ꠔꠃꠞꠣꠔ ৪: ꠡꠥꠝꠣꠞꠤ 20:2 - Siloṭi Asmani Kitab (Nagri lipi)

² ꠢꠤꠘꠅ ꠈꠣꠁꠛꠣꠞ ꠇꠥꠘꠥ ꠙꠣꠘꠤ ꠘꠣ ꠙꠣꠅꠀꠄ ꠛꠘꠤ ꠁꠍꠞꠣꠁꠟꠦ ꠝꠥꠍꠣ ꠀꠞ ꠢꠣꠞꠥꠘꠞ ꠛꠤꠞꠥꠖ꠆ꠖꠦ ꠖꠟ ꠛꠣꠘ꠆ꠖꠤꠀ ꠄꠞꠣꠞ ꠙꠤꠍꠦ ꠟꠣꠉꠟꠣ।

ছিলটি আছমানি কিতাব (বাংলা লিপি)

² হিনো খাইবার কুনু পানি না পাওয়ায় বনি ইছরাইলে মুছা আর হারুনর বিরুদ্ধে দল বান্দিয়া এরার পিছে লাগলা।

Siloṭi Asmani Kitab (Latin lipi)

² Hino ḳaibar kunu fani na faoae Boni Israile Musa ar Harunor birudde dol bandia erar fise lagla.

ꠔꠃꠞꠣꠔ ৪: ꠡꠥꠝꠣꠞꠤ 20:2 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 16:12

“ꠀꠝꠤ ꠛꠘꠤ ꠁꠍꠞꠣꠁꠟꠞ ꠢꠇ꠆ꠇꠟ ꠝꠣꠔ-ꠇꠕꠣ ꠢꠥꠘꠍꠤ। ꠅꠈꠘ ꠔꠥꠝꠤ ꠎꠣꠘꠣꠁ ꠖꠦꠅ, ꠔꠣꠞꠣ ꠙꠞꠔꠦꠇ ꠖꠤꠘ ꠢꠣꠁꠘ꠆ꠎꠣ ꠛꠣꠟꠣ ꠈꠣꠁꠛꠣ ꠉꠥꠡ꠆ꠔ ꠀꠞ ꠛꠤꠀꠘꠦ ꠈꠣꠁꠛꠣ ꠙꠦꠐ ꠜꠞꠣ ꠞꠥꠐꠤ। ꠔꠦꠃ ꠔꠣꠞꠣ ꠛꠥꠎꠛꠣ, ꠀꠝꠤ ꠀꠟ꠆ꠟꠣꠃ ꠔꠣꠞꠣꠞ ꠝꠣꠛꠥꠖ।”

ꠔꠃꠞꠣꠔ ২: ꠢꠤꠎꠞꠔ 16:2

ꠅꠃ ꠡꠝꠄ ꠔꠣꠝꠣꠝ ꠛꠘꠤ ꠁꠍꠞꠣꠁꠟꠦ ꠝꠥꠍꠣ ꠀꠞ ꠢꠣꠞꠥꠘꠞ ꠛꠤꠞꠥꠖ꠆ꠖꠦ ꠇꠣꠘꠣ-ꠇꠣꠘꠤ ꠟꠣꠉꠣꠁꠟꠣ।

ꠔꠃꠞꠣꠔ ২: ꠢꠤꠎꠞꠔ 16:7

ꠛꠤꠀꠘ ꠅꠁꠟꠦꠃ ꠔꠥꠝꠞꠣ ꠝꠣꠛꠥꠖꠞ ꠇꠥꠖꠞꠔꠤ ꠘꠥꠞ ꠖꠦꠈꠛꠣꠄ, ꠔꠣꠁꠘ ꠔ ꠢꠥꠘꠍꠂꠘ, ꠔꠥꠝꠞꠣ ꠇꠤꠔꠣ ꠇꠣꠘꠣ-ꠇꠣꠘꠤ ꠇꠞꠍ। ꠔꠦ ꠀꠝꠞꠣ ꠀꠞ ꠇꠤꠔꠣ ꠎꠦꠘ, ꠔꠥꠝꠞꠣ ꠀꠝꠞꠣꠞ ꠛꠤꠞꠥꠖ꠆ꠖꠦ ꠅꠔꠔꠣ ꠝꠣꠔꠤꠞꠣꠄ?”

ꠔꠃꠞꠣꠔ ৪: ꠡꠥꠝꠣꠞꠤ 14:2

ꠢꠎꠞꠔ ꠝꠥꠍꠣ ꠀꠞ ꠢꠣꠞꠥꠘꠞ ꠛꠤꠞꠥꠖ꠆ꠖꠦ ꠛꠃꠔ ꠇꠕꠣꠛꠣꠞ꠆ꠔꠣ ꠝꠣꠔꠤꠟ। ꠔꠣꠞꠣ ꠢꠇꠟꠦ ꠝꠤꠟꠤꠀ ꠝꠥꠍꠣ ꠀꠞ ꠢꠣꠞꠥꠘꠞꠦ ꠇꠁꠟ, “ꠢꠣꠄꠞꠦ ꠢꠣꠄ! ꠀꠝꠞꠣ ꠇꠦꠘꠦ ꠢꠃ ꠝꠤꠡꠞ ꠖꠦꠡꠅ ꠛꠣ ꠝꠞꠥꠜꠥꠝꠤꠔ ꠝꠞꠟꠣꠝ ꠘꠣ? ꠢꠘꠅ ꠝꠞꠣꠃ ꠔ ꠜꠣꠟꠣ ꠀꠍꠤꠟ।

ꠔꠃꠞꠣꠔ ৪: ꠡꠥꠝꠣꠞꠤ 14:9

ꠢꠥꠘꠅ, ꠔꠥꠝꠞꠣ ꠝꠣꠛꠥꠖꠞ ꠝꠞ꠆ꠎꠤꠞ ꠃꠟꠐꠣ ꠇꠣꠝ ꠇꠞꠤꠅ ꠘꠣ। ꠔꠥꠝꠞꠣ ꠢꠤ ꠖꠦꠡꠞ ꠝꠣꠘꠡꠞꠦ ꠒꠞꠣꠁꠅ ꠘꠣ, ꠔꠣꠞꠣꠞꠦ ꠉꠤꠟꠤꠀ ꠈꠣꠁꠔꠦꠅ ꠀꠝꠞꠣꠞ ꠖꠦꠞꠤ ꠅꠁꠔ ꠘꠣꠄ। ꠔꠥꠝꠞꠣ ꠁꠔꠣꠞꠦ ꠒꠞꠣꠁꠅ ꠘꠣ, ꠔꠣꠞꠣꠞ ꠝꠣꠕꠣꠞ ꠃꠙꠞꠞ ꠍꠣꠄꠀ ꠘꠣꠁ, ꠀꠝꠞꠣꠞ ꠟꠉꠦ ꠔ ꠝꠣꠛꠥꠖ ꠀꠍꠂꠘ।”

ꠔꠃꠞꠣꠔ ৪: ꠡꠥꠝꠣꠞꠤ 16:19

ꠇꠥꠞꠣꠢꠦ ꠎꠦꠛꠟꠣ ꠡꠝꠣꠎꠞ ꠢꠇꠟ ꠝꠣꠘꠡꠞꠦ ꠃꠡ꠆ꠇꠣꠁꠀ ꠖꠟꠣ ꠇꠞꠟ, ꠇꠞꠤꠀ ꠝꠤꠟꠘ-ꠔꠣꠝ꠆ꠛꠥꠞ ꠖꠥꠀꠞꠞ ꠉꠦꠍꠦ ꠝꠥꠍꠣ ꠀꠞ ꠢꠣꠞꠥꠘꠞ ꠛꠤꠞꠥꠖ꠆ꠖꠦ ꠃꠛꠣꠁꠟ, ꠅꠃ ꠡꠝꠄ ꠔꠣꠞꠣ ꠢꠇ꠆ꠇꠟꠞ ꠍꠣꠝꠘꠦ ꠝꠣꠛꠥꠖꠞ ꠇꠥꠖꠞꠔꠤ ꠘꠥꠞ ꠎꠣꠁꠞ ꠅꠁꠟ।

ꠔꠃꠞꠣꠔ ৪: ꠡꠥꠝꠣꠞꠤ 16:3

ꠅꠁꠀ ꠔꠣꠞꠣ ꠖꠟ ꠛꠣꠘ꠆ꠖꠤꠀ ꠝꠥꠍꠣ ꠀꠞ ꠢꠣꠞꠥꠘꠞꠦ ꠇꠁꠟꠣ, “ꠔꠥꠝꠞꠣ ꠔ ꠈꠥꠛ ꠛꠦꠡꠤ ꠛꠣꠠꠣꠛꠣꠠꠤ ꠇꠞꠞꠣꠄ। ꠀꠡ꠆ꠔꠣ ꠛꠘꠤ ꠁꠍꠞꠣꠁꠟꠞ ꠙꠞꠔꠦꠇ ꠝꠣꠘꠥꠡꠃ ꠎꠦꠛꠟꠣ ꠙꠣꠇ-ꠙꠛꠤꠔ꠆ꠞ, ꠝꠣꠛꠥꠖꠅ ꠔꠣꠞꠣꠞ ꠟꠉꠦ ꠀꠍꠂꠘ। ꠔꠦ ꠔꠥꠝꠞꠣ ꠝꠣꠛꠥꠖꠞ ꠛꠘ꠆ꠖꠣ ꠅꠇꠟꠞ ꠃꠙꠞꠦ ꠃꠡ꠆ꠔꠣꠖꠤ ꠇꠞꠞꠣꠄ ꠇꠦꠘꠦ?”

ꠔꠃꠞꠣꠔ ৪: ꠡꠥꠝꠣꠞꠤ 16:42

ꠀꠞ ꠡꠝꠣꠎꠞ ꠢꠇꠟ ꠝꠣꠘꠡꠦ ꠎꠦꠛꠟꠣ ꠝꠥꠍꠣ ꠀꠞ ꠢꠣꠞꠥꠘꠞ ꠛꠤꠞꠥꠗꠤꠔꠣ ꠇꠞꠤꠀ ꠝꠤꠟꠘ-ꠔꠣꠝ꠆ꠛꠥꠞ ꠝꠥꠈꠣ ꠊꠥꠞꠤꠀ ꠃꠛꠣꠁꠟ, ꠅꠃ ꠡꠝꠄ ꠢꠃ ꠉꠣꠁꠛꠤ ꠝꠦꠊꠞ ꠈꠥꠐꠤꠄ ꠀꠈꠔꠣꠃ ꠝꠤꠟꠘ-ꠔꠣꠝ꠆ꠛꠥ ꠉꠥꠞꠤ ꠉꠦꠟ, ꠝꠣꠛꠥꠖꠞ ꠇꠥꠖꠞꠔꠤ ꠘꠥꠞ ꠎꠣꠁꠞ ꠅꠁꠟ।

ꠔꠃꠞꠣꠔ ৪: ꠡꠥꠝꠣꠞꠤ 21:5

ꠝꠥꠍꠣ ꠘꠛꠤ ꠀꠞ ꠀꠟ꠆ꠟꠣ ꠙꠣꠇꠞ ꠛꠤꠞꠥꠖ꠆ꠖꠦ ꠝꠣꠔꠣ-ꠝꠣꠔꠤ ꠟꠣꠉꠣꠁꠟꠣ, ꠔꠣꠞꠣ ꠇꠁꠟꠣ, “ꠀꠝꠞꠣꠞꠦ ꠝꠤꠡꠞ ꠖꠦꠡ ꠕꠣꠇꠤ ꠇꠦꠘꠦ ꠛꠣꠞ ꠇꠞꠤ ꠀꠘꠟꠣꠄ, ꠅꠃ ꠝꠞꠥꠜꠥꠝꠤꠔ ꠀꠘꠤꠀ ꠝꠣꠞꠣꠞ ꠟꠣꠉꠤ ꠘꠤ? ꠁꠘꠅ ꠔ ꠈꠣꠘꠤꠅ ꠘꠣꠁ, ꠙꠣꠘꠤꠅ ꠘꠣꠁ। ꠀꠞ ꠅꠟꠣ ꠛꠣꠎꠦ ꠈꠣꠘꠤ ꠀꠝꠞꠣ ꠖꠥꠁ ꠌꠃꠈꠦ ꠖꠦꠈꠔꠣꠝ ꠙꠣꠞꠤ ꠘꠣ।”