ꠔꠃꠞꠣꠔ ৪: ꠡꠥꠝꠣꠞꠤ 20:8 - Siloṭi Asmani Kitab (Nagri lipi)

⁸ “ꠔꠥꠝꠤ ꠢꠃ ꠟꠣꠑꠤꠐꠣ ꠟꠅ, ꠟꠁꠀ ꠔꠥꠝꠤ ꠀꠞ ꠔꠥꠝꠣꠞ ꠜꠣꠁ ꠢꠣꠞꠥꠘꠦ ꠢꠇꠟ ꠛꠘꠤ ꠁꠍꠞꠣꠁꠟꠞꠦ ꠄꠇꠈꠣꠘꠅ ꠖꠟꠣ ꠇꠞꠅ। ꠀꠞ ꠅꠃ ꠛꠠ ꠎꠦ ꠙꠣꠔ꠆ꠔꠞꠉꠥ ꠖꠦꠈꠞꠣꠄ, ꠔꠣꠞꠣꠞ ꠍꠣꠝꠘꠦ ꠅꠃ ꠙꠣꠔ꠆ꠔꠞꠞꠦ ꠢꠥꠇꠥꠝ ꠖꠦꠅ, ꠖꠤꠟꠦ ꠅꠃ ꠙꠣꠔ꠆ꠔꠞꠦ ꠙꠣꠘꠤ ꠖꠤꠛ। ꠛꠘꠤ ꠁꠍꠞꠣꠁꠟ ꠀꠞ ꠔꠣꠞꠣꠞ ꠙꠡꠥꠙꠣꠟ ꠢꠇꠟꠦ ꠎꠣꠔꠦ ꠙꠣꠘꠤ ꠈꠣꠁꠔ ꠙꠣꠞꠦ, ꠄꠞꠟꠣꠉꠤ ꠔꠥꠝꠤ ꠅꠃ ꠙꠣꠔ꠆ꠔꠞ ꠕꠣꠇꠤ ꠙꠣꠘꠤ ꠛꠣꠞ ꠇꠞꠛꠣꠄ।”

ছিলটি আছমানি কিতাব (বাংলা লিপি)

⁸ “তুমি হউ লাঠিটা লও, লইয়া তুমি আর তুমার ভাই হারুনে হকল বনি ইছরাইলরে একখানো দলা করো। আর অউ বড় যে পাথরগু দেখরায়, তারার ছামনে অউ পাথররে হুকুম দেও, দিলে অউ পাথরে পানি দিবো। বনি ইছরাইল আর তারার পশুপাল হকলে যাতে পানি খাইতো পারে, এরলাগি তুমি অউ পাথর থাকি পানি বার করবায়।”

Siloṭi Asmani Kitab (Latin lipi)

⁸ “Tumi hou laṭiṭa lo, loia tumi ar tumar bai Harune hoḳol Boni Israilre ekḳano dola ḳoro. Ar ou boṛo ze fattorgu deḳrae, tarar samne ou fattorre hukum deo, dile ou fattore fani dibo. Boni Israil ar tarar foshufal hoḳole zate fani kaito fare, erlagi tumi ou fattor taki fani bar ḳorbae.”

ꠔꠃꠞꠣꠔ ৪: ꠡꠥꠝꠣꠞꠤ 20:8 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 18:14

ꠝꠣꠛꠥꠖꠦ ꠙꠣꠞꠂꠘ ꠘꠣ ꠁꠟꠣ ꠇꠥꠘ꠆ꠔꠣ ꠀꠍꠦ ꠘꠤ? ꠖꠦꠈꠤꠅ, ꠑꠤꠇ ꠡꠝꠄꠄ ꠀꠝꠤ ꠢꠤꠞꠛꠣꠞ ꠔꠥꠝꠣꠞ ꠉꠦꠍꠦ ꠀꠁꠝꠥ, ꠀꠞ ꠁ ꠡꠝꠄ ꠍꠣꠄꠞꠣꠞ ꠇꠥꠟꠅ ꠙꠥꠀ ꠕꠣꠇꠛ।”

ꠎꠛꠥꠞ ꠡꠞꠤꠚ 33:9

ꠔꠣꠘ ꠇꠕꠣꠄ ꠔ ꠢꠇ꠆ꠇꠟꠔꠣꠞ ꠅꠁꠍꠦ ꠙꠄꠖꠣ, ꠔꠣꠘ ꠢꠥꠇꠥꠝꠞ ꠟꠉꠦ ꠟꠉꠦ ꠛꠅꠀꠁꠟ ꠅꠁꠍꠦ ꠢꠇꠟꠔꠣ।

ꠔꠃꠞꠣꠔ ২: ꠢꠤꠎꠞꠔ 14:16

ꠀꠞ ꠔꠥꠝꠣꠞ ꠀꠔꠞ ꠟꠣꠑꠤꠞꠦ ꠛꠣꠠꠣꠁꠀ ꠖꠞꠤꠀꠞ ꠃꠙꠞꠦ ꠃꠌꠣ ꠇꠞꠤ ꠗꠞꠅ, ꠖꠞꠤꠀꠞꠦ ꠖꠥꠁ ꠜꠣꠉ ꠇꠞꠤꠟꠣꠅ। ꠔꠦꠃ ꠔꠣꠝꠣꠝ ꠛꠘꠤ ꠁꠍꠞꠣꠁꠟ ꠢꠥꠇꠘꠣ ꠛꠣꠄ ꠀꠐꠤꠀ ꠖꠞꠤꠀ ꠙꠣꠞ ꠅꠁꠛꠣ।

ꠔꠃꠞꠣꠔ ২: ꠢꠤꠎꠞꠔ 17:9

ꠔꠦꠃ ꠝꠥꠍꠣꠄ ꠔꠣꠘ ꠈꠣꠖꠤꠝ ꠢꠎꠞꠔ ꠁꠃꠍꠣꠞꠦ ꠇꠁꠟꠣ, “ꠔꠥꠝꠤ ꠀꠝꠞꠣꠞ ꠝꠣꠘꠥꠡ ꠕꠣꠇꠤ ꠟꠣꠠꠣꠁ ꠇꠞꠞꠣ ꠎꠘ ꠛꠣꠍꠤꠀ ꠘꠤꠀ, ꠀꠝꠣꠟꠦꠇꠤ ꠅꠇꠟꠞ ꠟꠉꠦ ꠎꠥꠖ꠆ꠖ ꠇꠞꠣꠔ ꠎꠣꠅ। ꠀꠝꠤꠅ ꠇꠣꠁꠟ ꠀꠟ꠆ꠟꠣꠁ ꠇꠥꠖꠞꠔꠤ ꠟꠣꠑꠤ ꠀꠔꠅ ꠟꠁꠀ ꠙꠣꠠꠞ ꠃꠙꠞꠦ ꠃꠛꠣꠁꠝꠥ।”

ꠔꠃꠞꠣꠔ ২: ꠢꠤꠎꠞꠔ 4:17

ꠅꠃ ꠟꠣꠑꠤ ꠔꠥꠝꠣꠞ ꠀꠔꠅ ꠞꠣꠈꠤꠅ, ꠁꠐꠣ ꠖꠤꠀ ꠢꠃ ꠇꠦꠞꠣꠝꠔꠤ-ꠝꠥꠎꠦꠎꠣ ꠅꠇꠟ ꠎꠣꠁꠞ ꠇꠞꠛꠣꠄ।”

ꠔꠃꠞꠣꠔ ২: ꠢꠤꠎꠞꠔ 4:2

ꠔꠦꠃ ꠀꠟ꠆ꠟꠣꠄ ꠔꠣꠘꠦ ꠎꠤꠇꠣꠁꠟꠣ, “ꠔꠥꠝꠣꠞ ꠀꠔꠅ ꠁꠉꠥ ꠇꠤꠔꠣ?” ꠔꠣꠁꠘ ꠇꠁꠟꠣ, “ꠄꠉꠥ ꠟꠣꠑꠤ।”

ꠔꠃꠞꠣꠔ ২: ꠢꠤꠎꠞꠔ 4:20

ꠅꠃ ꠝꠥꠍꠣꠄ ꠔꠣꠘ ꠛꠤꠛꠤ ꠀꠞ ꠙꠥꠀꠂꠘ꠆ꠔꠞꠦ ꠉꠣꠗꠣꠞ ꠃꠙꠞꠦ ꠌꠠꠣꠁꠀ ꠝꠤꠡꠞꠞ ꠙꠕꠦ ꠞꠅꠀꠘꠣ ꠅꠁꠟꠣ। ꠔꠣꠘ ꠀꠔꠅ ꠀꠟ꠆ꠟꠣꠁ ꠇꠦꠞꠣꠝꠔꠤꠞ ꠢꠃ ꠟꠣꠑꠤ ꠞꠣꠈꠟꠣ।

ꠔꠃꠞꠣꠔ ২: ꠢꠤꠎꠞꠔ 7:20

ꠅꠃ ꠝꠥꠍꠣ ꠀꠞ ꠢꠣꠞꠥꠘꠦ ꠝꠣꠛꠥꠖꠞ ꠢꠥꠇꠥꠝ ꠝꠣꠚꠤꠇ ꠅꠃꠟꠣ ꠇꠞꠟꠣ, ꠔꠣꠁꠘ ꠟꠣꠑꠤ ꠃꠌꠣ ꠇꠞꠤ ꠚꠦꠞꠣꠃꠘ ꠀꠞ ꠔꠣꠞ ꠃꠎꠤꠞ-ꠘꠣꠎꠤꠞꠞ ꠍꠣꠝꠘꠦ ꠘꠤꠟ ꠘꠖꠞ ꠙꠣꠘꠤꠔ ꠛꠣꠠꠤ ꠝꠣꠞꠟꠣ, ꠔꠦꠃ ꠢꠇꠟ ꠙꠣꠘꠤ ꠟꠃ ꠅꠁꠉꠦꠟ।

ꠔꠃꠞꠣꠔ ৪: ꠡꠥꠝꠣꠞꠤ 20:11

ꠅꠈꠣꠘ ꠇꠁꠀ ꠝꠥꠍꠣꠄ ꠟꠣꠑꠤ ꠖꠤꠀ ꠅꠃ ꠙꠣꠔ꠆ꠔꠞꠅ ꠖꠥꠁ ꠛꠣꠠꠤ ꠝꠣꠞꠟꠣ, ꠛꠣꠠꠤ ꠝꠣꠞꠣꠞ ꠟꠉꠦ ꠟꠉꠦ ꠙꠣꠔ꠆ꠔꠞ ꠕꠣꠇꠤ ꠎꠥꠞꠦ ꠎꠥꠞꠦ ꠙꠣꠘꠤ ꠛꠣꠞ ꠅꠁꠟ, ꠔꠦꠃ ꠔꠣꠞꠣ ꠀꠞ ꠔꠣꠞꠣꠞ ꠙꠡꠥꠞ ꠙꠣꠟꠦ ꠙꠣꠘꠤ ꠈꠣꠁꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 20:7

ꠝꠣꠛꠥꠖꠦ ꠝꠥꠍꠣꠞꠦ ꠇꠁꠟꠣ,

ꠔꠃꠞꠣꠔ ৪: ꠡꠥꠝꠣꠞꠤ 21:15

ꠀꠃꠞ ꠐꠣꠃꠘꠞ ꠝꠥꠈꠣ ꠎꠣꠅꠞꠣ ꠃꠌꠣ-ꠘꠤꠌꠣ ꠘꠣꠟ, ꠁꠔꠣ ꠔ ꠝꠥꠀꠛ ꠖꠦꠡꠞ ꠄꠇ ꠡꠤꠝꠣꠘꠣ।”

ꠔꠃꠞꠣꠔ ৪: ꠡꠥꠝꠣꠞꠤ 21:18

ꠁꠇꠐꠣ ꠔ ꠢꠃ ꠡꠞ꠆ꠖꠣꠞ ꠅꠇꠟꠞ ꠇꠥꠀ, ꠞꠣꠎꠣ ꠅꠇꠟꠦ ꠔꠣꠞꠣꠞ ꠟꠣꠑꠤꠞ ꠛꠟꠦ ꠈꠥꠖꠤꠍꠂꠘ, ꠈꠣꠘ꠆ꠖꠣꠘꠤ ꠉꠟ꠆ꠟꠣꠞ ꠎꠥꠞꠦ ꠇꠞꠍꠂꠘ।” ꠛꠣꠖꠦ ꠔꠣꠞꠣ ꠝꠞꠥꠜꠥꠝꠤ ꠕꠣꠇꠤ ꠝꠔ꠆ꠔꠣꠘꠣ ꠘꠣꠝꠞ ꠎꠣꠉꠣꠔ ꠉꠦꠟꠣ।

ꠁꠘ꠆ꠎꠤꠟ ১: ꠝꠕꠤ 21:21

ꠁꠍꠣꠄ ꠎꠥꠀꠙ ꠖꠤꠟꠣ, “ꠀꠝꠤ ꠔꠥꠝꠞꠣꠞꠦ ꠢꠣꠍꠣꠃ ꠇꠁꠞꠣꠝ, ꠔꠥꠝꠞꠣ ꠎꠥꠖꠤ ꠖꠤꠟꠞ ꠝꠣꠎꠦ ꠡꠘ꠆ꠖꠄ ꠘꠣ ꠇꠞꠤꠀ, ꠙꠥꠞꠣꠙꠥꠞ ꠁꠝꠣꠘꠦ ꠝꠎꠛꠥꠔ ꠕꠣꠇ, ꠔꠦ ꠀꠝꠤ ꠅꠃ ꠒꠥꠝꠥꠞ ꠉꠣꠍꠞꠦ ꠎꠦꠔꠣ ꠇꠞꠍꠤ, ꠔꠥꠝꠞꠣꠅ ꠅꠟꠣ ꠙꠣꠞꠛꠣꠄ। ꠈꠣꠟꠤ ꠁꠈꠣꠘ ꠘꠣꠄ, ꠔꠥꠝꠞꠣ ꠎꠥꠖꠤ ꠅꠃ ꠙꠣꠠꠞꠦ ꠇꠅ, ‘ꠃꠠꠤꠀ ꠉꠤꠀ ꠖꠞꠤꠀꠔ ꠙꠠꠅ,’ ꠔꠦ ꠅꠟꠣꠃ ꠅꠁꠛ।

Injil 3: Luk 11:13

ꠔꠦ ꠔꠥꠝꠞꠣ ꠘꠣꠚꠞꠝꠣꠘ ꠅꠁꠀꠅ ꠎꠥꠖꠤ ꠔꠥꠝꠞꠣꠞ ꠢꠥꠞꠥꠔ꠆ꠔꠣꠁꠘꠞꠦ ꠜꠣꠟꠣ ꠜꠣꠟꠣ ꠌꠤꠎ ꠖꠤꠔꠣꠄ ꠎꠣꠘ, ꠔꠦ ꠎꠣꠞꠣ ꠛꠦꠢꠦꠡ꠆ꠔꠤ ꠛꠣꠚꠞ ꠉꠦꠍꠦ ꠌꠣꠁꠛ, ꠔꠣꠁꠘ ꠘꠤꠌꠄ ꠔꠣꠞꠣꠞꠦ ꠙꠣꠇ ꠞꠥꠢꠥ ꠖꠣꠘ ꠇꠞꠛꠣꠃ।”

Injil 4: Hannan 16:24

ꠅꠈꠘꠅ ꠔ ꠔꠥꠝꠞꠣ ꠀꠝꠣꠞ ꠘꠣꠝꠦ ꠇꠥꠘ꠆ꠔꠣ ꠌꠣꠁꠍ ꠘꠣ। ꠌꠣꠅ, ꠔꠦꠃ ꠙꠣꠁꠛꠣꠄ, ꠎꠣꠔꠦ ꠔꠥꠝꠞꠣꠞ ꠈꠥꠡꠤ ꠙꠥꠞꠣ ꠅꠄ।

Injil 5: Sahabi Nama 1:14

ꠊꠞꠅ ꠢꠣꠝꠣꠁꠀ ꠢꠇꠟꠦ ꠝꠤꠟꠤꠀ ꠈꠣꠍ ꠖꠤꠟꠦ ꠖꠥꠀ ꠇꠞꠣꠔ ꠞꠁꠟꠣ, ꠄꠞꠣꠞ ꠟꠉꠦ ꠀꠍꠟꠣ ꠁꠝꠣꠘꠖꠣꠞ ꠛꠦꠐꠤꠘ, ꠁꠍꠣꠞ ꠝꠣ ꠝꠞꠤꠅꠝ ꠀꠞ ꠔꠣꠘ ꠜꠣꠁꠀꠁꠘ।

Injil 27: Zaira Kalam 22:1

ꠄꠞꠛꠣꠖꠦ ꠢꠃ ꠚꠤꠞꠤꠡ꠆ꠔꠣꠄ ꠀꠝꠣꠞꠦ ꠀꠛꠦ-ꠢꠣꠄꠀꠔ, ꠝꠣꠘꠤ ꠎꠤꠘ꠆ꠖꠦꠉꠤ-ꠙꠣꠘꠤꠞ ꠉꠣꠋ ꠖꠦꠈꠣꠁꠟꠣ। ꠁꠇꠐꠣ ꠖꠦꠈꠔꠦ ꠌꠇꠌꠇꠣ ꠇꠣꠌꠞ ꠟꠣꠈꠣꠘ। ꠁꠐꠣ ꠀꠟ꠆ꠟꠣ ꠙꠣꠇ ꠀꠞ ꠢꠃ ꠝꠦꠠꠣ-ꠛꠣꠁꠌ꠆ꠌꠣꠞ ꠔꠈ꠆ꠔꠞ ꠗꠣꠞꠅ ꠕꠣꠇꠤ ꠛꠣꠞ ꠅꠁꠀ,

Injil 27: Zaira Kalam 22:17

ꠙꠣꠇ ꠞꠥꠢꠦ ꠀꠞ ꠇꠁꠘꠣꠄ ꠇꠁꠞꠣ, “ꠀꠅ।” ꠀꠞ ꠎꠦ ꠎꠘꠦ ꠅꠃ ꠇꠕꠣ ꠢꠥꠘꠦꠞ, ꠢꠦ-ꠅ ꠇꠃꠇ, “ꠀꠅ।” ꠙꠣꠘꠤꠞ ꠙꠤꠀꠍꠦ ꠎꠣꠞꠦ ꠗꠞꠍꠦ, ꠢꠦ ꠀꠃꠇ। ꠎꠦ ꠎꠘꠦ ꠙꠣꠘꠤ ꠈꠣꠁꠔ ꠌꠣꠄ, ꠢꠦ ꠛꠤꠘꠣ ꠙꠄꠡꠣꠄ ꠎꠤꠘ꠆ꠖꠦꠉꠤ-ꠙꠣꠘꠤ ꠈꠣꠃꠇ।