ꠔꠃꠞꠣꠔ ৪: ꠡꠥꠝꠣꠞꠤ 20:5 - Siloṭi Asmani Kitab (Nagri lipi)

⁵ ꠝꠤꠡꠞ ꠖꠦꠡ ꠕꠣꠇꠤ ꠔꠥꠝꠤ ꠇꠦꠘꠦ ꠀꠝꠞꠣꠞꠦ ꠅꠟꠣ ꠎꠝꠞ ꠉꠣꠔꠅ ꠟꠁꠀ ꠀꠁꠟꠣꠄ? ꠁ ꠎꠣꠉꠣꠔ ꠘꠣ ꠀꠍꠦ ꠇꠥꠘꠥ ꠗꠣꠘ-ꠌꠣꠃꠟ ꠛꠣ ꠒꠥꠝꠥꠞ ꠚꠟ, ꠘꠣ ꠀꠍꠦ ꠀꠋꠉꠥꠞ ꠛꠣ ꠀꠘꠥꠀꠞ ꠚꠟ? ꠀꠞ ꠈꠣꠁꠛꠣꠞ ꠙꠣꠘꠤꠅ ꠘꠣꠁ।”

ছিলটি আছমানি কিতাব (বাংলা লিপি)

⁵ মিসর দেশ থাকি তুমি কেনে আমরারে অলা যমর গাতো লইয়া আইলায়? ই জাগাত না আছে কুনু ধান-চাউল বা ডুমুর ফল, না আছে আংগুর বা আনুয়ার ফল? আর খাইবার পানিও নাই।”

Siloṭi Asmani Kitab (Latin lipi)

⁵ Mishor desh taki tumi kene amrare ola zomor gato loia ailae? I zagat na ase kunu dan-saul ba ḍumur fol, na ase angur ba anuar fol? Ar ḳaibar fani-o nai.”

ꠔꠃꠞꠣꠔ ৪: ꠡꠥꠝꠣꠞꠤ 20:5 Iomraidhean Croise

ꠔꠃꠞꠣꠔ ৪: ꠡꠥꠝꠣꠞꠤ 16:14

ꠀꠞ ꠔꠥꠝꠤ ꠔ ꠀꠝꠞꠣꠞꠦ ꠢꠃ ꠟꠣꠈꠣꠘ ꠇꠥꠘꠥ ꠖꠥꠗ ꠀꠞ ꠝꠃꠞ ꠜꠣꠘ꠆ꠒꠣꠞ ꠀꠟꠣ ꠖꠦꠡꠅ-ꠅ ꠘꠤꠍ ꠘꠣ, ꠇꠥꠘꠥ ꠎꠝꠤ-ꠎꠝꠣ ꠛꠣ ꠀꠋꠉꠥꠞ ꠛꠣꠉꠣꠘꠞ ꠝꠣꠟꠤꠇꠣꠘꠣꠅ ꠖꠤꠍ ꠘꠣ। ꠔꠥꠝꠤ ꠁꠔꠣ ꠝꠣꠘꠡꠞꠦ ꠀꠘ꠆ꠖꠣ ꠛꠣꠘꠣꠁꠀ ꠞꠣꠈꠔꠣꠄ ꠌꠣꠅ ꠘꠤ? ꠘꠣ, ꠀꠝꠞꠣ ꠎꠣꠁꠔꠣꠝ ꠘꠣꠄ।”

ꠔꠃꠞꠣꠔ ৪: ꠡꠥꠝꠣꠞꠤ 20:24

“ꠢꠣꠞꠥꠘ ꠔ ꠔꠣꠞ ꠛꠣꠚ-ꠖꠣꠖꠣꠞ ꠉꠦꠍꠦ ꠇꠄꠛꠞꠅ ꠎꠣꠁꠔꠦꠉꠤ ꠅꠁꠛ। ꠀꠞ ꠀꠝꠤ ꠛꠘꠤ ꠁꠍꠞꠣꠁꠟꠞꠦ ꠎꠦ ꠖꠦꠡ ꠖꠤꠝꠥ, ꠢꠦ ꠔ ꠢꠤ ꠖꠦꠡꠅ ꠎꠣꠁꠔ ꠙꠣꠞꠔ ꠘꠣꠄ। ꠝꠘꠅ ꠀꠍꠦ ꠘꠤ, ꠝꠦꠞꠤꠛꠣ ꠘꠣꠝꠞ ꠎꠣꠉꠣꠔ ꠙꠣꠘꠤꠞ ꠛꠦꠙꠣꠞꠦ ꠔꠥꠝꠞꠣ ꠀꠝꠣꠞ ꠢꠥꠇꠥꠝꠞ ꠃꠟꠐꠣ ꠇꠣꠝ ꠇꠞꠍ।

ꠔꠃꠞꠣꠔ ৪: ꠡꠥꠝꠣꠞꠤ 27:14

ꠝꠘꠅ ꠀꠍꠦ ꠘꠤ, ꠎꠤꠘ ꠝꠞꠥꠜꠥꠝꠤꠞ ꠇꠣꠖꠦꠡ ꠄꠟꠣꠇꠣꠞ ꠝꠦꠞꠤꠛꠣ ꠘꠣꠝꠞ ꠎꠣꠉꠣꠞ ꠢꠃ ꠙꠣꠘꠤꠞ ꠇꠕꠣ? ꠝꠞꠥꠜꠥꠝꠤꠔ ꠛꠘꠤ ꠁꠍꠞꠣꠁꠟꠦ ꠎꠦꠛꠟꠣ ꠙꠣꠘꠤꠞ ꠟꠣꠉꠤ ꠀꠝꠣꠞ ꠛꠤꠞꠥꠗꠤꠔꠣ ꠇꠞꠍꠤꠟ, ꠔꠣꠞꠣꠞ ꠍꠣꠝꠘꠦ ꠔꠥꠝꠞꠣꠅ ꠀꠝꠣꠞꠦ ꠙꠣꠇ-ꠙꠛꠤꠔ꠆ꠞ ꠇꠁꠀ ꠘꠣ ꠝꠣꠘꠤꠀ ꠀꠝꠣꠞ ꠢꠥꠇꠥꠝꠞ ꠃꠟꠐꠣ ꠉꠦꠍꠟꠣꠄ।”

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 8:15

ꠔꠣꠁꠘ ꠔ ꠔꠥꠝꠞꠣꠞꠦ ꠛꠦꠎꠥꠁꠔꠣ ꠛꠤꠙꠖ-ꠀꠙꠖꠦ ꠜꠞꠣ ꠛꠤꠞꠣꠐ ꠝꠞꠥꠜꠥꠝꠤ ꠕꠣꠇꠤ, ꠇꠑꠤꠘ ꠛꠤꠡꠣꠇ꠆ꠔ ꠢꠣꠚ, ꠛꠤꠡꠣꠇ꠆ꠔ ꠇꠣꠇꠠꠣ-ꠛꠤꠍꠣꠄ ꠜꠞꠣ ꠙꠕꠦꠖꠤ ꠔꠥꠝꠞꠣꠞꠦ ꠙꠣꠞ ꠇꠞꠤ ꠀꠘꠍꠂꠘ। ꠡꠇ꠆ꠔ ꠙꠣꠔ꠆ꠔꠞꠞ ꠜꠤꠔꠞ ꠕꠣꠇꠤ ꠔꠥꠝꠞꠣꠞ ꠟꠣꠉꠤ ꠙꠣꠘꠤ ꠛꠣꠞ ꠇꠞꠍꠂꠘ।