ꠔꠃꠞꠣꠔ ৪: ꠡꠥꠝꠣꠞꠤ 19:9 - Siloṭi Asmani Kitab (Nagri lipi)

⁹ ꠅꠃ ꠒꠦꠇꠤꠞ ꠎꠣꠟꠣꠁꠟ ꠍꠣꠟꠤ ꠈꠣꠘꠣꠁꠘ ꠇꠥꠘꠥ ꠙꠣꠇ-ꠍꠣꠚ ꠝꠣꠘꠡꠦ ꠔꠥꠟꠤꠀ ꠘꠤꠀ, ꠇꠦꠝ꠆ꠙꠞ ꠛꠣꠞꠦ ꠇꠥꠘꠥ ꠙꠣꠇ ꠎꠣꠉꠣꠔ ꠕꠁꠛ। ꠛꠘꠤ ꠁꠍꠞꠣꠁꠟꠦ ꠙꠣꠇ-ꠍꠣꠚ ꠅꠀꠞ ꠙꠣꠘꠤ ꠔꠤꠀꠞ ꠇꠞꠣꠞ ꠟꠣꠉꠤ ꠅꠃ ꠍꠣꠟꠤꠞꠦ ꠎꠔꠘꠦ ꠕꠁꠛꠣ। ꠛꠣꠖꠦ ꠘꠣꠙꠣꠇ ꠕꠣꠇꠤ ꠙꠣꠇ-ꠍꠣꠚ ꠅꠀꠞ ꠇꠣꠟꠅ ꠅꠃ ꠙꠣꠘꠤ ꠇꠣꠝꠅ ꠟꠣꠉꠣꠁꠛꠣ।

ছিলটি আছমানি কিতাব (বাংলা লিপি)

⁹ অউ ডেকির জালাইল ছালি খানাইন কুনু পাক-ছাফ মানষে তুলিয়া নিয়া, কেম্পর বারে কুনু পাক জাগাত থইবো। বনি ইছরাইলে পাক-ছাফ অওয়ার পানি তিয়ার করার লাগি অউ ছালিরে যতনে থইবা। বাদে নাপাক থাকি পাক-ছাফ অওয়ার কালো অউ পানি কামো লাগাইবা।

Siloṭi Asmani Kitab (Latin lipi)

⁹ Ou ḍekir zalail sali kanain kunu fak-saf manshe tulia nia, kempor bare kunu pak zagat toibo. Boni Israile fak-saf oar fani tiar ḳorar lagi ou salire zotone toiba. Bade nafak taki fak-saf oar ḳalo ou fani kamo lagaiba.

ꠔꠃꠞꠣꠔ ৪: ꠡꠥꠝꠣꠞꠤ 19:9 Iomraidhean Croise

ꠔꠃꠞꠣꠔ ৩: ꠟꠦꠛꠤꠀꠘ 15:20

ꠅꠃ ꠛꠦꠐꠤꠀꠞꠣ ꠛꠦꠝꠣꠞꠞ ꠡꠝꠄ ꠔꠣꠁ ꠎꠦꠔꠣꠞ ꠃꠙꠞꠦ ꠛꠁꠛ ꠛꠣ ꠢꠥꠔꠤꠛ, ꠁꠔꠣ ꠢꠇꠟꠔꠣ ꠘꠣꠙꠣꠇ ꠅꠁꠎꠤꠛ।

ꠔꠃꠞꠣꠔ ৪: ꠡꠥꠝꠣꠞꠤ 19:13

ꠟꠣꠡ ꠍꠅꠀꠞ ꠛꠣꠖꠦ ꠇꠦꠃ ꠎꠥꠖꠤ ꠙꠣꠇ-ꠍꠣꠚ ꠘꠣ ꠅꠄ, ꠔꠦ ꠢꠦ ꠝꠣꠛꠥꠖꠞ ꠊꠞꠞꠦ ꠘꠣꠙꠣꠇ ꠛꠣꠘꠣꠄ। ꠅꠃ ꠎꠘꠞꠦ ꠛꠘꠤ ꠁꠍꠞꠣꠁꠟꠞ ꠡꠝꠣꠎ ꠕꠣꠇꠤ ꠚꠥꠍꠤꠟꠤꠛꠣꠄ। ꠙꠣꠇ-ꠍꠣꠚ ꠅꠀꠞ ꠙꠣꠘꠤ ꠔꠣꠞ ꠡꠞꠤꠟꠅ ꠘꠣ ꠍꠤꠐꠣꠘꠤꠄ, ꠔꠣꠞ ꠘꠣꠙꠣꠇꠤ ꠔꠣꠞ ꠟꠉꠦ ꠞꠁꠛ।

ꠔꠃꠞꠣꠔ ৪: ꠡꠥꠝꠣꠞꠤ 19:17

“ꠅꠟꠣ ꠘꠣꠙꠣꠇ ꠝꠣꠘꠡꠞꠦ ꠙꠣꠇ-ꠍꠣꠚ ꠇꠞꠣꠞ ꠘꠤꠅꠔꠦ ꠎꠦ ꠟꠣꠟ ꠒꠦꠇꠤꠞ ꠉꠥꠡ꠆ꠔ ꠎꠣꠟꠣꠘꠤ ꠅꠁꠍꠦ, ꠅꠉꠥꠞ ꠇꠤꠍꠥ ꠍꠣꠟꠤ ꠄꠇꠐꠣ ꠉꠣꠝꠟꠣꠔ ꠟꠁꠀ, ꠅꠃ ꠉꠣꠝꠟꠣꠔ ꠚꠥꠔꠞ ꠙꠣꠘꠤ ꠜꠞꠔꠦ ꠅꠁꠛ।

ꠔꠃꠞꠣꠔ ৪: ꠡꠥꠝꠣꠞꠤ 19:18

ꠛꠣꠖꠦ ꠇꠥꠘꠥ ꠙꠣꠇ-ꠍꠣꠚ ꠝꠣꠘꠡꠦ ꠄꠍꠥꠛ ꠉꠣꠍꠞ ꠇꠄꠐꠣ ꠒꠦꠐꠣ ꠀꠘꠤꠀ ꠙꠣꠘꠤꠔ ꠛꠥꠠꠣꠁꠀ ꠢꠃ ꠝꠥꠞ꠆ꠖꠣꠞ ꠔꠣꠝ꠆ꠛꠥ, ꠄꠞ ꠜꠤꠔꠞꠞ ꠢꠇꠟ ꠝꠣꠟ-ꠍꠣꠝꠣꠘꠣ ꠀꠞ ꠝꠣꠘꠡꠞ ꠃꠙꠞꠦ ꠍꠤꠐꠣꠁ ꠖꠤꠛꠣ। ꠎꠔ ꠎꠘꠦ ꠄꠝꠘꠦ ꠝꠞꠣ, ꠛꠣ ꠈꠥꠘ ꠅꠁꠀ ꠝꠞꠣ ꠇꠥꠘꠥ ꠝꠥꠞ꠆ꠖꠣꠞ ꠟꠣꠡ, ꠝꠞꠣꠞ ꠀꠒ꠆ꠒꠤ-ꠉꠥꠒ꠆ꠒꠤ ꠛꠣ ꠇꠄꠛꠞ ꠍꠁꠍꠦ, ꠔꠣꠞꠣꠞ ꠃꠙꠞꠦꠅ ꠅꠃ ꠙꠣꠘꠤ ꠍꠤꠐꠣꠁ ꠖꠤꠛꠣ।

ꠔꠃꠞꠣꠔ ৪: ꠡꠥꠝꠣꠞꠤ 19:3

ꠅꠉꠥ ꠀꠘꠤꠀ ꠔꠥꠝꠞꠣ ꠁꠝꠣꠝ ꠀꠟꠤ-ꠀꠎꠞꠞ ꠉꠦꠍꠦ ꠖꠤꠛꠣꠄ। ꠁꠝꠣꠝꠦ ꠁꠐꠣꠞꠦ ꠇꠦꠝ꠆ꠙꠞ ꠛꠣꠞꠦ ꠘꠤꠀ ꠔꠣꠘ ꠍꠣꠝꠘꠦ ꠎꠛ ꠇꠞꠣꠁꠛꠣ।

ꠔꠃꠞꠣꠔ ৪: ꠡꠥꠝꠣꠞꠤ 19:8

ꠎꠦ ꠎꠘꠦ ꠅꠃ ꠒꠦꠇꠤꠞ ꠢꠇꠟꠔꠣ ꠎꠣꠟꠣꠁꠛ, ꠢꠦ-ꠅ ꠘꠣꠁꠀ ꠢꠣꠞꠤ ꠇꠣꠙꠠ-ꠌꠥꠙꠠ ꠗꠁꠛ ꠀꠞ ꠢꠣꠁꠘ꠆ꠎꠣ ꠙꠞ꠆ꠎꠘ꠆ꠔ ꠘꠣꠙꠣꠇ ꠞꠁꠛ।

ꠔꠃꠞꠣꠔ ৪: ꠡꠥꠝꠣꠞꠤ 6:12

ꠀꠞ ꠀꠉꠞ ꠟꠣꠈꠣꠘ ꠢꠤꠞꠛꠣꠞ ꠝꠣꠛꠥꠖꠞ ꠘꠣꠝꠦ ꠀꠟꠣꠖꠣ ꠞꠅꠀꠞ ꠝꠣꠘ꠆ꠘꠔ ꠇꠞꠣ ꠟꠣꠉꠛ। ꠄꠞꠟꠉꠦ ꠖꠥꠡ-ꠇꠍꠥꠞꠤꠞ ꠇꠚꠞꠣꠞ ꠟꠣꠉꠤ ꠄꠇ ꠛꠍꠞ ꠛꠄꠅꠡꠤ ꠄꠉꠥ ꠝꠦꠠꠣ-ꠛꠣꠁꠌ꠆ꠌꠣ ꠇꠥꠞꠛꠣꠘꠤ ꠖꠤꠛ। ꠔꠣ-ꠅ ꠀꠉꠦ ꠎꠔꠖꠤꠘ ꠢꠦ ꠝꠣꠛꠥꠖꠞ ꠘꠣꠝꠦ ꠀꠟꠣꠖꠣ ꠞꠁꠍꠤꠟ, ꠁꠔꠣ ꠛꠣꠔꠤꠟ ꠅꠁꠎꠤꠛ, ꠇꠣꠞꠘ ꠢꠤ ꠡꠝꠄ ꠢꠦ ꠘꠣꠙꠣꠇ ꠅꠁꠉꠦꠍꠤꠟ।

ꠔꠃꠞꠣꠔ ৪: ꠡꠥꠝꠣꠞꠤ 8:7

ꠁ ꠙꠣꠇ-ꠙꠣꠇꠤꠎꠣ ꠇꠞꠣꠞ ꠘꠤꠅꠝ ꠅꠁꠟ, ꠙꠄꠟꠣ ꠔꠣꠞꠣꠞ ꠃꠙꠞꠦ ꠙꠣꠇ-ꠙꠛꠤꠔ꠆ꠞ ꠅꠀꠞ ꠙꠣꠘꠤ ꠍꠤꠐꠣꠁꠀ ꠖꠤꠛꠣꠄ, ꠍꠤꠐꠣꠁꠀ ꠔꠣꠞꠣ ꠘꠤꠎꠦ ꠀꠡ꠆ꠔꠣ ꠡꠞꠤꠟꠞ ꠌꠥꠟ ꠇꠣꠝꠣꠁꠀ ꠇꠣꠙꠠ-ꠌꠥꠙꠠ ꠗꠁꠀ ꠙꠣꠇ-ꠍꠣꠚ ꠛꠘꠛꠣ।

ꠔꠃꠞꠣꠔ ৪: ꠡꠥꠝꠣꠞꠤ 9:13

ꠅꠁꠟꠦ ꠎꠦꠞꠣ ꠙꠣꠇ-ꠙꠣꠇꠤꠎꠣ ꠢꠣꠟꠔꠦ ꠀꠍꠦ, ꠀꠞ ꠎꠦꠞꠣ ꠍꠚꠞꠞ ꠝꠣꠎꠦ ꠘꠣꠄ, ꠁꠟꠣ ꠇꠥꠘꠥ ꠎꠘꠦ ꠎꠥꠖꠤ ꠀꠎꠣꠖꠤ ꠁꠖꠞ ꠇꠥꠞꠛꠣꠘꠤ ꠘꠣ ꠖꠦꠄ, ꠔꠦ ꠝꠣꠛꠥꠖꠞ ꠑꠤꠇ ꠇꠞꠣ ꠡꠝꠄꠄ ꠇꠥꠞꠛꠣꠘꠤ ꠘꠣ ꠖꠦꠅꠀꠄ, ꠔꠣꠞ ꠎꠣꠔꠤ ꠕꠣꠇꠤ ꠔꠣꠞ ꠘꠣꠝ ꠝꠤꠐꠣꠁꠟꠤꠛꠣꠄ। ꠔꠣꠞ ꠉꠥꠘꠣꠞ ꠡꠣꠎꠣ ꠢꠦ ꠙꠣꠁꠔꠦ ꠅꠁꠛ।

Injil 8: 2-Korintia 5:21

ꠢꠎꠞꠔ ꠁꠍꠣ ꠀꠟ-ꠝꠍꠤꠄ ꠔ ꠇꠥꠘꠥ ꠉꠥꠘꠣ-ꠘꠣꠚꠞꠝꠣꠘꠤ ꠇꠞꠍꠂꠘ ꠘꠣ। ꠅꠁꠟꠦ ꠀꠝꠞꠣ ꠢꠇꠟꠞ ꠉꠥꠘꠣꠞ ꠡꠣꠎꠣ ꠀꠟ꠆ꠟꠣꠄ ꠔꠣꠘ ꠇꠣꠘ꠆ꠖꠅ ꠔꠥꠟꠤ ꠖꠤꠟꠣ, ꠎꠣꠔꠦ ꠔꠣꠘ ꠃꠙꠞꠦ ꠁꠝꠣꠘ ꠀꠘꠣꠞ ꠝꠣꠎꠖꠤ ꠀꠟ꠆ꠟꠣꠁ ꠙꠛꠤꠔ꠆ꠞꠔꠣꠄ ꠀꠝꠞꠣ ꠙꠞꠦꠎꠉꠣꠞ ꠢꠤꠡꠣꠛꠦ ꠇꠛꠥꠟ ꠅꠁ।

Injil 8: 2-Korintia 7:1

ꠅ ꠝꠣꠄꠀꠞ ꠜꠣꠁ ꠅꠇꠟ, ꠅꠃ ꠅꠀꠖꠣ ꠅꠇꠟ ꠔ ꠀꠝꠞꠣꠞ ꠟꠣꠉꠤꠃ ꠇꠞꠣ ꠅꠁꠍꠦ, ꠔꠦ ꠀꠅ ꠀꠝꠞꠣ ꠡꠞꠤꠟꠞ ꠀꠞ ꠖꠤꠟꠞ ꠘꠣꠙꠣꠇꠤ ꠖꠥꠞ ꠇꠞꠤꠀ ꠘꠤꠎꠞꠦ ꠙꠣꠇ-ꠍꠣꠚ ꠇꠞꠤ, ꠀꠞ ꠀꠟ꠆ꠟꠣꠞ ꠒꠞ-ꠈꠚꠦ ꠙꠥꠞꠣꠙꠥꠞ ꠙꠣꠇ-ꠙꠛꠤꠔ꠆ꠞ ꠎꠤꠘ꠆ꠖꠦꠉꠤꠞ ꠙꠕꠦ ꠌꠟꠤ।

Injil 19: Ibrani 7:26

ꠀꠍꠟꠦ ꠀꠝꠞꠣꠞ ꠟꠣꠉꠤ ꠅꠃꠟꠣ ꠄꠇꠎꠘ ꠙꠞꠗꠣꠘ ꠁꠝꠣꠝꠞ ꠎꠞꠥꠞꠅ ꠀꠍꠤꠟ, ꠎꠦꠁꠘ ꠙꠣꠇ-ꠙꠞꠦꠎꠉꠣꠞ, ꠛꠦ-ꠉꠥꠘꠣ, ꠉꠥꠘꠣꠉꠣꠞ ꠅꠇꠟ ꠕꠘꠦ ꠀꠟꠉ, ꠀꠞ ꠀꠟ꠆ꠟꠣꠄ ꠎꠦꠘꠞꠦ ꠀꠍꠝꠣꠘ ꠅꠇꠟꠞ ꠃꠙꠞꠦ ꠔꠥꠟꠍꠂꠘ।

Injil 19: Ibrani 9:13

ꠀꠉꠦ ꠎꠦꠞꠣ ꠘꠣꠙꠣꠇ ꠛꠘꠤꠎꠤꠔ, ꠔꠣꠞꠣꠞ ꠟꠣꠉꠤ ꠉꠞꠥ ꠛꠣ ꠍꠣꠉꠟꠞ ꠟꠃ ꠀꠞ ꠒꠦꠇꠤ-ꠉꠞꠥꠞ ꠎꠣꠟꠣꠁꠟ ꠍꠣꠟꠤ ꠍꠤꠐꠣꠁꠀ ꠙꠣꠇ-ꠍꠣꠚ ꠇꠞꠣ ꠅꠁꠔ, ꠅꠁꠟꠦ ꠁꠔꠣꠄ ꠔ ꠄꠞꠣꠞ ꠡꠞꠤꠟꠞ ꠛꠣꠁꠞꠉꠣꠟꠣ ꠈꠣꠟꠤ ꠙꠣꠇ-ꠍꠣꠚ ꠅꠁꠔ।