ꠔꠃꠞꠣꠔ ৪: ꠡꠥꠝꠣꠞꠤ 20:1 - Siloṭi Asmani Kitab (Nagri lipi)

¹ ꠛꠍꠞꠞ ꠙꠄꠟꠣ ꠌꠣꠘ꠆ꠖꠅ ꠢꠇ꠆ꠇꠟ ꠛꠘꠤ ꠁꠍꠞꠣꠁꠟ ꠎꠤꠘ ꠝꠞꠥꠜꠥꠝꠤꠔ ꠉꠤꠀ ꠇꠣꠖꠦꠡ ꠄꠟꠣꠇꠣꠔ ꠀꠁꠀ ꠞꠁꠟꠣ। ꠢꠘꠅ ꠝꠥꠍꠣ ꠘꠛꠤꠞ ꠛꠁꠘ ꠛꠤꠛꠤ ꠝꠞꠤꠅꠝꠞ ꠁꠘ꠆ꠔꠦꠇꠣꠟ ꠅꠁꠟ ꠀꠞ ꠔꠣꠘꠞꠦ ꠖꠣꠚꠘ ꠇꠞꠣ ꠅꠁꠟ।

ছিলটি আছমানি কিতাব (বাংলা লিপি)

¹ বছরর পয়লা চান্দো হক্কল বনি ইছরাইল জীন মরুভুমিত গিয়া কাদেশ এলাকাত আইয়া রইলা। হনো মুছা নবীর বইন বিবি মরিয়মর ইন্তেকাল অইলো আর তানরে দাফন করা অইলো।

Siloṭi Asmani Kitab (Latin lipi)

¹ Bosoror foyla sando hokkol Boni Israil Zin morubumit gia Kadesh elaḳat aia roila. Hono Musa nobir boin bibi Moriomor inteḳal oilo ar tanre dafon ḳora oilo.

ꠔꠃꠞꠣꠔ ৪: ꠡꠥꠝꠣꠞꠤ 20:1 Iomraidhean Croise

ꠔꠃꠞꠣꠔ ১: ꠙꠄꠖꠣ ꠘꠣꠝꠣ 14:7

ꠢꠦꠡꠦ ꠅꠃ ꠛꠣꠖꠡꠣ ꠅꠇꠟꠦ ꠊꠥꠞꠤꠀ ꠉꠤꠀ ꠅꠂꠘ-ꠝꠤꠡꠙꠐꠅ ꠛꠣ ꠇꠣꠖꠦꠡ ꠉꠦꠟꠣ। ꠔꠣꠞꠣ ꠀꠝꠣꠟꠦꠇꠤ ꠅꠇꠟꠞ ꠀꠡ꠆ꠔꠣ ꠖꠦꠡ ꠖꠈꠟ ꠇꠞꠟꠣ ꠀꠞ ꠢꠣꠎꠣꠎꠘ-ꠔꠣꠝꠣꠞ ꠐꠣꠃꠘꠅ ꠎꠦ ꠀꠝꠥꠞꠤ ꠅꠇꠟ ꠀꠍꠤꠟ ꠔꠣꠞꠣꠞꠦꠅ ꠖꠈꠟ ꠇꠞꠟꠣ।

ꠎꠛꠥꠞ ꠡꠞꠤꠚ 29:8

ꠝꠣꠛꠥꠖꠞ ꠉꠟꠣꠞ ꠡꠥꠞꠦ ꠝꠞꠥꠜꠥꠝꠤ ꠇꠣꠙꠤꠀ ꠃꠑꠦ, ꠇꠣꠖꠦꠡ ꠖꠦꠡꠞ ꠝꠞꠥꠜꠥꠝꠤ ꠇꠣꠙꠣꠁꠘ ꠝꠣꠛꠥꠖꠦ।

ꠔꠃꠞꠣꠔ ২: ꠢꠤꠎꠞꠔ 15:20

ꠢꠣꠞꠥꠘꠞ ꠛꠁꠘ ꠢꠎꠞꠔ ꠝꠞꠤꠅꠝꠅ ꠘꠛꠤ ꠀꠍꠟꠣ, ꠔꠣꠁꠘ ꠒꠥꠉꠤ ꠀꠔꠅ ꠟꠁꠀ ꠛꠣꠎꠣꠁꠟꠣ, ꠀꠞ ꠛꠣꠇꠤ ꠢꠇꠟ ꠛꠦꠐꠤꠘ꠆ꠔꠦꠅ ꠔꠣꠘ ꠈꠞꠦꠖꠤ ꠒꠥꠉꠤ ꠟꠁꠀ ꠘꠣꠌꠤ ꠘꠣꠌꠤ ꠛꠣꠞ ꠅꠁ ꠀꠁꠟꠣ।

ꠔꠃꠞꠣꠔ ২: ꠢꠤꠎꠞꠔ 2:4

ꠀꠞ ꠄꠞ ꠇꠤꠔꠣ ꠖꠡꠣ ꠅꠄ ꠖꠦꠈꠣꠞ ꠟꠣꠉꠤ, ꠔꠣꠞ ꠛꠁꠘ ꠖꠥꠞꠁ ꠃꠛꠣꠁꠟ।

ꠔꠃꠞꠣꠔ ২: ꠢꠤꠎꠞꠔ 2:7

ꠅꠃ ꠡꠝꠄ ꠙꠥꠀꠞ ꠛꠁꠘ ꠀꠁꠀ ꠚꠦꠞꠣꠃꠘꠞ ꠙꠥꠠꠤꠞꠦ ꠎꠤꠇꠣꠁꠟ, “ꠞꠣꠘꠤ ꠝꠣ, ꠁ ꠢꠥꠞꠥꠔ꠆ꠔꠣꠞꠦ ꠖꠥꠗ ꠈꠣꠅꠀꠘꠤꠞ ꠟꠣꠉꠤ ꠇꠥꠘꠥ ꠁꠛꠞꠣꠘꠤ ꠛꠦꠐꠤꠞꠦ ꠙꠣꠁꠟꠦ ꠀꠙꠘꠣꠞ ꠉꠦꠍꠦ ꠀꠘꠔꠣꠝ ꠘꠤ?”

ꠔꠃꠞꠣꠔ ৪: ꠡꠥꠝꠣꠞꠤ 12:1

ꠢꠎꠞꠔ ꠝꠥꠍꠣꠄ ꠁꠕꠤꠅꠙꠤꠀ ꠖꠦꠡꠞ ꠄꠇꠎꠘ ꠛꠦꠐꠤꠞꠦ ꠛꠤꠀ ꠇꠞꠍꠟꠣ। ꠄꠘꠞꠦ ꠛꠤꠀ ꠇꠞꠣꠄ ꠝꠥꠍꠣꠞ ꠛꠁꠘ ꠝꠞꠤꠅꠝ ꠀꠞ ꠜꠣꠁ ꠢꠣꠞꠥꠘꠦ ꠝꠥꠍꠣꠞ ꠛꠤꠞꠥꠖ꠆ꠖꠦ ꠝꠣꠔ-ꠇꠕꠣ ꠝꠣꠔꠤꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 12:10

ꠝꠦꠊꠞ ꠌꠣꠈꠣ ꠎꠦꠛꠟꠣ ꠝꠤꠟꠘ-ꠔꠣꠝ꠆ꠛꠥ ꠕꠣꠇꠤ ꠃꠙꠞꠦ ꠃꠑꠤꠉꠦꠟ, ꠅꠃ ꠡꠝꠄ ꠖꠦꠈꠣ ꠉꠦꠟ, ꠝꠞꠤꠅꠝꠞ ꠀꠡ꠆ꠔꠣ ꠉꠔꠞꠅ ꠙꠌꠣ-ꠇꠥꠡ꠆ꠑ ꠛꠦꠝꠣꠞꠦ ꠖꠥꠗꠞ ꠟꠣꠈꠣꠘ ꠗꠟꠣ ꠅꠁꠉꠦꠍꠦ। ꠢꠣꠞꠥꠘꠦ ꠝꠞꠤꠅꠝꠞ ꠛꠣꠄ ꠌꠣꠁꠀ ꠅꠃ ꠢꠣꠟꠔ ꠖꠦꠈꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 12:15

ꠄꠞꠟꠣꠉꠤ ꠝꠞꠤꠅꠝꠞꠦ ꠡꠣꠔ ꠖꠤꠘ ꠇꠦꠝ꠆ꠙꠞ ꠛꠣꠞꠦ ꠢꠞꠣꠁ ꠕꠁꠟꠣ। ꠄꠘꠞꠦ ꠜꠤꠔꠞꠦ ꠀꠘꠣꠞ ꠀꠉ ꠙꠞ꠆ꠎꠘ꠆ꠔ ꠝꠣꠘꠡꠞ ꠍꠚꠞꠅ ꠛꠣꠞꠘꠤ ꠛꠘ꠆ꠖ ꠞꠁꠟ।

ꠔꠃꠞꠣꠔ ৪: ꠡꠥꠝꠣꠞꠤ 13:21

ꠔꠦꠃ ꠔꠣꠞꠣ ꠎꠤꠘ ꠝꠞꠥꠜꠥꠝꠤ ꠕꠣꠇꠤ ꠡꠥꠞꠥ ꠇꠞꠤꠀ ꠢꠣꠝꠣꠔꠞ ꠛꠣꠄ ꠞꠣꠢꠛ ꠙꠞ꠆ꠎꠘ꠆ꠔ ꠉꠤꠀ ꠀꠡ꠆ꠔꠣ ꠖꠦꠡꠞ ꠢꠣꠟ-ꠢꠇꠤꠇꠔ ꠖꠦꠈꠤꠀ ꠀꠁꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 13:26

ꠅꠃ ꠉꠥꠁꠀ ꠅꠇꠟ ꠚꠣꠞꠣꠘ ꠝꠞꠥꠜꠥꠝꠤꠞ ꠇꠣꠖꠦꠡ ꠘꠣꠝꠞ ꠎꠣꠉꠣꠔ ꠚꠤꠞꠤꠀ ꠀꠁꠟꠣ, ꠅꠘꠅ ꠝꠥꠍꠣ ꠘꠛꠤ, ꠁꠝꠣꠝ ꠢꠣꠞꠥꠘ ꠀꠞ ꠛꠘꠤ ꠁꠍꠞꠣꠁꠟ ꠅꠇꠟ ꠀꠍꠟꠣ। ꠄꠞꠣ ꠀꠁꠀ ꠢꠇꠟꠞꠦ ꠢꠘꠞ ꠈꠛꠞ-ꠀꠘ꠆ꠔꠞ ꠎꠣꠘꠣꠁꠟꠣ ꠀꠞ ꠢꠃ ꠖꠦꠡꠞ ꠚꠟ-ꠝꠥꠟ ꠖꠦꠈꠣꠁꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 20:16

ꠀꠝꠞꠣ ꠝꠣꠛꠥꠖꠞ ꠖꠞꠛꠣꠞꠅ ꠇꠣꠘ꠆ꠖꠣ-ꠇꠣꠐꠤ ꠇꠞꠟꠣꠝ। ꠔꠦꠃ ꠝꠣꠛꠥꠖꠦ ꠀꠝꠞꠣꠞ ꠚꠞꠤꠀꠖ ꠇꠛꠥꠟ ꠇꠞꠤꠀ, ꠔꠣꠘ ꠚꠤꠞꠤꠡ꠆ꠔꠣ ꠙꠣꠑꠣꠁꠀ ꠀꠝꠞꠣꠞꠦ ꠢꠃ ꠖꠦꠡ ꠕꠣꠇꠤ ꠛꠣꠞ ꠇꠞꠤ ꠀꠘꠍꠂꠘ। “ꠄꠞꠟꠣꠉꠤ ꠀꠝꠞꠣ ꠅꠈꠘ ꠀꠙꠘꠣꠞ ꠖꠦꠡꠞ ꠡꠤꠝꠣꠘꠣꠞ ꠇꠣꠖꠦꠡ ꠐꠣꠃꠘꠞ ꠇꠣꠘ꠆ꠖꠣꠔ ꠀꠁꠍꠤ।

ꠔꠃꠞꠣꠔ ৪: ꠡꠥꠝꠣꠞꠤ 20:22

ꠄꠞꠛꠣꠖꠦ ꠛꠘꠤ ꠁꠍꠞꠣꠁꠟ ꠇꠣꠖꠦꠡ ꠕꠣꠇꠤ ꠞꠅꠀꠘꠣ ꠅꠁꠀ ꠢꠥꠞ ꠙꠣꠠꠞ ꠉꠦꠍꠦ ꠉꠤꠀ ꠀꠎꠤꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 20:28

ꠃꠑꠣꠞ ꠛꠣꠖꠦ ꠝꠥꠍꠣꠄ ꠢꠣꠞꠥꠘꠞ ꠁꠝꠣꠝꠔꠤ ꠟꠦꠛꠣꠍ ꠈꠥꠟꠤꠀ ꠢꠣꠞꠤ ꠄꠘ ꠙꠥꠀ ꠀꠟꠤ-ꠀꠎꠞꠞꠦ ꠚꠤꠘ꠆ꠖꠣꠁꠟꠣ। ꠢꠃ ꠙꠣꠠꠞ ꠃꠙꠞꠦ ꠢꠣꠞꠥꠘꠦ ꠁꠘ꠆ꠔꠦꠇꠣꠟ ꠇꠞꠟꠣ। ꠛꠣꠖꠦ ꠝꠥꠍꠣ ꠀꠞ ꠀꠟꠤ-ꠀꠎꠞ ꠙꠣꠠ ꠕꠣꠇꠤ ꠟꠣꠝꠤꠀ ꠀꠁꠟꠣ।

ꠔꠃꠞꠣꠔ ৪: ꠡꠥꠝꠣꠞꠤ 26:59

ꠁꠝꠞꠣꠘꠞ ꠛꠃꠞ ꠘꠣꠝ ꠁꠃꠈꠣꠛꠦꠎ, ꠝꠤꠡꠞ ꠖꠦꠡꠅ ꠕꠣꠇꠔꠦ ꠟꠦꠛꠤ ꠈꠣꠘ꠆ꠖꠣꠘꠞ ꠝꠣꠎꠦ ꠄꠘ ꠎꠘꠝ ꠅꠁꠍꠤꠟ। ꠄꠘ ꠙꠦꠐ ꠕꠣꠇꠤ ꠁꠝꠞꠣꠘꠞ ꠙꠥꠀꠂꠘ ꠢꠣꠞꠥꠘ ꠀꠞ ꠝꠥꠍꠣ ꠀꠞ ꠔꠣꠞꠣꠞ ꠛꠁꠘ ꠝꠞꠤꠅꠝꠞ ꠎꠘꠝ ꠅꠁꠍꠤꠟ।

ꠔꠃꠞꠣꠔ ৪: ꠡꠥꠝꠣꠞꠤ 27:14

ꠝꠘꠅ ꠀꠍꠦ ꠘꠤ, ꠎꠤꠘ ꠝꠞꠥꠜꠥꠝꠤꠞ ꠇꠣꠖꠦꠡ ꠄꠟꠣꠇꠣꠞ ꠝꠦꠞꠤꠛꠣ ꠘꠣꠝꠞ ꠎꠣꠉꠣꠞ ꠢꠃ ꠙꠣꠘꠤꠞ ꠇꠕꠣ? ꠝꠞꠥꠜꠥꠝꠤꠔ ꠛꠘꠤ ꠁꠍꠞꠣꠁꠟꠦ ꠎꠦꠛꠟꠣ ꠙꠣꠘꠤꠞ ꠟꠣꠉꠤ ꠀꠝꠣꠞ ꠛꠤꠞꠥꠗꠤꠔꠣ ꠇꠞꠍꠤꠟ, ꠔꠣꠞꠣꠞ ꠍꠣꠝꠘꠦ ꠔꠥꠝꠞꠣꠅ ꠀꠝꠣꠞꠦ ꠙꠣꠇ-ꠙꠛꠤꠔ꠆ꠞ ꠇꠁꠀ ꠘꠣ ꠝꠣꠘꠤꠀ ꠀꠝꠣꠞ ꠢꠥꠇꠥꠝꠞ ꠃꠟꠐꠣ ꠉꠦꠍꠟꠣꠄ।”

ꠔꠃꠞꠣꠔ ৪: ꠡꠥꠝꠣꠞꠤ 33:36

ꠀꠞ ꠅꠈꠣꠘ ꠕꠣꠇꠤ ꠎꠤꠘ ꠝꠞꠥꠜꠥꠝꠤꠞ ꠇꠣꠘ꠆ꠖꠣꠔ ꠇꠣꠖꠦꠡ ꠄꠟꠣꠇꠣꠔ ꠉꠤꠀ ꠔꠣꠝ꠆ꠛꠥ ꠉꠣꠠꠤꠟꠣ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 1:46

ꠅꠃ ꠘꠝꠥꠘꠣꠄ ꠔꠥꠝꠞꠣ ꠛꠃꠔ ꠖꠤꠘ ꠇꠣꠖꠦꠡ ꠄꠟꠣꠇꠣꠔ ꠞꠁꠟꠣꠄ, ꠟꠣꠝ꠆ꠛꠣ ꠡꠝꠄ ꠅꠘꠅ ꠉꠥꠎꠞꠤꠟ।”

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 2:14

ꠀꠞ ꠇꠣꠖꠦꠡ-ꠛꠞꠘꠦꠀ ꠕꠣꠇꠤ ꠛꠣꠞ ꠅꠁꠀ ꠢꠣꠞꠤ ꠎꠦꠞꠦꠖ ꠉꠥꠟ꠆ꠟꠣ ꠙꠣꠞ ꠅꠁꠀ ꠀꠁꠔꠦ ꠀꠝꠞꠣꠞ ꠀꠐꠔꠤꠡ ꠛꠍꠞ ꠟꠣꠉꠍꠤꠟ। ꠄꠞꠝꠣꠎꠦ ꠅꠃꠟꠣ ꠅꠁꠟ, ꠝꠣꠛꠥꠖꠦ ꠀꠉꠦ ꠇꠍꠝ ꠈꠣꠁꠀ ꠎꠦꠟꠣ ꠇꠁꠍꠟꠣ, ꠅꠃꠟꠣ ꠇꠣꠖꠦꠡ-ꠛꠞꠘꠦꠀ ꠕꠣꠇꠤ ꠛꠣꠞꠘꠤꠞ ꠇꠣꠟꠅ ꠀꠝꠞꠣꠞ ꠎꠔ ꠍꠤꠙꠣꠁ ꠀꠍꠟꠣ, ꠄꠞꠣ ꠢꠇꠟꠃ ꠅꠃ ꠀꠐꠔꠤꠡ ꠛꠍꠞꠦ ꠝꠞꠤꠉꠦꠟꠣ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 32:51

ꠝꠘꠅ ꠀꠍꠦ ꠘꠤ, ꠢꠇꠟ ꠛꠘꠤ ꠁꠍꠞꠣꠁꠟꠞ ꠍꠣꠝꠘꠦ ꠔꠥꠝꠞꠣ ꠖꠥꠁꠅ ꠜꠣꠁꠄ ꠀꠝꠣꠞꠦ ꠙꠣꠇ-ꠙꠛꠤꠔ꠆ꠞ ꠇꠁꠀ ꠝꠣꠁꠘ꠆ꠘ ꠇꠞꠍ ꠘꠣ, ꠢꠃ ꠎꠤꠘ ꠝꠞꠥꠜꠥꠝꠤꠞ ꠇꠣꠖꠦꠡ ꠄꠟꠣꠇꠣꠞ ꠝꠦꠞꠤꠛꠣ ꠘꠣꠝꠞ ꠎꠣꠉꠣꠔ ꠙꠣꠘꠤꠞ ꠉꠦꠍꠦ ꠔꠥꠝꠞꠣ ꠀꠝꠣꠞ ꠘꠣꠝꠦ ꠎꠣꠟꠤꠀꠔꠤ ꠇꠞꠍꠟꠣꠄ।