ꠔꠃꠞꠣꠔ ৪: ꠡꠥꠝꠣꠞꠤ 22:6 - Siloṭi Asmani Kitab (Nagri lipi)

⁶ ꠁꠔꠣ ꠔ ꠀꠝꠞꠣ ꠕꠣꠇꠤ ꠛꠦꠡꠤ ꠛꠟꠛꠣꠘ। ꠄꠞꠟꠣꠉꠤ ꠀꠙꠘꠦ ꠀꠃꠇ꠆ꠇꠣ, ꠀꠁꠀ ꠅꠔꠣꠞꠦ ꠟꠣꠘ꠆ꠘꠔ ꠖꠦꠃꠇ꠆ꠇꠣ। ꠔꠦꠃ ꠀꠝꠤ ꠢꠄꠔ ꠔꠣꠞꠣꠞꠦ ꠝꠣꠞꠤꠀ ꠖꠦꠡ ꠕꠣꠇꠤ ꠈꠦꠖꠣꠁꠔꠣꠝ ꠙꠣꠞꠝꠥ। ꠀꠞ ꠀꠝꠤ ꠔ ꠎꠣꠘꠤ, ꠀꠙꠘꠦ ꠎꠣꠞꠦ ꠖꠥꠀ ꠖꠦꠁꠘ ꠢꠦ ꠑꠤꠇꠃ ꠖꠥꠀ ꠙꠣꠄ, ꠀꠞ ꠎꠣꠞꠦ ꠟꠣꠘ꠆ꠘꠔ ꠖꠦꠁꠘ ꠔꠣꠞ ꠃꠙꠞꠦ ꠢꠣꠍꠣꠃ ꠟꠣꠘ꠆ꠘꠔ ꠙꠠꠦ।”

ছিলটি আছমানি কিতাব (বাংলা লিপি)

⁶ ইতা তো আমরা থাকি বেশি বলবান। এরলাগি আপনে আউক্কা, আইয়া অতারে লান্নত দেউক্কা। তেউ আমি হয়তো তারারে মারিয়া দেশ থাকি খেদাইতাম পারমু। আর আমি তো জানি, আপনে যারে দোয়া দেইন হে ঠিকউ দোয়া পায়, আর যারে লান্নত দেইন তার উপরে হাছাউ লান্নত পড়ে।”

Siloṭi Asmani Kitab (Latin lipi)

⁶ Ita to amra taki beshi boloban. Erlagi afne aukka, aia otare lannot deukka. Teu ami hoyto tarare maria desh taki kedaitam farmu. Ar ami to zani, afne zare dua dein he ṭik-u dua fae, ar zare lannot dein tar ufre hasau lannot foṛe.”

ꠔꠃꠞꠣꠔ ৪: ꠡꠥꠝꠣꠞꠤ 22:6 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 12:3

ꠀꠞ ꠢꠥꠘꠅ, ꠔꠥꠝꠣꠞꠦ ꠎꠣꠞꠣ ꠖꠥꠀ ꠖꠤꠛꠣ, ꠀꠝꠤ ꠀꠟ꠆ꠟꠣꠄ ꠔꠣꠞꠣꠞꠦ ꠞꠢꠝ-ꠛꠞꠇꠔ ꠖꠤꠝꠥ, ꠅꠁꠟꠦ ꠎꠣꠞꠣ ꠔꠥꠝꠣꠞꠦ ꠛꠖ꠆ꠖꠥꠀ ꠖꠤꠛꠣ, ꠀꠝꠤ ꠔꠣꠞꠣꠞꠦ ꠟꠣꠘ꠆ꠘꠔ ꠖꠤꠝꠥ। ꠖꠥꠘꠤꠀꠞ ꠢꠇꠟ ꠎꠣꠔꠤꠄ ꠔꠥꠝꠣꠞ ꠃꠍꠤꠟ꠆ꠟꠣꠄ ꠞꠢꠝ-ꠛꠞꠇꠔ ꠙꠣꠁꠛꠣ।”

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 27:29

ꠢꠇꠟ ꠝꠣꠘꠥꠡ ꠔꠥꠝꠣꠞ ꠉꠥꠟꠣꠝ ꠅꠃꠇ, ꠢꠇꠟ ꠎꠣꠔꠤꠄ ꠔꠥꠝꠣꠞ ꠉꠦꠍꠦ ꠝꠣꠕꠣ ꠘꠥꠀꠃꠇ। ꠘꠤꠎꠞ ꠎꠣꠔꠞ ꠝꠣꠎꠦ ꠔꠥꠝꠤ ꠛꠠ ꠝꠥꠞꠛ꠆ꠛꠤ ꠅꠅ, ꠔꠥꠝꠣꠞ ꠝꠣʼꠞ ꠙꠦꠐꠞ ꠜꠣꠁꠀꠁꠘ꠆ꠔꠦ ꠔꠥꠝꠣꠞ ꠉꠦꠍꠦ ꠝꠣꠕꠣ ꠘꠥꠀꠃꠇ। ꠎꠦ ꠔꠥꠝꠣꠞꠦ ꠟꠣꠘ꠆ꠘꠔ ꠖꠤꠛ, ꠔꠣꠞ ꠃꠙꠞꠦ ꠟꠣꠘ꠆ꠘꠔ ꠙꠠꠃꠇ। ꠎꠦ ꠔꠥꠝꠣꠞꠦ ꠖꠥꠀ ꠇꠞꠛ, ꠢꠦ ꠞꠢꠝꠔꠤ ꠅꠃꠇ।”

ꠔꠃꠞꠣꠔ ৪: ꠡꠥꠝꠣꠞꠤ 22:12

ꠅꠁꠟꠦ ꠝꠣꠛꠥꠖꠦ ꠛꠣꠟꠣꠝꠞꠦ ꠇꠁꠟꠣ, “ꠔꠥꠝꠤ ꠄꠞꠣꠞ ꠟꠉꠦ ꠎꠣꠁꠅ ꠘꠣ, ꠀꠞ ꠢꠤꠔꠣ ꠝꠣꠘꠡꠞꠦ ꠇꠥꠘꠥ ꠟꠣꠘ꠆ꠘꠔꠅ ꠖꠤꠅ ꠘꠣ। ꠝꠘꠅ ꠞꠣꠈꠤꠅ, ꠔꠣꠞꠣ ꠀꠝꠣꠞ ꠞꠢꠝ-ꠛꠞꠇꠔ ꠙꠣꠅꠀ ꠛꠘ꠆ꠖꠣ।”

ꠔꠃꠞꠣꠔ ৪: ꠡꠥꠝꠣꠞꠤ 22:17

ꠔꠣꠁꠘ ꠀꠙꠘꠣꠞꠦ ꠛꠃꠔ ꠁꠎ꠆ꠎꠔ-ꠛꠈꠡꠤꠡ ꠖꠤꠛꠣ, ꠀꠞ ꠀꠙꠘꠦ ꠎꠦꠟꠣ ꠇꠁꠛꠣ, ꠔꠣꠁꠘ ꠅꠟꠣꠃ ꠇꠞꠛꠣ। ꠈꠣꠟꠤ ꠀꠙꠘꠦ ꠎꠣꠘꠥ ꠔꠣꠘ ꠙꠇ꠆ꠇ ꠟꠁꠀ ꠅꠔꠣ ꠝꠣꠘꠡꠞꠦ ꠟꠣꠘ꠆ꠘꠔ ꠖꠦꠁꠘ, ꠔꠣꠁꠘ ꠅꠈꠣꠘꠃ ꠌꠣꠁꠞꠣ।”

ꠔꠃꠞꠣꠔ ৪: ꠡꠥꠝꠣꠞꠤ 23:13

ꠛꠣꠖꠦ ꠛꠣꠖꠡꠣ ꠛꠣꠟꠣꠇꠦ ꠛꠣꠟꠣꠝ ꠙꠤꠞꠞꠦ ꠇꠁꠟꠣ, “ꠀꠙꠘꠦ ꠀꠝꠣꠞ ꠟꠉꠦ ꠀꠞꠇ ꠎꠣꠉꠣꠔ ꠀꠃꠇ꠆ꠇꠣ। ꠢꠘ ꠕꠘꠦ ꠀꠙꠘꠣꠞ ꠌꠃꠈꠦ ꠛꠘꠤ ꠁꠍꠞꠣꠁꠟꠞ ꠖꠦꠈꠣ ꠙꠣꠁꠛꠣ। ꠔꠣꠞꠣ ꠢꠇꠟꠞꠦ ꠖꠦꠈꠣ ꠎꠣꠁꠔ ꠘꠣꠄ, ꠈꠣꠟꠤ ꠄꠇ ꠅꠋꠡꠞꠦ ꠀꠙꠘꠦ ꠖꠦꠈꠛꠣ, ꠖꠦꠈꠤꠀ ꠀꠙꠘꠦ ꠀꠝꠣꠞ ꠙꠇ꠆ꠇ ꠟꠁꠀ ꠔꠣꠞꠣꠞꠦ ꠟꠣꠘ꠆ꠘꠔ ꠖꠤꠛꠣ।”

ꠔꠃꠞꠣꠔ ৪: ꠡꠥꠝꠣꠞꠤ 23:27

ꠛꠣꠖꠦ ꠛꠣꠟꠣꠇ ꠛꠣꠖꠡꠣꠄ ꠛꠣꠟꠣꠝ ꠙꠤꠞꠞꠦ ꠇꠁꠟꠣ, “ꠀꠃꠇ꠆ꠇꠣ, ꠀꠝꠤ ꠀꠙꠘꠣꠞꠦ ꠀꠞꠇ ꠎꠣꠉꠣꠔ ꠟꠁꠀ ꠎꠣꠁꠝꠥ। ꠢꠘꠅ ꠉꠦꠟꠦ ꠅꠁꠔ ꠙꠣꠞꠦ ꠀꠟ꠆ꠟꠣꠄ ꠈꠥꠡꠤ ꠅꠁꠀ ꠀꠝꠣꠞ ꠙꠇ꠆ꠇ ꠟꠁꠛꠣ, ꠀꠞ ꠀꠙꠘꠣꠞꠦꠖꠤ ꠢꠔꠣꠞ ꠃꠙꠞꠦ ꠟꠣꠘ꠆ꠘꠔ ꠖꠤꠔꠦ ꠖꠤꠛꠣ।”

ꠔꠃꠞꠣꠔ ৪: ꠡꠥꠝꠣꠞꠤ 24:9

ꠡꠤꠋꠢꠞ ꠟꠣꠈꠣꠘ ꠔꠣꠞꠣ ꠈꠣꠙ ꠗꠞꠤ ꠢꠥꠔꠤꠛ, ꠔꠣꠞꠣꠞꠦ ꠟꠣꠠꠣꠘꠤꠞ ꠡꠣꠅꠡ ꠅꠁꠛ ꠇꠥꠘ ꠛꠦꠐꠣꠞ? ꠔꠥꠝꠞꠣꠞꠦ ꠎꠦꠞꠣ ꠖꠥꠀ ꠖꠤꠛꠣ, ꠄꠞꠣꠞ ꠃꠙꠞꠦ ꠖꠥꠀ ꠟꠣꠝꠃꠇ; ꠔꠥꠝꠞꠣꠞꠦ ꠎꠦꠔꠣꠄ ꠟꠣꠘ꠆ꠘꠔ ꠖꠤꠛꠣ, ꠁꠔꠣꠞ ꠃꠙꠞꠦ ꠟꠣꠘ꠆ꠘꠔ ꠙꠠꠃꠇ।”

Injil 5: Sahabi Nama 16:16

ꠄꠇꠖꠤꠘ ꠀꠝꠞꠣ ꠎꠦꠛꠟꠣ ꠢꠃ ꠖꠥꠀ ꠇꠞꠣꠞ ꠎꠣꠉꠣꠔ ꠎꠣꠅꠀꠔ ꠀꠍꠟꠣꠝ, ꠅꠃ ꠡꠝꠄ ꠎꠤꠘ꠆ꠘꠣꠔ ꠡꠣꠗꠇꠤ ꠄꠇ ꠛꠣꠘ꠆ꠖꠤ ꠛꠦꠐꠤ ꠀꠈꠔꠣꠃ ꠀꠝꠞꠣꠞ ꠍꠣꠝꠘꠦ ꠀꠁꠟ। ꠔꠣꠁ ꠜꠣꠁꠉ꠆ꠉ ꠉꠘꠤꠀ ꠔꠣꠁꠞ ꠉꠤꠞꠡ꠆ꠔ ꠅꠇꠟꠞꠦ ꠛꠃꠔ ꠟꠣꠜ ꠇꠞꠣꠁꠔ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 23:4

ꠝꠘꠅ ꠀꠍꠦ ꠘꠤ, ꠔꠥꠝꠞꠣ ꠝꠤꠡꠞ ꠖꠦꠡ ꠕꠣꠇꠤ ꠛꠣꠞ ꠅꠁꠀ ꠀꠁꠛꠣꠞ ꠇꠣꠟꠅ, ꠙꠕꠞ ꠝꠣꠎꠦ ꠔꠣꠞꠣ ꠔꠥꠝꠞꠣꠞ ꠈꠣꠘꠤ-ꠙꠣꠘꠤ ꠟꠁꠀ ꠀꠉꠥꠀꠁ ꠀꠁꠍꠦ ꠘꠣ, ꠛꠞꠋ ꠔꠥꠝꠞꠣꠞꠦ ꠛꠖ꠆ꠖꠥꠀ ꠖꠤꠛꠣꠞ ꠟꠣꠉꠤ ꠛꠣꠟꠣꠝ ꠛꠤꠘ ꠛꠣꠃꠞ ꠘꠣꠝꠞ ꠄꠇ ꠙꠤꠞꠞꠦ ꠔꠣꠞꠣ ꠊꠥꠡ ꠖꠤꠍꠤꠟ, ꠖꠤꠀ ꠅꠞꠣꠝ-ꠘꠢꠞꠄꠁꠝ ꠖꠦꠡꠞ ꠚꠔꠥꠞ ꠐꠣꠃꠘ ꠕꠣꠇꠤ ꠔꠣꠞꠦ ꠜꠣꠠꠣ ꠇꠞꠤ ꠀꠘꠍꠤꠟ।