ꠔꠃꠞꠣꠔ ৪: ꠡꠥꠝꠣꠞꠤ 20:12 - Siloṭi Asmani Kitab (Nagri lipi)

¹² ꠅꠁꠟꠦ ꠝꠣꠛꠥꠖꠦ ꠝꠥꠍꠣ ꠀꠞ ꠢꠣꠞꠥꠘꠞꠦ ꠇꠁꠟꠣ, “ꠔꠥꠝꠞꠣ ꠔ ꠛꠘꠤ ꠁꠍꠞꠣꠁꠟꠞ ꠍꠣꠝꠘꠦ ꠀꠝꠣꠞꠦ ꠙꠣꠇ-ꠙꠛꠤꠔ꠆ꠞ ꠇꠁꠀ ꠝꠣꠘꠟꠣꠄ ꠘꠣ, ꠀꠝꠣꠞ ꠎꠛꠣꠘꠞ ꠃꠙꠞꠦ ꠜꠞꠡꠣ ꠇꠞꠟꠣꠄ ꠘꠣ। ꠄꠞꠟꠣꠉꠤ ꠀꠝꠤ ꠎꠦ ꠖꠦꠡꠈꠣꠘ ꠛꠘꠤ ꠁꠍꠞꠣꠁꠟꠞꠦ ꠖꠣꠘ ꠇꠞꠝꠥ, ꠔꠥꠝꠞꠣ ꠔꠣꠞꠣꠞꠦ ꠟꠁꠀ ꠢꠤꠘꠅ ꠎꠣꠁꠔꠣꠄ ꠙꠣꠞꠔꠣꠄ ꠘꠣꠄ।”

ছিলটি আছমানি কিতাব (বাংলা লিপি)

¹² অইলে মাবুদে মুছা আর হারুনরে কইলা, “তুমরা তো বনি ইছরাইলর ছামনে আমারে পাক-পবিত্র কইয়া মানলায় না, আমার জবানর উপরে ভরসা করলায় না। এরলাগি আমি যে দেশখান বনি ইছরাইলরে দান করমু, তুমরা তারারে লইয়া হিনো যাইতায় পারতায় নায়।”

Siloṭi Asmani Kitab (Latin lipi)

¹² Oile Mabude Musa ar Harunre ḳoila, “Tumra to Boni Israilor samne amare fak-fobitro ḳoia manlae na, amar zobanor ufre borosha ḳorlae na. Erlagi ami ze deshḳan Boni Israilre dan ḳormu, tumra tarare loia hino zaitae fartae nae.”

ꠔꠃꠞꠣꠔ ৪: ꠡꠥꠝꠣꠞꠤ 20:12 Iomraidhean Croise

ꠎꠛꠥꠞ ꠡꠞꠤꠚ 99:8

ꠅ ꠀꠟ꠆ꠟꠣ ꠀꠝꠞꠣꠞ ꠝꠣꠛꠥꠖ, ꠔꠣꠞꠣꠞ ꠝꠤꠘꠔꠤ ꠔꠥꠝꠤ ꠢꠥꠘꠔꠣꠄ, ꠔꠣꠞꠣꠞ ꠇꠍꠥꠞꠤꠞ ꠛꠖꠟꠣ ꠖꠤꠟꠦꠅ ꠔꠥꠝꠤ ꠀꠟ꠆ꠟꠣꠄ ꠝꠣꠚꠤ ꠖꠤꠔꠣꠄ।

ꠔꠃꠞꠣꠔ ৩: ꠟꠦꠛꠤꠀꠘ 10:3

ꠔꠦꠃ ꠝꠥꠍꠣꠄ ꠢꠣꠞꠥꠘꠞꠦ ꠇꠁꠟꠣ, “ꠝꠣꠛꠥꠖꠦ ꠔ ꠀꠉꠦꠃ ꠎꠣꠘꠣꠁ ꠖꠤꠍꠟꠣ, ꠀꠝꠣꠞ ꠍꠣꠝꠘꠦ ꠎꠦꠞꠣ ꠀꠎꠤꠞ ꠅꠄ, ꠔꠣꠞꠣ ꠀꠝꠣꠞꠦ ꠙꠣꠇ-ꠙꠛꠤꠔ꠆ꠞ ꠇꠁꠀ ꠝꠣꠘꠛ, ꠢꠇꠟ ꠝꠣꠘꠡꠞ ꠍꠣꠝꠘꠦ ꠀꠝꠣꠞ ꠉꠃꠞꠛ-ꠝꠢꠤꠝꠣ ꠎꠣꠁꠞ ꠇꠞꠛ।” ꠁꠈꠣꠘ ꠢꠥꠘꠤꠀ ꠢꠣꠞꠥꠘ ꠌꠥꠙꠌꠣꠙ ꠞꠁꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 11:15

ꠔꠥꠝꠤ ꠎꠥꠖꠤ ꠀꠝꠣꠞꠦ ꠁ ꠝꠥꠡꠇꠤꠟꠅ ꠚꠣꠟꠣꠅ, ꠔꠦ ꠔꠥꠝꠣꠞ ꠖꠥꠀꠁ ꠖꠤꠀ ꠇꠁꠀꠞ, ꠅꠈꠘꠃ ꠀꠝꠣꠞꠦ ꠎꠣꠘꠦ ꠝꠣꠞꠤꠟꠣꠅ। ꠀꠞ ꠇꠁꠞꠣꠝ, ꠀꠝꠤ ꠎꠥꠖꠤ ꠔꠥꠝꠣꠞ ꠞꠢꠝꠔꠞ ꠔꠟꠦ ꠕꠣꠇꠤ, ꠔꠦ ꠘꠤꠎꠞ ꠌꠃꠈꠦ ꠘꠤꠎꠞ ꠛꠦꠢꠣꠟ꠆ꠟꠔꠤ ꠖꠡꠣ ꠀꠝꠣꠞꠦ ꠖꠦꠈꠣꠁꠅ ꠘꠣ।”

ꠔꠃꠞꠣꠔ ৪: ꠡꠥꠝꠣꠞꠤ 20:24

“ꠢꠣꠞꠥꠘ ꠔ ꠔꠣꠞ ꠛꠣꠚ-ꠖꠣꠖꠣꠞ ꠉꠦꠍꠦ ꠇꠄꠛꠞꠅ ꠎꠣꠁꠔꠦꠉꠤ ꠅꠁꠛ। ꠀꠞ ꠀꠝꠤ ꠛꠘꠤ ꠁꠍꠞꠣꠁꠟꠞꠦ ꠎꠦ ꠖꠦꠡ ꠖꠤꠝꠥ, ꠢꠦ ꠔ ꠢꠤ ꠖꠦꠡꠅ ꠎꠣꠁꠔ ꠙꠣꠞꠔ ꠘꠣꠄ। ꠝꠘꠅ ꠀꠍꠦ ꠘꠤ, ꠝꠦꠞꠤꠛꠣ ꠘꠣꠝꠞ ꠎꠣꠉꠣꠔ ꠙꠣꠘꠤꠞ ꠛꠦꠙꠣꠞꠦ ꠔꠥꠝꠞꠣ ꠀꠝꠣꠞ ꠢꠥꠇꠥꠝꠞ ꠃꠟꠐꠣ ꠇꠣꠝ ꠇꠞꠍ।

ꠔꠃꠞꠣꠔ ৪: ꠡꠥꠝꠣꠞꠤ 27:14

ꠝꠘꠅ ꠀꠍꠦ ꠘꠤ, ꠎꠤꠘ ꠝꠞꠥꠜꠥꠝꠤꠞ ꠇꠣꠖꠦꠡ ꠄꠟꠣꠇꠣꠞ ꠝꠦꠞꠤꠛꠣ ꠘꠣꠝꠞ ꠎꠣꠉꠣꠞ ꠢꠃ ꠙꠣꠘꠤꠞ ꠇꠕꠣ? ꠝꠞꠥꠜꠥꠝꠤꠔ ꠛꠘꠤ ꠁꠍꠞꠣꠁꠟꠦ ꠎꠦꠛꠟꠣ ꠙꠣꠘꠤꠞ ꠟꠣꠉꠤ ꠀꠝꠣꠞ ꠛꠤꠞꠥꠗꠤꠔꠣ ꠇꠞꠍꠤꠟ, ꠔꠣꠞꠣꠞ ꠍꠣꠝꠘꠦ ꠔꠥꠝꠞꠣꠅ ꠀꠝꠣꠞꠦ ꠙꠣꠇ-ꠙꠛꠤꠔ꠆ꠞ ꠇꠁꠀ ꠘꠣ ꠝꠣꠘꠤꠀ ꠀꠝꠣꠞ ꠢꠥꠇꠥꠝꠞ ꠃꠟꠐꠣ ꠉꠦꠍꠟꠣꠄ।”

ꠁꠘ꠆ꠎꠤꠟ ১: ꠝꠕꠤ 17:17

ꠁꠍꠣꠄ ꠇꠁꠟꠣ, “ꠢꠣꠄꠞꠦ ꠛꠦꠁꠝꠣꠘ ꠀꠞ ꠘꠣꠚꠞꠝꠣꠘꠞ ꠎꠣꠔ, ꠀꠝꠤ ꠀꠞ ꠇꠔꠖꠤꠘ ꠔꠥꠝꠞꠣꠞ ꠟꠉꠦ ꠞꠁꠝꠥ, ꠔꠥꠝꠞꠣꠞ ꠎꠣꠟꠣ ꠇꠔꠖꠤꠘ ꠡꠁꠎ꠆ꠎ ꠇꠞꠝꠥ? ꠖꠦꠈꠤ, ꠔꠥꠝꠣꠞ ꠙꠥꠀꠞꠦ ꠅꠘꠅ ꠀꠘꠅ।”

ꠁꠘ꠆ꠎꠤꠟ ১: ꠝꠕꠤ 17:20

ꠔꠣꠁꠘ ꠇꠁꠟꠣ, “ꠔꠥꠝꠞꠣꠞ ꠁꠝꠣꠘꠞ ꠇꠝꠎꠥꠞꠤꠞ ꠟꠣꠉꠤꠃ ꠙꠣꠞꠍ ꠘꠣ। ꠀꠝꠤ ꠢꠣꠍꠣꠃ ꠇꠁꠞꠣꠝ, ꠔꠥꠝꠞꠣꠞ ꠖꠤꠟꠅ ꠎꠥꠖꠤ ꠄꠉꠥ ꠒꠦꠋꠉꠣ ꠛꠤꠌꠤ ꠙꠞꠤꠝꠣꠘ ꠁꠝꠣꠘ ꠕꠣꠇꠦ, ꠀꠞ ꠔꠥꠝꠞꠣ ꠅꠃ ꠙꠣꠠꠞꠦ ꠇꠅ, ‘ꠅꠘ ꠕꠣꠇꠤ ꠒꠥꠟꠤꠀ ꠢꠘꠅ ꠎꠣꠅꠉꠤ,’ ꠔꠦ ꠅꠃ ꠙꠣꠠꠅ ꠒꠥꠟꠤꠎꠤꠛ। ꠔꠥꠝꠞꠣꠞ ꠅꠡꠣꠁꠖ꠆ꠖ ꠇꠥꠘ꠆ꠔꠣꠃ ꠞꠁꠔ ꠘꠣꠄ।

Injil 3: Luk 1:20

ꠖꠦꠈꠤꠅ, ꠀꠝꠣꠞ ꠇꠕꠣ ꠡꠝꠄ ꠝꠔ ꠚꠟꠤꠛ। ꠅꠁꠟꠦ ꠀꠝꠣꠞ ꠝꠣꠔ ꠄꠇꠤꠘ ꠘꠣ ꠇꠞꠣꠄ, ꠁꠈꠣꠘ ꠚꠟꠤꠛꠣꠞ ꠀꠉ ꠙꠞ꠆ꠎꠘ꠆ꠔ ꠔꠥꠝꠤ ꠛꠥꠛꠣ ꠛꠘꠤꠎꠤꠛꠣꠄ, ꠇꠥꠘ꠆ꠔꠣ ꠝꠣꠔꠔꠣꠄ ꠙꠣꠞꠔꠣꠄ ꠘꠣꠄ।”

Injil 3: Luk 1:45

ꠔꠥꠝꠤ ꠔ ꠇꠙꠣꠟꠤ ꠛꠦꠐꠤ, ꠇꠣꠞꠘ ꠝꠣꠛꠥꠖꠦ ꠔꠥꠝꠣꠞꠦ ꠎꠦꠔꠣ ꠎꠣꠘꠣꠁꠍꠂꠘ, ꠔꠥꠝꠤ ꠖꠤꠟꠦ-ꠎꠣꠘꠦ ꠁꠔꠣ ꠄꠇꠤꠘ ꠇꠞꠍ।”

Injil 4: Hannan 1:17

ꠝꠥꠍꠣ ꠘꠛꠤꠞ ꠝꠣꠞꠚꠔꠦ ꠀꠟ꠆ꠟꠣꠄ ꠡꠞꠤꠅꠔ ꠖꠣꠘ ꠇꠞꠍꠤꠟꠣ, ꠅꠁꠟꠦ ꠁꠍꠣ ꠀꠟ-ꠝꠍꠤꠞ ꠝꠣꠞꠚꠔꠦ ꠢꠇ ꠀꠞ ꠞꠢꠝꠔ ꠀꠁꠍꠦ।

Injil 6: Ruman 4:20

ꠀꠟ꠆ꠟꠣꠞ ꠅꠀꠖꠣꠞ ꠛꠦꠙꠣꠞꠦ ꠔꠣꠘ ꠝꠘꠅ ꠇꠥꠘꠥ ꠡꠘ꠆ꠖꠄ ꠀꠁꠍꠦ ꠘꠣ, ꠛꠞꠋ ꠔꠣꠁꠘ ꠁꠝꠣꠘꠦ ꠀꠞꠅ ꠝꠎꠛꠥꠔ ꠅꠁꠀ ꠀꠟ꠆ꠟꠣꠞ ꠔꠣꠞꠤꠚ ꠇꠞꠟꠣ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 1:37

“ꠜꠣꠁꠀꠁꠘꠞꠦ, ꠔꠥꠝꠞꠣꠞ ꠇꠣꠞꠘꠦ ꠝꠣꠛꠥꠖꠦ ꠀꠝꠣꠞ ꠃꠙꠞꠦꠅ ꠉꠥꠍꠣ ꠇꠞꠟꠣ, ꠉꠥꠍꠣ ꠇꠞꠤ ꠀꠝꠣꠞꠦ ꠇꠁꠟꠣ, ꠔꠥꠝꠤ ꠝꠥꠍꠣꠅ ꠢꠃ ꠖꠦꠡꠅ ꠢꠣꠝꠣꠁꠔꠣꠄ ꠙꠣꠞꠔꠣꠄ ꠘꠣꠄ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 34:4

ꠅꠔꠣ ꠖꠦꠈꠣꠘꠤꠞ ꠛꠣꠖꠦ ꠝꠣꠛꠥꠖꠦ ꠔꠣꠘꠞꠦ ꠇꠁꠟꠣ, “ꠁꠈꠣꠘ ꠅꠁꠟ ꠢꠃ ꠖꠦꠡ, ꠎꠦꠈꠣꠘꠞ ꠛꠦꠙꠣꠞꠦ ꠀꠝꠤ ꠁꠛ꠆ꠞꠣꠢꠤꠝ, ꠁꠍꠢꠣꠇ ꠀꠞ ꠁꠀꠇꠥꠛꠞ ꠉꠦꠍꠦ ꠇꠍꠝ ꠈꠣꠁꠍꠟꠣꠝ। ꠔꠣꠞꠣꠞꠦ ꠇꠁꠍꠟꠣꠝ, ꠖꠦꠡꠈꠣꠘ ꠀꠝꠤ ꠔꠥꠝꠣꠞ ꠅꠀꠞꠤꠡꠞꠦ ꠖꠤꠝꠥ। ꠔꠦ ꠁꠔꠣ ꠀꠝꠤ ꠔꠥꠝꠣꠞꠦ ꠡꠞꠣꠡꠞꠤ ꠖꠦꠈꠣꠁꠟꠣꠝ, ꠅꠁꠟꠦ ꠔꠥꠝꠤ ꠎꠞ꠆ꠖꠣꠘ ꠉꠣꠋ ꠙꠣꠞ ꠅꠁꠀ ꠢꠤꠘꠅ ꠢꠣꠝꠣꠁꠔꠣꠄ ꠙꠣꠞꠔꠣꠄ ꠘꠣꠄ।”

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 4:21

“ꠅ ꠛꠘꠤ ꠁꠍꠞꠣꠁꠟ, ꠔꠥꠝꠞꠣꠞ ꠇꠣꠞꠘꠦ ꠝꠣꠛꠥꠖꠦ ꠀꠝꠣꠞ ꠃꠙꠞꠦꠅ ꠉꠥꠍꠣ ꠇꠞꠍꠂꠘ। ꠔꠣꠁꠘ ꠇꠍꠝ ꠈꠣꠁꠀ ꠇꠁꠍꠂꠘ, ꠀꠝꠣꠞꠦ ꠎꠞ꠆ꠖꠣꠘ ꠉꠣꠋꠉꠞ ꠢꠙꠣꠞꠅ ꠎꠣꠁꠔꠦ ꠖꠤꠔꠣ ꠘꠣꠄ, ꠔꠥꠝꠞꠣꠞ ꠝꠣꠛꠥꠖ ꠀꠟ꠆ꠟꠣꠄ ꠔꠥꠝꠞꠣꠞꠦ ꠎꠦ ꠖꠦꠡꠞ ꠝꠣꠟꠤꠇꠣꠘꠣ ꠖꠤꠞꠣ, ꠅꠃ ꠀꠞꠣꠝꠞ ꠖꠦꠡꠅ ꠀꠝꠣꠞ ꠎꠣꠅꠀ ꠘꠤꠡꠦꠗ।

ꠁꠘ꠆ꠎꠤꠟ ২১: ১-ꠙꠤꠔꠞ 3:15

ꠛꠞꠋ ꠀꠟ-ꠝꠍꠤꠞꠦ ꠘꠤꠎꠞ ꠖꠤꠟꠅ ꠝꠣꠟꠤꠇ ꠢꠤꠡꠣꠛꠦ ꠇꠛꠥꠟ ꠇꠞꠅ। ꠔꠥꠝꠞꠣꠞ ꠀꠡꠣ-ꠜꠞꠡꠣ ꠎꠥꠖꠤ ꠇꠦꠃ ꠎꠣꠘꠔ ꠌꠣꠄ, ꠔꠦ ꠔꠣꠞ ꠎꠥꠀꠙ ꠖꠤꠛꠣꠞ ꠟꠣꠉꠤ ꠢꠣꠝꠦꠡꠣ ꠎꠥꠁꠔ ꠞꠁꠅ।