ꠔꠃꠞꠣꠔ ৪: ꠡꠥꠝꠣꠞꠤ 23:12 - Siloṭi Asmani Kitab (Nagri lipi)

¹² ꠛꠣꠟꠣꠝ ꠙꠤꠞꠦ ꠎꠥꠀꠙ ꠖꠤꠟꠣ, “ꠝꠣꠛꠥꠖꠦ ꠀꠝꠣꠞ ꠝꠥꠈꠅ ꠎꠦꠔꠣ ꠎꠥꠉꠣꠁ ꠖꠤꠍꠂꠘ, ꠁꠔꠣ ꠀꠝꠤ ꠇꠁꠝꠥ ꠘꠣ ꠇꠤꠟꠣ?”

ছিলটি আছমানি কিতাব (বাংলা লিপি)

¹² বালাম পীরে জুয়াপ দিলা, “মাবুদে আমার মুখো যেতা যুগাই দিছইন, ইতা আমি কইমু না কিলা?”

Siloṭi Asmani Kitab (Latin lipi)

¹² Balam pire zuaf dila, “Mabude amar muko zeta zugai disoin, ita ami koimu na kila?”

ꠔꠃꠞꠣꠔ ৪: ꠡꠥꠝꠣꠞꠤ 23:12 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 4:15

ꠔꠥꠝꠤ ꠢꠤꠇꠣꠁꠀ ꠖꠤꠅ ꠀꠞ ꠇꠁꠅ ꠢꠦ ꠇꠤꠔꠣ ꠝꠣꠔꠤꠔ। ꠀꠝꠤ ꠔꠥꠝꠞꠣ ꠖꠥꠁꠅꠎꠘꠞ ꠝꠥꠈꠞ ꠎꠛꠣꠘꠞꠦ ꠡꠣꠁꠎ꠆ꠎ ꠇꠞꠝꠥ। ꠀꠞ ꠢꠘꠅ ꠉꠤꠀ ꠇꠤꠔꠣ ꠇꠞꠔꠣꠄ ꠀꠝꠤ ꠢꠤꠇꠣꠁꠀ ꠖꠤꠝꠥ।

ꠔꠃꠞꠣꠔ ৪: ꠡꠥꠝꠣꠞꠤ 22:20

ꠢꠃ ꠞꠣꠁꠔ ꠀꠟ꠆ꠟꠣꠄ ꠎꠣꠁꠞ ꠅꠁꠀ ꠛꠣꠟꠣꠝꠞꠦ ꠇꠁꠟꠣ, “ꠄꠞꠣ ꠎꠦꠛꠟꠣ ꠔꠥꠝꠣꠞꠦ ꠘꠦꠅꠀꠔ ꠀꠁꠍꠦ, ꠔꠦ ꠔꠥꠝꠤ ꠔꠣꠞꠣꠞ ꠟꠉꠦ ꠎꠣꠅ। ꠉꠦꠟꠦ ꠀꠝꠤ ꠔꠥꠝꠣꠞꠦ ꠎꠦꠟꠣ ꠇꠁꠝꠥ, ꠔꠥꠝꠤ ꠈꠣꠟꠤ ꠅꠟꠣꠃ ꠇꠞꠤꠅ।”

ꠔꠃꠞꠣꠔ ৪: ꠡꠥꠝꠣꠞꠤ 22:38

ꠛꠣꠟꠣꠝꠦ ꠎꠥꠀꠙ ꠖꠤꠟꠣ, “ꠀꠝꠤ ꠅꠈꠘ ꠀꠙꠘꠣꠞ ꠉꠦꠍꠦ ꠀꠁꠍꠤ। ꠅꠁꠟꠦ ꠀꠝꠣꠞ ꠘꠤꠎꠞ ꠇꠥꠘꠥ ꠝꠣꠔ ꠝꠣꠔꠣꠞ ꠡꠣꠁꠖ꠆ꠖ ꠘꠣꠁ। ꠈꠣꠟꠤ ꠀꠟ꠆ꠟꠣꠄ ꠀꠝꠣꠞꠦꠖꠤ ꠎꠦꠔꠣ ꠇꠅꠀꠁꠛꠣ, ꠀꠝꠤ ꠈꠣꠟꠤ ꠅꠈꠣꠘꠃ ꠇꠁꠝꠥ।”

ꠔꠃꠞꠣꠔ ৪: ꠡꠥꠝꠣꠞꠤ 23:13

ꠛꠣꠖꠦ ꠛꠣꠖꠡꠣ ꠛꠣꠟꠣꠇꠦ ꠛꠣꠟꠣꠝ ꠙꠤꠞꠞꠦ ꠇꠁꠟꠣ, “ꠀꠙꠘꠦ ꠀꠝꠣꠞ ꠟꠉꠦ ꠀꠞꠇ ꠎꠣꠉꠣꠔ ꠀꠃꠇ꠆ꠇꠣ। ꠢꠘ ꠕꠘꠦ ꠀꠙꠘꠣꠞ ꠌꠃꠈꠦ ꠛꠘꠤ ꠁꠍꠞꠣꠁꠟꠞ ꠖꠦꠈꠣ ꠙꠣꠁꠛꠣ। ꠔꠣꠞꠣ ꠢꠇꠟꠞꠦ ꠖꠦꠈꠣ ꠎꠣꠁꠔ ꠘꠣꠄ, ꠈꠣꠟꠤ ꠄꠇ ꠅꠋꠡꠞꠦ ꠀꠙꠘꠦ ꠖꠦꠈꠛꠣ, ꠖꠦꠈꠤꠀ ꠀꠙꠘꠦ ꠀꠝꠣꠞ ꠙꠇ꠆ꠇ ꠟꠁꠀ ꠔꠣꠞꠣꠞꠦ ꠟꠣꠘ꠆ꠘꠔ ꠖꠤꠛꠣ।”

ꠔꠃꠞꠣꠔ ৪: ꠡꠥꠝꠣꠞꠤ 23:20

ꠘꠦꠇ ꠖꠥꠀ ꠖꠤꠔꠣꠝ ꠇꠞꠤ ꠢꠥꠇꠥꠝ ꠎꠦꠟꠣ ꠙꠣꠁꠍꠤ, ꠇꠤꠟꠣ ꠛꠖꠟꠣꠁꠝꠥ ꠀꠝꠤ ꠝꠥꠘꠤꠛꠞ ꠅꠃ ꠝꠞ꠆ꠎꠤ?

ꠔꠃꠞꠣꠔ ৪: ꠡꠥꠝꠣꠞꠤ 23:26

ꠛꠣꠟꠣꠝ ꠙꠤꠞꠦ ꠎꠥꠀꠙ ꠖꠤꠟꠣ, “ꠀꠝꠤ ꠔ ꠀꠙꠘꠣꠞꠦ ꠀꠉꠦꠃ ꠇꠁꠍꠤ, ꠝꠣꠛꠥꠖꠦ ꠀꠝꠣꠞꠦ ꠎꠦꠟꠣ ꠇꠁꠛꠣ, ꠀꠝꠣꠞ ꠅꠟꠣꠃ ꠇꠞꠣ ꠟꠣꠉꠛ।”

ꠔꠃꠞꠣꠔ ৪: ꠡꠥꠝꠣꠞꠤ 23:3

ꠄꠞꠛꠣꠖꠦ ꠛꠣꠟꠣꠝ ꠙꠤꠞꠦ ꠛꠣꠟꠣꠇꠞꠦ ꠇꠁꠟꠣ, “ꠀꠙꠘꠣꠞ ꠇꠥꠞꠛꠣꠘꠤ ꠖꠦꠅꠀ ꠅꠃ ꠙꠡꠥꠞ ꠇꠣꠍꠣꠔ ꠀꠙꠘꠦ ꠞꠃꠇ꠆ꠇꠣ। ꠀꠝꠤ ꠕꠥꠠꠣ ꠢꠞꠤꠀ ꠎꠣꠁꠞꠣꠝ, ꠅꠁꠔ ꠙꠣꠞꠦ ꠝꠣꠛꠥꠖꠦ ꠀꠝꠣꠞꠦ ꠖꠞꠡꠘ ꠖꠤꠛꠣ। ꠔꠣꠁꠘ ꠀꠝꠣꠞꠦ ꠎꠦꠔꠣ ꠎꠣꠘꠣꠁꠛꠣ, ꠀꠝꠤ ꠀꠁꠀ ꠀꠙꠘꠣꠞꠦ ꠇꠁꠝꠥꠘꠦ।” ꠅꠈꠣꠘ ꠇꠁꠀ ꠛꠣꠟꠣꠝ ꠙꠤꠞ ꠉꠤꠀ ꠙꠣꠠꠞ ꠢꠇꠟ ꠕꠣꠇꠤ ꠃꠌꠣ ꠐꠤꠟ꠆ꠟꠣꠞ ꠃꠙꠞꠦ ꠃꠑꠤꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 24:13

ꠛꠣꠖꠡꠣꠄ ꠎꠥꠖꠤ ꠡꠥꠘꠣ-ꠞꠥꠙꠣꠄ ꠜꠞꠣ ꠔꠣꠘ ꠀꠡ꠆ꠔꠣ ꠞꠣꠎꠛꠣꠠꠤ ꠈꠣꠘꠃ ꠀꠝꠣꠞꠦ ꠖꠤꠟꠣꠁꠘ, ꠔꠦꠛꠃ ꠀꠝꠤ ꠀꠝꠣꠞ ꠘꠤꠎꠞ ꠁꠌ꠆ꠍꠣꠄ ꠜꠣꠟꠣ-ꠛꠥꠞꠣ ꠇꠥꠘ꠆ꠔꠣ ꠇꠞꠔꠣꠝ ꠙꠣꠞꠔꠣꠝ ꠘꠣꠄ, ꠀꠝꠤ ꠝꠣꠛꠥꠖꠞ ꠛꠤꠞꠥꠖ꠆ꠖꠦ ꠎꠣꠁꠔꠣꠝ ꠘꠣꠄ। ꠝꠣꠛꠥꠖꠦ ꠀꠝꠣꠞꠦ ꠎꠦꠟꠣ ꠢꠥꠇꠥꠝ ꠖꠤꠛꠣ, ꠀꠝꠤ ꠈꠣꠟꠤ ꠅꠟꠣꠃ ꠇꠁꠝꠥ।

Injil 6: Ruman 16:18

ꠇꠣꠞꠘ ꠁꠔꠣꠄ ꠀꠝꠞꠣꠞ ꠝꠣꠟꠤꠇ ꠀꠟ-ꠝꠍꠤꠞ ꠉꠥꠟꠣꠝꠤ ꠘꠣ ꠇꠞꠤꠀ, ꠔꠣꠞꠣꠞ ꠙꠦꠐꠞ ꠉꠥꠟꠣꠝꠤ ꠇꠞꠦ। ꠝꠤꠑꠣ ꠝꠤꠑꠣ ꠝꠣꠔ ꠝꠣꠔꠤꠀ ꠀꠞ ꠔꠦꠟ ꠝꠣꠟꠤꠡ ꠇꠞꠤꠀ ꠡꠞꠟ-ꠡꠥꠎꠣ ꠝꠣꠘꠡꠞꠦ ꠛꠦ-ꠙꠕꠤ ꠛꠣꠘꠣꠄ।

Injil 17: Titas 1:16

ꠔꠣꠞꠣ ꠝꠥꠈꠖꠤ ꠖꠣꠛꠤ ꠇꠞꠂꠘ ꠀꠟ꠆ꠟꠣꠞꠦ ꠝꠣꠘꠂꠘ, ꠅꠁꠟꠦ ꠔꠣꠞꠣꠞ ꠇꠣꠝꠞ ꠝꠣꠎꠖꠤ ꠔꠣꠘꠞꠦ ꠅꠡ꠆ꠛꠤꠇꠣꠞ ꠇꠞꠂꠘ। ꠁꠉꠥꠁꠘ ꠔ ꠘꠚꠞꠔꠤ ꠀꠞ ꠅꠛꠣꠁꠖ꠆ꠖ। ꠁꠔꠣꠞꠦ ꠇꠥꠘꠥ ꠜꠣꠟꠣ ꠇꠣꠝꠅ ꠟꠣꠉꠣꠁꠟ ꠎꠣꠄ ꠘꠣ।