ꠔꠃꠞꠣꠔ ৪: ꠡꠥꠝꠣꠞꠤ 22:5 - Siloṭi Asmani Kitab (Nagri lipi)

⁵ ꠛꠣꠖꠡꠣꠄ ꠒꠞꠣꠁꠀ ꠛꠣꠟꠣꠝ ꠛꠤꠘ ꠛꠣꠃꠞ ꠘꠣꠝꠞ ꠙꠤꠞ ꠍꠣꠛꠞꠦ ꠀꠘꠣꠞ ꠟꠣꠉꠤ ꠈꠛꠞꠤꠀ ꠙꠣꠑꠣꠁꠟꠣ। ꠛꠣꠟꠣꠝ ꠔ ꠅꠃ ꠡꠝꠄ ꠔꠣꠘ ꠘꠤꠎꠞ ꠖꠦꠡꠞ ꠚꠥꠞꠣꠔ ꠉꠣꠋꠉꠞ ꠙꠣꠞꠅ ꠚꠔꠥꠞ ꠐꠣꠃꠘꠅ ꠀꠍꠟꠣ। ꠛꠣꠟꠣꠇꠦ ꠈꠛꠞꠤꠀꠞꠦ ꠇꠁꠀ ꠖꠤꠟꠣ, “ꠔꠥꠝꠞꠣ ꠉꠤꠀ ꠔꠣꠘꠞꠦ ꠇꠁꠅ, ꠝꠤꠡꠞ ꠖꠦꠡ ꠕꠣꠇꠤ ꠄꠇꠖꠟ ꠝꠣꠘꠥꠡ ꠛꠣꠞ ꠅꠁꠀ ꠀꠁꠍꠦ। ꠀꠁꠀ ꠀꠡ꠆ꠔꠣ ꠎꠝꠤꠘ ꠜꠞꠤꠀ ꠈꠣꠟꠤ ꠉꠤꠍꠉꠤꠍ ꠇꠞꠞꠣ, ꠔꠣꠞꠣ ꠅꠈꠘ ꠀꠝꠣꠞ ꠍꠣꠝꠘꠦ ꠛꠡꠔ ꠇꠞꠞꠣ।

ছিলটি আছমানি কিতাব (বাংলা লিপি)

⁵ বাদশায় ডরাইয়া বালাম বিন বাউর নামর পীর ছাবরে আনার লাগি খবরিয়া পাঠাইলা। বালাম তো অউ সময় তান নিজর দেশর ফোরাত গাংগর পারো ফতুর টাউনো আছলা। বালাকে খবরিয়ারে কইয়া দিলা, “তুমরা গিয়া তানরে কইও, মিসর দেশ থাকি একদল মানুষ বার অইয়া আইছে। আইয়া আস্তা জমিন ভরিয়া খালি গিছগিছ কররা, তারা অখন আমার ছামনে বসত কররা।

Siloṭi Asmani Kitab (Latin lipi)

⁵ Bashshae ḍoraia Balam bin Baur namor pir sabre anar lagi kobria faṭaila. Balam to ou shomoy tan nizor deshor Furat gangor faro Fotur ṭauno asla. Balake ḳobriare ḳoia dila, “Tumra gia tanre ḳoio, Mishor desh taki eḳdol manush bar oia aise. Aia asta zomin boria ḳali gisgis ḳorra, tara oḳon amar samne boshot ḳorra.

ꠔꠃꠞꠣꠔ ৪: ꠡꠥꠝꠣꠞꠤ 22:5 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 13:16

ꠀꠝꠤ ꠔꠥꠝꠣꠞ ꠅꠀꠞꠤꠡꠞꠦ ꠖꠥꠘꠤꠀꠁꠞ ꠗꠥꠁꠟ-ꠛꠣꠟꠥꠞ ꠟꠣꠈꠣꠘ ꠛꠦꠢꠤꠡꠣꠛ ꠇꠞꠝꠥ। ꠖꠥꠘꠤꠀꠞ ꠗꠥꠁꠟ-ꠛꠣꠟꠥ ꠎꠥꠖꠤ ꠇꠦꠃ ꠉꠘꠤꠀ ꠚꠥꠠꠣꠁꠔ ꠙꠣꠞꠦ, ꠔꠦ ꠔꠥꠝꠣꠞ ꠅꠀꠞꠤꠡꠞꠦꠅ ꠉꠘꠔ ꠙꠣꠞꠛ।

ꠔꠃꠞꠣꠔ ২: ꠢꠤꠎꠞꠔ 10:15

ꠔꠣꠞꠣ ꠀꠡ꠆ꠔꠣ ꠎꠝꠤꠘꠞ ꠃꠙꠞ ꠉꠥꠞꠤꠟꠤꠟꠣ, ꠖꠦꠡ ꠀꠘ꠆ꠖꠣꠁꠞ ꠅꠁꠉꠦꠟ, ꠀꠞ ꠎꠝꠤꠘꠞ ꠎꠔ ꠈꠦꠔ, ꠉꠣꠍ-ꠉꠣꠍꠣꠟꠤ ꠢꠤꠟ-ꠔꠥꠚꠣꠘ ꠕꠣꠇꠤ ꠛꠣꠌꠤꠉꠦꠍꠤꠟ, ꠁꠔꠣ ꠢꠇ꠆ꠇꠟꠔꠣ ꠈꠣꠁꠟꠤꠟꠣ। ꠀꠡ꠆ꠔꠣ ꠝꠤꠡꠞꠞ ꠇꠥꠘꠥ ꠉꠣꠍ-ꠉꠣꠍꠣꠟꠤ ꠛꠣ ꠈꠦꠔꠞ ꠚꠡꠟ ꠇꠥꠘ꠆ꠔꠣꠃ ꠞꠁꠟ ꠘꠣ।

ꠔꠃꠞꠣꠔ ৪: ꠡꠥꠝꠣꠞꠤ 23:7

ꠅꠃ ꠡꠝꠄ ꠛꠣꠟꠣꠝ ꠙꠤꠞꠦ ꠀꠟ꠆ꠟꠣꠞ ꠢꠤꠇꠣꠁꠀ ꠖꠦꠅꠀ ꠅꠃ ꠛꠥꠟꠤ ꠢꠇꠟ ꠢꠥꠘꠣꠁꠟꠣ, ꠇꠁꠟꠣ, “ꠡꠤꠞꠤꠀ ꠖꠦꠡ ꠕꠣꠇꠤ ꠛꠣꠟꠣꠇꠦ ꠀꠝꠣꠞꠦ ꠀꠘꠣꠁꠍꠂꠘ, ꠙꠥꠛꠞ ꠙꠣꠠ ꠅꠇꠟꠞ ꠗꠣꠞꠅ ꠕꠣꠇꠤ ꠝꠥꠀꠛꠞ ꠛꠣꠖꠡꠣ ꠛꠣꠟꠣꠇꠦꠃ ꠝꠞꠦ ꠎꠥꠉꠣꠁꠍꠂꠘ। ꠎꠥꠉꠣꠁꠀ ꠇꠁꠟꠣ, ꠀꠝꠣꠞ ꠙꠇ꠆ꠇ ꠟꠁꠀ ꠁꠀꠇꠥꠛꠞ ꠀꠅꠟꠣꠖ ꠛꠘꠤ ꠁꠍꠞꠣꠁꠟꠞꠦ ꠟꠣꠘ꠆ꠘꠔ ꠖꠦꠃꠇ꠆ꠇꠣ, ꠅꠔꠣꠞꠦ ꠛꠖ꠆ꠖꠥꠀ ꠖꠦꠃꠇ꠆ꠇꠣ।

ꠔꠃꠞꠣꠔ ৪: ꠡꠥꠝꠣꠞꠤ 31:8

ꠡꠣꠗꠣꠞꠘ ꠝꠣꠘꠡꠞ ꠟꠉꠦ ꠝꠣꠖꠤꠀꠘꠤ ꠅꠇꠟꠞ ꠙꠣꠌ ꠎꠘ ꠛꠣꠖꠡꠣꠞꠦꠅ ꠔꠣꠞꠣ ꠝꠣꠞꠤꠟꠤꠟꠣ। ꠅꠃ ꠛꠣꠖꠡꠣꠁꠘ ꠅꠁꠟꠣ, ꠁꠛꠤ, ꠞꠦꠇꠝ, ꠡꠥꠞ, ꠢꠥꠞ ꠀꠞ ꠞꠦꠛꠣ। ꠀꠞ ꠄꠞꠣꠞ ꠟꠉꠦ ꠛꠣꠟꠣꠝ ꠛꠤꠘ ꠛꠣꠃꠞ ꠘꠣꠝꠞ ꠢꠃ ꠙꠤꠞꠞꠦꠅ ꠔꠣꠞꠣ ꠎꠣꠘꠦ ꠝꠣꠞꠤꠟꠤꠟꠣ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 23:4

ꠝꠘꠅ ꠀꠍꠦ ꠘꠤ, ꠔꠥꠝꠞꠣ ꠝꠤꠡꠞ ꠖꠦꠡ ꠕꠣꠇꠤ ꠛꠣꠞ ꠅꠁꠀ ꠀꠁꠛꠣꠞ ꠇꠣꠟꠅ, ꠙꠕꠞ ꠝꠣꠎꠦ ꠔꠣꠞꠣ ꠔꠥꠝꠞꠣꠞ ꠈꠣꠘꠤ-ꠙꠣꠘꠤ ꠟꠁꠀ ꠀꠉꠥꠀꠁ ꠀꠁꠍꠦ ꠘꠣ, ꠛꠞꠋ ꠔꠥꠝꠞꠣꠞꠦ ꠛꠖ꠆ꠖꠥꠀ ꠖꠤꠛꠣꠞ ꠟꠣꠉꠤ ꠛꠣꠟꠣꠝ ꠛꠤꠘ ꠛꠣꠃꠞ ꠘꠣꠝꠞ ꠄꠇ ꠙꠤꠞꠞꠦ ꠔꠣꠞꠣ ꠊꠥꠡ ꠖꠤꠍꠤꠟ, ꠖꠤꠀ ꠅꠞꠣꠝ-ꠘꠢꠞꠄꠁꠝ ꠖꠦꠡꠞ ꠚꠔꠥꠞ ꠐꠣꠃꠘ ꠕꠣꠇꠤ ꠔꠣꠞꠦ ꠜꠣꠠꠣ ꠇꠞꠤ ꠀꠘꠍꠤꠟ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 23:5

ꠅꠁꠟꠦ ꠔꠥꠝꠞꠣꠞ ꠝꠣꠛꠥꠖ ꠀꠟ꠆ꠟꠣꠄ ꠅꠃ ꠛꠣꠟꠣꠝꠞ ꠀꠞꠎꠤꠔ ꠡꠣꠄ ꠖꠤꠍꠂꠘ ꠘꠣ, ꠔꠣꠁꠘ ꠔ ꠔꠥꠝꠞꠣꠞꠦ ꠝꠢꠛ꠆ꠛꠔ ꠇꠞꠂꠘ, ꠄꠞꠟꠣꠉꠤ ꠢꠃ ꠛꠣꠟꠣꠝ ꠙꠤꠞꠞ ꠛꠖ꠆ꠖꠥꠀꠞꠦ ꠛꠖꠟꠣꠁꠀ ꠔꠣꠁꠘ ꠘꠦꠇ-ꠖꠥꠀ ꠛꠣꠘꠣꠁꠟꠣ।

Injil 26: Ehuda 1:11

ꠁꠔꠣ ꠔ ꠟꠣꠘ꠆ꠘꠔꠤ! ꠁꠉꠥꠁꠘ ꠛꠣꠛꠣ ꠀꠖꠝꠞ ꠟꠣꠘ꠆ꠘꠔꠤ ꠙꠥꠔ ꠇꠣꠛꠤꠟꠞ ꠟꠣꠈꠣꠘ ꠛꠘꠍꠂꠘ। ꠖꠥꠘꠤꠀꠛꠤ ꠟꠣꠜꠞ ꠀꠡꠣꠄ ꠔꠣꠞꠣ ꠢꠃ ꠜꠘ꠆ꠒ ꠘꠛꠤ ꠛꠣꠟꠣꠝꠞ ꠈꠣꠁꠡꠞ ꠀꠔꠅ ꠘꠤꠎꠞꠦ ꠡꠙꠤ ꠖꠤꠍꠦ। ꠀꠞ ꠝꠥꠍꠣ ꠘꠛꠤꠞ ꠛꠣꠄ ꠛꠤꠉꠠꠤ ꠎꠣꠅꠞꠣ ꠢꠃ ꠘꠦꠔꠣ ꠇꠥꠞꠣꠢꠞ ꠟꠣꠈꠣꠘ ꠔꠣꠞꠣꠞ ꠛꠤꠘꠣꠡ ꠀꠍꠦ।

Injil 27: Zaira Kalam 2:14

“ꠔꠣ-ꠅ ꠔꠥꠝꠞꠣꠞ ꠛꠤꠞꠥꠖ꠆ꠖꠦ ꠀꠝꠣꠞ ꠇꠤꠍꠥ ꠝꠣꠔ ꠀꠍꠦ। ꠔꠥꠝꠞꠣꠞ ꠅꠘꠅ ꠅꠟꠣ ꠇꠤꠍꠥ ꠝꠣꠘꠥꠡ ꠀꠍꠂꠘ, ꠎꠦꠔꠣꠄ ꠝꠥꠍꠣ ꠘꠛꠤꠞ ꠀꠝꠟꠞ ꠜꠘ꠆ꠒ ꠘꠛꠤ ꠛꠣꠟꠣꠝꠞ ꠔꠣꠟꠤꠝꠦ ꠌꠟꠂꠘ। ꠅꠃ ꠛꠣꠟꠣꠝꠦ ꠛꠣꠖꠡꠣ ꠛꠣꠟꠣꠇꠞꠦ ꠢꠤꠇꠣꠁꠍꠤꠟ, ꠎꠣꠔꠦ ꠢꠦ ꠖꠦꠛꠔꠣꠞ ꠝꠥꠞ꠆ꠔꠤꠞ ꠍꠣꠝꠘꠞ ꠙꠡꠣꠖ ꠈꠣꠅꠀꠁꠀ ꠀꠞ ꠎꠤꠘꠣ ꠇꠞꠣꠁꠀ, ꠛꠘꠤ ꠁꠍꠞꠣꠁꠟꠞꠦ ꠉꠥꠘꠣꠞ ꠙꠕꠦ ꠘꠦꠄ।