ꠔꠃꠞꠣꠔ ৪: ꠡꠥꠝꠣꠞꠤ 18:9 - Siloṭi Asmani Kitab (Nagri lipi)

⁹ ꠈꠣꠍ ꠙꠛꠤꠔ꠆ꠞ ꠇꠥꠞꠛꠣꠘꠤꠞ ꠎꠦ ꠅꠋꠡ ꠀꠉꠥꠁꠘꠅ ꠎꠣꠟꠣꠘꠤ ꠟꠣꠉꠔ ꠘꠣꠄ, ꠅꠃ ꠛꠣꠐꠅ ꠔꠥꠝꠞꠣ ꠘꠤꠅꠉꠤ। ꠔꠦ ꠗꠣꠘ-ꠉꠝꠞ ꠍꠖꠉꠣ, ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤ, ꠀꠞ ꠖꠥꠡ-ꠇꠍꠥꠞꠤꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠟꠣꠉꠤ ꠛꠘꠤ ꠁꠍꠞꠣꠁꠟꠦ ꠀꠝꠣꠞ ꠉꠦꠍꠦ ꠎꠔꠔꠣ ꠟꠁꠀ ꠀꠁꠛꠣ, ꠁꠔꠣ ꠔꠥꠝꠤ ꠀꠞ ꠔꠥꠝꠣꠞ ꠅꠀꠞꠤꠡ ꠅꠇꠟꠞ ꠙꠣꠅꠘꠣ ꠢꠇ।

ছিলটি আছমানি কিতাব (বাংলা লিপি)

⁹ খাছ পবিত্র কুরবানির যে অংশ আগুইনো জালানি লাগতো নায়, অউ বাটও তুমরা নিওগি। তে ধান-গমর ছদগা, গুনার কফরার কুরবানি, আর দুষ-কছুরির কফরার কুরবানির লাগি বনি ইছরাইলে আমার গেছে যততা লইয়া আইবা, ইতা তুমি আর তুমার ওয়ারিশ অকলর পাওনা হক।

Siloṭi Asmani Kitab (Latin lipi)

⁹ Ḳas fobitro kurbanir ze ongsho aguino zalani lagto nae, ou baṭo tumra niogi. Te dan-gomor sodga, gunar koforar kurbani, ar dush-ḳosurir koforar kurbanir lagi Boni Israile amar gese zotota loia aiba, ita tumi ar tumar oarish oḳlor faona hok.

ꠔꠃꠞꠣꠔ ৪: ꠡꠥꠝꠣꠞꠤ 18:9 Iomraidhean Croise

ꠔꠃꠞꠣꠔ ৩: ꠟꠦꠛꠤꠀꠘ 10:17

“ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠉꠥꠡ꠆ꠔ ꠔꠥꠝꠞꠣ ꠇꠣꠛꠣ ꠊꠞꠞ ꠡꠤꠝꠣꠘꠣꠔ ꠈꠣꠁꠟꠣꠄ ꠘꠣ ꠇꠦꠘꠦ? ꠁꠔꠣ ꠔ ꠈꠣꠍ ꠙꠛꠤꠔ꠆ꠞ ꠎꠤꠘꠤꠡ। ꠝꠣꠛꠥꠖꠞ ꠍꠣꠝꠘꠦ ꠛꠘꠤ ꠁꠍꠞꠣꠁꠟꠞ ꠉꠥꠘꠣꠞ ꠇꠚꠞꠣ ꠀꠖꠣꠄ ꠇꠞꠤꠀ, ꠔꠣꠞꠣꠞ ꠖꠥꠡ-ꠇꠍꠥꠞꠤ ꠝꠣꠚꠤꠞ ꠟꠣꠉꠤ ꠁꠔꠣ ꠔ ꠔꠥꠝꠞꠣꠞꠦ ꠖꠦꠅꠀ ꠅꠁꠍꠤꠟ।

ꠔꠃꠞꠣꠔ ৩: ꠟꠦꠛꠤꠀꠘ 14:13

ꠛꠣꠖꠦ ꠙꠛꠤꠔ꠆ꠞ ꠇꠣꠛꠣ ꠊꠞꠞ ꠡꠤꠝꠣꠘꠣꠞ ꠎꠦ ꠎꠣꠉꠣꠔ ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤ ꠀꠞ ꠎꠣꠟꠣꠁꠟ ꠇꠥꠞꠛꠣꠘꠤꠞ ꠙꠡꠥ ꠎꠛ ꠇꠞꠣ ꠅꠄ, ꠢꠃ ꠎꠣꠉꠣꠔ ꠅꠃ ꠙꠡꠥꠞꠦꠅ ꠎꠛ ꠇꠞꠛꠣ। ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠟꠣꠈꠣꠘ ꠖꠥꠡ-ꠇꠍꠥꠞꠤꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠉꠥꠡ꠆ꠔꠅ ꠁꠝꠣꠝ ꠍꠣꠛꠦ ꠙꠣꠁꠛꠣ, ꠁꠔꠣ ꠔ ꠈꠣꠍ ꠙꠛꠤꠔ꠆ꠞ ꠉꠥꠡ꠆ꠔ।

ꠔꠃꠞꠣꠔ ৩: ꠟꠦꠛꠤꠀꠘ 2:10

ꠅꠃ ꠅꠋꠡ ꠎꠣꠟꠣꠁꠀ ꠢꠣꠞꠟꠦ ꠛꠣꠖ-ꠛꠣꠇꠤ ꠎꠦꠔꠣ ꠞꠁꠛ, ꠁꠔꠣ ꠢꠇꠟꠔꠣ ꠁꠝꠣꠝ ꠢꠣꠞꠥꠘ ꠀꠞ ꠔꠣꠘ ꠙꠥꠀꠂꠘ꠆ꠔꠦ ꠙꠣꠁꠛꠣ। ꠝꠣꠛꠥꠖꠞ ꠘꠣꠝꠦ ꠀꠉꠥꠘꠤꠔ ꠖꠦꠅꠀ ꠇꠥꠞꠛꠣꠘꠤꠞ ꠅꠋꠡ ꠅꠀꠄ, ꠛꠣꠌꠤ ꠎꠣꠅꠀ ꠅꠃ ꠍꠖꠉꠣꠞ ꠞꠥꠐꠤ ꠔ ꠈꠣꠍ ꠙꠛꠤꠔ꠆ꠞ ꠎꠤꠘꠤꠡ।

ꠔꠃꠞꠣꠔ ৩: ꠟꠦꠛꠤꠀꠘ 22:11

ꠅꠁꠟꠦ ꠁꠝꠣꠝꠞ ꠈꠞꠤꠖꠣ ꠉꠥꠟꠣꠝꠦ ꠛꠣ ꠔꠣꠘ ꠛꠣꠠꠤꠔ ꠎꠘꠝꠤꠍꠦ ꠁꠟꠣꠈꠣꠘ ꠉꠥꠟꠣꠝꠦ ꠁꠔꠣ ꠈꠣꠅꠀ ꠎꠣꠁꠎ।

ꠔꠃꠞꠣꠔ ৩: ꠟꠦꠛꠤꠀꠘ 22:7

ꠛꠣꠖꠦ ꠡꠥꠞꠥꠎ ꠒꠥꠛꠤꠀ ꠢꠣꠞꠟꠦ ꠢꠦ ꠎꠦꠛꠟꠣ ꠙꠣꠇ-ꠍꠣꠚ ꠅꠁꠛ, ꠅꠃ ꠡꠝꠄ ꠢꠦ ꠁꠔꠣ ꠈꠣꠁꠔ ꠙꠣꠞꠛ। ꠁꠔꠣ ꠔ ꠔꠣꠞꠃ ꠈꠣꠘꠤ।

ꠔꠃꠞꠣꠔ ৩: ꠟꠦꠛꠤꠀꠘ 4:22

“ꠀꠞ ꠛꠘꠤ ꠁꠍꠞꠣꠁꠟꠞ ꠇꠥꠘꠥ ꠡꠞ꠆ꠖꠣꠞꠦ ꠘꠣ ꠎꠣꠘꠣꠞ ꠇꠣꠞꠘꠦ ꠎꠥꠖꠤ ꠜꠥꠟ ꠇꠞꠤꠀ ꠅꠟꠣ ꠉꠥꠘꠣ ꠇꠞꠤꠟꠣꠁꠘ, ꠔꠦ ꠀꠟ꠆ꠟꠣꠞ ꠘꠤꠡꠦꠗ ꠇꠞꠣ ꠇꠣꠝ ꠇꠞꠣꠄ ꠔꠣꠁꠘ ꠔ ꠖꠥꠡꠤ।

ꠔꠃꠞꠣꠔ ৩: ꠟꠦꠛꠤꠀꠘ 4:27

“ꠀꠞ ꠛꠘꠤ ꠁꠍꠞꠣꠁꠟꠞ ꠇꠥꠘꠥ ꠡꠣꠗꠣꠞꠘ ꠎꠘꠦ ꠘꠣ ꠎꠣꠘꠣꠞ ꠇꠣꠞꠘꠦ ꠎꠥꠖꠤ ꠜꠥꠟ ꠇꠞꠤꠀ ꠇꠥꠘꠥ ꠉꠥꠘꠣꠞ ꠇꠣꠝ ꠇꠞꠤꠟꠣꠄ, ꠝꠣꠛꠥꠖꠞ ꠘꠤꠡꠦꠗ ꠇꠞꠣ ꠇꠥꠘꠥ ꠇꠣꠝ ꠇꠞꠤꠀ ꠖꠥꠡꠤ ꠛꠘꠤꠎꠣꠄ,

ꠔꠃꠞꠣꠔ ৩: ꠟꠦꠛꠤꠀꠘ 5:1

“ꠇꠥꠘꠥ ꠝꠣꠘꠡꠦ ꠎꠥꠖꠤ ꠘꠤꠎꠞ ꠌꠃꠈꠦ ꠖꠦꠈꠣ ꠛꠣ ꠇꠣꠘꠦ ꠢꠥꠘꠣ ꠇꠥꠘꠥ ꠊꠐꠘꠣ ꠎꠣꠘꠦ, ꠀꠞ ꠛꠤꠌꠣꠞꠞ ꠇꠣꠟꠅ ꠀꠖꠣꠟꠔꠅ ꠡꠣꠇ꠆ꠇꠤꠞ ꠡꠥꠎꠥꠉ ꠙꠣꠁꠀꠅ ꠡꠣꠇ꠆ꠇꠤ ꠘꠣ ꠖꠦꠄ, ꠔꠦ ꠁꠔꠣꠞ ꠟꠣꠉꠤ ꠢꠦ ꠉꠥꠘꠣ ꠇꠞꠦ, ꠔꠣꠞ ꠁ ꠅꠙꠞꠣꠗꠞ ꠡꠣꠎꠣ ꠢꠦ ꠛꠁꠛ।

ꠔꠃꠞꠣꠔ ৩: ꠟꠦꠛꠤꠀꠘ 5:6

ꠀꠞ ꠅꠃ ꠉꠥꠘꠣꠞ ꠎꠞꠤꠝꠣꠘꠣ ꠢꠤꠡꠣꠛꠦ ꠢꠦ ꠝꠣꠛꠥꠖꠞ ꠘꠣꠝꠦ, ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠘꠤꠅꠔꠦ ꠄꠇꠐꠣ ꠝꠦꠠꠤ ꠛꠣ ꠍꠣꠉꠤ ꠀꠘꠛ, ꠀꠞ ꠁꠝꠣꠝꠦ ꠔꠣꠞ ꠉꠥꠘꠣꠞ ꠇꠚꠞꠣ ꠀꠖꠣꠄ ꠇꠞꠛꠣ।

ꠔꠃꠞꠣꠔ ৩: ꠟꠦꠛꠤꠀꠘ 6:17

ꠝꠘꠅ ꠞꠣꠈꠤꠅ, ꠇꠥꠘꠥ ꠈꠣꠝꠤꠞ ꠙꠥꠞꠣꠁꠀ ꠁꠔꠣꠞꠦ ꠍꠦꠇꠤꠅ ꠘꠣ। ꠀꠝꠣꠞ ꠘꠣꠝꠦ ꠖꠦꠅꠀ ꠎꠣꠟꠣꠁꠟ ꠇꠥꠞꠛꠣꠘꠤꠞ ꠅꠃ ꠅꠋꠡ ꠀꠝꠤ ꠔꠣꠞꠣꠞꠦ ꠖꠤꠟꠣꠝ। ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤ, ꠀꠞ ꠖꠥꠡ-ꠇꠍꠥꠞꠤꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠟꠣꠈꠣꠘ ꠗꠣꠘ-ꠉꠝꠞ ꠍꠖꠉꠣꠞ ꠅꠃ ꠅꠋꠡꠅ ꠅꠁꠟ ꠈꠣꠍ ꠙꠛꠤꠔ꠆ꠞ।

ꠔꠃꠞꠣꠔ ৩: ꠟꠦꠛꠤꠀꠘ 6:19

ꠝꠣꠛꠥꠖꠦ ꠝꠥꠍꠣ ꠘꠛꠤꠞꠦ ꠀꠞꠅ ꠇꠁꠟꠣ,

ꠔꠃꠞꠣꠔ ৩: ꠟꠦꠛꠤꠀꠘ 6:30

ꠅꠁꠟꠦ ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠙꠡꠥꠞ ꠟꠃ ꠎꠥꠖꠤ ꠝꠤꠟꠘ-ꠔꠣꠝ꠆ꠛꠥꠞ ꠜꠤꠔꠞꠦ ꠘꠦꠅꠀ ꠅꠁꠎꠣꠄ, ꠔꠦ ꠁ ꠇꠥꠞꠛꠣꠘꠤꠞ ꠉꠥꠡ꠆ꠔ ꠈꠣꠅꠀ ꠘꠤꠡꠦꠗ, ꠁꠔꠣ ꠎꠣꠟꠣꠁꠟꠤꠔꠦ ꠅꠁꠛ।

ꠔꠃꠞꠣꠔ ৩: ꠟꠦꠛꠤꠀꠘ 7:1

“ꠖꠥꠡ-ꠇꠍꠥꠞꠤꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠝꠥꠍꠟꠣ ꠅꠁꠟ, ꠁ ꠇꠥꠞꠛꠣꠘꠤꠞ ꠉꠥꠡ꠆ꠔ ꠔ ꠈꠣꠍ ꠙꠛꠤꠔ꠆ꠞ।

ꠔꠃꠞꠣꠔ ৩: ꠟꠦꠛꠤꠀꠘ 7:6

ꠇꠥꠞꠛꠣꠘꠤꠞ ꠉꠥꠡ꠆ꠔ ꠁꠝꠣꠝ ꠙꠞꠤꠛꠣꠞꠞ ꠎꠦꠇꠥꠘꠥ ꠛꠦꠐꠣ ꠝꠣꠘꠡꠦ ꠈꠣꠁꠔꠣ ꠙꠣꠞꠛꠣ। ꠁꠔꠣ ꠔ ꠈꠣꠍ ꠙꠛꠤꠔ꠆ꠞ ꠎꠤꠘꠤꠡ, ꠄꠞꠟꠣꠉꠤ ꠔꠣꠞꠣ ꠎꠦꠇꠥꠘꠥ ꠙꠣꠇ ꠎꠣꠉꠣꠔ ꠛꠁꠀ ꠈꠣꠁꠔꠦ ꠅꠁꠛ।

ꠔꠃꠞꠣꠔ ৩: ꠟꠦꠛꠤꠀꠘ 7:7

“ꠉꠥꠘꠣꠞ ꠇꠚꠞꠣꠞ ꠇꠥꠞꠛꠣꠘꠤ ꠀꠞ ꠖꠥꠡ-ꠇꠍꠥꠞꠤꠞ ꠇꠚꠞꠣꠞ ꠇꠥꠞꠛꠣꠘꠤꠞ ꠘꠤꠅꠝ-ꠇꠣꠘꠥꠘ ꠔ ꠄꠇꠁ ꠘꠝꠥꠘꠣꠞ। ꠎꠦ ꠁꠝꠣꠝ ꠍꠣꠛꠦ ꠅꠃ ꠇꠚꠞꠣꠞ ꠇꠥꠞꠛꠣꠘꠤꠞꠦ ꠀꠖꠣꠄ ꠇꠞꠛꠣ, ꠄꠁꠘ ꠅꠃ ꠉꠥꠡ꠆ꠔ ꠙꠣꠁꠛꠣ।

ꠔꠃꠞꠣꠔ ৪: ꠡꠥꠝꠣꠞꠤ 18:10

ꠁꠔꠣ ꠘꠤꠀ ꠢꠣꠞꠤ ꠈꠣꠍ ꠙꠣꠇ-ꠙꠛꠤꠔ꠆ꠞ ꠎꠤꠘꠤꠡ ꠛꠥꠎꠤꠀ ꠁꠎ꠆ꠎꠔ ꠇꠞꠤꠀ ꠔꠥꠝꠞꠣ ꠈꠣꠁꠅ। ꠔꠥꠝꠞꠣꠞ ꠢꠇꠟ ꠛꠦꠐꠣꠁꠘ꠆ꠔꠦ ꠁꠔꠣ ꠈꠣꠁꠔꠣꠄ ꠙꠣꠞꠛꠣꠄ। ꠁ ꠈꠣꠘꠤ ꠔꠥꠝꠞꠣꠞ ꠟꠣꠉꠤ ꠙꠛꠤꠔ꠆ꠞ।

ꠔꠃꠞꠣꠔ ৫: ꠖꠥꠍꠞꠣ-ꠛꠄꠀꠘꠤ 18:1

“ꠟꠦꠛꠤ ꠈꠣꠘ꠆ꠖꠣꠘꠞ ꠁꠝꠣꠝ ꠅꠇꠟꠦ ꠀꠞ ꠀꠡ꠆ꠔꠣ ꠟꠦꠛꠤ ꠈꠣꠘ꠆ꠖꠣꠘꠞ ꠝꠣꠘꠡꠦ, ꠛꠘꠤ ꠁꠍꠞꠣꠁꠟꠞ ꠀꠞꠅ ꠈꠣꠘ꠆ꠖꠣꠘꠞ ꠟꠣꠈꠣꠘ ꠇꠥꠘꠥ ꠎꠝꠤ-ꠝꠤꠞꠣꠡ ꠛꠣ ꠗꠘ-ꠍꠣꠝꠣꠘꠣ ꠙꠣꠁꠔꠣ ꠘꠣꠄ। ꠝꠣꠛꠥꠖꠞ ꠘꠣꠝꠦ ꠖꠦꠅꠀ ꠢꠇꠟ ꠎꠣꠔꠞ ꠇꠥꠞꠛꠣꠘꠤꠞ ꠉꠥꠡ꠆ꠔ ꠀꠞ ꠢꠇꠟ ꠟꠤꠟ꠆ꠟꠣ-ꠍꠖꠉꠣꠞ ꠛꠣꠐꠅ ꠔꠣꠞꠣ ꠈꠣꠁꠛꠣ।