ꠔꠃꠞꠣꠔ ৪: ꠡꠥꠝꠣꠞꠤ 22:9 - Siloṭi Asmani Kitab (Nagri lipi)

⁹ ꠝꠣꠛꠥꠖꠦ ꠛꠣꠟꠣꠝꠞ ꠉꠦꠍꠦ ꠎꠣꠁꠞ ꠅꠁꠀ ꠎꠤꠇꠣꠁꠟꠣ, “ꠔꠥꠝꠣꠞ ꠟꠉꠦ ꠄꠞꠣ ꠇꠣꠞꠣ?”

ছিলটি আছমানি কিতাব (বাংলা লিপি)

⁹ মাবুদে বালামর গেছে জাইর অইয়া জিকাইলা, “তুমার লগে এরা কারা?”

Siloṭi Asmani Kitab (Latin lipi)

⁹ Mabude Balamor gese zair oia zikaila, “Tumar loge era ḳara?”

ꠔꠃꠞꠣꠔ ৪: ꠡꠥꠝꠣꠞꠤ 22:9 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 16:8

ꠚꠤꠞꠤꠡ꠆ꠔꠣꠄ ꠇꠁꠟꠣ, “ꠅ ꠍꠣꠞꠣꠞ ꠛꠣꠘ꠆ꠖꠤ ꠢꠣꠎꠦꠞꠣ, ꠔꠥꠝꠤ ꠇꠁ ꠕꠣꠇꠤ ꠀꠁꠞꠣꠄ ꠀꠞ ꠇꠁ ꠎꠣꠁꠔꠣꠄ?” ꠢꠣꠎꠦꠞꠣꠄ ꠇꠁꠟ, “ꠀꠝꠤ ꠀꠝꠣꠞ ꠝꠣꠟꠤꠇ ꠛꠤꠛꠤ ꠍꠣꠞꠣꠞ ꠉꠦꠍ ꠕꠣꠇꠤ ꠜꠣꠉꠤꠀ ꠎꠣꠁꠞꠣꠝꠉꠤ।”

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 20:3

ꠀꠞ ꠞꠣꠁꠔ ꠀꠟ꠆ꠟꠣꠄ ꠀꠛꠤꠝꠣꠟꠤꠇꠞꠦ ꠈꠥꠀꠛꠦ ꠇꠁꠟꠣ, “ꠢꠥꠘꠅ, ꠅꠃ ꠎꠦ ꠛꠦꠐꠤꠞꠦ ꠔꠥꠝꠤ ꠟꠁꠀ ꠀꠁꠍ, ꠔꠣꠁꠞ ꠔ ꠎꠣꠝꠣꠁ ꠀꠍꠦ, ꠄꠞꠟꠣꠉꠤ ꠔꠥꠝꠤ ꠅꠈꠘ ꠝꠃꠔꠞ ꠝꠥꠈꠅ।”

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 31:24

ꠅꠁꠟꠦ ꠞꠣꠁꠔꠞ ꠛꠣꠟꠣ ꠀꠟ꠆ꠟꠣꠄ ꠈꠥꠀꠛꠦ ꠅꠞꠣꠝꠤ ꠟꠣꠛꠘꠞ ꠉꠦꠍꠦ ꠀꠁꠀ ꠇꠁꠟꠣ, “ꠈꠛꠞꠖꠣꠞ! ꠁꠀꠇꠥꠛꠞꠦ ꠜꠣꠟꠣ-ꠛꠥꠞꠣ ꠇꠥꠘ꠆ꠔꠣꠃ ꠇꠁꠅ ꠘꠣ।”

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 4:9

ꠢꠦꠡꠦ ꠝꠣꠛꠥꠖꠦ ꠇꠣꠛꠤꠟꠞꠦ ꠎꠤꠇꠣꠁꠟꠣ, “ꠔꠥꠝꠣꠞ ꠜꠣꠁ ꠇꠥꠀꠁ?” ꠇꠣꠛꠤꠟꠦ ꠇꠁꠟ, “ꠀꠝꠤ ꠎꠣꠘꠤ ꠘꠣ, ꠀꠝꠣꠞ ꠜꠣꠁꠞꠦ ꠀꠝꠤ ꠖꠦꠈꠣ-ꠢꠥꠘꠣ ꠇꠞꠤ ꠘꠤ?”

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 41:25

ꠁꠃꠍꠥꠚꠦ ꠚꠦꠞꠣꠃꠘꠞꠦ ꠇꠁꠟꠣ, “ꠢꠥꠎꠥꠞ, ꠁ ꠖꠥꠁꠅ ꠈꠥꠀꠛꠃ ꠀꠖꠔꠦ ꠄꠇ। ꠀꠟ꠆ꠟꠣꠄ ꠎꠦꠔꠣ ꠇꠞꠔꠣ ꠌꠣꠁꠞꠣ, ꠁꠔꠣ ꠀꠙꠘꠣꠞꠦ ꠖꠦꠈꠣꠁꠍꠂꠘ।

ꠔꠃꠞꠣꠔ ২: ꠢꠤꠎꠞꠔ 4:2

ꠔꠦꠃ ꠀꠟ꠆ꠟꠣꠄ ꠔꠣꠘꠦ ꠎꠤꠇꠣꠁꠟꠣ, “ꠔꠥꠝꠣꠞ ꠀꠔꠅ ꠁꠉꠥ ꠇꠤꠔꠣ?” ꠔꠣꠁꠘ ꠇꠁꠟꠣ, “ꠄꠉꠥ ꠟꠣꠑꠤ।”

ꠔꠃꠞꠣꠔ ৪: ꠡꠥꠝꠣꠞꠤ 22:10

ꠛꠣꠟꠣꠝꠦ ꠎꠥꠀꠙ ꠖꠤꠟꠣ, “ꠝꠥꠀꠛꠞ ꠛꠣꠖꠡꠣ ꠛꠣꠟꠣꠇ ꠛꠤꠘ ꠡꠤꠙꠣꠞꠦ ꠀꠝꠣꠞ ꠉꠦꠍꠦ ꠈꠛꠞꠤꠀ ꠙꠣꠑꠣꠁꠍꠂꠘ,

ꠔꠃꠞꠣꠔ ৪: ꠡꠥꠝꠣꠞꠤ 22:20

ꠢꠃ ꠞꠣꠁꠔ ꠀꠟ꠆ꠟꠣꠄ ꠎꠣꠁꠞ ꠅꠁꠀ ꠛꠣꠟꠣꠝꠞꠦ ꠇꠁꠟꠣ, “ꠄꠞꠣ ꠎꠦꠛꠟꠣ ꠔꠥꠝꠣꠞꠦ ꠘꠦꠅꠀꠔ ꠀꠁꠍꠦ, ꠔꠦ ꠔꠥꠝꠤ ꠔꠣꠞꠣꠞ ꠟꠉꠦ ꠎꠣꠅ। ꠉꠦꠟꠦ ꠀꠝꠤ ꠔꠥꠝꠣꠞꠦ ꠎꠦꠟꠣ ꠇꠁꠝꠥ, ꠔꠥꠝꠤ ꠈꠣꠟꠤ ꠅꠟꠣꠃ ꠇꠞꠤꠅ।”

ꠔꠃꠞꠣꠔ ৪: ꠡꠥꠝꠣꠞꠤ 22:8

ꠔꠦꠃ ꠛꠣꠟꠣꠝꠦ ꠔꠣꠞꠣꠞꠦ ꠇꠁꠟꠣ, “ꠔꠦ ꠀꠙꠘꠣꠞꠣ ꠀꠁꠎ ꠞꠣꠁꠔ ꠀꠝꠣꠞ ꠅꠘꠅ ꠞꠃꠇ꠆ꠇꠣ। ꠝꠣꠛꠥꠖꠦ ꠀꠝꠣꠞꠦ ꠎꠦꠔꠣ ꠎꠣꠘꠣꠁꠛꠣ, ꠀꠝꠤ ꠅꠔꠣ ꠀꠙꠘꠣꠞꠣꠞꠦ ꠎꠣꠘꠣꠁꠝꠥ।” ꠉꠔꠤꠇꠦꠃ ꠔꠣꠞꠣ ꠔꠣꠘ ꠅꠘꠅ ꠞꠁꠟꠣ।

ꠁꠘ꠆ꠎꠤꠟ ১: ꠝꠕꠤ 24:24

ꠇꠣꠞꠘ ꠀꠟ-ꠝꠍꠤ ꠘꠣꠝ ꠟꠁꠀ ꠛꠃꠔ ꠜꠘ꠆ꠒ ꠀꠁꠛꠣ, ꠘꠛꠤ ꠢꠣꠎꠤꠀꠅ ꠛꠃꠔ ꠜꠘ꠆ꠒ ꠀꠁꠛꠣ। ꠁꠔꠣꠄ ꠛꠃꠔ ꠛꠠ ꠛꠠ ꠀꠌꠣꠘꠇ ꠇꠦꠞꠣꠝꠔꠤ ꠇꠣꠝ ꠖꠦꠈꠣꠁꠛꠣ। ꠔꠣꠞꠣ ꠌꠣꠁꠛꠣ, ꠡꠥꠎꠥꠉ ꠙꠣꠁꠟꠦ ꠀꠟ꠆ꠟꠣꠞ ꠙꠍꠘ꠆ꠖ ꠇꠞꠣ ꠛꠘ꠆ꠖꠣꠞꠦ ꠗꠥꠇꠣ ꠖꠤꠀ ꠛꠦ-ꠙꠕꠦ ꠘꠤꠔꠣꠉꠤ।

ꠁꠘ꠆ꠎꠤꠟ ১: ꠝꠕꠤ 7:22

ꠢꠃ ꠖꠤꠘ ꠀꠁꠟꠦ ꠛꠃꠔꠦ ꠇꠁꠛꠣ, ‘ꠝꠥꠘꠤꠛ, ꠝꠥꠘꠤꠛ, ꠀꠝꠞꠣ ꠔꠥꠝꠣꠞ ꠘꠣꠝꠦ ꠉꠣꠁꠛꠤ ꠈꠛꠞ ꠇꠁꠍꠤ ꠘꠣ ꠘꠤ? ꠔꠥꠝꠣꠞ ꠘꠣꠝꠦ ꠎꠤꠘ-ꠜꠥꠔ ꠍꠣꠠꠣꠁꠍꠤ ꠘꠣ ꠘꠤ? ꠔꠥꠝꠣꠞ ꠘꠣꠝꠦ ꠛꠃꠔ ꠇꠦꠞꠣꠝꠔꠤ ꠖꠦꠈꠣꠁꠍꠤ ꠘꠣ ꠘꠤ?’

Injil 4: Hannan 11:51

ꠁꠝꠣꠝ ꠇꠣꠄꠀꠚꠣꠄ ꠀꠍꠟꠦ ꠘꠤꠎꠞ ꠝꠘ ꠕꠣꠇꠤ ꠅꠃ ꠇꠕꠣ ꠇꠁꠍꠂꠘ ꠘꠣ, ꠔꠣꠁꠘ ꠅꠃ ꠛꠍꠞꠞ ꠙꠞꠗꠣꠘ ꠁꠝꠣꠝ ꠅꠀꠄ ꠉꠣꠁꠛꠤ ꠛꠥꠟꠤ ꠔꠣꠘ ꠝꠥꠈ ꠕꠣꠇꠤ ꠛꠣꠞ ꠅꠁꠍꠦ ꠎꠦ, ꠁꠢꠥꠖꠤ ꠎꠣꠔꠤꠞꠦ ꠛꠣꠌꠣꠘꠤꠞ ꠟꠣꠉꠤ ꠁꠍꠣꠞ ꠝꠞꠘ ꠅꠁꠛ।