ꠔꠃꠞꠣꠔ ৪: ꠡꠥꠝꠣꠞꠤ 23:1 - Siloṭi Asmani Kitab (Nagri lipi)

¹ ꠀꠞ ꠅꠃ ꠛꠤꠀꠘꠇꠥ ꠛꠣꠟꠣ ꠛꠣꠟꠣꠝ ꠙꠤꠞꠦ ꠛꠣꠟꠣꠇ ꠛꠣꠖꠡꠣꠞꠦ ꠇꠁꠟꠣ, “ꠀꠙꠘꠦ ꠀꠝꠣꠞ ꠟꠣꠉꠤ ꠡꠣꠔꠈꠣꠘ ꠇꠥꠞꠛꠣꠘꠤ ꠈꠣꠘꠣ ꠛꠣꠘꠣꠃꠇ꠆ꠇꠣ, ꠛꠣꠘꠣꠁꠀ ꠇꠥꠞꠛꠣꠘꠤꠞ ꠟꠣꠉꠤ ꠡꠣꠔꠉꠥ ꠛꠤꠍꠣꠟ ꠀꠞ ꠡꠣꠔꠉꠥ ꠝꠦꠠꠣ ꠎꠥꠉꠣꠁ ꠖꠦꠃꠇ꠆ꠇꠣ।”

ছিলটি আছমানি কিতাব (বাংলা লিপি)

¹ আর অউ বিয়ানকু বালা বালাম পীরে বালাক বাদশারে কইলা, “আপনে আমার লাগি সাতখান কুরবানি খানা বানাউক্কা, বানাইয়া কুরবানির লাগি সাতগু বিছাল আর সাতগু মেড়া যুগাই দেউক্কা।”

Siloṭi Asmani Kitab (Latin lipi)

¹ Ar ou bianku bala Balam pire Balak bashshare ḳoila, “Afne amar lagi shatḳan kurbani kana banaukka, banaia kurbanir lagi shatgu bisal ar shatgu meṛa zugai deukka.”

ꠔꠃꠞꠣꠔ ৪: ꠡꠥꠝꠣꠞꠤ 23:1 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 20:24

“ꠀꠝꠣꠞ ꠟꠣꠉꠤ ꠈꠣꠟꠤ ꠝꠣꠐꠤ ꠖꠤꠀ ꠇꠥꠞꠛꠣꠘꠤ ꠈꠣꠘꠣ ꠛꠣꠘꠣꠁꠅ। ꠄꠞ ꠃꠙꠞꠦ ꠔꠥꠝꠞꠣꠞ ꠎꠣꠟꠣꠁꠟ ꠇꠥꠞꠛꠣꠘꠤ ꠀꠞ ꠍꠣꠟꠣꠝꠔꠤ ꠇꠥꠞꠛꠣꠘꠤꠞ ꠉꠞꠥ-ꠍꠣꠉꠟ ꠀꠘꠤꠀ ꠇꠥꠞꠛꠣꠘꠤ ꠖꠤꠅ। ꠎꠦꠔꠣ ꠎꠣꠉꠣꠁꠘ꠆ꠔꠅ ꠀꠝꠤ ꠀꠝꠣꠞ ꠘꠣꠝ ꠁꠀꠖ ꠇꠞꠣꠁ ꠖꠤꠝꠥ, ꠢꠃ ꠎꠣꠉꠣꠁꠘ꠆ꠔꠅ ꠀꠝꠤ ꠘꠤꠎꠦ ꠀꠎꠤꠞ ꠅꠁꠀ ꠔꠥꠝꠞꠣꠞꠦ ꠖꠥꠀ ꠖꠤꠝꠥ।

ꠔꠃꠞꠣꠔ ৪: ꠡꠥꠝꠣꠞꠤ 22:41

ꠛꠣꠖꠞ ꠖꠤꠘ ꠛꠤꠀꠘꠦ ꠛꠣꠖꠡꠣ ꠛꠣꠟꠣꠇꠦ ꠅꠃ ꠛꠣꠟꠣꠝꠞꠦ ꠟꠁꠀ ꠛꠣꠝꠥꠔ-ꠛꠣꠀꠟ ꠙꠣꠠꠅ ꠉꠦꠟꠣ। ꠢꠘꠅ ꠃꠛꠣꠁꠀ ꠛꠣꠟꠣꠝꠦ ꠛꠘꠤ ꠁꠍꠞꠣꠁꠟꠞ ꠄꠇ ꠅꠋꠡꠞꠦ ꠖꠦꠈꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 23:2

ꠛꠣꠟꠣꠝꠞ ꠇꠕꠣꠝꠔꠃ ꠛꠣꠟꠣꠇꠦ ꠅꠟꠣ ꠇꠞꠟꠣ, ꠇꠞꠤꠀ ꠖꠥꠁꠅꠎꠘꠦ ꠝꠤꠟꠤꠀ ꠙꠞꠔꠦꠇ ꠇꠥꠞꠛꠣꠘꠤ ꠈꠣꠘꠣꠞ ꠃꠙꠞꠦ ꠄꠉꠥ ꠇꠞꠤ ꠛꠤꠍꠣꠟ ꠀꠞ ꠄꠉꠥ ꠇꠞꠤ ꠝꠦꠠꠣ ꠇꠥꠞꠛꠣꠘꠤ ꠖꠤꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 23:29

ꠅꠃ ꠡꠝꠄ ꠛꠣꠟꠣꠝ ꠙꠤꠞꠦ ꠇꠁꠟꠣ, “ꠅꠘꠅ ꠀꠝꠣꠞ ꠟꠣꠉꠤ ꠡꠣꠔꠈꠣꠘ ꠇꠥꠞꠛꠣꠘꠤ ꠈꠣꠘꠣ ꠛꠣꠘꠣꠁꠀ, ꠡꠣꠔꠉꠥ ꠛꠤꠍꠣꠟ ꠀꠞ ꠡꠣꠔꠉꠥ ꠝꠦꠠꠣ ꠇꠥꠞꠛꠣꠘꠤꠞ ꠛꠦꠛꠡ꠆ꠔꠣ ꠇꠞꠃꠇ꠆ꠇꠣ।”

ꠔꠃꠞꠣꠔ ৪: ꠡꠥꠝꠣꠞꠤ 23:30

ꠙꠤꠞ ꠍꠣꠛꠞ ꠇꠕꠣꠝꠔ ꠛꠣꠖꠡꠣꠄ ꠅꠟꠣꠃ ꠇꠞꠟꠣ। ꠔꠣꠁꠘ ꠙꠞꠔꠦꠇ ꠇꠥꠞꠛꠣꠘꠤ ꠈꠣꠘꠣꠞ ꠃꠙꠞꠦ ꠄꠉꠥ ꠇꠞꠤ ꠛꠤꠍꠣꠟ ꠀꠞ ꠄꠉꠥ ꠇꠞꠤ ꠝꠦꠠꠣ ꠇꠥꠞꠛꠣꠘꠤ ꠖꠤꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 29:32

“ꠁꠖꠞ ꠡꠣꠔ ꠘꠝ꠆ꠛꠞ ꠖꠤꠘ ꠙꠥꠞꠣꠙꠥꠞ ꠘꠤꠈꠥꠔ ꠡꠣꠔꠉꠥ ꠛꠤꠍꠣꠟ, ꠖꠥꠉꠥ ꠝꠦꠠꠣ ꠀꠞ ꠌꠃꠖ꠆ꠖꠉꠥ ꠄꠇ ꠛꠍꠞ ꠛꠄꠅꠡꠤ ꠝꠦꠠꠣ-ꠛꠣꠁꠌ꠆ꠌꠣ ꠇꠥꠞꠛꠣꠘꠤ ꠖꠤꠛꠣꠄ।

ꠁꠘ꠆ꠎꠤꠟ ১: ꠝꠕꠤ 23:13

“ꠢꠣꠄꠞꠦ ꠝꠃꠟꠣꠘꠣ ꠀꠞ ꠚꠞꠤꠡꠤꠞ ꠖꠟ, ꠀꠚꠍꠥꠍ ꠔꠥꠝꠞꠣꠞ ꠟꠣꠉꠤ, ꠔꠥꠝꠞꠣ ꠜꠘ꠆ꠒ! ꠔꠥꠝꠞꠣ ꠝꠣꠘꠡꠞ ꠍꠣꠝꠘꠦ ꠛꠦꠢꠦꠡ꠆ꠔꠤ ꠛꠣꠖꠡꠣꠁꠞ ꠖꠥꠀꠞ ꠛꠘ꠆ꠖ ꠇꠞꠤ ꠕꠁꠍ। ꠔꠥꠝꠞꠣ ꠘꠤꠎꠦꠅ ꠅꠘꠅ ꠢꠣꠝꠣꠁꠞꠣꠄ ꠘꠣ, ꠝꠣꠘꠡꠞꠦꠅ ꠢꠣꠝꠣꠁꠔꠦ ꠖꠤꠞꠣꠄ ꠘꠣ।

Injil 26: Ehuda 1:11

ꠁꠔꠣ ꠔ ꠟꠣꠘ꠆ꠘꠔꠤ! ꠁꠉꠥꠁꠘ ꠛꠣꠛꠣ ꠀꠖꠝꠞ ꠟꠣꠘ꠆ꠘꠔꠤ ꠙꠥꠔ ꠇꠣꠛꠤꠟꠞ ꠟꠣꠈꠣꠘ ꠛꠘꠍꠂꠘ। ꠖꠥꠘꠤꠀꠛꠤ ꠟꠣꠜꠞ ꠀꠡꠣꠄ ꠔꠣꠞꠣ ꠢꠃ ꠜꠘ꠆ꠒ ꠘꠛꠤ ꠛꠣꠟꠣꠝꠞ ꠈꠣꠁꠡꠞ ꠀꠔꠅ ꠘꠤꠎꠞꠦ ꠡꠙꠤ ꠖꠤꠍꠦ। ꠀꠞ ꠝꠥꠍꠣ ꠘꠛꠤꠞ ꠛꠣꠄ ꠛꠤꠉꠠꠤ ꠎꠣꠅꠞꠣ ꠢꠃ ꠘꠦꠔꠣ ꠇꠥꠞꠣꠢꠞ ꠟꠣꠈꠣꠘ ꠔꠣꠞꠣꠞ ꠛꠤꠘꠣꠡ ꠀꠍꠦ।