ꠔꠃꠞꠣꠔ ৪: ꠡꠥꠝꠣꠞꠤ 22:1 - Siloṭi Asmani Kitab (Nagri lipi)

¹ ꠄꠞꠛꠣꠖꠦ ꠛꠘꠤ ꠁꠍꠞꠣꠁꠟ ꠉꠤꠀ ꠎꠤꠞꠤꠢꠅ ꠐꠣꠃꠘꠞ ꠃꠟꠐꠣꠛꠣꠄ ꠎꠞ꠆ꠖꠣꠘ ꠉꠣꠋꠉꠞ ꠗꠣꠞꠅ ꠝꠥꠀꠛ ꠖꠦꠡꠞ ꠔꠟ ꠎꠣꠉꠣꠔ ꠔꠣꠝ꠆ꠛꠥ ꠐꠣꠋꠉꠣꠁꠟꠣ।

ছিলটি আছমানি কিতাব (বাংলা লিপি)

¹ এরবাদে বনি ইছরাইল গিয়া যিরিহো টাউনর উল্টাবায় জর্দান গাংগর ধারো মোয়াব দেশর তল জাগাত তাম্বু টাংগাইলা।

Siloṭi Asmani Kitab (Latin lipi)

¹ Erbade Boni Israil gia Ziriho ṭaunor ulṭabae Zordan gangor daro Muab deshor tol zagat tambu ṭangaila.

ꠔꠃꠞꠣꠔ ৪: ꠡꠥꠝꠣꠞꠤ 22:1 Iomraidhean Croise

ꠔꠃꠞꠣꠔ ৪: ꠡꠥꠝꠣꠞꠤ 21:20

ꠛꠣꠝꠥꠔ ꠕꠣꠇꠤ ꠝꠥꠀꠛꠞ ꠙꠣꠠꠤꠀ ꠄꠇ ꠈꠣꠟꠞ ꠙꠣꠞꠅ ꠉꠦꠟꠣ। ꠅꠃ ꠈꠣꠟꠞ ꠇꠣꠘ꠆ꠖꠣꠞ ꠙꠤꠍꠉꠣ ꠙꠣꠠꠞ ꠃꠌꠣ ꠐꠤꠟ꠆ꠟꠣ ꠕꠣꠇꠤ ꠝꠞꠥꠜꠥꠝꠤ ꠖꠦꠈꠣ ꠎꠣꠄ।

ꠔꠃꠞꠣꠔ ৪: ꠡꠥꠝꠣꠞꠤ 26:3

ꠄꠞꠟꠣꠉꠤ ꠎꠤꠞꠤꠢꠅ ꠐꠣꠃꠘꠞ ꠃꠟꠐꠣꠛꠣꠄ ꠎꠞ꠆ꠖꠣꠘ ꠉꠣꠋꠉꠞ ꠙꠣꠞꠅ ꠝꠥꠀꠛ ꠖꠦꠡꠞ ꠎꠦ ꠔꠟ ꠎꠣꠉꠣ ꠀꠍꠦ, ꠢꠘꠅ ꠝꠥꠍꠣ ꠘꠛꠤꠄ ꠀꠞ ꠁꠝꠣꠝ ꠀꠟꠤ-ꠀꠎꠞꠦ ꠘꠦꠔꠣ ꠅꠇꠟꠞꠦ ꠇꠁꠟꠣ,

ꠔꠃꠞꠣꠔ ৪: ꠡꠥꠝꠣꠞꠤ 31:12

ꠔꠣꠞꠣ ꠝꠥꠍꠣ ꠘꠛꠤ, ꠁꠝꠣꠝ ꠀꠟꠤ-ꠀꠎꠞ ꠀꠞ ꠛꠘꠤ ꠁꠍꠞꠣꠁꠟꠞ ꠇꠦꠝ꠆ꠙꠅ ꠚꠤꠞꠣꠞ ꠘꠤꠅꠔꠦ ꠞꠅꠀꠘꠣ ꠖꠤꠟꠣ। ꠅꠃ ꠡꠝꠄ ꠔꠣꠞꠣꠞ ꠔꠣꠝ꠆ꠛꠥ ꠀꠍꠤꠟ ꠎꠤꠞꠤꠢꠅ ꠄꠟꠣꠇꠣꠞ ꠎꠞ꠆ꠖꠣꠘ ꠉꠣꠋꠉꠞ ꠗꠣꠞꠅ ꠝꠥꠀꠛ ꠖꠦꠡꠞ ꠔꠟ ꠎꠣꠉꠣꠔ।

ꠔꠃꠞꠣꠔ ৪: ꠡꠥꠝꠣꠞꠤ 32:19

ꠀꠞ ꠎꠞ꠆ꠖꠣꠘ ꠉꠣꠋꠉꠞ ꠢꠙꠣꠞꠅ ꠛꠘꠤ ꠁꠍꠞꠣꠁꠟꠞ ꠟꠉꠦ ꠀꠝꠞꠣ ꠇꠥꠘꠥ ꠎꠝꠤ-ꠎꠝꠣꠞ ꠛꠣꠐꠅ ꠘꠤꠔꠣꠝ ꠘꠣꠄ, ꠇꠦꠘꠦꠘꠣ ꠀꠝꠞꠣꠞ ꠛꠣꠐ ꠔ ꠉꠣꠋꠉꠞ ꠅꠃ ꠙꠥꠛꠞ ꠙꠣꠞꠅꠃ ꠝꠤꠟꠤꠉꠦꠍꠦ।”

ꠔꠃꠞꠣꠔ ৪: ꠡꠥꠝꠣꠞꠤ 34:15

ꠔꠣꠞꠣ ꠎꠤꠞꠤꠢꠅ ꠄꠟꠣꠇꠣꠞ ꠎꠞ꠆ꠖꠣꠘ ꠉꠣꠋꠉꠞ ꠙꠥꠛꠞ ꠙꠣꠞꠅ ꠔꠣꠞꠣꠞ ꠛꠣꠐ ꠀꠉꠦꠃ ꠛꠣꠍꠤꠀ ꠘꠤꠍꠂꠘꠉꠤ।”

ꠔꠃꠞꠣꠔ ৪: ꠡꠥꠝꠣꠞꠤ 35:1

ꠛꠣꠖꠦ ꠎꠤꠞꠤꠢꠅ ꠐꠣꠃꠘꠞ ꠇꠣꠍꠣꠔ ꠎꠞ꠆ꠖꠣꠘ ꠉꠣꠋꠉꠞ ꠗꠣꠞꠅ ꠝꠥꠀꠛ ꠖꠦꠡꠞ ꠔꠟ ꠎꠣꠉꠣꠔ ꠝꠣꠛꠥꠖꠦ ꠝꠥꠍꠣꠞꠦ ꠇꠁꠟꠣ,

ꠔꠃꠞꠣꠔ ৪: ꠡꠥꠝꠣꠞꠤ 36:13

ꠀꠞ ꠢꠥꠘꠅ, ꠎꠤꠞꠤꠢꠅ ꠄꠟꠣꠇꠣꠞ ꠎꠞ꠆ꠖꠣꠘ ꠉꠣꠋꠉꠞ ꠗꠣꠞꠅ ꠝꠥꠀꠛ ꠖꠦꠡꠞ ꠔꠟ ꠎꠣꠉꠣꠔ, ꠝꠣꠛꠥꠖꠦ ꠝꠥꠍꠣ ꠘꠛꠤꠞ ꠝꠣꠎꠖꠤ ꠛꠘꠤ ꠁꠍꠞꠣꠁꠟꠞꠦ ꠅꠃ ꠢꠥꠇꠥꠝ-ꠀꠢꠇꠣꠝ ꠀꠞ ꠘꠤꠅꠝ-ꠇꠣꠘꠥꠘ ꠅꠇꠟ ꠖꠤꠍꠟꠣ॥

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 1:5

ꠎꠞ꠆ꠖꠣꠘ ꠉꠣꠋꠉꠞ ꠙꠥꠛ ꠙꠣꠞꠞ ꠝꠥꠀꠛ ꠖꠦꠡꠅ, ꠝꠥꠍꠣ ꠘꠛꠤꠄ ꠀꠟ꠆ꠟꠣꠞ ꠖꠦꠅꠀ ꠔꠃꠞꠣꠔꠞ ꠔꠣꠟꠤꠝ ꠛꠄꠀꠘ ꠇꠞꠤꠀ ꠛꠥꠎꠣꠁꠟꠣ। ꠔꠣꠁꠘ ꠇꠁꠟꠣ,

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 3:8

“ꠀꠝꠞꠣ ꠅꠃ ꠡꠝꠄ ꠎꠞ꠆ꠖꠣꠘ ꠉꠣꠋꠉꠞ ꠙꠥꠛ ꠙꠣꠞꠞ ꠀꠝꠥꠞꠤ ꠎꠣꠔꠤꠞ ꠖꠥꠁꠅ ꠛꠣꠖꠡꠣꠞ ꠖꠈꠟꠞ, ꠅꠞꠘꠘ ꠈꠣꠟ ꠕꠣꠇꠤ ꠢꠞ꠆ꠝꠥꠘ ꠙꠣꠠ ꠙꠞ꠆ꠎꠘ꠆ꠔ ꠇꠛꠎꠣ ꠇꠞꠍꠟꠣꠝ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 34:1

ꠛꠣꠖꠦ ꠝꠥꠍꠣ ꠘꠛꠤ ꠝꠥꠀꠛ ꠖꠦꠡꠞ ꠔꠟ ꠎꠣꠉꠣ ꠕꠣꠇꠤ, ꠘꠛꠅ ꠙꠣꠠꠞ ꠐꠤꠟ꠆ꠟꠣꠞ ꠃꠙꠞꠦ ꠃꠑꠤꠟꠣ, ꠅꠃ ꠐꠤꠟ꠆ꠟꠣ ꠔ ꠎꠤꠞꠤꠢꠅ ꠐꠣꠃꠘꠞ ꠍꠣꠝꠘꠦ ꠙꠤꠍꠉꠣ ꠙꠣꠠꠞ ꠢꠇꠟ ꠕꠣꠇꠤ ꠃꠌꠣ ꠐꠤꠟ꠆ꠟꠣ। ꠢꠘꠅ ꠝꠣꠛꠥꠖꠦ ꠔꠣꠘꠞꠦ ꠢꠇꠟ ꠖꠦꠡ ꠖꠦꠈꠣꠁꠟꠣ, ꠉꠤꠟꠤꠅꠖ ꠕꠣꠇꠤ ꠖꠣꠘ ꠙꠞ꠆ꠎꠘ꠆ꠔ,

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 34:8

ꠃꠚꠣꠔꠞ ꠛꠣꠖꠦ ꠛꠘꠤ ꠁꠍꠞꠣꠁꠟꠦ ꠔꠤꠡ ꠖꠤꠘ ꠗꠞꠤ ꠝꠥꠀꠛ ꠖꠦꠡꠞ ꠘꠤꠌꠣ ꠔꠟ ꠎꠣꠉꠣꠔ ꠔꠣꠘ ꠟꠣꠉꠤ ꠇꠣꠘ꠆ꠖꠣ-ꠇꠣꠐꠤ ꠀꠞ ꠀꠢꠣꠎꠣꠞꠤ ꠇꠞꠟꠣ। ꠅꠃ ꠔꠤꠡ ꠖꠤꠘ ꠛꠣꠖꠦ ꠔꠣꠞꠣꠞ ꠖꠥꠈ-ꠀꠢꠣꠎꠣꠞꠤ ꠡꠦꠡ ꠅꠁꠟ।