꠙꠞꠦ ꠄꠉꠥ ꠇꠞꠤ ꠛꠤꠍꠣꠟ ꠀꠞ ꠄꠉꠥ ꠇꠞꠤ ꠝꠦꠠꠣ ꠇꠥꠞꠛꠣꠘꠤ ꠖꠤꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 23:26

ꠛꠣꠟꠣꠝ ꠙꠤꠞꠦ ꠎꠥꠀꠙ ꠖꠤꠟꠣ, “ꠀꠝꠤ ꠔ ꠀꠙꠘꠣꠞꠦ ꠀꠉꠦꠃ ꠇꠁꠍꠤ, ꠝꠣꠛꠥꠖꠦ ꠀꠝꠣꠞꠦ ꠎꠦꠟꠣ ꠇꠁꠛꠣ, ꠀꠝꠣꠞ ꠅꠟꠣꠃ ꠇꠞꠣ ꠟꠣꠉꠛ।”

ꠔꠃꠞꠣꠔ ৪: ꠡꠥꠝꠣꠞꠤ 23:4

ꠅꠃ ꠡꠝꠄ ꠝꠣꠛꠥꠖꠦ ꠔꠣꠘꠞꠦ ꠖꠞꠡꠘ ꠖꠤꠟꠣ। ꠛꠣꠟꠣꠝ ꠙꠤꠞꠦ ꠝꠣꠛꠥꠖꠞꠦ ꠇꠁꠟꠣ, “ꠅ ꠝꠣꠛꠥꠖ, ꠔꠥꠝꠤ ꠔ ꠖꠦꠈꠞꠣꠄ, ꠀꠝꠤ ꠡꠣꠔꠈꠣꠘ ꠇꠥꠞꠛꠣꠘꠤ ꠈꠣꠘꠣ ꠛꠣꠘꠣꠁꠍꠤ ꠀꠞ ꠙꠞꠔꠦꠇ ꠇꠥꠞꠛꠣꠘꠤ ꠈꠣꠘꠣꠞ ꠃꠙꠞꠦ ꠄꠉꠥ ꠇꠞꠤ ꠛꠤꠍꠣꠟ ꠀꠞ ꠄꠉꠥ ꠇꠞꠤ ꠝꠦꠠꠣ ꠇꠥꠞꠛꠣꠘꠤ ꠖꠤꠍꠤ।”

ꠔꠃꠞꠣꠔ ৪: ꠡꠥꠝꠣꠞꠤ 24:1

ꠛꠣꠟꠣꠝ ꠙꠤꠞꠦ ꠎꠦꠛꠟꠣ ꠛꠥꠎꠟꠣ, ꠛꠘꠤ ꠁꠍꠞꠣꠁꠟꠞꠦ ꠖꠥꠀ ꠖꠦꠅꠀꠃ ꠅꠁꠟ ꠝꠣꠛꠥꠖꠞ ꠁꠌ꠆ꠍꠣ, ꠛꠥꠎꠤꠀ ꠔꠣꠁꠘ ꠀꠉꠞ ꠟꠣꠈꠣꠘ ꠀꠞ ꠁꠡ꠆ꠔꠦꠈꠣꠞꠣ-ꠀꠎꠤꠞꠣꠔꠞ ꠌꠦꠡ꠆ꠐꠣ ꠇꠞꠟꠣ ꠘꠣ। ꠛꠞꠋ ꠔꠣꠘ ꠘꠤꠎꠞ ꠝꠥꠈ ꠝꠞꠥꠜꠥꠝꠤꠞ ꠛꠣꠄ ꠚꠤꠞꠣꠁꠟ꠆ꠟꠣ।

ꠁꠘ꠆ꠎꠤꠟ ১: ꠝꠕꠤ 4:8

ꠛꠣꠖꠦ ꠁꠛꠟꠤꠍꠦ ꠔꠣꠘꠞꠦ ꠈꠥꠛ ꠃꠌꠣ ꠄꠇ ꠙꠣꠠꠞ ꠃꠙꠞꠦ ꠟꠁꠀ ꠉꠦꠟ, ꠘꠤꠀ ꠄꠇ ꠙꠟꠇꠦ ꠖꠥꠘꠤꠀꠞ ꠔꠣꠝꠣꠝ ꠝꠥꠟ꠆ꠟꠥꠇ ꠀꠞ ꠅꠔꠣꠞ ꠢꠇꠟ ꠎꠣꠇ-ꠎꠝꠇ ꠖꠦꠈꠣꠁꠟ ꠀꠞ ꠇꠁꠟ,