ꠔꠃꠞꠣꠔ ৪: ꠡꠥꠝꠣꠞꠤ 21:9 - Siloṭi Asmani Kitab (Nagri lipi)

⁹ ꠔꠦꠃ ꠝꠥꠍꠣꠄ ꠈꠣꠐꠤ ꠔꠣꠝꠣꠖꠤ ꠄꠇ ꠢꠣꠚ ꠛꠣꠘꠣꠁꠀ ꠈꠥꠐꠤꠞ ꠃꠙꠞꠦ ꠕꠁꠟꠣ। ꠇꠥꠘꠥ ꠎꠘꠞꠦ ꠢꠣꠚꠦ ꠇꠣꠝꠠꠣꠁꠟꠦ ꠢꠦ ꠅꠃ ꠔꠣꠝꠣꠞ ꠢꠣꠚꠞ ꠛꠣꠄ ꠌꠣꠁꠔ, ꠀꠞ ꠛꠣꠌꠤꠎꠤꠔ।

ছিলটি আছমানি কিতাব (বাংলা লিপি)

⁹ তেউ মুছায় খাটি তামাদি এক হাফ বানাইয়া খুটির উপরে থইলা। কুনু জনরে হাফে কামড়াইলে হে অউ তামার হাফর বায় চাইতো, আর বাচিযিতো।

Siloṭi Asmani Kitab (Latin lipi)

⁹ Teu Musae ḳaṭi tamadi eḳ haf banaia kuṭir ufre toila. Kunu zonre hafe ḳamṛaile he ou tamar hafor bae saito, ar basizito.

ꠔꠃꠞꠣꠔ ৪: ꠡꠥꠝꠣꠞꠤ 21:9 Iomraidhean Croise

Injil 4: Hannan 1:29

ꠛꠣꠖꠞ ꠖꠤꠘ ꠄꠢꠤꠀ ꠘꠛꠤꠄ ꠖꠦꠈꠟꠣ ꠢꠥꠎꠥꠞ ꠁꠍꠣ ꠔꠣꠘ ꠉꠦꠍꠦ ꠀꠁꠞꠣ, ꠖꠦꠈꠤꠀ ꠇꠁꠟꠣ, “ꠅꠃ ꠖꠦꠈꠞꠣꠄ ꠘꠤ ꠀꠟ꠆ꠟꠣꠁ ꠝꠦꠠꠣ-ꠛꠣꠁꠌ꠆ꠌꠣ, ꠎꠦꠘ ꠃꠍꠤꠟ꠆ꠟꠣꠄ ꠢꠇ꠆ꠇꠟ ꠝꠣꠘꠡꠞ ꠉꠥꠘꠣꠞ ꠝꠣꠚꠤ ꠅꠄ।

Injil 4: Hannan 12:32

ꠀꠝꠣꠞꠦ ꠎꠦꠛꠟꠣ ꠎꠝꠤꠘ ꠕꠣꠇꠤ ꠃꠙꠞꠦ ꠔꠥꠟꠣ ꠅꠁꠛ, ꠅꠃ ꠡꠝꠄ ꠀꠝꠤ ꠢꠇꠟꠞꠦ ꠀꠝꠣꠞ ꠉꠦꠍꠦ ꠐꠣꠘꠤꠀ ꠔꠥꠟꠝꠥ।”

Injil 4: Hannan 6:40

ꠀꠝꠣꠞ ꠛꠣꠚꠞ ꠝꠥꠘꠡꠣ ꠅꠁꠟ, ꠎꠣꠞꠣ ꠔꠣꠘ ꠙꠥꠔꠞꠦ ꠖꠦꠈꠤꠀ ꠔꠣꠘ ꠃꠙꠞꠦ ꠁꠝꠣꠘ ꠀꠘꠦ, ꠔꠣꠞꠣ ꠎꠣꠘꠥ ꠀꠈꠦꠞ ꠙꠣꠄ। ꠀꠞ ꠀꠝꠤꠃ ꠔꠣꠞꠣꠞꠦ ꠞꠥꠎ ꠢꠣꠡꠞꠅ ꠎꠤꠘ꠆ꠖꠣ ꠇꠞꠤ ꠔꠥꠟꠝꠥ।”

Injil 6: Ruman 1:17

ꠅꠃ ꠈꠥꠡ-ꠈꠛꠞꠤꠞ ꠝꠣꠎꠦꠃ ꠔ ꠛꠣꠔꠣꠁꠟ ꠅꠁꠍꠦ, ꠀꠟ꠆ꠟꠣꠄ ꠇꠤꠟꠣ ꠝꠣꠘꠡꠞꠦ ꠛꠦ-ꠇꠍꠥꠞ ꠈꠣꠟꠣꠍ ꠢꠤꠡꠣꠛꠦ ꠇꠛꠥꠟ ꠇꠞꠂꠘ। ꠈꠣꠟꠤ ꠁꠝꠣꠘꠞ ꠝꠣꠎꠖꠤꠃ ꠝꠣꠘꠡꠞꠦ ꠀꠃꠀꠟ ꠕꠣꠇꠤ ꠀꠈꠦꠞ ꠙꠞ꠆ꠎꠘ꠆ꠔ ꠛꠦ-ꠇꠍꠥꠞ ꠈꠣꠟꠣꠍ ꠇꠁꠀ ꠉꠁꠘ꠆ꠘ ꠇꠞꠣ ꠅꠄ। ꠎꠦꠟꠣ ꠇꠤꠔꠣꠛꠅ ꠟꠦꠈꠣ ꠀꠍꠦ, “ꠁꠝꠣꠘꠞ ꠛꠟꠦꠃ ꠛꠦ-ꠇꠍꠥꠞ ꠈꠣꠟꠣꠍ ꠅꠀ ꠎꠘꠞ ꠎꠣꠘ ꠛꠣꠌꠤꠛ।”

Injil 6: Ruman 8:3

ꠞꠇ꠆ꠔ-ꠝꠣꠋꠡꠞ ꠡꠞꠤꠟꠞ ꠛꠖ ꠈꠣꠁꠡꠞ ꠟꠣꠉꠤ ꠡꠞꠤꠅꠔꠦ ꠀꠝꠞꠣꠞꠦ ꠛꠣꠌꠣꠁꠔ ꠙꠣꠞꠍꠦ ꠘꠣ, ꠀꠞ ꠡꠞꠤꠅꠔꠦ ꠎꠦꠔꠣ ꠇꠞꠔ ꠙꠣꠞꠍꠦ ꠘꠣ, ꠀꠟ꠆ꠟꠣꠄ ꠔ ꠘꠤꠎꠦꠃ ꠁꠔꠣ ꠇꠞꠍꠂꠘ। ꠔꠣꠁꠘ ꠔꠣꠘ ꠘꠤꠎꠞ ꠈꠣꠍ ꠝꠣꠄꠀꠞ ꠎꠘ ꠁꠛꠘꠥꠟ꠆ꠟꠣꠞꠦ ꠀꠝꠞꠣꠞ ꠟꠣꠈꠣꠘ ꠉꠥꠘꠣꠉꠣꠞ ꠝꠣꠘꠡꠞ ꠍꠥꠞꠔꠦ ꠙꠣꠑꠣꠁꠟꠣ, ꠉꠥꠘꠣꠞ ꠈꠦꠝꠔꠣꠞꠦ ꠛꠤꠘꠣꠡ ꠇꠞꠣꠞ ꠟꠣꠉꠤ। ꠀꠞ ꠅꠃ ꠝꠣꠄꠀꠞ ꠎꠘꠞ ꠎꠣꠘ ꠇꠥꠞꠛꠣꠘꠤꠞ ꠝꠣꠎꠖꠤ ꠉꠥꠘꠣꠞ ꠛꠤꠌꠣꠞ ꠇꠞꠤꠀ ꠔꠣꠞ ꠈꠦꠝꠔꠣꠞꠦ ꠛꠣꠔꠤꠟ ꠇꠞꠤ ꠖꠤꠟꠣ।

Injil 8: 2-Korintia 5:21

ꠢꠎꠞꠔ ꠁꠍꠣ ꠀꠟ-ꠝꠍꠤꠄ ꠔ ꠇꠥꠘꠥ ꠉꠥꠘꠣ-ꠘꠣꠚꠞꠝꠣꠘꠤ ꠇꠞꠍꠂꠘ ꠘꠣ। ꠅꠁꠟꠦ ꠀꠝꠞꠣ ꠢꠇꠟꠞ ꠉꠥꠘꠣꠞ ꠡꠣꠎꠣ ꠀꠟ꠆ꠟꠣꠄ ꠔꠣꠘ ꠇꠣꠘ꠆ꠖꠅ ꠔꠥꠟꠤ ꠖꠤꠟꠣ, ꠎꠣꠔꠦ ꠔꠣꠘ ꠃꠙꠞꠦ ꠁꠝꠣꠘ ꠀꠘꠣꠞ ꠝꠣꠎꠖꠤ ꠀꠟ꠆ꠟꠣꠁ ꠙꠛꠤꠔ꠆ꠞꠔꠣꠄ ꠀꠝꠞꠣ ꠙꠞꠦꠎꠉꠣꠞ ꠢꠤꠡꠣꠛꠦ ꠇꠛꠥꠟ ꠅꠁ।

Injil 19: Ibrani 12:2

ꠀꠃꠇ꠆ꠇꠣ, ꠀꠝꠞꠣꠞ ꠘꠎꠞ ꠞꠣꠈꠤ ꠝꠣꠟꠤꠇ ꠁꠍꠣꠞ ꠛꠣꠄ, ꠀꠃꠀꠟ ꠕꠣꠇꠤ ꠀꠈꠦꠞ ꠙꠞ꠆ꠎꠘ꠆ꠔ ꠔꠣꠁꠘ ꠅꠁꠟꠣ ꠀꠝꠞꠣꠞ ꠁꠝꠣꠘꠞ ꠝꠥꠟ ꠈꠥꠐꠤ। ꠔꠣꠘ ꠟꠣꠉꠤ ꠎꠦ ꠈꠥꠡꠤ ꠞꠣꠈꠣ ꠅꠁꠍꠦ, ꠅꠃ ꠈꠥꠡꠤꠞ ꠛꠣꠄꠖꠤ ꠌꠣꠁꠀ, ꠖꠥꠈ-ꠇꠡ꠆ꠐꠞ ꠍꠟꠤꠛꠞ ꠃꠙꠞꠞ ꠝꠃꠔꠞꠦꠅ ꠇꠛꠥꠟ ꠇꠞꠟꠣ, ꠁ ꠛꠦꠁꠎ꠆ꠎꠔꠤꠞꠦ ꠇꠥꠘꠥ ꠖꠣꠝ ꠖꠤꠟꠣ ꠘꠣ। ꠀꠞ ꠅꠈꠘ ꠀꠞꠡꠦ-ꠀꠎꠤꠝꠅ ꠀꠟ꠆ꠟꠣꠞ ꠒꠣꠁꠘꠞ ꠔꠈ꠆ꠔꠅ ꠔꠣꠁꠘ ꠔꠡꠞꠤꠚ ꠞꠣꠈꠍꠂꠘ।

Injil 23: 1-Hannan 3:8

ꠅꠁꠟꠦ ꠉꠥꠘꠣꠞ ꠙꠕꠞ ꠀꠡꠤꠇ ꠎꠦꠞꠣ, ꠔꠣꠞꠣ ꠡꠄꠔꠣꠘꠞ ꠝꠥꠞꠤꠖ, ꠁꠛꠟꠤꠍ-ꠡꠄꠔꠣꠘꠦ ꠔ ꠙꠄꠟꠣ ꠕꠣꠇꠤꠃ ꠉꠥꠘꠣ ꠇꠞꠦꠞ। ꠔꠣꠞ ꠇꠣꠝꠞꠦ ꠛꠤꠘꠣꠡ ꠇꠞꠣꠞ ꠘꠤꠅꠔꠦ, ꠅꠈꠘ ꠀꠟ꠆ꠟꠣꠞ ꠈꠣꠍ ꠝꠣꠄꠀꠞ ꠎꠘ ꠁꠛꠘꠥꠟ꠆ꠟꠣ ꠁ ꠖꠥꠘꠤꠀꠔ ꠎꠣꠁꠞ ꠅꠁꠟꠣ।