ꠔꠃꠞꠣꠔ ৪: ꠡꠥꠝꠣꠞꠤ 21:7 - Siloṭi Asmani Kitab (Nagri lipi)

⁷ ꠔꠦꠃ ꠝꠣꠘꠡꠦ ꠉꠤꠀ ꠝꠥꠍꠣꠞꠦ ꠇꠁꠟꠣ, “ꠀꠝꠞꠣ ꠔ ꠀꠙꠘꠣꠞ ꠀꠞ ꠝꠣꠛꠥꠖꠞ ꠛꠤꠞꠥꠖ꠆ꠖꠦ ꠝꠣꠔꠤꠀ ꠉꠥꠘꠣ ꠇꠞꠤꠟꠤꠍꠤ। ꠔꠦ ꠀꠙꠘꠦ ꠅꠈꠘ ꠝꠣꠛꠥꠖꠞ ꠖꠞꠛꠣꠞꠅ ꠝꠤꠘꠔꠤ ꠇꠞꠃꠇ꠆ꠇꠣ, ꠎꠣꠔꠦ ꠅꠃ ꠢꠣꠚ ꠉꠥꠁꠘ ꠀꠝꠞꠣꠞ ꠉꠦꠍ ꠕꠣꠇꠤ ꠢꠞꠣꠁꠀ ꠘꠦꠁꠘꠉꠤ।” ꠔꠦꠃ ꠝꠥꠍꠣꠄ ꠔꠣꠞꠣꠞ ꠟꠣꠉꠤ ꠝꠤꠘꠔꠤ ꠇꠞꠟꠣ।

ছিলটি আছমানি কিতাব (বাংলা লিপি)

⁷ তেউ মানষে গিয়া মুছারে কইলা, “আমরা তো আপনার আর মাবুদর বিরুদ্ধে মাতিয়া গুনা করিলিছি। তে আপনে অখন মাবুদর দরবারো মিনতি করউক্কা, যাতে অউ হাফ গুইন আমরার গেছ থাকি হরাইয়া নেইনগি।” তেউ মুছায় তারার লাগি মিনতি করলা।

Siloṭi Asmani Kitab (Latin lipi)

⁷ Teu manshe gia Musare ḳoila, “Amra to afnar ar Mabudor birudde matia guna ḳorilisi. Te afne oḳon Mabudor dorbaro minoti koroukka, zate ou haf guin amrar ges taki horaia neingi.” Teu Musae tarar lagi minoti korla.

ꠔꠃꠞꠣꠔ ৪: ꠡꠥꠝꠣꠞꠤ 21:7 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 20:17

ꠛꠣꠖꠦ ꠁꠛ꠆ꠞꠣꠢꠤꠝꠦ ꠀꠟ꠆ꠟꠣꠞ ꠉꠦꠍꠦ ꠖꠥꠀ ꠇꠞꠟꠣ, ꠀꠞ ꠀꠟ꠆ꠟꠣꠄ ꠀꠛꠤꠝꠣꠟꠤꠇ, ꠔꠣꠘ ꠛꠃ ꠀꠞ ꠔꠣꠘ ꠛꠣꠘ꠆ꠖꠤ ꠅꠇꠟꠞꠦ ꠡꠤꠚꠣ ꠇꠞꠟꠣ ꠀꠞ ꠔꠣꠞꠣꠞ ꠢꠥꠞꠥꠔ꠆ꠔꠣꠅ ꠅꠁꠟꠣ।

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 20:7

ꠅꠈꠘ ꠔꠥꠝꠤ ꠔꠣꠘ ꠛꠤꠛꠤꠞꠦ ꠔꠣꠘ ꠉꠦꠍꠦ ꠚꠤꠞꠔ ꠖꠤꠟꠣꠅ। ꠔꠣꠁꠘ ꠄꠇꠎꠘ ꠘꠛꠤ। ꠔꠣꠁꠘ ꠔꠥꠝꠣꠞ ꠟꠣꠉꠤ ꠖꠥꠀ ꠇꠞꠛꠣ, ꠔꠦꠃ ꠔꠥꠝꠣꠞ ꠎꠣꠘ ꠛꠣꠌꠛ। ꠀꠞ ꠎꠥꠖꠤ ꠔꠣꠁꠞꠦ ꠚꠤꠞꠔ ꠘꠣ ꠖꠦꠅ, ꠔꠦ ꠎꠣꠘꠤꠟꠤꠅ, ꠔꠥꠝꠤ ꠀꠞ ꠔꠥꠝꠣꠞ ꠢꠇꠟꠃ ꠘꠤꠌꠄ ꠝꠞꠛꠣꠄ।”

ꠔꠃꠞꠣꠔ ২: ꠢꠤꠎꠞꠔ 10:17

ꠔꠦ ꠝꠤꠘꠔ ꠇꠞꠤꠀꠞ, ꠈꠣꠟꠤ ꠄꠇꠈꠣꠘ ꠛꠣꠞ ꠀꠝꠣꠞ ꠉꠥꠘꠣ ꠝꠣꠚ ꠇꠞꠤ ꠖꠦꠅ। ꠀꠝꠣꠞ ꠉꠦꠍ ꠕꠣꠇꠤ ꠁ ꠝꠞꠘ ꠀꠙꠖꠞꠦ ꠢꠞꠣꠁ ꠘꠦꠅꠀꠞ ꠟꠣꠉꠤ, ꠔꠥꠝꠞꠣꠞ ꠝꠣꠛꠥꠖ ꠀꠟ꠆ꠟꠣꠞꠦ ꠝꠤꠘꠔ ꠇꠞꠅ।”

ꠔꠃꠞꠣꠔ ২: ꠢꠤꠎꠞꠔ 32:11

ꠔꠦꠃ ꠝꠥꠍꠣꠄ ꠔꠣꠘ ꠝꠣꠛꠥꠖ ꠀꠟ꠆ꠟꠣꠞꠦ ꠝꠤꠘꠔ-ꠇꠣꠎ꠆ꠎꠤ ꠇꠞꠤꠀ ꠇꠁꠟꠣ, “ꠅ ꠝꠣꠛꠥꠖ, ꠔꠥꠝꠤ ꠔꠥꠝꠣꠞ ꠇꠥꠖꠞꠔꠤ ꠀꠔ ꠖꠤꠀ ꠔꠥꠝꠣꠞ ꠝꠢꠣ ꠇꠥꠖꠞꠔꠤ ꠛꠟꠦ ꠎꠦꠔꠣꠞꠦ ꠝꠤꠡꠞ ꠕꠣꠇꠤ ꠛꠣꠞ ꠇꠞꠤ ꠀꠘꠍ, ꠔꠣꠞꠣꠞ ꠃꠙꠞꠦ ꠔꠥꠝꠤ ꠇꠦꠘꠦ ꠅꠔ ꠉꠥꠍꠣ ꠅꠁꠟꠣꠄ?

ꠔꠃꠞꠣꠔ ২: ꠢꠤꠎꠞꠔ 32:30

ꠛꠣꠖꠞ ꠖꠤꠘ ꠝꠥꠍꠣꠄ ꠝꠣꠘꠡꠞꠦ ꠇꠁꠟꠣ, “ꠔꠥꠝꠞꠣ ꠔ ꠛꠦꠎꠥꠁꠔꠣ ꠉꠥꠘꠣ ꠇꠞꠍ। ꠔꠦ ꠀꠝꠤ ꠅꠈꠘ ꠢꠤꠞꠛꠣꠞ ꠔꠥꠞ ꠙꠣꠠꠅ ꠝꠣꠛꠥꠖꠞ ꠖꠞꠛꠣꠞꠅ ꠎꠣꠁꠞꠣꠝ, ꠙꠣꠞꠟꠦ ꠔꠥꠝꠞꠣꠞ ꠉꠥꠘꠣ ꠝꠣꠚꠤꠞ ꠇꠚꠞꠣꠞ ꠇꠥꠘꠥ ꠙꠕ ꠛꠣꠞ ꠇꠞꠝꠥ।”

ꠔꠃꠞꠣꠔ ২: ꠢꠤꠎꠞꠔ 8:28

ꠚꠦꠞꠣꠃꠘꠦ ꠇꠁꠟꠣ, “ꠀꠝꠤ ꠔꠥꠝꠞꠣꠞꠦ ꠍꠣꠠꠤ ꠖꠤꠀꠞ, ꠔꠥꠝꠞꠣ ꠝꠞꠥꠜꠥꠝꠤꠔ ꠉꠤꠀ ꠔꠥꠝꠞꠣꠞ ꠀꠟ꠆ꠟꠣꠞ ꠇꠥꠞꠛꠣꠘꠤ ꠇꠞꠅ। ꠅꠁꠟꠦ ꠛꠦꠡꠤ ꠖꠥꠞꠁ ꠎꠣꠁꠅ ꠘꠣ, ꠔꠥꠝꠞꠣ ꠀꠝꠣꠞ ꠟꠣꠉꠤꠅ ꠝꠤꠘꠔ ꠇꠞꠤꠅ।”

ꠔꠃꠞꠣꠔ ২: ꠢꠤꠎꠞꠔ 8:4

ꠔꠥꠝꠣꠞ, ꠀꠞ ꠔꠥꠝꠣꠞ ꠃꠎꠤꠞ-ꠘꠣꠎꠤꠞꠞ, ꠀꠞ ꠙ꠆ꠞꠎꠣ ꠅꠇꠟꠞ ꠉꠔꠞꠅ ꠛꠦꠋ ꠃꠑꠤꠛꠣ।”

ꠔꠃꠞꠣꠔ ২: ꠢꠤꠎꠞꠔ 8:8

ꠛꠣꠖꠦ ꠚꠦꠞꠣꠃꠘꠦ ꠝꠥꠍꠣ ꠀꠞ ꠢꠣꠞꠥꠘꠞꠦ ꠀꠘꠣꠁꠀ ꠇꠁꠟꠣ, “ꠝꠣꠛꠥꠖꠞ ꠉꠦꠍꠦ ꠀꠞꠎ ꠇꠞꠅ, ꠔꠣꠁꠘ ꠀꠝꠣꠞ ꠉꠦꠍ ꠕꠣꠇꠤ ꠀꠞ ꠀꠝꠣꠞ ꠙ꠆ꠞꠎꠣ ꠅꠇꠟꠞ ꠉꠦꠍ ꠕꠣꠇꠤ ꠁ ꠛꠦꠋ ꠅꠇꠟ ꠢꠞꠣꠁꠀ ꠘꠦꠃꠇ꠆ꠇꠣ, ꠔꠣꠁꠟꠦ ꠀꠝꠤ ꠝꠣꠘꠡꠞꠦ ꠍꠣꠠꠤ ꠖꠤꠝꠥ, ꠎꠣꠔꠦ ꠔꠣꠞꠣ ꠉꠤꠀ ꠝꠣꠛꠥꠖꠞ ꠘꠣꠝꠦ ꠇꠥꠞꠛꠣꠘꠤ ꠇꠞꠔ ꠙꠣꠞꠦ।”

ꠔꠃꠞꠣꠔ ৪: ꠡꠥꠝꠣꠞꠤ 11:2

ꠄꠞꠖꠣꠄ ꠔꠣꠞꠣ ꠝꠥꠍꠣ ꠘꠛꠤꠞ ꠉꠦꠍꠦ ꠉꠤꠀ ꠇꠣꠘ꠆ꠖꠣ-ꠇꠣꠐꠤ ꠟꠣꠉꠣꠁꠟꠣ, ꠔꠦꠃ ꠝꠥꠍꠣꠄ ꠝꠣꠛꠥꠖꠞ ꠖꠞꠛꠣꠞꠅ ꠖꠥꠀ ꠇꠞꠣꠄ ꠀꠉꠥꠁꠘ ꠘꠤꠜꠤ ꠉꠦꠟ।

ꠁꠘ꠆ꠎꠤꠟ ১: ꠝꠕꠤ 27:4

“ꠀꠝꠤ ꠔ ꠄꠇꠎꠘ ꠘꠤ-ꠅꠙꠞꠣꠗꠤ ꠝꠣꠘꠡꠞꠦ ꠎꠣꠘꠦ ꠝꠣꠞꠤꠟꠤꠛꠣꠞ ꠟꠣꠉꠤ ꠗꠞꠣꠁ ꠖꠤꠀ ꠉꠥꠘꠣ ꠇꠞꠍꠤ।” ꠁꠈꠣꠘ ꠢꠥꠘꠤꠀ ꠔꠣꠞꠣ ꠇꠁꠟꠣ, “ꠔꠦꠃ ꠀꠝꠞꠣꠞ ꠇꠤꠔꠣ ꠅꠁꠟ? ꠁꠔꠣ ꠔ ꠔꠥꠝꠣꠞ ꠛꠦꠙꠣꠞ।”

Injil 5: Sahabi Nama 8:24

ꠔꠦꠃ ꠍꠣꠁꠝꠘꠦ ꠇꠁꠟꠣ, “ꠀꠙꠘꠣꠞꠣ ꠀꠟ꠆ꠟꠣꠞ ꠉꠦꠍꠦ ꠀꠝꠣꠞ ꠟꠣꠉꠤ ꠖꠥꠀ ꠇꠞꠃꠇ꠆ꠇꠣ, ꠎꠣꠔꠦ ꠀꠙꠘꠣꠞꠣ ꠎꠦꠔꠣ ꠎꠦꠔꠣ ꠇꠁꠍꠂꠘ ꠁꠔꠣ ꠎꠣꠘꠥ ꠀꠝꠣꠞ ꠃꠙꠞꠦ ꠘꠣ ꠀꠄ।”

Injil 6: Ruman 10:1

ꠔꠦ ꠅ ꠜꠣꠁ ꠅꠇꠟ, ꠛꠘꠤ ꠁꠍꠞꠣꠁꠟꠞ ꠟꠣꠉꠤ ꠀꠝꠣꠞ ꠖꠤꠟꠞ ꠅꠃ ꠚꠞꠤꠀꠖ ꠀꠍꠦ, ꠀꠝꠤ ꠀꠟ꠆ꠟꠣꠞ ꠖꠞꠛꠣꠞꠅ ꠖꠥꠀ ꠇꠞꠤꠀꠞ, ꠔꠣꠞꠣ ꠎꠣꠘꠥ ꠘꠣꠎꠣꠔ ꠙꠣꠁꠘ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 9:20

ꠝꠣꠛꠥꠖꠦ ꠢꠣꠞꠥꠘꠞ ꠃꠙꠞꠦꠅ ꠈꠥꠛ ꠉꠥꠍꠣ ꠅꠁꠀ ꠔꠣꠘꠞꠦ ꠡꠦꠡ ꠇꠞꠤꠟꠔꠣ ꠌꠣꠁꠟꠣ, ꠔꠦꠃ ꠀꠝꠤ ꠢꠣꠞꠥꠘꠞ ꠟꠣꠉꠤꠅ ꠔꠣꠘ ꠖꠞꠛꠣꠞꠅ ꠝꠤꠘꠔꠤ ꠇꠞꠟꠣꠝ।

Injil 20: Iakub 5:16

ꠄꠞꠟꠣꠉꠤ ꠔꠥꠝꠞꠣ ꠄꠇꠎꠘꠦ ꠀꠞꠇ ꠎꠘꠞ ꠉꠦꠍꠦ ꠎꠣꠞꠎꠤꠞ ꠉꠥꠘꠣ ꠡ꠆ꠛꠤꠇꠣꠞ ꠇꠞꠅ, ꠀꠞ ꠄꠇꠦ-ꠅꠁꠘ꠆ꠘꠞ ꠟꠣꠉꠤ ꠖꠥꠀ ꠇꠞꠅ, ꠎꠣꠔꠦ ꠜꠣꠟꠣ ꠅꠁꠔꠣꠄ ꠙꠣꠞ। ꠙꠞꠦꠎꠉꠣꠞ ꠅꠇꠟꠞ ꠝꠥꠘꠣꠎꠣꠔ ꠀꠌꠣꠘꠇ ꠛꠟꠀꠟꠣ।