ꠔꠃꠞꠣꠔ ৪: ꠡꠥꠝꠣꠞꠤ 23:10 - Siloṭi Asmani Kitab (Nagri lipi)

¹⁰ ꠁꠀꠇꠥꠛꠞ ꠀꠅꠟꠣꠖ ꠖꠦꠈꠤ ꠛꠣꠟꠥꠞ ꠖꠣꠘꠣꠞ ꠝꠔ, ꠉꠘꠤꠀ ꠚꠥꠠꠣꠁꠔ ꠔꠣꠞꠦ ꠇꠣꠞ ꠀꠍꠦ ꠡꠣꠁꠖ꠆ꠖ? ꠝꠞꠘ ꠎꠣꠘꠥ ꠅꠄ ꠀꠝꠣꠞ ꠘꠦꠇꠇꠣꠞ ꠅꠃ ꠖꠟꠞ ꠟꠣꠈꠣꠘ ꠀꠈꠦꠞꠣꠔꠅ ꠅꠃꠇ ꠝꠞ ꠔꠣꠞꠣꠞꠃ ꠟꠣꠈꠣꠘ।”

ছিলটি আছমানি কিতাব (বাংলা লিপি)

¹⁰ ইয়াকুবর আওলাদ দেখি বালুর দানার মত, গনিয়া ফুড়াইতো তারে কার আছে সাইধ্য? মরন যানু অয় আমার নেককার অউ দলর লাখান আখেরাতো অউক মোর তারারউ লাখান।”

Siloṭi Asmani Kitab (Latin lipi)

¹⁰ Iakubor aolad deki balur danar moto, gonia fuṛaito tare ḳar ase shaiddo? Moron zanu oy amar nekkar ou dolor laḳan aḳerato ouk mor tarar-u laḳan.”

ꠔꠃꠞꠣꠔ ৪: ꠡꠥꠝꠣꠞꠤ 23:10 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 13:16

ꠀꠝꠤ ꠔꠥꠝꠣꠞ ꠅꠀꠞꠤꠡꠞꠦ ꠖꠥꠘꠤꠀꠁꠞ ꠗꠥꠁꠟ-ꠛꠣꠟꠥꠞ ꠟꠣꠈꠣꠘ ꠛꠦꠢꠤꠡꠣꠛ ꠇꠞꠝꠥ। ꠖꠥꠘꠤꠀꠞ ꠗꠥꠁꠟ-ꠛꠣꠟꠥ ꠎꠥꠖꠤ ꠇꠦꠃ ꠉꠘꠤꠀ ꠚꠥꠠꠣꠁꠔ ꠙꠣꠞꠦ, ꠔꠦ ꠔꠥꠝꠣꠞ ꠅꠀꠞꠤꠡꠞꠦꠅ ꠉꠘꠔ ꠙꠣꠞꠛ।

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 22:17

ꠀꠝꠤ ꠘꠤꠌꠄ ꠔꠥꠝꠣꠞꠦ ꠛꠞꠇꠔ ꠘꠣꠎꠤꠟ ꠇꠞꠝꠥ, ꠔꠥꠝꠣꠞ ꠛꠋꠡꠞꠦ ꠀꠍꠝꠣꠘꠞ ꠔꠦꠞꠣ ꠀꠞ ꠖꠞꠤꠀꠞ ꠌꠞꠞ ꠛꠣꠟꠥꠞ ꠟꠣꠈꠣꠘ ꠛꠦꠢꠤꠡꠣꠛ ꠇꠞꠝꠥ। ꠔꠥꠝꠣꠞ ꠛꠋꠡꠄ ꠔꠣꠞꠣꠞ ꠖꠥꠡꠝꠘꠞ ꠐꠣꠃꠘ ꠅꠇꠟ ꠖꠈꠟ ꠇꠞꠛꠣ।

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 28:14

ꠔꠥꠝꠣꠞ ꠅꠀꠞꠤꠡ ꠅꠇꠟ ꠖꠥꠘꠤꠀꠁꠞ ꠗꠥꠁꠟ-ꠛꠣꠟꠥꠞ ꠟꠣꠈꠣꠘ ꠛꠦꠢꠤꠡꠣꠛ ꠅꠁꠛꠣ। ꠀꠞ ꠙꠥꠛꠦ-ꠙꠁꠌꠝꠦ, ꠃꠔꠞꠦ-ꠖꠃꠇꠘꠦ ꠌꠣꠁꠞꠅꠛꠣꠄ ꠝꠦꠟꠤꠎꠤꠛꠣ। ꠔꠥꠝꠤ ꠀꠞ ꠔꠥꠝꠣꠞ ꠛꠋꠡꠞ ꠝꠣꠎꠦꠖꠤ ꠖꠥꠘꠤꠀꠁꠞ ꠢꠇ꠆ꠇꠟ ꠎꠣꠔꠤꠄ ꠛꠞꠇꠔ ꠢꠣꠍꠤꠟ ꠇꠞꠛꠣ।

ꠎꠛꠥꠞ ꠡꠞꠤꠚ 37:37

ꠘꠤ-ꠅꠙꠞꠣꠗꠤꠞ ꠛꠣꠄ ꠌꠣꠅ ꠖꠦꠈꠅ ꠢꠇ ꠝꠣꠘꠡꠞ ꠛꠣꠄ, ꠐꠤꠇꠤꠀ ꠞꠄ ꠔꠣꠞ ꠀꠅꠟꠣꠖ ꠡꠣꠄ-ꠡꠣꠘ꠆ꠔꠤ ꠎꠦ ꠜꠣꠟꠣ ꠙꠣꠄ।

ꠔꠃꠞꠣꠔ ৪: ꠡꠥꠝꠣꠞꠤ 2:16

ꠞꠥꠛꠦꠘꠞ ꠙꠔꠣꠇꠣꠞ ꠅꠃ ꠔꠤꠘꠅ ꠈꠣꠘ꠆ꠖꠣꠘꠅ ꠉꠘꠣ ꠍꠤꠙꠣꠁꠞ ꠎꠥꠇꠣ ꠝꠥꠐ ꠝꠣꠘꠥꠡ ꠅꠁꠟꠣ, ꠄꠇ ꠟꠣꠈ ꠄꠇꠣꠘ꠆ꠘ ꠀꠎꠣꠞ ꠌꠣꠁꠞ-ꠡ ꠙꠁꠘ꠆ꠌꠣꠡ ꠎꠘ। ꠍꠚꠞꠞ ꠡꠝꠄ ꠔꠣꠞꠣ ꠖꠥꠍꠞꠣ ꠇꠣꠚꠦꠟꠣꠔ ꠞꠅꠀꠘꠣ ꠖꠤꠛꠣ।

ꠔꠃꠞꠣꠔ ৪: ꠡꠥꠝꠣꠞꠤ 2:24

ꠀꠚꠞꠣꠁꠝꠞ ꠙꠔꠣꠇꠣꠞ ꠅꠃ ꠔꠤꠘꠅ ꠈꠣꠘ꠆ꠖꠣꠘꠞ ꠉꠘꠣ ꠍꠤꠙꠣꠁꠞ ꠎꠥꠇꠣ ꠝꠥꠐ ꠝꠣꠘꠥꠡ ꠅꠁꠟꠣ, ꠄꠇ ꠟꠣꠈ ꠀꠐ ꠀꠎꠣꠞ ꠄꠇ-ꠡ ꠎꠘ। ꠔꠣꠞꠣ ꠔꠤꠘ ꠘꠝ꠆ꠛꠞ ꠇꠣꠚꠦꠟꠣꠔ ꠞꠅꠀꠘꠣ ꠖꠤꠛꠣ।

ꠔꠃꠞꠣꠔ ৪: ꠡꠥꠝꠣꠞꠤ 2:31

ꠖꠣꠘꠞ ꠙꠔꠣꠇꠣꠞ ꠅꠃ ꠔꠤꠘꠅ ꠈꠣꠘ꠆ꠖꠣꠘꠞ ꠉꠘꠣ ꠍꠤꠙꠣꠁꠞ ꠎꠥꠇꠣ ꠝꠥꠐ ꠝꠣꠘꠥꠡ ꠅꠁꠟꠣ, ꠄꠇ ꠟꠣꠈ ꠡꠣꠔꠣꠘ꠆ꠘ ꠀꠎꠣꠞ ꠍꠄ-ꠡ ꠎꠘ। ꠄꠞꠣ ꠢꠇꠟ ꠢꠦꠡꠞ ꠇꠣꠚꠦꠟꠣꠔ ꠞꠅꠀꠘꠣ ꠖꠤꠛꠣ।”

ꠔꠃꠞꠣꠔ ৪: ꠡꠥꠝꠣꠞꠤ 2:9

ꠄꠢꠥꠖꠣꠞ ꠙꠔꠣꠇꠣꠞ ꠅꠃ ꠔꠤꠘꠅ ꠈꠣꠘ꠆ꠖꠣꠘꠞ ꠉꠘꠣ ꠍꠤꠙꠣꠁꠞ ꠎꠥꠇꠣ ꠝꠥꠐ ꠝꠣꠘꠥꠡ ꠅꠁꠟꠣ, ꠄꠇ ꠟꠣꠈ ꠍꠤꠀꠡꠤ ꠀꠎꠣꠞ ꠌꠣꠁꠞ-ꠡ। ꠍꠚꠞꠞ ꠡꠝꠄ ꠔꠣꠞꠣꠞ ꠇꠣꠚꠦꠟꠣ ꠢꠇꠟꠞ ꠀꠉꠦ ꠞꠅꠀꠘꠣ ꠖꠤꠛꠣ।

ꠔꠃꠞꠣꠔ ৪: ꠡꠥꠝꠣꠞꠤ 31:8

ꠡꠣꠗꠣꠞꠘ ꠝꠣꠘꠡꠞ ꠟꠉꠦ ꠝꠣꠖꠤꠀꠘꠤ ꠅꠇꠟꠞ ꠙꠣꠌ ꠎꠘ ꠛꠣꠖꠡꠣꠞꠦꠅ ꠔꠣꠞꠣ ꠝꠣꠞꠤꠟꠤꠟꠣ। ꠅꠃ ꠛꠣꠖꠡꠣꠁꠘ ꠅꠁꠟꠣ, ꠁꠛꠤ, ꠞꠦꠇꠝ, ꠡꠥꠞ, ꠢꠥꠞ ꠀꠞ ꠞꠦꠛꠣ। ꠀꠞ ꠄꠞꠣꠞ ꠟꠉꠦ ꠛꠣꠟꠣꠝ ꠛꠤꠘ ꠛꠣꠃꠞ ꠘꠣꠝꠞ ꠢꠃ ꠙꠤꠞꠞꠦꠅ ꠔꠣꠞꠣ ꠎꠣꠘꠦ ꠝꠣꠞꠤꠟꠤꠟꠣ।

Injil 8: 2-Korintia 5:1

ꠀꠝꠞꠣ ꠎꠣꠘꠤ, ꠀꠝꠞꠣ ꠁ ꠖꠥꠘꠤꠀꠛꠤ ꠎꠦ ꠒꠦꠞꠣ-ꠊꠞꠅ ꠛꠡꠔ ꠇꠞꠤ, ꠝꠣꠘꠤ ꠎꠦ ꠇꠝꠎꠥꠞ ꠡꠞꠤꠟ ꠟꠁꠀ ꠀꠍꠤ, ꠁꠈꠣꠘ ꠎꠥꠖꠤ ꠛꠤꠘꠣꠡꠅ ꠅꠁꠎꠣꠄ, ꠔꠦꠛꠃ ꠀꠟ꠆ꠟꠣꠞ ꠖꠦꠅꠀ ꠄꠇꠈꠣꠘ ꠊꠞ ꠀꠝꠞꠣꠞ ꠀꠍꠦ। ꠁ ꠊꠞ ꠇꠥꠘꠥ ꠝꠣꠘꠡꠞ ꠀꠔꠞ ꠛꠣꠘꠣꠁꠟ ꠘꠣꠄ, ꠁꠈꠣꠘ ꠔ ꠢꠣꠝꠦꠡꠣ ꠛꠦꠢꠦꠡ꠆ꠔꠅ ꠀꠍꠦ।

Injil 27: Zaira Kalam 14:13

ꠛꠣꠖꠦ ꠀꠝꠤ ꠢꠥꠘꠟꠣꠝ, ꠛꠦꠢꠦꠡ꠆ꠔ ꠕꠣꠇꠤ ꠄꠇꠎꠘꠦ ꠇꠁꠞꠣ, “ꠅꠃ ꠀꠄꠀꠔ ꠟꠦꠈꠅ, ꠅꠈꠘ ꠕꠣꠇꠤ ꠝꠣꠟꠤꠇꠞ ꠔꠞꠤꠇꠣꠔ ꠞꠁꠀ ꠎꠔ ꠎꠘꠞ ꠎꠣꠘ ꠎꠣꠁꠛ, ꠄꠞꠣꠃ ꠘꠦꠇ-ꠇꠙꠣꠟꠤ।” ꠙꠣꠇ ꠞꠥꠢꠦ ꠅꠃ ꠡꠣꠇ꠆ꠇꠤ ꠖꠤꠞꠣ, “ꠘꠤꠌ꠆ꠌꠄ ꠄꠞꠣꠃ ꠘꠦꠇ-ꠇꠙꠣꠟꠤ। ꠔꠣꠞꠣꠞ ꠇꠣꠝ-ꠇꠣꠎ ꠕꠣꠇꠤ ꠔꠣꠞꠣ ꠞꠦꠢꠣꠁ ꠙꠣꠁꠛꠣ, ꠇꠣꠞꠘ ꠔꠣꠞꠣꠞ ꠇꠣꠝꠞ ꠚꠟ ꠔꠣꠞꠣꠞ ꠟꠉꠦ ꠟꠉꠦ ꠞꠁꠛ।”