ꠔꠃꠞꠣꠔ ৪: ꠡꠥꠝꠣꠞꠤ 19:8 - Siloṭi Asmani Kitab (Nagri lipi)

⁸ ꠎꠦ ꠎꠘꠦ ꠅꠃ ꠒꠦꠇꠤꠞ ꠢꠇꠟꠔꠣ ꠎꠣꠟꠣꠁꠛ, ꠢꠦ-ꠅ ꠘꠣꠁꠀ ꠢꠣꠞꠤ ꠇꠣꠙꠠ-ꠌꠥꠙꠠ ꠗꠁꠛ ꠀꠞ ꠢꠣꠁꠘ꠆ꠎꠣ ꠙꠞ꠆ꠎꠘ꠆ꠔ ꠘꠣꠙꠣꠇ ꠞꠁꠛ।

ছিলটি আছমানি কিতাব (বাংলা লিপি)

⁸ যে জনে অউ ডেকির হকলতা জালাইবো, হে-ও নাইয়া হারি কাপড়-চুপড় ধইবো আর হাইঞ্জা পর্যন্ত নাপাক রইবো।

Siloṭi Asmani Kitab (Latin lipi)

⁸ Ze zone ou ḍekir hoḳolta zalaibo, he-o naia hari kafoṛ-sufoṛ doibo ar hainja forzonto nafak roibo.

ꠔꠃꠞꠣꠔ ৪: ꠡꠥꠝꠣꠞꠤ 19:8 Iomraidhean Croise

ꠔꠃꠞꠣꠔ ৩: ꠟꠦꠛꠤꠀꠘ 11:25

ꠀꠞ ꠇꠦꠃ ꠎꠥꠖꠤ ꠅꠔꠣ ꠢꠣꠞꠣꠝ ꠎꠤꠘꠤꠡꠞ ꠟꠣꠡꠞ ꠇꠥꠘꠥ ꠅꠋꠡꠞꠦ ꠀꠔꠖꠤ ꠗꠞꠤꠀ ꠛꠁꠀ ꠘꠦꠄ, ꠔꠦ ꠢꠦ ꠔꠣꠞ ꠇꠣꠙꠠ-ꠌꠥꠙꠠ ꠗꠁꠀ ꠖꠤꠔꠦ ꠅꠁꠛ, ꠀꠞ ꠢꠣꠁꠘ꠆ꠎꠣ ꠙꠞ꠆ꠎꠘ꠆ꠔ ꠘꠣꠙꠣꠇ ꠞꠁꠛ।

ꠔꠃꠞꠣꠔ ৩: ꠟꠦꠛꠤꠀꠘ 16:28

ꠎꠦ ꠎꠘꠦ ꠁꠔꠣ ꠢꠇꠟꠔꠣ ꠛꠣꠞꠦ ꠘꠤꠀ ꠎꠣꠟꠣꠁꠛ, ꠢꠦ-ꠅ ꠔꠣꠞ ꠇꠣꠙꠠ-ꠌꠥꠙꠠ ꠗꠁꠀ, ꠙꠣꠘꠤꠖꠤ ꠘꠣꠁꠀ ꠢꠣꠞꠤ ꠛꠣꠖꠦ ꠀꠁꠀ ꠇꠦꠝ꠆ꠙꠞ ꠜꠤꠔꠞꠦ ꠢꠣꠝꠣꠁꠔ ꠙꠣꠞꠛ।

ꠔꠃꠞꠣꠔ ৩: ꠟꠦꠛꠤꠀꠘ 17:15

“ꠀꠞ ꠇꠥꠘꠥ ꠝꠣꠘꠡꠦ ꠎꠥꠖꠤ ꠝꠞꠣ ꠙꠡꠥꠞ ꠛꠣ ꠎꠋꠟꠤ ꠎꠣꠘꠥꠀꠞꠦ ꠝꠣꠞꠣ ꠇꠥꠘꠥ ꠙꠡꠥꠞ ꠉꠥꠡ꠆ꠔ ꠈꠣꠁꠟꠣꠄ, ꠔꠦ ꠢꠦ ꠛꠘꠤ ꠁꠍꠞꠣꠁꠟ ꠅꠃꠇ, ꠛꠣ ꠔꠣꠞꠣꠞ ꠟꠉꠦ ꠛꠡꠔ ꠇꠞꠞꠣ ꠜꠤꠘ-ꠖꠦꠡꠤ ꠅꠃꠇ, ꠢꠦ ꠔꠣꠞ ꠇꠣꠙꠠ-ꠌꠥꠙꠠ ꠗꠁꠀ ꠖꠤꠀ ꠙꠣꠘꠤꠖꠤ ꠘꠣꠁꠔꠦ ꠅꠁꠛ। ꠔꠣ-ꠅ ꠢꠣꠁꠘ꠆ꠎꠣ ꠙꠞ꠆ꠎꠘ꠆ꠔ ꠢꠦ ꠘꠣꠙꠣꠇ ꠢꠣꠟꠔꠦ ꠞꠁꠛ, ꠄꠞꠛꠣꠖꠦ ꠢꠦ ꠙꠣꠇ-ꠍꠣꠚ ꠛꠘꠛ।

ꠔꠃꠞꠣꠔ ৪: ꠡꠥꠝꠣꠞꠤ 19:21

ꠁꠔꠣ ꠅꠁꠛ ꠛꠘꠤ ꠁꠍꠞꠣꠁꠟꠞ ꠟꠣꠉꠤ ꠄꠇꠐꠣ ꠌꠤꠞꠇꠣꠟꠤꠘ ꠘꠤꠅꠝ। “ꠎꠦ ꠎꠘꠦ ꠅꠃ ꠙꠣꠇ-ꠍꠣꠚ ꠅꠀꠞ ꠙꠣꠘꠤ ꠍꠤꠐꠣꠁꠛꠣ, ꠄꠁꠘ ꠘꠤꠎꠦꠅ ꠔꠣꠘ ꠇꠣꠙꠠ-ꠌꠥꠙꠠ ꠗꠁꠔꠦ ꠅꠁꠛ। ꠁ ꠙꠣꠇ-ꠍꠣꠚ ꠅꠀꠞ ꠙꠣꠘꠤ ꠇꠥꠘꠥ ꠝꠣꠘꠡꠦ ꠍꠁꠟꠦ, ꠢꠦ ꠢꠣꠁꠘ꠆ꠎꠣ ꠙꠞ꠆ꠎꠘ꠆ꠔ ꠘꠣꠙꠣꠇ ꠞꠁꠛ।

ꠔꠃꠞꠣꠔ ৪: ꠡꠥꠝꠣꠞꠤ 19:7

ꠛꠣꠖꠦ ꠔꠣꠁꠘ ꠘꠣꠁꠛꠣ, ꠀꠞ ꠚꠤꠘ꠆ꠘꠞ ꠇꠣꠙꠠ-ꠌꠥꠙꠠꠅ ꠗꠁꠛꠣ। ꠘꠣꠁꠀ-ꠗꠁꠀ ꠢꠣꠞꠟꠦ ꠔꠣꠁꠘ ꠇꠦꠝ꠆ꠙꠞ ꠜꠤꠔꠞꠦ ꠎꠣꠁꠔꠣ ꠙꠣꠞꠛꠣ, ꠅꠁꠟꠦ ꠢꠣꠁꠘ꠆ꠎꠣ ꠙꠞ꠆ꠎꠘ꠆ꠔ ꠔꠣꠁꠘ ꠘꠣꠙꠣꠇ ꠢꠣꠟꠔꠦ ꠞꠁꠛꠣ।

ꠔꠃꠞꠣꠔ ৪: ꠡꠥꠝꠣꠞꠤ 19:9

ꠅꠃ ꠒꠦꠇꠤꠞ ꠎꠣꠟꠣꠁꠟ ꠍꠣꠟꠤ ꠈꠣꠘꠣꠁꠘ ꠇꠥꠘꠥ ꠙꠣꠇ-ꠍꠣꠚ ꠝꠣꠘꠡꠦ ꠔꠥꠟꠤꠀ ꠘꠤꠀ, ꠇꠦꠝ꠆ꠙꠞ ꠛꠣꠞꠦ ꠇꠥꠘꠥ ꠙꠣꠇ ꠎꠣꠉꠣꠔ ꠕꠁꠛ। ꠛꠘꠤ ꠁꠍꠞꠣꠁꠟꠦ ꠙꠣꠇ-ꠍꠣꠚ ꠅꠀꠞ ꠙꠣꠘꠤ ꠔꠤꠀꠞ ꠇꠞꠣꠞ ꠟꠣꠉꠤ ꠅꠃ ꠍꠣꠟꠤꠞꠦ ꠎꠔꠘꠦ ꠕꠁꠛꠣ। ꠛꠣꠖꠦ ꠘꠣꠙꠣꠇ ꠕꠣꠇꠤ ꠙꠣꠇ-ꠍꠣꠚ ꠅꠀꠞ ꠇꠣꠟꠅ ꠅꠃ ꠙꠣꠘꠤ ꠇꠣꠝꠅ ꠟꠣꠉꠣꠁꠛꠣ।