ꠔꠃꠞꠣꠔ ৪: ꠡꠥꠝꠣꠞꠤ 21:2 - Siloṭi Asmani Kitab (Nagri lipi)

² ꠔꠦꠃ ꠛꠘꠤ ꠁꠍꠞꠣꠁꠟꠦ ꠝꠣꠛꠥꠖꠞ ꠖꠞꠛꠣꠞꠅ ꠝꠣꠘ꠆ꠘꠔ ꠝꠣꠘꠤꠀ ꠇꠁꠟ, “ꠅ ꠝꠣꠛꠥꠖ, ꠔꠥꠝꠤ ꠎꠥꠖꠤ ꠅꠞꠣꠖꠞ ꠅꠃ ꠛꠣꠡꠤꠘ꠆ꠖꠣ ꠅꠇꠟꠞꠦ ꠀꠝꠞꠣꠞ ꠀꠔꠅ ꠡꠙꠤꠀ ꠖꠦꠅ, ꠔꠦ ꠀꠝꠞꠣ ꠔꠣꠞꠣꠞ ꠉꠣꠃ-ꠉꠦꠞꠣꠝ ꠀꠞ ꠐꠣꠃꠘ ꠅꠇꠟ ꠄꠇ꠆ꠇꠦꠛꠣꠞꠦ ꠛꠤꠘꠣꠡ ꠇꠞꠤꠟꠤꠝꠥ।”

ছিলটি আছমানি কিতাব (বাংলা লিপি)

² তেউ বনি ইছরাইলে মাবুদর দরবারো মান্নত মানিয়া কইলো, “ও মাবুদ, তুমি যুদি অরাদর অউ বাসিন্দা অকলরে আমরার আতো সপিয়া দেও, তে আমরা তারার গাউ-গেরাম আর টাউন অকল এক্কেবারে বিনাশ করিলিমু।”

Siloṭi Asmani Kitab (Latin lipi)

² Teu Boni Israile Mabudor dorbaro mannot mania ḳoilo, “O Mabud, tumi zudi Orador ou bashinda oḳolre amrar ato shofia deo, te amra tarar gau-geram ar ṭaun oḳol ekkebare binash ḳorilimu.”

ꠔꠃꠞꠣꠔ ৪: ꠡꠥꠝꠣꠞꠤ 21:2 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 28:20

ꠛꠣꠖꠦ ꠁꠀꠇꠥꠛꠦ ꠇꠍꠝ ꠈꠣꠁꠀ ꠇꠁꠟꠣ, “ꠀꠟ꠆ꠟꠣꠄ ꠎꠥꠖꠤ ꠀꠝꠣꠞ ꠁ ꠍꠚꠞꠅ ꠢꠦꠚꠣꠎꠔ ꠇꠞꠂꠘ, ꠔꠣꠁꠘ ꠀꠝꠣꠞ ꠈꠣꠘꠤ-ꠈꠥꠞꠣꠇ, ꠚꠤꠘ꠆ꠖꠣꠞ ꠟꠦꠛꠣꠍ ꠎꠥꠉꠣꠁ ꠖꠦꠁꠘ,

Injil 7: 1-Korintia 16:22

ꠝꠣꠟꠤꠇ ꠁꠍꠣꠞꠦ ꠎꠥꠖꠤ ꠇꠦꠃ ꠝꠢꠛ꠆ꠛꠔ ꠘꠣ ꠇꠞꠦ, ꠔꠦ ꠔꠣꠞ ꠃꠙꠞꠦ ꠟꠣꠘ꠆ꠘꠔ ꠙꠠꠃꠇ। ꠝꠣꠞꠣꠘꠣ ꠕꠣ! ꠝꠣꠘꠤ, ꠅ ꠀꠝꠞꠣꠞ ꠝꠣꠟꠤꠇ, ꠔꠡꠞꠤꠚ ꠀꠘꠃꠇ꠆ꠇꠣ!

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 13:15

ꠔꠦ ꠢꠘꠞ ꠢꠇꠟ ꠛꠣꠡꠤꠘ꠆ꠖꠣꠞꠦ ꠎꠣꠘꠦ ꠝꠣꠞꠤꠟꠤꠅ। ꠢꠃ ꠉꠣꠃ ꠛꠣ ꠐꠣꠃꠘꠞ ꠢꠇꠟ ꠝꠣꠘꠥꠡ ꠀꠞ ꠙꠡꠥ-ꠙꠋꠇꠤꠞꠦ ꠔꠟꠥꠀꠞꠖꠤ ꠇꠣꠐꠤꠟꠤꠅ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 13:16

ꠢꠤꠘ ꠕꠣꠇꠤ ꠀꠘꠣ ꠢꠇꠟ ꠝꠣꠟ-ꠍꠣꠝꠣꠘꠣ ꠐꠣꠃꠘꠞ ꠝꠄꠖꠣꠘꠅ ꠘꠤꠀ ꠎꠣꠟꠣꠁꠟꠤꠅ। ꠢꠃ ꠀꠡ꠆ꠔꠣ ꠉꠣꠃꠞꠦ ꠛꠣ ꠐꠣꠃꠘꠞꠦꠅ ꠎꠣꠟꠣꠁꠟ ꠇꠥꠞꠛꠣꠘꠤꠞ ꠟꠣꠈꠣꠘ ꠎꠣꠟꠣꠁꠀ ꠍꠣꠟꠤ ꠇꠞꠤꠅ। ꠢꠃ ꠎꠣꠉꠣꠞꠦ ꠌꠤꠞꠇꠣꠟꠞ ꠟꠣꠉꠤ ꠛꠤꠘꠣꠡ ꠇꠞꠤꠅ, ꠇꠦꠃ ꠎꠣꠘꠥ ꠇꠥꠘꠥꠖꠤꠘ ꠢꠤꠘꠅ ꠇꠥꠘ꠆ꠔꠣ ꠛꠣꠘꠣꠁꠔ ꠘꠣ ꠙꠣꠞꠦ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 20:16

“ꠅꠁꠟꠦ ꠔꠥꠝꠞꠣꠞ ꠇꠣꠘ꠆ꠖꠣ-ꠇꠣꠍꠣꠞ ꠎꠦꠔꠣ ꠎꠣꠔꠤ ꠅꠇꠟꠞꠦ ꠔꠥꠝꠞꠣꠞ ꠝꠣꠛꠥꠖ ꠀꠟ꠆ꠟꠣꠄ ꠔꠥꠝꠞꠣꠞ ꠀꠔꠅ ꠖꠤꠞꠣ, ꠁꠔꠣ ꠇꠥꠘꠥꠉꠥꠞꠦꠃ ꠎꠤꠘ꠆ꠖꠣ ꠞꠣꠈꠤꠅ ꠘꠣ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 7:2

ꠔꠥꠝꠞꠣꠞ ꠝꠣꠛꠥꠖ ꠀꠟ꠆ꠟꠣꠄ ꠎꠦꠛꠟꠣ ꠁꠔꠣꠞꠦ ꠔꠥꠝꠞꠣꠞ ꠀꠔꠅ ꠡꠙꠤꠀ ꠖꠤꠛꠣ, ꠅꠃ ꠡꠝꠄ ꠔꠥꠝꠞꠣ ꠔꠣꠞꠣꠞꠦ ꠄꠇ꠆ꠇꠦꠛꠣꠞꠦ ꠛꠤꠘꠣꠡ ꠇꠞꠤꠟꠤꠅ, ꠔꠣꠞꠣꠞ ꠟꠉꠦ ꠇꠥꠘꠥ ꠌꠥꠇ꠆ꠔꠤ ꠇꠞꠤꠅ ꠘꠣ, ꠀꠞ ꠇꠥꠘꠥ ꠖꠄꠀ-ꠝꠣꠄꠀ ꠖꠦꠈꠣꠁꠅ ꠘꠣ।