ꠔꠃꠞꠣꠔ ৪: ꠡꠥꠝꠣꠞꠤ 23:16 - Siloṭi Asmani Kitab (Nagri lipi)

¹⁶ ꠝꠣꠛꠥꠖꠦ ꠛꠣꠟꠣꠝ ꠙꠤꠞꠞꠦ ꠖꠤꠖꠣꠞ ꠖꠤꠟꠣ, ꠀꠞ ꠔꠣꠞ ꠎꠛꠣꠘꠞ ꠝꠣꠎꠦ ꠇꠤꠍꠥ ꠛꠥꠟꠤ ꠎꠥꠉꠣꠁ ꠖꠤꠀ ꠇꠁꠟꠣ, “ꠔꠥꠝꠤ ꠛꠣꠖꠡꠣ ꠛꠣꠟꠣꠇꠞ ꠉꠦꠍꠦ ꠀꠝꠣꠞ ꠢꠤꠇꠣꠁꠟ ꠅꠃ ꠝꠣꠔ ꠝꠣꠔꠤꠅ।”

ছিলটি আছমানি কিতাব (বাংলা লিপি)

¹⁶ মাবুদে বালাম পীররে দিদার দিলা, আর তার জবানর মাজে কিছু বুলি যুগাই দিয়া কইলা, “তুমি বাদশা বালাকর গেছে আমার হিকাইল অউ মাত মাতিও।”

Siloṭi Asmani Kitab (Latin lipi)

¹⁶ Mabude Balam pirre didar dila, ar tar zobanor maze kisu buli zugai dia ḳoila, “Tumi bashsha Balakor gese amar hikail ou mat matio.”

ꠔꠃꠞꠣꠔ ৪: ꠡꠥꠝꠣꠞꠤ 23:16 Iomraidhean Croise

ꠔꠃꠞꠣꠔ ৪: ꠡꠥꠝꠣꠞꠤ 22:20

ꠢꠃ ꠞꠣꠁꠔ ꠀꠟ꠆ꠟꠣꠄ ꠎꠣꠁꠞ ꠅꠁꠀ ꠛꠣꠟꠣꠝꠞꠦ ꠇꠁꠟꠣ, “ꠄꠞꠣ ꠎꠦꠛꠟꠣ ꠔꠥꠝꠣꠞꠦ ꠘꠦꠅꠀꠔ ꠀꠁꠍꠦ, ꠔꠦ ꠔꠥꠝꠤ ꠔꠣꠞꠣꠞ ꠟꠉꠦ ꠎꠣꠅ। ꠉꠦꠟꠦ ꠀꠝꠤ ꠔꠥꠝꠣꠞꠦ ꠎꠦꠟꠣ ꠇꠁꠝꠥ, ꠔꠥꠝꠤ ꠈꠣꠟꠤ ꠅꠟꠣꠃ ꠇꠞꠤꠅ।”

ꠔꠃꠞꠣꠔ ৪: ꠡꠥꠝꠣꠞꠤ 22:35

ꠝꠣꠛꠥꠖꠞ ꠚꠤꠞꠤꠡ꠆ꠔꠣꠄ ꠛꠣꠟꠣꠝꠞꠦ ꠇꠁꠟꠣ, “ꠑꠤꠇ ꠀꠍꠦ, ꠔꠥꠝꠤ ꠅꠔꠣ ꠝꠣꠘꠡꠞ ꠟꠉꠦ ꠎꠣꠅ। ꠅꠁꠟꠦ ꠀꠝꠤ ꠔꠥꠝꠣꠞꠦ ꠎꠦꠟꠣ ꠢꠤꠇꠣꠁ ꠖꠤꠝꠥ, ꠔꠥꠝꠤ ꠈꠣꠟꠤ ꠅꠟꠣꠃ ꠇꠁꠛꠣꠄ।” ꠔꠦꠃ ꠛꠣꠖꠡꠣ ꠛꠣꠟꠣꠇꠞ ꠙꠣꠑꠣꠁꠟ ꠘꠦꠔꠣ ꠅꠇꠟꠞ ꠟꠉꠦ ꠛꠣꠟꠣꠝ ꠙꠤꠞ ꠌꠟꠣꠔ ꠞꠁꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 23:15

ꠛꠣꠖꠦ ꠛꠣꠟꠣꠝ ꠙꠤꠞꠦ ꠛꠣꠖꠡꠣ ꠛꠣꠟꠣꠇꠞꠦ ꠇꠁꠟꠣ, “ꠎꠣꠟꠣꠁꠟ ꠇꠥꠞꠛꠣꠘꠤꠞ ꠘꠤꠅꠔꠦ ꠎꠦꠔꠣ ꠙꠡꠥ ꠇꠥꠞꠛꠣꠘꠤ ꠖꠦꠅꠀ ꠅꠁꠍꠦ, ꠀꠙꠘꠦ ꠅꠔꠣꠞ ꠗꠣꠞꠅ ꠞꠃꠇ꠆ꠇꠣ। ꠀꠝꠤ ꠅꠤꠘ꠆ꠘꠛꠣꠄ ꠎꠣꠁꠞꠣꠝ, ꠝꠣꠛꠥꠖꠞ ꠖꠤꠖꠣꠞ ꠙꠣꠅꠀꠞ ꠀꠡꠣꠄ।”

ꠔꠃꠞꠣꠔ ৪: ꠡꠥꠝꠣꠞꠤ 23:17

ꠔꠦꠃ ꠔꠣꠁꠘ ꠛꠣꠖꠡꠣꠞ ꠉꠦꠍꠦ ꠉꠦꠟꠣ। ꠉꠤꠀ ꠖꠦꠈꠟꠣ ꠛꠣꠖꠡꠣꠄ ꠝꠥꠀꠛ ꠖꠦꠡꠞ ꠘꠦꠔꠣ ꠅꠇꠟꠞꠦ ꠟꠁꠀ ꠇꠥꠞꠛꠣꠘꠤ ꠇꠞꠣ ꠙꠡꠥꠞ ꠉꠦꠍꠦ ꠃꠛꠣꠁ ꠞꠁꠍꠂꠘ। ꠛꠣꠖꠡꠣꠄ ꠔꠣꠘꠞꠦ ꠎꠤꠇꠣꠁꠟꠣ, “ꠝꠣꠛꠥꠖꠦ ꠀꠙꠘꠣꠞꠦ ꠇꠤꠔꠣ ꠇꠁꠍꠂꠘ?”

ꠔꠃꠞꠣꠔ ৪: ꠡꠥꠝꠣꠞꠤ 23:5

ꠔꠦꠃ ꠝꠣꠛꠥꠖꠦ ꠛꠣꠟꠣꠝ ꠙꠤꠞꠞꠦ ꠄꠇ ꠛꠥꠟꠤ ꠢꠤꠇꠣꠁ ꠖꠤꠟꠣ, ꠖꠤꠀ ꠇꠁꠟꠣ, “ꠔꠥꠝꠤ ꠉꠤꠀ ꠛꠣꠟꠣꠇ ꠛꠣꠖꠡꠣꠞꠦ ꠅꠔꠣ ꠇꠁꠅ।”

ꠔꠃꠞꠣꠔ ৪: ꠡꠥꠝꠣꠞꠤ 24:1

ꠛꠣꠟꠣꠝ ꠙꠤꠞꠦ ꠎꠦꠛꠟꠣ ꠛꠥꠎꠟꠣ, ꠛꠘꠤ ꠁꠍꠞꠣꠁꠟꠞꠦ ꠖꠥꠀ ꠖꠦꠅꠀꠃ ꠅꠁꠟ ꠝꠣꠛꠥꠖꠞ ꠁꠌ꠆ꠍꠣ, ꠛꠥꠎꠤꠀ ꠔꠣꠁꠘ ꠀꠉꠞ ꠟꠣꠈꠣꠘ ꠀꠞ ꠁꠡ꠆ꠔꠦꠈꠣꠞꠣ-ꠀꠎꠤꠞꠣꠔꠞ ꠌꠦꠡ꠆ꠐꠣ ꠇꠞꠟꠣ ꠘꠣ। ꠛꠞꠋ ꠔꠣꠘ ꠘꠤꠎꠞ ꠝꠥꠈ ꠝꠞꠥꠜꠥꠝꠤꠞ ꠛꠣꠄ ꠚꠤꠞꠣꠁꠟ꠆ꠟꠣ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 18:18

ꠀꠝꠤ ꠔꠣꠞꠣꠞ ꠟꠣꠉꠤ ꠔꠣꠞꠣꠞ ꠘꠤꠎꠞ ꠜꠣꠁꠀꠁꠘ ꠕꠣꠇꠤ ꠔꠥꠝꠣꠞ ꠟꠣꠈꠣꠘ ꠄꠇꠎꠘ ꠘꠛꠤ ꠙꠣꠑꠣꠁꠝꠥ, ꠄꠘ ꠝꠥꠈꠅ ꠀꠝꠣꠞ ꠇꠣꠟꠣꠝ ꠡꠞꠤꠚ ꠖꠤꠝꠥ, ꠀꠞ ꠀꠝꠤ ꠄꠘꠞꠦ ꠎꠦꠔꠣ ꠎꠦꠔꠣ ꠢꠤꠇꠣꠁ ꠖꠤꠝꠥ, ꠄꠁꠘ ꠔꠥꠝꠞꠣꠞꠦ ꠅꠔꠣ ꠎꠣꠘꠣꠁꠛꠣ।