ꠔꠃꠞꠣꠔ ৪: ꠡꠥꠝꠣꠞꠤ 20:16 - Siloṭi Asmani Kitab (Nagri lipi)

¹⁶ ꠀꠝꠞꠣ ꠝꠣꠛꠥꠖꠞ ꠖꠞꠛꠣꠞꠅ ꠇꠣꠘ꠆ꠖꠣ-ꠇꠣꠐꠤ ꠇꠞꠟꠣꠝ। ꠔꠦꠃ ꠝꠣꠛꠥꠖꠦ ꠀꠝꠞꠣꠞ ꠚꠞꠤꠀꠖ ꠇꠛꠥꠟ ꠇꠞꠤꠀ, ꠔꠣꠘ ꠚꠤꠞꠤꠡ꠆ꠔꠣ ꠙꠣꠑꠣꠁꠀ ꠀꠝꠞꠣꠞꠦ ꠢꠃ ꠖꠦꠡ ꠕꠣꠇꠤ ꠛꠣꠞ ꠇꠞꠤ ꠀꠘꠍꠂꠘ। “ꠄꠞꠟꠣꠉꠤ ꠀꠝꠞꠣ ꠅꠈꠘ ꠀꠙꠘꠣꠞ ꠖꠦꠡꠞ ꠡꠤꠝꠣꠘꠣꠞ ꠇꠣꠖꠦꠡ ꠐꠣꠃꠘꠞ ꠇꠣꠘ꠆ꠖꠣꠔ ꠀꠁꠍꠤ।

ছিলটি আছমানি কিতাব (বাংলা লিপি)

¹⁶ আমরা মাবুদর দরবারো কান্দা-কাটি করলাম। তেউ মাবুদে আমরার ফরিয়াদ কবুল করিয়া, তান ফিরিস্তা পাঠাইয়া আমরারে হউ দেশ থাকি বার করি আনছইন। “এরলাগি আমরা অখন আপনার দেশর সীমানার কাদেশ টাউনর কান্দাত আইছি।

Siloṭi Asmani Kitab (Latin lipi)

¹⁶ amra Mabudor dorbaro ḳanda-ḳaṭi korlam. Teu Mabude amrar foriad kobul ḳoria, tan firista faṭaia amrare hou desh taki bar ḳori anchoin. “Erlagi amra oḳon afnar deshor shimanar Kadesh ṭaunor ḳandat aisi.

ꠔꠃꠞꠣꠔ ৪: ꠡꠥꠝꠣꠞꠤ 20:16 Iomraidhean Croise

ꠔꠃꠞꠣꠔ ২: ꠢꠤꠎꠞꠔ 14:10

ꠔꠣꠞꠣ ꠇꠣꠘ꠆ꠖꠣꠔ ꠀꠁꠔꠦꠃ ꠛꠘꠤ ꠁꠍꠞꠣꠁꠟꠦ ꠌꠣꠁꠀ ꠖꠦꠈꠟꠣ, ꠔꠣꠞꠣꠞ ꠈꠞꠦ ꠅꠁꠀ ꠝꠤꠡꠞꠤ ꠍꠤꠙꠣꠁ ꠀꠁꠞꠣ; ꠖꠦꠈꠤꠀꠃ ꠎꠣꠘꠞ ꠒꠞꠦ ꠝꠣꠛꠥꠖꠞ ꠖꠞꠛꠣꠞꠅ ꠇꠣꠘ꠆ꠖꠘ ꠟꠣꠉꠣꠁꠟꠣ।

ꠔꠃꠞꠣꠔ ২: ꠢꠤꠎꠞꠔ 14:19

ꠄꠞꠝꠣꠎꠦ ꠀꠟ꠆ꠟꠣꠞ ꠎꠦ ꠚꠤꠞꠤꠡ꠆ꠔꠣ ꠛꠘꠤ ꠁꠍꠞꠣꠁꠟꠞ ꠀꠉꠦ ꠅꠁꠀ ꠎꠣꠅꠀꠔ ꠀꠍꠟꠣ, ꠄꠁꠘ ꠎꠣꠉꠣ ꠛꠖꠟꠣꠁꠀ ꠛꠘꠤ ꠁꠍꠞꠣꠁꠟꠞ ꠈꠞꠦ ꠉꠦꠟꠣꠉꠤ। ꠄꠘ ꠟꠉꠦ ꠅꠁꠀ ꠇꠥꠖꠞꠔꠤ ꠢꠃ ꠝꠦꠊꠞ ꠈꠥꠐꠤꠅ ꠍꠣꠝꠘꠦ ꠕꠣꠇꠤ ꠢꠞꠤꠀ ꠈꠞꠦ ꠀꠁꠟ꠆ꠟ।

ꠔꠃꠞꠣꠔ ২: ꠢꠤꠎꠞꠔ 23:20

“ꠀꠝꠤ ꠔꠥꠝꠞꠣꠞ ꠟꠣꠉꠤ ꠎꠦ ꠎꠣꠉꠣ ꠎꠥꠁꠔ ꠇꠞꠤ ꠞꠣꠈꠍꠤ, ꠢꠘꠅ ꠔꠥꠝꠞꠣꠞꠦ ꠢꠦꠚꠣꠎꠔꠦ ꠙꠃꠍꠣꠘꠤꠞ ꠟꠣꠉꠤ, ꠀꠝꠤ ꠔꠥꠝꠞꠣꠞ ꠀꠉꠦ ꠀꠉꠦ ꠄꠇꠎꠘ ꠚꠤꠞꠤꠡ꠆ꠔꠣ ꠙꠣꠑꠣꠁꠝꠥ।

ꠔꠃꠞꠣꠔ ২: ꠢꠤꠎꠞꠔ 33:2

ꠀꠝꠤ ꠔꠥꠝꠞꠣꠞ ꠀꠉꠦ ꠇꠞꠤ ꠄꠇꠎꠘ ꠚꠤꠞꠤꠡ꠆ꠔꠣ ꠙꠣꠑꠣꠁꠝꠥ। ꠄꠁꠘ ꠉꠤꠀ ꠢꠘꠞ ꠇꠦꠘꠣꠘꠤ, ꠀꠝꠥꠞꠤ, ꠢꠤꠐ꠆ꠐꠤ, ꠚꠣꠞꠤꠎꠤ, ꠢꠤꠛ꠆ꠛꠤ ꠀꠞ ꠎꠤꠛꠥꠎꠤ ꠅꠇꠟꠞꠦ ꠈꠦꠖꠣꠁ ꠖꠤꠛꠣ।

ꠔꠃꠞꠣꠔ ২: ꠢꠤꠎꠞꠔ 6:5

ꠈꠣꠍ ꠇꠞꠤ ꠝꠤꠡꠞꠤ ꠅꠇꠟꠦ ꠛꠘꠤ ꠁꠍꠞꠣꠁꠟꠞꠦ ꠉꠥꠟꠣꠝꠤ ꠇꠞꠣꠘꠤꠞ ꠟꠣꠉꠤ ꠄꠞꠣꠞ ꠇꠣꠘ꠆ꠖꠘ ꠢꠥꠘꠤꠀ, ꠀꠝꠣꠞ ꠢꠃ ꠅꠀꠖꠣ ꠅꠈꠘ ꠁꠀꠖ ꠇꠞꠟꠣꠝ।

ꠔꠃꠞꠣꠔ ৪: ꠡꠥꠝꠣꠞꠤ 20:15

ꠔꠦ ꠀꠝꠞꠣꠞ ꠛꠣꠚ-ꠖꠣꠖꠣꠁꠘ ꠔ ꠝꠤꠡꠞ ꠖꠦꠡꠅ ꠉꠦꠍꠟꠣ, ꠀꠞ ꠀꠝꠞꠣ ꠛꠃꠔ ꠛꠍꠞ ꠢꠘꠅ ꠀꠍꠟꠣꠝ। ꠝꠤꠡꠞꠤ ꠅꠇꠟꠦ ꠀꠝꠞꠣ ꠀꠞ ꠀꠝꠞꠣꠞ ꠝꠄ-ꠝꠥꠞꠛ꠆ꠛꠤꠞ ꠃꠙꠞꠦ ꠎꠥꠟꠥꠝ-ꠝꠍꠤꠛꠔ ꠇꠞꠣꠄ,

ꠔꠃꠞꠣꠔ ৪: ꠡꠥꠝꠣꠞꠤ 21:22

“ꠀꠝꠞꠣ ꠀꠙꠘꠣꠞ ꠖꠦꠡꠞ ꠜꠤꠔꠞꠦꠖꠤ ꠙꠣꠞ ꠅꠁ ꠎꠣꠁꠔꠣꠝ ꠌꠣꠁꠞꠣꠝ, ꠀꠝꠞꠣꠞꠦ ꠎꠣꠁꠛꠣꠞ ꠖꠤꠛꠣ ꠘꠤ? ꠀꠝꠞꠣ ꠔ ꠞꠣꠎ ꠙꠕ ꠍꠣꠠꠤꠀ ꠈꠦꠔ-ꠇꠤꠡꠤ ꠛꠣꠄ ꠛꠣ ꠀꠋꠉꠥꠞ ꠛꠣꠉꠣꠘꠦꠖꠤ ꠎꠣꠁꠔꠣꠝ ꠘꠣꠄ, ꠇꠥꠘꠥ ꠇꠥꠀꠞ ꠙꠣꠘꠤꠅ ꠈꠣꠁꠔꠣꠝ ꠘꠣꠄ। ꠀꠙꠘꠣꠞ ꠖꠦꠡꠞ ꠡꠤꠝꠣꠘꠣ ꠙꠣꠞꠘꠤꠞ ꠀꠉ ꠙꠞ꠆ꠎꠘ꠆ꠔ ꠢꠣꠝꠦꠡꠣ ꠞꠣꠎ ꠙꠕꠦꠖꠤ ꠀꠐꠣꠔ ꠞꠁꠝꠥ।”

ꠔꠃꠞꠣꠔ ৪: ꠡꠥꠝꠣꠞꠤ 33:37

ꠛꠣꠖꠦ ꠇꠣꠖꠦꠡ ꠍꠣꠠꠤꠀ ꠁꠖꠥꠝ ꠖꠦꠡꠞ ꠡꠤꠝꠣꠘꠣꠞ ꠉꠦꠍꠦ ꠢꠥꠞ ꠙꠣꠠꠅ ꠞꠁꠟꠣ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 4:34

ꠔꠥꠝꠞꠣ ꠔꠣꠟ꠆ꠟꠣꠡ ꠇꠞꠤ ꠖꠦꠈꠅ, ꠔꠥꠝꠞꠣꠞ ꠝꠣꠛꠥꠖ ꠀꠟ꠆ꠟꠣꠄ ꠔꠥꠝꠞꠣꠞ ꠌꠈꠥꠞ ꠍꠣꠝꠘꠦ ꠝꠤꠡꠞ ꠖꠦꠡꠅ ꠔꠥꠝꠞꠣꠞ ꠟꠣꠉꠤ ꠎꠔꠔꠣ ꠇꠞꠍꠂꠘ, ꠀꠡ꠆ꠔꠣ ꠎꠉꠔꠞ ꠇꠥꠘꠥ ꠖꠦꠛ-ꠖꠦꠛꠤꠄ ꠁꠟꠣ ꠇꠞꠔ ꠙꠣꠞꠍꠦ ꠘꠤ? ꠁꠟꠣ ꠙꠞꠤꠇ꠆ꠇꠣ ꠟꠅꠀ, ꠇꠥꠖꠞꠔꠤ ꠘꠤꠡꠣꠘꠣ ꠖꠦꠈꠣꠘꠤ, ꠟꠣꠠꠣꠁ-ꠎꠥꠖ꠆ꠖ ꠇꠞꠣ, ꠝꠎꠛꠥꠔ ꠀꠔꠞ ꠛꠟ ꠖꠦꠈꠣꠘꠤ, ꠛꠠ ꠛꠠ ꠔꠣꠁꠎ꠆ꠎꠥꠛꠤ ꠟꠤꠟꠣ-ꠈꠦꠟꠣ ꠀꠞ ꠒꠞ-ꠈꠚ ꠖꠦꠈꠣꠁꠀ, ꠎꠦꠇꠥꠘꠥ ꠎꠣꠔꠤꠞꠦ ꠅꠁꠘ꠆ꠘ ꠎꠣꠔꠤꠞ ꠜꠤꠔꠞꠦ ꠕꠣꠇꠤ ꠛꠣꠞ ꠇꠞꠤ ꠀꠘꠤꠀ ꠘꠤꠎꠞ ꠙ꠆ꠞꠎꠣ ꠛꠣꠘꠣꠁꠔ ꠙꠣꠞꠍꠦ ꠘꠤ?

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 4:37

ꠔꠣꠁꠘ ꠔꠥꠝꠞꠣꠞ ꠝꠄ-ꠝꠥꠞꠛ꠆ꠛꠤ ꠅꠇꠟꠞꠦ ꠝꠢꠛ꠆ꠛꠔ ꠇꠞꠔꠣ, ꠄꠞꠟꠣꠉꠤ ꠄꠞꠣꠞ ꠝꠃꠔꠞ ꠛꠣꠖꠦ ꠔꠣꠞꠣꠞ ꠀꠅꠟꠣꠖ ꠅꠇꠟꠞꠦꠅ ꠙꠍꠘ꠆ꠖ ꠇꠞꠍꠂꠘ। ꠀꠞ ꠔꠣꠁꠘ ꠡ꠆ꠛꠄꠅꠋ ꠀꠎꠤꠞ ꠅꠁꠀ ꠔꠣꠘ ꠝꠢꠣ ꠇꠥꠖꠞꠔꠤ ꠈꠦꠝꠔꠣ ꠈꠣꠐꠣꠁꠀ ꠔꠥꠝꠞꠣꠞꠦ ꠝꠤꠡꠞ ꠖꠦꠡ ꠕꠣꠇꠤ ꠛꠣꠞ ꠇꠞꠤ ꠀꠘꠍꠂꠘ।