ꠔꠃꠞꠣꠔ ৪: ꠡꠥꠝꠣꠞꠤ 21:5 - Siloṭi Asmani Kitab (Nagri lipi)

⁵ ꠝꠥꠍꠣ ꠘꠛꠤ ꠀꠞ ꠀꠟ꠆ꠟꠣ ꠙꠣꠇꠞ ꠛꠤꠞꠥꠖ꠆ꠖꠦ ꠝꠣꠔꠣ-ꠝꠣꠔꠤ ꠟꠣꠉꠣꠁꠟꠣ, ꠔꠣꠞꠣ ꠇꠁꠟꠣ, “ꠀꠝꠞꠣꠞꠦ ꠝꠤꠡꠞ ꠖꠦꠡ ꠕꠣꠇꠤ ꠇꠦꠘꠦ ꠛꠣꠞ ꠇꠞꠤ ꠀꠘꠟꠣꠄ, ꠅꠃ ꠝꠞꠥꠜꠥꠝꠤꠔ ꠀꠘꠤꠀ ꠝꠣꠞꠣꠞ ꠟꠣꠉꠤ ꠘꠤ? ꠁꠘꠅ ꠔ ꠈꠣꠘꠤꠅ ꠘꠣꠁ, ꠙꠣꠘꠤꠅ ꠘꠣꠁ। ꠀꠞ ꠅꠟꠣ ꠛꠣꠎꠦ ꠈꠣꠘꠤ ꠀꠝꠞꠣ ꠖꠥꠁ ꠌꠃꠈꠦ ꠖꠦꠈꠔꠣꠝ ꠙꠣꠞꠤ ꠘꠣ।”

ছিলটি আছমানি কিতাব (বাংলা লিপি)

⁵ মুছা নবী আর আল্লা পাকর বিরুদ্ধে মাতা-মাতি লাগাইলা, তারা কইলা, “আমরারে মিসর দেশ থাকি কেনে বার করি আনলায়, অউ মরুভুমিত আনিয়া মারার লাগি নি? ইনো তো খানিও নাই, পানিও নাই। আর অলা বাজে খানি আমরা দুই চউখে দেখতাম পারি না।”

Siloṭi Asmani Kitab (Latin lipi)

⁵ Musa nobi ar Alla Pakor birudde mata-mati lagaila, tara ḳoila, “Amrare Mishor desh taki kene bar ḳori anlae, ou morubumit ania marar lagi ni? Ino to ḳani-o nai, fani-o nai. Ar ola baze ḳani amra dui souke deḳtam fari na.”

ꠔꠃꠞꠣꠔ ৪: ꠡꠥꠝꠣꠞꠤ 21:5 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 14:11

ꠔꠣꠞꠣ ꠝꠥꠍꠣꠞꠦ ꠇꠁꠟꠣ, “ꠝꠤꠡꠞꠅ ꠇꠄꠛꠞ ꠖꠤꠛꠣꠞ ꠎꠣꠉꠣ ꠘꠣꠁ ꠖꠦꠈꠤꠀ, ꠀꠝꠞꠣꠞꠦ ꠝꠣꠞꠔꠣꠄ ꠇꠞꠤ ꠅꠃ ꠝꠞꠥꠜꠥꠝꠤꠔ ꠟꠁꠀ ꠀꠁꠍ ꠘꠤ? ꠔꠥꠝꠤ ꠁꠔꠣ ꠇꠤꠔꠣ ꠇꠞꠟꠣꠄ? ꠇꠦꠘꠦ ꠀꠝꠞꠣꠞꠦ ꠝꠤꠡꠞ ꠕꠣꠇꠤ ꠛꠣꠞ ꠇꠞꠟꠣꠄ?

ꠔꠃꠞꠣꠔ ২: ꠢꠤꠎꠞꠔ 15:24

ꠀꠞ ꠝꠣꠘꠡꠦ ꠝꠥꠍꠣꠞ ꠛꠤꠞꠥꠖ꠆ꠖꠦ ꠇꠣꠘꠣ-ꠇꠣꠘꠤ ꠇꠞꠤ ꠇꠁꠟꠣ, “ꠀꠝꠞꠣ ꠅꠈꠘ ꠙꠣꠘꠤ ꠈꠣꠁꠔꠣꠝ ꠇꠤꠟꠣ?”

ꠔꠃꠞꠣꠔ ২: ꠢꠤꠎꠞꠔ 16:15

ꠁꠔꠣ ꠖꠦꠈꠤꠀ ꠛꠘꠤ ꠁꠍꠞꠣꠁꠟꠦ ꠄꠇꠦ-ꠅꠁꠘ꠆ꠘꠦ ꠎꠤꠇꠣꠁꠟꠣ, “ꠅꠛꠣ, ꠁꠔꠣ ꠇꠤꠔꠣ? ꠁꠔꠣ ꠇꠤꠔꠣ ꠙꠠꠍꠦ, ꠀꠝꠞꠣ ꠇꠦꠃ ꠔ ꠌꠤꠘꠞꠣꠝ ꠘꠣ।” ꠔꠦꠃ ꠝꠥꠍꠣꠄ ꠇꠁꠟꠣ, “ꠁꠔꠣ ꠔ ꠛꠦꠢꠦꠡ꠆ꠔꠤ ꠈꠣꠘꠤ, ꠔꠥꠝꠞꠣ ꠈꠣꠁꠔꠣꠄ ꠇꠞꠤ ꠝꠣꠛꠥꠖꠦ ꠖꠣꠘ ꠇꠞꠍꠂꠘ।

ꠔꠃꠞꠣꠔ ২: ꠢꠤꠎꠞꠔ 16:31

ꠛꠘꠤ ꠁꠍꠞꠣꠁꠟꠦ ꠁ ꠈꠣꠘꠤꠞ ꠘꠣꠝ ꠕꠁꠟ, ꠝꠣꠘ꠆ꠘꠣ; ꠁꠔꠣ ꠖꠦꠈꠔꠦ ꠗꠟꠣ ꠒꠥꠟꠣ ꠛꠤꠌꠤꠞ ꠟꠣꠈꠣꠘ, ꠀꠞ ꠈꠣꠁꠔꠦ ꠝꠃ ꠝꠣꠈꠣꠁꠟ ꠙꠤꠑꠣꠞ ꠟꠣꠈꠣꠘ ꠝꠎꠣ।

ꠔꠃꠞꠣꠔ ৪: ꠡꠥꠝꠣꠞꠤ 11:20

ꠙꠥꠞꠣ ꠄꠇ ꠝꠣꠡ ꠜꠞꠤ ꠈꠣꠁꠛꠣ। ꠈꠣꠁꠔꠦ ꠈꠣꠁꠔꠦ ꠔꠣꠞꠣꠞ ꠘꠣꠇꠦꠖꠤ ꠛꠣꠞ ꠅꠁꠛ, ꠛꠣꠖꠦ ꠀꠞ ꠎꠣꠘꠦ ꠇꠥꠟꠣꠁꠔ ꠘꠣꠄ। ꠀꠝꠤ ꠁꠟꠣ ꠊꠐꠣꠁꠝꠥ, ꠇꠣꠞꠘ ꠔꠥꠝꠞꠣꠞ ꠟꠉꠦ ꠎꠦ ꠝꠣꠛꠥꠖ ꠛꠡꠔ ꠇꠞꠂꠘ, ꠅꠃ ꠝꠣꠛꠥꠖꠞꠦ ꠔꠥꠝꠞꠣ ꠝꠣꠘꠍ ꠘꠣ। ꠔꠣꠘ ꠍꠣꠝꠘꠦ ꠇꠣꠘ꠆ꠖꠣ-ꠇꠣꠐꠤ ꠇꠞꠤꠀ ꠇꠁꠍ, ꠝꠤꠡꠞ ꠕꠣꠇꠤ ꠢꠞꠤꠀ ꠀꠅꠀ ꠛꠥꠟꠦ ꠔꠥꠝꠞꠣꠞ ꠟꠣꠉꠤ ꠑꠤꠇ ꠅꠁꠍꠦ ꠘꠣ।”

ꠔꠃꠞꠣꠔ ৪: ꠡꠥꠝꠣꠞꠤ 16:41

ꠅꠁꠟꠦ ꠛꠣꠖꠞ ꠖꠤꠘꠃ ꠛꠘꠤ ꠁꠍꠞꠣꠁꠟꠞ ꠝꠣꠘꠡꠦ ꠢꠎꠞꠔ ꠝꠥꠍꠣ ꠀꠞ ꠢꠣꠞꠥꠘꠞ ꠛꠤꠞꠥꠖ꠆ꠖꠦ ꠛꠦꠞ-ꠛꠦꠞꠤ ꠟꠣꠉꠣꠁꠟ, ꠔꠣꠞꠣ ꠇꠁꠟ, “ꠝꠣꠛꠥꠖꠞ ꠛꠘ꠆ꠖꠣ ꠅꠇꠟꠞꠦ ꠔꠥꠝꠞꠣꠃ ꠝꠣꠞꠍ।”

ꠔꠃꠞꠣꠔ ৪: ꠡꠥꠝꠣꠞꠤ 17:12

ꠁꠔꠣ ꠖꠦꠈꠤꠀ ꠛꠘꠤ ꠁꠍꠞꠣꠁꠟꠦ ꠝꠥꠍꠣꠞꠦ ꠇꠁꠟꠣ, “ꠀꠝꠞꠣ ꠔ ꠝꠞꠤꠎꠣꠁꠀꠞ, ꠛꠤꠘꠣꠡ ꠅꠁꠎꠤꠀꠞ, ꠀꠝꠞꠣꠞ ꠡꠞ꠆ꠛꠘꠣꠡ ꠅꠁꠎꠣꠞ!

Injil 7: 1-Korintia 10:9

ꠔꠣꠞꠣꠞ ꠝꠣꠎꠞ ꠛꠃꠔꠦ ꠝꠣꠟꠤꠇ ꠝꠃꠟꠣꠞꠦ ꠙꠞꠤꠇ꠆ꠇꠣ ꠇꠞꠣꠔ ꠟꠣꠉꠤꠀ ꠢꠣꠚꠞ ꠇꠣꠝꠠ ꠈꠣꠁꠀ ꠝꠞꠍꠂꠘ। ꠀꠝꠞꠣ ꠎꠣꠘꠥ ꠔꠣꠘꠞꠦ ꠁꠟꠣ ꠙꠞꠤꠇ꠆ꠇꠣ ꠘꠣ ꠇꠞꠤ।