ꠔꠃꠞꠣꠔ ৪: ꠡꠥꠝꠣꠞꠤ 22:12 - Siloṭi Asmani Kitab (Nagri lipi)

¹² ꠅꠁꠟꠦ ꠝꠣꠛꠥꠖꠦ ꠛꠣꠟꠣꠝꠞꠦ ꠇꠁꠟꠣ, “ꠔꠥꠝꠤ ꠄꠞꠣꠞ ꠟꠉꠦ ꠎꠣꠁꠅ ꠘꠣ, ꠀꠞ ꠢꠤꠔꠣ ꠝꠣꠘꠡꠞꠦ ꠇꠥꠘꠥ ꠟꠣꠘ꠆ꠘꠔꠅ ꠖꠤꠅ ꠘꠣ। ꠝꠘꠅ ꠞꠣꠈꠤꠅ, ꠔꠣꠞꠣ ꠀꠝꠣꠞ ꠞꠢꠝ-ꠛꠞꠇꠔ ꠙꠣꠅꠀ ꠛꠘ꠆ꠖꠣ।”

ছিলটি আছমানি কিতাব (বাংলা লিপি)

¹² অইলে মাবুদে বালামরে কইলা, “তুমি এরার লগে যাইও না, আর হিতা মানষরে কুনু লান্নতও দিও না। মনো রাখিও, তারা আমার রহম-বরকত পাওয়া বন্দা।”

Siloṭi Asmani Kitab (Latin lipi)

¹² Oile Mabude Balamre ḳoila, “Tumi erar loge zaio na, ar hita manshore kunu lannot-o dio na. Mono rakio, tara amar rohom-borkot faoa bonda.”

ꠔꠃꠞꠣꠔ ৪: ꠡꠥꠝꠣꠞꠤ 22:12 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 12:2

ꠔꠥꠝꠣꠞ ꠝꠣꠎ ꠕꠣꠇꠤ ꠀꠝꠤ ꠛꠃꠔ ꠛꠠ ꠄꠇ ꠎꠣꠔꠤ ꠙꠄꠖꠣ ꠇꠞꠝꠥ। ꠔꠥꠝꠣꠞꠦ ꠞꠢꠝ-ꠛꠞꠇꠔ ꠖꠤꠝꠥ। ꠀꠝꠤ ꠔꠥꠝꠣꠞꠦ ꠛꠠ ꠁꠎ꠆ꠎꠔꠤ ꠛꠣꠘꠣꠁꠝꠥ, ꠀꠞ ꠔꠥꠝꠣꠞ ꠃꠍꠤꠟ꠆ꠟꠣꠄ ꠀꠡ꠆ꠔꠣ ꠖꠥꠘꠤꠀꠞ ꠝꠣꠘꠡꠦ ꠞꠢꠝ-ꠛꠞꠇꠔ ꠙꠣꠁꠛꠣ।

ꠔꠃꠞꠣꠔ ৪: ꠡꠥꠝꠣꠞꠤ 22:11

ꠇꠁꠍꠂꠘ, ꠝꠤꠡꠞ ꠖꠦꠡ ꠕꠣꠇꠤ ꠄꠇꠖꠟ ꠝꠣꠘꠥꠡ ꠀꠁꠀ ꠀꠡ꠆ꠔꠣ ꠖꠦꠡꠅ ꠉꠤꠍꠉꠤꠍ ꠇꠞꠞꠣ। ꠅꠈꠘ ꠀꠙꠘꠦ ꠀꠁꠀ ꠔꠣꠞꠣꠞꠦ ꠟꠣꠘ꠆ꠘꠔ ꠖꠦꠃꠇ꠆ꠇꠣ। ꠔꠦꠃ ꠀꠝꠤ ꠎꠥꠖ꠆ꠖ ꠇꠞꠤꠀ ꠔꠣꠞꠣꠞꠦ ꠛꠥꠟꠦ ꠈꠦꠖꠣꠁꠔꠣꠝ ꠙꠣꠞꠝꠥ।”

ꠔꠃꠞꠣꠔ ৪: ꠡꠥꠝꠣꠞꠤ 22:13

ꠛꠣꠖꠞ ꠖꠤꠘ ꠛꠤꠀꠘꠦ ꠛꠣꠟꠣꠝ ꠊꠥꠝ ꠕꠣꠇꠤ ꠃꠑꠤꠀ ꠛꠣꠟꠣꠇꠞ ꠈꠛꠞꠤꠀ ꠅꠇꠟꠞꠦ ꠇꠁꠟꠣ, “ꠀꠙꠘꠣꠞꠣ ꠎꠣꠞꠎꠤꠞ ꠖꠦꠡꠅ ꠚꠤꠞꠔ ꠎꠣꠃꠇ꠆ꠇꠣꠉꠤ। ꠀꠞ ꠝꠣꠛꠥꠖꠦ ꠀꠝꠣꠞꠦ ꠝꠣꠘꠣ ꠇꠞꠍꠂꠘ, ꠀꠙꠘꠣꠞꠣꠞ ꠟꠉꠦ ꠘꠣ ꠎꠣꠅꠀꠞ ꠟꠣꠉꠤ।”

ꠔꠃꠞꠣꠔ ৪: ꠡꠥꠝꠣꠞꠤ 22:6

ꠁꠔꠣ ꠔ ꠀꠝꠞꠣ ꠕꠣꠇꠤ ꠛꠦꠡꠤ ꠛꠟꠛꠣꠘ। ꠄꠞꠟꠣꠉꠤ ꠀꠙꠘꠦ ꠀꠃꠇ꠆ꠇꠣ, ꠀꠁꠀ ꠅꠔꠣꠞꠦ ꠟꠣꠘ꠆ꠘꠔ ꠖꠦꠃꠇ꠆ꠇꠣ। ꠔꠦꠃ ꠀꠝꠤ ꠢꠄꠔ ꠔꠣꠞꠣꠞꠦ ꠝꠣꠞꠤꠀ ꠖꠦꠡ ꠕꠣꠇꠤ ꠈꠦꠖꠣꠁꠔꠣꠝ ꠙꠣꠞꠝꠥ। ꠀꠞ ꠀꠝꠤ ꠔ ꠎꠣꠘꠤ, ꠀꠙꠘꠦ ꠎꠣꠞꠦ ꠖꠥꠀ ꠖꠦꠁꠘ ꠢꠦ ꠑꠤꠇꠃ ꠖꠥꠀ ꠙꠣꠄ, ꠀꠞ ꠎꠣꠞꠦ ꠟꠣꠘ꠆ꠘꠔ ꠖꠦꠁꠘ ꠔꠣꠞ ꠃꠙꠞꠦ ꠢꠣꠍꠣꠃ ꠟꠣꠘ꠆ꠘꠔ ꠙꠠꠦ।”

ꠔꠃꠞꠣꠔ ৪: ꠡꠥꠝꠣꠞꠤ 23:23

ꠁꠀꠇꠥꠛꠞ ꠀꠅꠟꠣꠖꠞ ꠃꠙꠞꠦ ꠇꠥꠘꠥ ꠎꠣꠖꠥ-ꠝꠘꠔ꠆ꠞ ꠌꠟꠔ ꠘꠣꠄ, ꠁꠍꠞꠣꠁꠟ ꠎꠣꠔꠤꠞ ꠃꠙꠞꠦ ꠇꠥꠘꠥ ꠔꠣꠛꠤꠎ-ꠇꠛꠎꠦ ꠇꠣꠝ ꠀꠁꠔ ꠘꠣꠄ। ꠔꠣꠞꠣꠞ ꠛꠦꠙꠣꠞꠦ ꠅꠈꠘ ꠅꠃ ꠛꠥꠟꠤ ꠇꠅꠀ ꠎꠣꠄ, ꠀꠟ꠆ꠟꠣꠄ ꠎꠦꠔꠣ ꠇꠞꠍꠂꠘ ꠅꠔꠣ ꠌꠣꠁꠀ ꠖꠦꠈꠅ।

ꠔꠃꠞꠣꠔ ৪: ꠡꠥꠝꠣꠞꠤ 23:3

ꠄꠞꠛꠣꠖꠦ ꠛꠣꠟꠣꠝ ꠙꠤꠞꠦ ꠛꠣꠟꠣꠇꠞꠦ ꠇꠁꠟꠣ, “ꠀꠙꠘꠣꠞ ꠇꠥꠞꠛꠣꠘꠤ ꠖꠦꠅꠀ ꠅꠃ ꠙꠡꠥꠞ ꠇꠣꠍꠣꠔ ꠀꠙꠘꠦ ꠞꠃꠇ꠆ꠇꠣ। ꠀꠝꠤ ꠕꠥꠠꠣ ꠢꠞꠤꠀ ꠎꠣꠁꠞꠣꠝ, ꠅꠁꠔ ꠙꠣꠞꠦ ꠝꠣꠛꠥꠖꠦ ꠀꠝꠣꠞꠦ ꠖꠞꠡꠘ ꠖꠤꠛꠣ। ꠔꠣꠁꠘ ꠀꠝꠣꠞꠦ ꠎꠦꠔꠣ ꠎꠣꠘꠣꠁꠛꠣ, ꠀꠝꠤ ꠀꠁꠀ ꠀꠙꠘꠣꠞꠦ ꠇꠁꠝꠥꠘꠦ।” ꠅꠈꠣꠘ ꠇꠁꠀ ꠛꠣꠟꠣꠝ ꠙꠤꠞ ꠉꠤꠀ ꠙꠣꠠꠞ ꠢꠇꠟ ꠕꠣꠇꠤ ꠃꠌꠣ ꠐꠤꠟ꠆ꠟꠣꠞ ꠃꠙꠞꠦ ꠃꠑꠤꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 23:8

ꠅꠁꠟꠦ ꠀꠟ꠆ꠟꠣꠄ ꠟꠣꠘ꠆ꠘꠔ ꠖꠤꠍꠂꠘ ꠘꠣ ꠎꠣꠞꠦ, ꠀꠝꠤ ꠇꠤꠟꠣꠘ ꠖꠤꠝꠥ ꠟꠣꠘ꠆ꠘꠔ ꠔꠣꠞꠦ? ꠝꠣꠛꠥꠖꠦ ꠈꠦꠔꠤ ꠇꠞꠣꠞ ꠇꠕꠣ ꠘꠣ ꠇꠞꠍꠂꠘ ꠎꠣꠞ, ꠀꠝꠤ ꠇꠤꠟꠣꠘ ꠈꠦꠔꠤꠞ ꠇꠕꠣ ꠇꠁꠔꠣꠝ ꠔꠣꠞ?

ꠔꠃꠞꠣꠔ ৪: ꠡꠥꠝꠣꠞꠤ 24:9

ꠡꠤꠋꠢꠞ ꠟꠣꠈꠣꠘ ꠔꠣꠞꠣ ꠈꠣꠙ ꠗꠞꠤ ꠢꠥꠔꠤꠛ, ꠔꠣꠞꠣꠞꠦ ꠟꠣꠠꠣꠘꠤꠞ ꠡꠣꠅꠡ ꠅꠁꠛ ꠇꠥꠘ ꠛꠦꠐꠣꠞ? ꠔꠥꠝꠞꠣꠞꠦ ꠎꠦꠞꠣ ꠖꠥꠀ ꠖꠤꠛꠣ, ꠄꠞꠣꠞ ꠃꠙꠞꠦ ꠖꠥꠀ ꠟꠣꠝꠃꠇ; ꠔꠥꠝꠞꠣꠞꠦ ꠎꠦꠔꠣꠄ ꠟꠣꠘ꠆ꠘꠔ ꠖꠤꠛꠣ, ꠁꠔꠣꠞ ꠃꠙꠞꠦ ꠟꠣꠘ꠆ꠘꠔ ꠙꠠꠃꠇ।”

ꠁꠘ꠆ꠎꠤꠟ ১: ꠝꠕꠤ 27:19

ꠙꠤꠟꠣꠔ ꠎꠦꠛꠟꠣ ꠢꠣꠇꠤꠝꠞ ꠀꠡꠘꠅ ꠛꠅꠀꠔ, ꠅꠃ ꠡꠝꠄ ꠔꠣꠘ ꠛꠤꠛꠤꠄ ꠈꠛꠞ ꠙꠣꠑꠣꠁꠀ ꠎꠣꠘꠣꠁꠟꠣ, “ꠅꠃ ꠘꠤꠅꠙꠞꠣꠗ ꠝꠣꠘꠡꠞꠦ ꠔꠥꠝꠤ ꠇꠥꠘ꠆ꠔꠣ ꠇꠞꠤꠅ ꠘꠣ, ꠔꠣꠘ ꠛꠦꠙꠣꠞꠦ ꠀꠝꠤ ꠀꠁꠎ ꠄꠇꠐꠣ ꠈꠥꠀꠛ ꠖꠦꠈꠤꠀ ꠛꠠ ꠖꠥꠈ ꠟꠣꠉꠍꠦ।”

Injil 6: Ruman 11:29

ꠇꠣꠞꠘ ꠀꠟ꠆ꠟꠣꠄ ꠔꠣꠘ ꠞꠢꠝꠔꠞ ꠖꠣꠘ-ꠖꠇ꠆ꠇꠤꠘꠣ ꠀꠞ ꠔꠣꠘ ꠖꠣꠅꠔꠞ ꠇꠕꠣ ꠇꠥꠘꠥꠝꠘ꠆ꠔꠦꠃ ꠝꠔ ꠛꠖꠟꠣꠁꠘ ꠘꠣ।

Injil 10: Ifisia 1:3

ꠀꠟ꠆ꠟꠣ ꠙꠣꠇꠞ ꠔꠣꠞꠤꠚ ꠅꠃꠇ, ꠔꠣꠁꠘꠃ ꠁꠍꠣ ꠀꠟ-ꠝꠍꠤꠞ ꠀꠟ꠆ꠟꠣ ꠀꠞ ꠔꠣꠘ ꠉꠣꠁꠛꠤ ꠛꠣꠚ, ꠀꠞ ꠅꠃ ꠢꠎꠞꠔ ꠁꠍꠣꠃ ꠀꠝꠞꠣꠞ ꠝꠣꠟꠤꠇ। ꠀꠟ꠆ꠟꠣ ꠙꠣꠇꠦ ꠔ ꠀꠟ-ꠝꠍꠤꠞ ꠃꠍꠤꠟ꠆ꠟꠣꠄ ꠀꠍꠝꠣꠘꠞ ꠙꠞꠔꠦꠇ ꠘꠝꠥꠘꠣꠞ ꠞꠥꠢꠣꠘꠤ ꠞꠢꠝꠔ ꠀꠝꠞꠣꠞꠦ ꠖꠣꠘ ꠇꠞꠍꠂꠘ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 2:7

“ꠔꠥꠝꠞꠣꠞ ꠝꠣꠛꠥꠖ ꠀꠟ꠆ꠟꠣꠄ ꠢꠇꠟ ꠇꠣꠝꠞ ꠝꠣꠎꠦꠃ ꠔꠥꠝꠞꠣꠞꠦ ꠞꠢꠝ-ꠛꠞꠇꠔ ꠖꠤꠍꠂꠘ। ꠅꠃ ꠅꠔ ꠛꠠ ꠝꠞꠥꠜꠥꠝꠤ ꠙꠣꠞꠘꠤꠞ ꠛꠣꠟꠣ ꠔꠣꠁꠘ ꠔꠥꠝꠞꠣꠞꠦ ꠢꠦꠚꠣꠎꠔ ꠇꠞꠍꠂꠘ। ꠅꠃ ꠌꠣꠟ꠆ꠟꠤꠡ ꠛꠍꠞ ꠗꠞꠤ ꠔꠥꠝꠞꠣꠞ ꠝꠣꠛꠥꠖ ꠀꠟ꠆ꠟꠣ ꠔꠥꠝꠞꠣꠞ ꠟꠉꠦ ꠟꠉꠦ ꠀꠍꠂꠘ, ꠄꠞꠟꠣꠉꠤ ꠇꠥꠘꠥ ꠟꠣꠈꠣꠘ ꠅꠜꠣꠛ ꠅꠁꠍꠦ ꠘꠣ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 23:5

ꠅꠁꠟꠦ ꠔꠥꠝꠞꠣꠞ ꠝꠣꠛꠥꠖ ꠀꠟ꠆ꠟꠣꠄ ꠅꠃ ꠛꠣꠟꠣꠝꠞ ꠀꠞꠎꠤꠔ ꠡꠣꠄ ꠖꠤꠍꠂꠘ ꠘꠣ, ꠔꠣꠁꠘ ꠔ ꠔꠥꠝꠞꠣꠞꠦ ꠝꠢꠛ꠆ꠛꠔ ꠇꠞꠂꠘ, ꠄꠞꠟꠣꠉꠤ ꠢꠃ ꠛꠣꠟꠣꠝ ꠙꠤꠞꠞ ꠛꠖ꠆ꠖꠥꠀꠞꠦ ꠛꠖꠟꠣꠁꠀ ꠔꠣꠁꠘ ꠘꠦꠇ-ꠖꠥꠀ ꠛꠣꠘꠣꠁꠟꠣ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 28:6

“ꠢꠇꠟ ꠢꠣꠟꠔꠦ ꠢꠇꠟ ꠇꠣꠝꠅ ꠔꠥꠝꠤ ꠞꠢꠝ-ꠛꠞꠇꠔ ꠙꠣꠁꠛꠣꠄ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 33:29

ꠅ ꠛꠘꠤ ꠁꠍꠞꠣꠁꠟ, ꠝꠥꠛꠣꠞꠇ ꠀꠅꠟꠣꠖ ꠔꠥꠝꠤ! ꠔꠥꠝꠤ ꠅꠁꠟꠣꠄ ꠝꠣꠛꠥꠖ ꠀꠟ꠆ꠟꠣꠞ ꠀꠎꠣꠖ ꠇꠞꠣ ꠎꠣꠔꠤ। ꠡ꠆ꠛꠄꠅꠋ ꠝꠣꠛꠥꠖ ꠅꠁꠟꠣ ꠔꠥꠝꠣꠞ ꠎꠣꠘ ꠛꠣꠌꠣꠘꠤꠞ ꠓꠣꠟ, ꠔꠣꠁꠘꠃ ꠅꠁꠟꠣ ꠔꠥꠝꠣꠞ ꠎꠄꠅꠞ ꠗꠣꠞꠣꠁꠟ ꠔꠟꠥꠀꠞ। ꠖꠥꠡꠝꠘ ꠔꠥꠝꠣꠞ ꠍꠣꠝꠘꠦ ꠀꠁꠟꠦ ꠕꠞ-ꠕꠞꠣꠁꠀ ꠇꠣꠙꠦ, ꠔꠥꠝꠤ ꠔꠣꠞꠣꠞ ꠛꠥꠇꠥꠞ ꠃꠙꠞꠦ ꠝꠣꠠꠣ ꠖꠤꠛꠣꠄ ꠘꠦ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 7:14

ꠢꠇꠟ ꠎꠣꠔꠤ ꠕꠣꠇꠤ ꠔꠥꠝꠞꠣ ꠛꠦꠡꠤ ꠞꠢꠝ-ꠛꠞꠇꠔ ꠙꠣꠁꠛꠣꠄ, ꠔꠥꠝꠞꠣꠞ ꠛꠦꠐꠣꠁꠘ-ꠛꠦꠐꠤꠘ ꠛꠣ ꠔꠥꠝꠞꠣꠞ ꠙꠡꠥꠞ ꠙꠣꠟꠞ ꠇꠦꠃ ꠀꠐꠈꠥꠞꠣ ꠞꠁꠔ ꠘꠣꠄ।