ꠔꠃꠞꠣꠔ ৪: ꠡꠥꠝꠣꠞꠤ 20:4 - Siloṭi Asmani Kitab (Nagri lipi)

⁴ ꠝꠣꠛꠥꠖꠞ ꠛꠘ꠆ꠖꠣ ꠅꠇꠟꠞꠦ ꠔꠥꠝꠤ ꠇꠦꠘꠦ ꠅꠃ ꠝꠞꠥꠜꠥꠝꠤꠔ ꠀꠘꠟꠣꠄ, ꠅꠈꠘ ꠙꠡꠥꠞ ꠙꠣꠟ ꠡꠥꠖ꠆ꠖꠣ ꠀꠝꠞꠣ ꠢꠇ꠆ꠇꠟꠦ ꠅꠘꠅ ꠎꠣꠘ ꠈꠥꠀꠁꠔꠣꠝ ꠘꠤ?

ছিলটি আছমানি কিতাব (বাংলা লিপি)

⁴ মাবুদর বন্দা অকলরে তুমি কেনে অউ মরুভুমিত আনলায়, অখন পশুর পাল সুদ্ধা আমরা হক্কলে অনো জান খুয়াইতাম নি?

Siloṭi Asmani Kitab (Latin lipi)

⁴ Mabudor bonda oḳolre tumi kene ou morubumit anlae, oḳon foshur fal shudda amra hokkole ono zan kuaitam ni?

ꠔꠃꠞꠣꠔ ৪: ꠡꠥꠝꠣꠞꠤ 20:4 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 16:3

ꠄꠞꠣ ꠖꠥꠁꠅꠎꠘꠞ ꠛꠤꠞꠥꠖ꠆ꠖꠦ ꠛꠘꠤ ꠁꠍꠞꠣꠁꠟꠦ ꠇꠁꠟꠣ, “ꠢꠣꠄꠞꠦ ꠢꠣꠄ, ꠁꠔꠣꠞ ꠇꠕꠣꠄ ꠀꠝꠞꠣ ꠇꠦꠘꠦ ꠀꠁꠟꠣꠝ, ꠝꠣꠛꠥꠖꠦ ꠇꠦꠘꠦ ꠘꠤꠎꠞ ꠀꠔꠦ ꠀꠝꠞꠣꠞꠦ ꠝꠤꠡꠞ ꠖꠦꠡꠅ ꠝꠣꠞꠟꠣ ꠘꠣ? ꠢꠤ ꠡꠝꠄ ꠀꠝꠞꠣ ꠉꠥꠡ꠆ꠔꠞ ꠒꠦꠉꠞ ꠇꠣꠘ꠆ꠖꠣꠔ ꠛꠁꠔꠣꠝ, ꠙꠦꠐ ꠜꠞꠤꠀ ꠉꠥꠡ꠆ꠔ-ꠞꠥꠐꠤ ꠈꠣꠁꠔꠣꠝ, ꠅꠁꠟꠦ ꠁꠔꠣꠄ ꠀꠝꠞꠣꠞꠦ ꠃꠙꠣꠡꠦ ꠀꠞ ꠙꠦꠐꠞ ꠜꠥꠇꠦ ꠝꠣꠞꠔꠣ ꠇꠞꠤ ꠅꠘꠅ ꠀꠘꠍꠂꠘ।”

ꠔꠃꠞꠣꠔ ২: ꠢꠤꠎꠞꠔ 17:3

ꠝꠣꠘꠡꠦ ꠙꠣꠘꠤꠞ ꠙꠤꠀꠍꠦ ꠇꠣꠢꠤꠟ ꠅꠁꠀ ꠝꠥꠍꠣꠞ ꠛꠤꠞꠥꠖ꠆ꠖꠦ ꠉꠣꠟꠤ-ꠉꠣꠟꠣꠎ ꠇꠞꠤ ꠇꠁꠟꠣ, “ꠔꠥꠝꠤ ꠀꠝꠞꠣꠞꠦ ꠝꠣꠞꠔꠣꠄ ꠇꠞꠤ ꠝꠤꠡꠞ ꠖꠦꠡ ꠕꠣꠇꠤ ꠀꠘꠍ ꠘꠤ? ꠀꠝꠞꠣꠞꠦ, ꠀꠝꠞꠣꠞ ꠢꠥꠞꠥꠔ꠆ꠔꠣꠁꠘ꠆ꠔꠞꠦ, ꠀꠝꠞꠣꠞ ꠙꠡꠥꠞ ꠙꠣꠟꠞꠦ ꠀꠘꠣ-ꠙꠣꠘꠤꠄ ꠝꠣꠞꠔꠣꠄ ꠇꠞꠤ ꠅꠘꠅ ꠀꠘꠍ ꠘꠤ?”

ꠔꠃꠞꠣꠔ ২: ꠢꠤꠎꠞꠔ 5:21

ꠍꠥꠛꠦꠖꠣꠞ ꠅꠇꠟꠦ ꠇꠁꠟꠣ, “ꠝꠣꠛꠥꠖꠦ ꠀꠙꠘꠣꠞꠣꠞ ꠙꠣꠅꠘꠣ ꠡꠣꠎꠣ ꠖꠤꠛꠣ, ꠀꠙꠘꠣꠞꠣ ꠚꠦꠞꠣꠃꠘ ꠀꠞ ꠔꠣꠞ ꠃꠎꠤꠞ-ꠘꠣꠎꠤꠞꠞ ꠉꠦꠍꠦ ꠀꠝꠞꠣꠞꠦ ꠙꠌꠣ-ꠉꠣꠘ꠆ꠖꠣ ꠛꠣꠘꠣꠁꠀ, ꠀꠝꠞꠣꠞꠦ ꠈꠥꠘ ꠇꠞꠣꠞ ꠟꠣꠉꠤ ꠔꠟꠥꠀꠞ ꠘꠤꠀ ꠔꠣꠞꠣꠞ ꠀꠔꠅ ꠖꠤꠍꠂꠘ।”

ꠔꠃꠞꠣꠔ ৪: ꠡꠥꠝꠣꠞꠤ 11:20

ꠙꠥꠞꠣ ꠄꠇ ꠝꠣꠡ ꠜꠞꠤ ꠈꠣꠁꠛꠣ। ꠈꠣꠁꠔꠦ ꠈꠣꠁꠔꠦ ꠔꠣꠞꠣꠞ ꠘꠣꠇꠦꠖꠤ ꠛꠣꠞ ꠅꠁꠛ, ꠛꠣꠖꠦ ꠀꠞ ꠎꠣꠘꠦ ꠇꠥꠟꠣꠁꠔ ꠘꠣꠄ। ꠀꠝꠤ ꠁꠟꠣ ꠊꠐꠣꠁꠝꠥ, ꠇꠣꠞꠘ ꠔꠥꠝꠞꠣꠞ ꠟꠉꠦ ꠎꠦ ꠝꠣꠛꠥꠖ ꠛꠡꠔ ꠇꠞꠂꠘ, ꠅꠃ ꠝꠣꠛꠥꠖꠞꠦ ꠔꠥꠝꠞꠣ ꠝꠣꠘꠍ ꠘꠣ। ꠔꠣꠘ ꠍꠣꠝꠘꠦ ꠇꠣꠘ꠆ꠖꠣ-ꠇꠣꠐꠤ ꠇꠞꠤꠀ ꠇꠁꠍ, ꠝꠤꠡꠞ ꠕꠣꠇꠤ ꠢꠞꠤꠀ ꠀꠅꠀ ꠛꠥꠟꠦ ꠔꠥꠝꠞꠣꠞ ꠟꠣꠉꠤ ꠑꠤꠇ ꠅꠁꠍꠦ ꠘꠣ।”

ꠔꠃꠞꠣꠔ ৪: ꠡꠥꠝꠣꠞꠤ 11:5

ꠝꠤꠡꠞꠅ ꠕꠣꠇꠔꠦ ꠔ ꠛꠤꠘꠣ ꠙꠄꠡꠣꠄ ꠝꠣꠉꠘꠣ ꠝꠣꠍ ꠈꠣꠁꠔꠣꠝ, ꠢꠘꠅ ꠔꠞꠝꠥꠎ, ꠙꠤꠀꠎ-ꠞꠡꠥꠘ, ꠇꠤꠞꠣ, ꠢꠣꠉ-ꠔꠞꠇꠣꠞꠤ ꠢꠇ꠆ꠇꠟꠔꠣ ꠈꠣꠁꠔꠣꠝ, ꠁꠔꠣ ꠅꠈꠘꠅ ꠝꠘꠅ ꠙꠠꠦꠞ।

ꠔꠃꠞꠣꠔ ৪: ꠡꠥꠝꠣꠞꠤ 14:2

ꠢꠎꠞꠔ ꠝꠥꠍꠣ ꠀꠞ ꠢꠣꠞꠥꠘꠞ ꠛꠤꠞꠥꠖ꠆ꠖꠦ ꠛꠃꠔ ꠇꠕꠣꠛꠣꠞ꠆ꠔꠣ ꠝꠣꠔꠤꠟ। ꠔꠣꠞꠣ ꠢꠇꠟꠦ ꠝꠤꠟꠤꠀ ꠝꠥꠍꠣ ꠀꠞ ꠢꠣꠞꠥꠘꠞꠦ ꠇꠁꠟ, “ꠢꠣꠄꠞꠦ ꠢꠣꠄ! ꠀꠝꠞꠣ ꠇꠦꠘꠦ ꠢꠃ ꠝꠤꠡꠞ ꠖꠦꠡꠅ ꠛꠣ ꠝꠞꠥꠜꠥꠝꠤꠔ ꠝꠞꠟꠣꠝ ꠘꠣ? ꠢꠘꠅ ꠝꠞꠣꠃ ꠔ ꠜꠣꠟꠣ ꠀꠍꠤꠟ।

ꠔꠃꠞꠣꠔ ৪: ꠡꠥꠝꠣꠞꠤ 16:41

ꠅꠁꠟꠦ ꠛꠣꠖꠞ ꠖꠤꠘꠃ ꠛꠘꠤ ꠁꠍꠞꠣꠁꠟꠞ ꠝꠣꠘꠡꠦ ꠢꠎꠞꠔ ꠝꠥꠍꠣ ꠀꠞ ꠢꠣꠞꠥꠘꠞ ꠛꠤꠞꠥꠖ꠆ꠖꠦ ꠛꠦꠞ-ꠛꠦꠞꠤ ꠟꠣꠉꠣꠁꠟ, ꠔꠣꠞꠣ ꠇꠁꠟ, “ꠝꠣꠛꠥꠖꠞ ꠛꠘ꠆ꠖꠣ ꠅꠇꠟꠞꠦ ꠔꠥꠝꠞꠣꠃ ꠝꠣꠞꠍ।”

Injil 5: Sahabi Nama 7:35

“ꠄꠁꠘ ꠢꠃ ꠝꠥꠍꠣ, ꠎꠣꠞꠦ ꠁꠍꠞꠣꠁꠟꠤ ꠅꠇꠟꠦ ꠅꠃ ꠇꠕꠣ ꠇꠁꠀ ꠚꠤꠞꠔ ꠖꠤꠍꠤꠟ, ꠇꠦ ꠔꠥꠝꠣꠞꠦ ꠡꠣꠟꠤꠡ ꠀꠞ ꠢꠣꠇꠤꠝ ꠛꠣꠘꠣꠁꠍꠦ? ꠔꠣꠘꠞꠦꠃ ꠀꠟ꠆ꠟꠣꠞ ꠎꠦ ꠚꠤꠞꠤꠡ꠆ꠔꠣꠄ ꠎꠋꠟꠣꠞ ꠝꠣꠎꠦ ꠖꠦꠈꠣ ꠖꠤꠍꠟꠣ, ꠢꠃ ꠚꠤꠞꠤꠡ꠆ꠔꠣꠞ ꠀꠔꠣꠘꠦ ꠛꠘꠤ ꠁꠍꠞꠣꠁꠟꠞ ꠡꠣꠟꠤꠡ ꠀꠞ ꠔꠞꠣꠘꠦꠀꠟꠣ ꠛꠣꠘꠣꠁꠀ ꠙꠣꠑꠣꠁꠟꠣ।