ꠔꠃꠞꠣꠔ ৪: ꠡꠥꠝꠣꠞꠤ 19:7 - Siloṭi Asmani Kitab (Nagri lipi)

⁷ ꠛꠣꠖꠦ ꠔꠣꠁꠘ ꠘꠣꠁꠛꠣ, ꠀꠞ ꠚꠤꠘ꠆ꠘꠞ ꠇꠣꠙꠠ-ꠌꠥꠙꠠꠅ ꠗꠁꠛꠣ। ꠘꠣꠁꠀ-ꠗꠁꠀ ꠢꠣꠞꠟꠦ ꠔꠣꠁꠘ ꠇꠦꠝ꠆ꠙꠞ ꠜꠤꠔꠞꠦ ꠎꠣꠁꠔꠣ ꠙꠣꠞꠛꠣ, ꠅꠁꠟꠦ ꠢꠣꠁꠘ꠆ꠎꠣ ꠙꠞ꠆ꠎꠘ꠆ꠔ ꠔꠣꠁꠘ ꠘꠣꠙꠣꠇ ꠢꠣꠟꠔꠦ ꠞꠁꠛꠣ।

ছিলটি আছমানি কিতাব (বাংলা লিপি)

⁷ বাদে তাইন নাইবা, আর ফিন্নর কাপড়-চুপড়ও ধইবা। নাইয়া-ধইয়া হারলে তাইন কেম্পর ভিতরে যাইতা পারবা, অইলে হাইঞ্জা পর্যন্ত তাইন নাপাক হালতে রইবা।

Siloṭi Asmani Kitab (Latin lipi)

⁷ Bade tain naiba, ar finnor ḳafoṛ-sufoṛ-o doiba. Naia-doia harle tain kempor bitre zaita farba, oile hainja forzonto tain nafak halote roiba.

ꠔꠃꠞꠣꠔ ৪: ꠡꠥꠝꠣꠞꠤ 19:7 Iomraidhean Croise

ꠔꠃꠞꠣꠔ ৩: ꠟꠦꠛꠤꠀꠘ 11:24

“ꠔꠥꠝꠞꠣ ꠅꠃ ꠟꠣꠈꠣꠘ ꠇꠣꠝ ꠇꠞꠟꠦ ꠘꠣꠙꠣꠇ ꠅꠁꠎꠤꠛꠣꠄ; ꠇꠥꠘꠥ ꠝꠣꠘꠡꠦ ꠎꠥꠖꠤ ꠅꠃ ꠢꠣꠞꠣꠝ ꠙꠡꠥ, ꠙꠣꠈꠤ, ꠝꠣꠍ, ꠙꠥꠇ-ꠚꠞꠤꠋ ꠅꠔꠣꠞ ꠝꠞꠣ ꠟꠣꠡ ꠍꠁꠟꠣꠄ, ꠔꠦ ꠢꠦ ꠢꠣꠁꠘ꠆ꠎꠣ ꠙꠞ꠆ꠎꠘ꠆ꠔ ꠘꠣꠙꠣꠇ ꠞꠁꠛ।

ꠔꠃꠞꠣꠔ ৩: ꠟꠦꠛꠤꠀꠘ 11:25

ꠀꠞ ꠇꠦꠃ ꠎꠥꠖꠤ ꠅꠔꠣ ꠢꠣꠞꠣꠝ ꠎꠤꠘꠤꠡꠞ ꠟꠣꠡꠞ ꠇꠥꠘꠥ ꠅꠋꠡꠞꠦ ꠀꠔꠖꠤ ꠗꠞꠤꠀ ꠛꠁꠀ ꠘꠦꠄ, ꠔꠦ ꠢꠦ ꠔꠣꠞ ꠇꠣꠙꠠ-ꠌꠥꠙꠠ ꠗꠁꠀ ꠖꠤꠔꠦ ꠅꠁꠛ, ꠀꠞ ꠢꠣꠁꠘ꠆ꠎꠣ ꠙꠞ꠆ꠎꠘ꠆ꠔ ꠘꠣꠙꠣꠇ ꠞꠁꠛ।

ꠔꠃꠞꠣꠔ ৩: ꠟꠦꠛꠤꠀꠘ 11:27

ꠌꠣꠁꠞ ꠙꠣꠅꠄ ꠀꠐꠞꠣ ꠎꠣꠘꠥꠀꠞ ꠅꠇꠟꠞ ꠝꠣꠎꠦ, ꠎꠦ ꠙꠡꠥꠄ ꠙꠣꠅꠞ ꠔꠣꠟꠥꠔ ꠜꠞ ꠖꠤꠀ ꠀꠐꠦ, ꠁꠔꠣꠅ ꠔꠥꠝꠞꠣꠞ ꠟꠣꠉꠤ ꠢꠣꠞꠣꠝ। ꠇꠦꠃ ꠎꠥꠖꠤ ꠁꠔꠣꠞ ꠝꠞꠣ ꠟꠣꠡ ꠍꠁꠟꠣꠄ, ꠔꠦ ꠢꠣꠁꠘ꠆ꠎꠣ ꠙꠞ꠆ꠎꠘ꠆ꠔ ꠘꠣꠙꠣꠇ ꠞꠁꠛ।

ꠔꠃꠞꠣꠔ ৩: ꠟꠦꠛꠤꠀꠘ 11:28

ꠀꠞ ꠇꠥꠘꠥ ꠝꠣꠘꠡꠦ ꠎꠥꠖꠤ ꠁꠔꠣꠞ ꠟꠣꠡ ꠀꠔꠖꠤ ꠗꠞꠤꠀ ꠛꠁꠀ ꠘꠦꠄ, ꠔꠦ ꠔꠣꠞ ꠇꠣꠙꠠ-ꠌꠥꠙꠠ ꠗꠁꠀ ꠖꠤꠔꠦ ꠅꠁꠛ, ꠀꠞ ꠢꠣꠁꠘ꠆ꠎꠣ ꠙꠞ꠆ꠎꠘ꠆ꠔ ꠢꠦ ꠘꠣꠙꠣꠇ ꠞꠁꠛ। ꠁꠔꠣ ꠎꠣꠘꠥꠀꠞ ꠅꠇꠟ ꠔ ꠔꠥꠝꠞꠣꠞ ꠟꠣꠉꠤ ꠢꠣꠞꠣꠝ।

ꠔꠃꠞꠣꠔ ৩: ꠟꠦꠛꠤꠀꠘ 11:31

ꠝꠣꠐꠤꠔ ꠌꠟꠞꠣ ꠢꠥꠞꠥ-ꠝꠥꠞꠥ ꠎꠣꠘꠖꠣꠞꠞ ꠝꠣꠎꠞ ꠅꠃ ꠎꠣꠔꠞ ꠎꠣꠘꠖꠣꠞ ꠔ ꠔꠥꠝꠞꠣꠞ ꠟꠣꠉꠤ ꠘꠣꠎꠣꠁꠎ। ꠁꠔꠣꠞ ꠝꠞꠣ ꠟꠣꠡ ꠇꠦꠃ ꠍꠁꠟꠦ, ꠢꠦ ꠢꠣꠁꠘ꠆ꠎꠣ ꠙꠞ꠆ꠎꠘ꠆ꠔ ꠘꠣꠙꠣꠇ ꠞꠁꠛ।

ꠔꠃꠞꠣꠔ ৩: ꠟꠦꠛꠤꠀꠘ 11:32

ꠅꠔꠣꠞ ꠝꠣꠎꠞ ꠎꠦꠇꠥꠘꠥ ꠄꠉꠥꠞ ꠝꠞꠣ ꠟꠣꠡ ꠎꠥꠖꠤ ꠅꠁꠘ꠆ꠘ ꠎꠤꠘꠤꠡꠞ ꠃꠙꠞꠦ ꠙꠠꠦ, ꠎꠦꠟꠣꠘ ꠟꠣꠇꠠꠤ, ꠇꠣꠙꠠ-ꠌꠥꠙꠠ, ꠌꠣꠝꠠꠣ ꠛꠣ ꠍꠟꠣꠞ ꠌꠐ ꠖꠤꠀ ꠛꠣꠘꠣꠁꠟ ꠎꠦꠇꠥꠘꠥ ꠝꠣꠟꠞ ꠃꠙꠞꠦ ꠙꠠꠟꠦꠃ ꠁꠔꠣ ꠘꠣꠙꠣꠇ ꠅꠁꠎꠤꠛ। ꠘꠣꠙꠣꠇ ꠝꠣꠟꠞꠦ ꠙꠣꠘꠤꠔ ꠜꠤꠎꠣꠁꠀ ꠕꠁꠛꠣꠄ। ꠢꠣꠁꠘ꠆ꠎꠣ ꠙꠞ꠆ꠎꠘ꠆ꠔ ꠁꠔꠣ ꠘꠣꠙꠣꠇ ꠞꠁꠛ, ꠛꠣꠖꠦ ꠙꠣꠇ-ꠍꠣꠚ ꠅꠁꠛ।

ꠔꠃꠞꠣꠔ ৩: ꠟꠦꠛꠤꠀꠘ 11:39

“ꠔꠥꠝꠞꠣꠞ ꠢꠣꠟꠣꠟ ꠇꠥꠘꠥ ꠙꠡꠥ ꠝꠞꠤꠉꠦꠟꠦ, ꠁꠉꠥꠞ ꠟꠣꠡ ꠎꠦ ꠎꠘꠦ ꠍꠁꠛ, ꠢꠦ ꠢꠣꠁꠘ꠆ꠎꠣ ꠙꠞ꠆ꠎꠘ꠆ꠔ ꠘꠣꠙꠣꠇ ꠞꠁꠛ।

ꠔꠃꠞꠣꠔ ৩: ꠟꠦꠛꠤꠀꠘ 11:40

ꠇꠦꠃ ꠎꠥꠖꠤ ꠅꠃ ꠝꠞꠣ ꠙꠡꠥꠞ ꠉꠥꠡ꠆ꠔ ꠈꠣꠄ, ꠔꠦ ꠢꠦ ꠔꠣꠞ ꠇꠣꠙꠠ-ꠌꠥꠙꠠ ꠗꠁꠀ ꠖꠤꠔꠦ ꠅꠁꠛ, ꠀꠞ ꠢꠦ ꠢꠣꠁꠘ꠆ꠎꠣ ꠙꠞ꠆ꠎꠘ꠆ꠔ ꠘꠣꠙꠣꠇ ꠞꠁꠛ। ꠀꠞ ꠇꠦꠃ ꠎꠥꠖꠤ ꠅꠃ ꠙꠡꠥꠞ ꠟꠣꠡꠞꠦ ꠀꠔ ꠖꠤꠀ ꠔꠥꠟꠦ, ꠔꠦ ꠢꠦ ꠔꠣꠞ ꠇꠣꠙꠠ-ꠌꠥꠙꠠ ꠗꠁꠀ ꠖꠤꠔꠦ ꠅꠁꠛ, ꠢꠦ-ꠅ ꠢꠣꠁꠘ꠆ꠎꠣ ꠙꠞ꠆ꠎꠘ꠆ꠔ ꠘꠣꠙꠣꠇ ꠞꠁꠛ।

ꠔꠃꠞꠣꠔ ৩: ꠟꠦꠛꠤꠀꠘ 14:46

“ꠀꠞ ꠢꠃ ꠡꠣꠔ ꠖꠤꠘ ꠛꠘ꠆ꠖ ꠞꠣꠈꠣꠞ ꠇꠣꠟꠅ ꠎꠥꠖꠤ ꠇꠥꠘꠥ ꠝꠣꠘꠥꠡ ꠉꠤꠀ ꠁ ꠊꠞꠅ ꠢꠣꠝꠣꠄ, ꠔꠦ ꠢꠦ ꠅꠃ ꠖꠤꠘ ꠢꠣꠁꠘ꠆ꠎꠣ ꠙꠞ꠆ꠎꠘ꠆ꠔ ꠘꠣꠙꠣꠇ ꠢꠣꠟꠔꠦ ꠞꠁꠛ।

ꠔꠃꠞꠣꠔ ৩: ꠟꠦꠛꠤꠀꠘ 15:5

ꠅꠃ ꠗꠣꠔꠥ ꠎꠣꠅꠞꠣ ꠘꠣꠙꠣꠇ ꠛꠦꠐꠣꠞ ꠛꠤꠍꠘꠣ ꠎꠦ ꠎꠘꠦ ꠍꠁꠛ, ꠢꠦ ꠘꠤꠎꠞ ꠇꠣꠙꠠ-ꠌꠥꠙꠠ ꠗꠁꠀ ꠖꠤꠀ ꠙꠣꠘꠤꠖꠤ ꠘꠣꠁꠛ, ꠔꠣ-ꠅ ꠢꠣꠁꠘ꠆ꠎꠣ ꠙꠞ꠆ꠎꠘ꠆ꠔ ꠢꠦ ꠘꠣꠙꠣꠇ ꠢꠣꠟꠔꠦ ꠞꠁꠛ।

ꠔꠃꠞꠣꠔ ৩: ꠟꠦꠛꠤꠀꠘ 22:6

ꠔꠦ ꠢꠣꠁꠘ꠆ꠎꠣ ꠙꠞ꠆ꠎꠘ꠆ꠔ ꠢꠦ ꠘꠣꠙꠣꠇ ꠢꠣꠟꠔꠦꠃ ꠞꠁꠛ, ꠀꠞ ꠙꠣꠘꠤꠖꠤ ꠘꠣꠁꠀ ꠢꠣꠞꠤ ꠙꠣꠇ-ꠍꠣꠚ ꠘꠣ ꠅꠀ ꠙꠞ꠆ꠎꠘ꠆ꠔ ꠇꠥꠞꠛꠣꠘꠤꠞ ꠇꠥꠘꠥ ꠙꠛꠤꠔ꠆ꠞ ꠎꠤꠘꠤꠡ ꠈꠣꠅꠀ ꠔꠣꠞ ꠟꠣꠉꠤ ꠢꠣꠞꠣꠝ।

ꠔꠃꠞꠣꠔ ৪: ꠡꠥꠝꠣꠞꠤ 19:10

ꠎꠦ ꠎꠘꠦ ꠅꠃ ꠍꠣꠟꠤ ꠔꠥꠟꠛ, ꠢꠦ-ꠅ ꠔꠣꠞ ꠇꠣꠙꠠ-ꠌꠥꠙꠠ ꠗꠁꠔꠦ ꠅꠁꠛ ꠀꠞ ꠢꠣꠁꠘ꠆ꠎꠣ ꠙꠞ꠆ꠎꠘ꠆ꠔ ꠘꠣꠙꠣꠇ ꠞꠁꠛ। ꠁꠐꠣ ꠛꠘꠤ ꠁꠍꠞꠣꠁꠟ ꠀꠞ ꠔꠣꠞꠣꠞ ꠝꠣꠎꠦ ꠛꠡꠔ ꠇꠞꠞꠣ ꠢꠇꠟ ꠎꠣꠔꠤꠞ ꠟꠣꠉꠤ ꠌꠤꠞꠇꠣꠟꠤꠘ ꠘꠤꠅꠝ।

ꠔꠃꠞꠣꠔ ৪: ꠡꠥꠝꠣꠞꠤ 19:19

ꠙꠣꠇ-ꠍꠣꠚ ꠅꠃ ꠎꠘꠦ ꠘꠣꠙꠣꠇ ꠝꠣꠘꠡꠞ ꠃꠙꠞꠦ ꠢꠣꠙ꠆ꠔꠣꠞ ꠔꠤꠘ ꠘꠝ꠆ꠛꠞ ꠀꠞ ꠡꠣꠔ ꠘꠝ꠆ꠛꠞ ꠖꠤꠘ ꠙꠣꠘꠤ ꠍꠤꠐꠣꠁ ꠖꠤꠛꠣ, ꠀꠞ ꠡꠣꠔ ꠘꠝ꠆ꠛꠞ ꠖꠤꠘ ꠔꠣꠞꠣ ꠙꠣꠇ-ꠍꠣꠚ ꠅꠁꠛꠣ। ꠔꠣꠞꠣ ꠉꠥꠍꠟ ꠇꠞꠤꠀ ꠚꠤꠘ꠆ꠘꠞ ꠇꠣꠙꠠ-ꠌꠥꠙꠠ ꠗꠁꠛꠣ, ꠀꠞ ꠅꠃ ꠡꠣꠔ ꠘꠝ꠆ꠛꠞ ꠖꠤꠘꠞ ꠢꠣꠁꠘ꠆ꠎꠣ ꠕꠣꠇꠤ ꠙꠣꠇ-ꠍꠣꠚ ꠛꠘꠛꠣ।

ꠔꠃꠞꠣꠔ ৪: ꠡꠥꠝꠣꠞꠤ 19:21

ꠁꠔꠣ ꠅꠁꠛ ꠛꠘꠤ ꠁꠍꠞꠣꠁꠟꠞ ꠟꠣꠉꠤ ꠄꠇꠐꠣ ꠌꠤꠞꠇꠣꠟꠤꠘ ꠘꠤꠅꠝ। “ꠎꠦ ꠎꠘꠦ ꠅꠃ ꠙꠣꠇ-ꠍꠣꠚ ꠅꠀꠞ ꠙꠣꠘꠤ ꠍꠤꠐꠣꠁꠛꠣ, ꠄꠁꠘ ꠘꠤꠎꠦꠅ ꠔꠣꠘ ꠇꠣꠙꠠ-ꠌꠥꠙꠠ ꠗꠁꠔꠦ ꠅꠁꠛ। ꠁ ꠙꠣꠇ-ꠍꠣꠚ ꠅꠀꠞ ꠙꠣꠘꠤ ꠇꠥꠘꠥ ꠝꠣꠘꠡꠦ ꠍꠁꠟꠦ, ꠢꠦ ꠢꠣꠁꠘ꠆ꠎꠣ ꠙꠞ꠆ꠎꠘ꠆ꠔ ꠘꠣꠙꠣꠇ ꠞꠁꠛ।

ꠔꠃꠞꠣꠔ ৪: ꠡꠥꠝꠣꠞꠤ 19:22

ꠘꠣꠙꠣꠇ ꠢꠣꠟꠔꠦ ꠁ ꠎꠘꠦ ꠎꠔꠔꠣ ꠍꠁꠛ, ꠁꠔꠣ ꠢꠇꠟꠔꠣ ꠘꠣꠙꠣꠇ ꠅꠁꠎꠤꠛ, ꠔꠣꠞ ꠍꠅꠀ ꠇꠥꠘꠥ ꠎꠤꠘꠤꠡ ꠎꠦꠉꠤꠄ ꠍꠁꠛ, ꠢꠦ-ꠅ ꠢꠣꠁꠘ꠆ꠎꠣ ꠙꠞ꠆ꠎꠘ꠆ꠔ ꠘꠣꠙꠣꠇ ꠞꠁꠛ।”

ꠔꠃꠞꠣꠔ ৪: ꠡꠥꠝꠣꠞꠤ 19:8

ꠎꠦ ꠎꠘꠦ ꠅꠃ ꠒꠦꠇꠤꠞ ꠢꠇꠟꠔꠣ ꠎꠣꠟꠣꠁꠛ, ꠢꠦ-ꠅ ꠘꠣꠁꠀ ꠢꠣꠞꠤ ꠇꠣꠙꠠ-ꠌꠥꠙꠠ ꠗꠁꠛ ꠀꠞ ꠢꠣꠁꠘ꠆ꠎꠣ ꠙꠞ꠆ꠎꠘ꠆ꠔ ꠘꠣꠙꠣꠇ ꠞꠁꠛ।

Injil 19: Ibrani 13:11

ꠉꠥꠘꠣꠞ ꠝꠣꠚꠤꠞ ꠟꠣꠉꠤ ꠎꠛ ꠇꠞꠣ ꠙꠡꠥꠞ ꠟꠃ ꠟꠁꠀ, ꠛꠘꠤ ꠁꠍꠞꠣꠁꠟꠞ ꠙꠞꠗꠣꠘ ꠁꠝꠣꠝ ꠅꠇꠟ ꠄꠛꠣꠖꠔ ꠈꠣꠘꠣꠞ ꠢꠦꠞꠦꠝ ꠡꠞꠤꠚꠅ ꠢꠣꠝꠣꠁꠘ, ꠅꠁꠟꠦ ꠅꠃ ꠙꠡꠥꠞ ꠀꠒ꠆ꠒꠤ-ꠝꠣꠋꠡ ꠢꠇꠟꠔꠣ ꠛꠘꠤ ꠁꠍꠞꠣꠁꠟꠞ ꠇꠦꠝ꠆ꠙꠞ ꠛꠣꠞꠦ ꠘꠤꠀ ꠎꠣꠟꠣꠁꠟ ꠅꠄ।