ꠔꠃꠞꠣꠔ ৪: ꠡꠥꠝꠣꠞꠤ 22:8 - Siloṭi Asmani Kitab (Nagri lipi)

⁸ ꠔꠦꠃ ꠛꠣꠟꠣꠝꠦ ꠔꠣꠞꠣꠞꠦ ꠇꠁꠟꠣ, “ꠔꠦ ꠀꠙꠘꠣꠞꠣ ꠀꠁꠎ ꠞꠣꠁꠔ ꠀꠝꠣꠞ ꠅꠘꠅ ꠞꠃꠇ꠆ꠇꠣ। ꠝꠣꠛꠥꠖꠦ ꠀꠝꠣꠞꠦ ꠎꠦꠔꠣ ꠎꠣꠘꠣꠁꠛꠣ, ꠀꠝꠤ ꠅꠔꠣ ꠀꠙꠘꠣꠞꠣꠞꠦ ꠎꠣꠘꠣꠁꠝꠥ।” ꠉꠔꠤꠇꠦꠃ ꠔꠣꠞꠣ ꠔꠣꠘ ꠅꠘꠅ ꠞꠁꠟꠣ।

ছিলটি আছমানি কিতাব (বাংলা লিপি)

⁸ তেউ বালামে তারারে কইলা, “তে আপনারা আইজ রাইত আমার অনো রউক্কা। মাবুদে আমারে যেতা জানাইবা, আমি অতা আপনারারে জানাইমু।” গতিকেউ তারা তান অনো রইলা।

Siloṭi Asmani Kitab (Latin lipi)

⁸ Teu Balame tarare ḳoila, “Te afnara aiz rait amar ono roukka. Mabude amare zeta zanaiba, ami ota afnarare zanaimu.” Gotike-u tara tan ono roila.

ꠔꠃꠞꠣꠔ ৪: ꠡꠥꠝꠣꠞꠤ 22:8 Iomraidhean Croise

ꠔꠃꠞꠣꠔ ৪: ꠡꠥꠝꠣꠞꠤ 12:6

ꠝꠣꠛꠥꠖꠦ ꠇꠁꠟꠣ, “ꠔꠥꠝꠞꠣ ꠀꠝꠣꠞ ꠇꠕꠣ ꠢꠥꠘꠅ। ꠔꠥꠝꠞꠣꠞ ꠝꠣꠎꠦ ꠇꠥꠘꠥ ꠙꠤꠞ-ꠖꠞꠛꠦꠡ ꠕꠣꠇꠟꠦ, ꠀꠝꠤ ꠝꠣꠛꠥꠖꠦ ꠖꠞꠡꠘꠞ ꠝꠣꠎꠖꠤ ꠀꠝꠣꠞ ꠘꠤꠎꠞꠦ ꠔꠣꠞ ꠉꠦꠍꠦ ꠎꠣꠁꠞ ꠇꠞꠤ ꠀꠞ ꠈꠥꠀꠛꠦ ꠔꠣꠞ ꠟꠉꠦ ꠛꠣꠔꠌꠤꠔ ꠇꠞꠤ।

ꠔꠃꠞꠣꠔ ৪: ꠡꠥꠝꠣꠞꠤ 22:18

ꠛꠣꠟꠣꠝꠦ ꠎꠥꠀꠙ ꠖꠤꠟꠣ, “ꠛꠣꠖꠡꠣ ꠛꠣꠟꠣꠇꠦ ꠎꠥꠖꠤ ꠔꠣꠘ ꠡꠥꠘꠣ-ꠞꠥꠙꠣꠄ ꠜꠞꠣ ꠞꠣꠎꠛꠣꠠꠤ ꠈꠣꠘꠅ ꠀꠝꠣꠞꠦ ꠖꠤꠟꠣꠁꠘ, ꠔꠣ-ꠅ ꠀꠝꠣꠞ ꠝꠣꠛꠥꠖꠞ ꠢꠥꠇꠥꠝꠞ ꠃꠟꠐꠣ ꠉꠤꠀ ꠀꠝꠤ ꠄꠇꠈꠣꠘ ꠇꠣꠝꠅ ꠇꠞꠔꠣꠝ ꠘꠣꠄ, ꠁꠔꠣ ꠢꠥꠞꠥ ꠇꠣꠝ ꠅꠃꠇ ꠛꠣ ꠛꠠ ꠇꠣꠝ ꠅꠃꠇ।

ꠔꠃꠞꠣꠔ ৪: ꠡꠥꠝꠣꠞꠤ 22:38

ꠛꠣꠟꠣꠝꠦ ꠎꠥꠀꠙ ꠖꠤꠟꠣ, “ꠀꠝꠤ ꠅꠈꠘ ꠀꠙꠘꠣꠞ ꠉꠦꠍꠦ ꠀꠁꠍꠤ। ꠅꠁꠟꠦ ꠀꠝꠣꠞ ꠘꠤꠎꠞ ꠇꠥꠘꠥ ꠝꠣꠔ ꠝꠣꠔꠣꠞ ꠡꠣꠁꠖ꠆ꠖ ꠘꠣꠁ। ꠈꠣꠟꠤ ꠀꠟ꠆ꠟꠣꠄ ꠀꠝꠣꠞꠦꠖꠤ ꠎꠦꠔꠣ ꠇꠅꠀꠁꠛꠣ, ꠀꠝꠤ ꠈꠣꠟꠤ ꠅꠈꠣꠘꠃ ꠇꠁꠝꠥ।”

ꠔꠃꠞꠣꠔ ৪: ꠡꠥꠝꠣꠞꠤ 22:7

ꠔꠦꠃ ꠝꠥꠀꠛ ꠀꠞ ꠝꠣꠖꠤꠀꠘꠞ ꠝꠥꠞꠛ꠆ꠛꠤ ꠘꠦꠔꠣ ꠅꠇꠟꠦ ꠁꠡ꠆ꠔꠦꠈꠣꠞꠣ-ꠀꠎꠤꠞꠣꠔ ꠇꠞꠣꠘꠤꠞ ꠐꠦꠇꠣ ꠟꠁꠀ ꠞꠅꠀꠘꠣ ꠅꠁꠉꠦꠟꠣ। ꠛꠣꠖꠡꠣ ꠛꠣꠟꠣꠇꠦ ꠎꠦꠟꠣ ꠢꠤꠇꠣꠁ ꠖꠤꠍꠟꠣ, ꠔꠣꠞꠣ ꠉꠤꠀ ꠛꠣꠟꠣꠝꠞ ꠉꠦꠍꠦ ꠅꠟꠣ ꠇꠁꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 22:9

ꠝꠣꠛꠥꠖꠦ ꠛꠣꠟꠣꠝꠞ ꠉꠦꠍꠦ ꠎꠣꠁꠞ ꠅꠁꠀ ꠎꠤꠇꠣꠁꠟꠣ, “ꠔꠥꠝꠣꠞ ꠟꠉꠦ ꠄꠞꠣ ꠇꠣꠞꠣ?”

ꠔꠃꠞꠣꠔ ৪: ꠡꠥꠝꠣꠞꠤ 23:12

ꠛꠣꠟꠣꠝ ꠙꠤꠞꠦ ꠎꠥꠀꠙ ꠖꠤꠟꠣ, “ꠝꠣꠛꠥꠖꠦ ꠀꠝꠣꠞ ꠝꠥꠈꠅ ꠎꠦꠔꠣ ꠎꠥꠉꠣꠁ ꠖꠤꠍꠂꠘ, ꠁꠔꠣ ꠀꠝꠤ ꠇꠁꠝꠥ ꠘꠣ ꠇꠤꠟꠣ?”

ꠔꠃꠞꠣꠔ ৪: ꠡꠥꠝꠣꠞꠤ 23:3

ꠄꠞꠛꠣꠖꠦ ꠛꠣꠟꠣꠝ ꠙꠤꠞꠦ ꠛꠣꠟꠣꠇꠞꠦ ꠇꠁꠟꠣ, “ꠀꠙꠘꠣꠞ ꠇꠥꠞꠛꠣꠘꠤ ꠖꠦꠅꠀ ꠅꠃ ꠙꠡꠥꠞ ꠇꠣꠍꠣꠔ ꠀꠙꠘꠦ ꠞꠃꠇ꠆ꠇꠣ। ꠀꠝꠤ ꠕꠥꠠꠣ ꠢꠞꠤꠀ ꠎꠣꠁꠞꠣꠝ, ꠅꠁꠔ ꠙꠣꠞꠦ ꠝꠣꠛꠥꠖꠦ ꠀꠝꠣꠞꠦ ꠖꠞꠡꠘ ꠖꠤꠛꠣ। ꠔꠣꠁꠘ ꠀꠝꠣꠞꠦ ꠎꠦꠔꠣ ꠎꠣꠘꠣꠁꠛꠣ, ꠀꠝꠤ ꠀꠁꠀ ꠀꠙꠘꠣꠞꠦ ꠇꠁꠝꠥꠘꠦ।” ꠅꠈꠣꠘ ꠇꠁꠀ ꠛꠣꠟꠣꠝ ꠙꠤꠞ ꠉꠤꠀ ꠙꠣꠠꠞ ꠢꠇꠟ ꠕꠣꠇꠤ ꠃꠌꠣ ꠐꠤꠟ꠆ꠟꠣꠞ ꠃꠙꠞꠦ ꠃꠑꠤꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 24:13

ꠛꠣꠖꠡꠣꠄ ꠎꠥꠖꠤ ꠡꠥꠘꠣ-ꠞꠥꠙꠣꠄ ꠜꠞꠣ ꠔꠣꠘ ꠀꠡ꠆ꠔꠣ ꠞꠣꠎꠛꠣꠠꠤ ꠈꠣꠘꠃ ꠀꠝꠣꠞꠦ ꠖꠤꠟꠣꠁꠘ, ꠔꠦꠛꠃ ꠀꠝꠤ ꠀꠝꠣꠞ ꠘꠤꠎꠞ ꠁꠌ꠆ꠍꠣꠄ ꠜꠣꠟꠣ-ꠛꠥꠞꠣ ꠇꠥꠘ꠆ꠔꠣ ꠇꠞꠔꠣꠝ ꠙꠣꠞꠔꠣꠝ ꠘꠣꠄ, ꠀꠝꠤ ꠝꠣꠛꠥꠖꠞ ꠛꠤꠞꠥꠖ꠆ꠖꠦ ꠎꠣꠁꠔꠣꠝ ꠘꠣꠄ। ꠝꠣꠛꠥꠖꠦ ꠀꠝꠣꠞꠦ ꠎꠦꠟꠣ ꠢꠥꠇꠥꠝ ꠖꠤꠛꠣ, ꠀꠝꠤ ꠈꠣꠟꠤ ꠅꠟꠣꠃ ꠇꠁꠝꠥ।